लातूर जिल्ह्यातील रेणापूर पोलीस ठाण्याच्या हद्दीतील मौजे खारोळा येथील मारहाण प्रकरणाचा तपास करत असताना पोलिसांनी व्हायरल व्हिडिओ, उपलब्ध पुरावे आणि फिर्यादीच्या पुरवणी जबाबाच्या आधारे आरोपींच्या संख्येत वाढ केली आहे. रेणापूर पोलीस ठाण्यात दाखल असलेल्या गुन्हा नोंद क्रमांक ३४१/२०२६ मधील तपासात आणखी सहा आरोपींची भर पडली असून, आतापर्यंत एकूण आठ आरोपी निष्पन्न झाले आहेत. फिर्यादी आणि साक्षीदारांच्या जबाबावरून सचिन राऊतराव, संतोष राऊतराव, बबलू काळे, नितीन शिंदे, दत्ता जाधव, बालू सूर्यवंशी, गणेश भोपी आणि दर्शन भोपी या आरोपींनी अल्पवयीन मुलांना पाईप व लाथाबुक्क्यांनी बेदम मारहाण केल्याचे समोर आले आहे. आरोपींनी फिर्यादीला लिंबाच्या झाडाला दोरीने बांधले, तर त्याच्या दोन मित्रांना शेडच्या खांबाला दोरीने बांधून शिवीगाळ, मारहाण आणि जीवे मारण्याची धमकी दिली. तसेच या संपूर्ण मारहाणीचे चित्रीकरण करून तो व्हिडिओ सोशल मीडियावर प्रसारित केल्याचे पोलीस तपासात स्पष्ट झाले आहे. पोलीस अधीक्षक अमोल तांबे, अपर पोलीस अधीक्षक मंगेश चव्हाण, उपविभागीय पोलीस अधिकारी राजेंद्र मायने आणि पोलीस निरीक्षक सुधाकर देडे यांच्या नेतृत्वाखाली या चोरी व मारहाण प्रकरणाचा सखोल तपास सुरू असून, दोषींवर कायद्यानुसार अत्यंत कठोर कारवाई करण्यात येणार असल्याचे पोलीस प्रशासनाने सांगितले आहे.

Laxman Ugile

उदगीर, लातूर, महाराष्ट्र•

7 hrs ago

लातूर जिल्ह्यातील रेणापूर पोलीस ठाण्याच्या हद्दीतील मौजे खारोळा येथील मारहाण प्रकरणाचा तपास करत असताना पोलिसांनी व्हायरल व्हिडिओ, उपलब्ध पुरावे आणि फिर्यादीच्या पुरवणी जबाबाच्या आधारे आरोपींच्या संख्येत वाढ केली आहे. रेणापूर पोलीस ठाण्यात दाखल असलेल्या गुन्हा नोंद क्रमांक ३४१/२०२६ मधील तपासात आणखी सहा आरोपींची भर पडली असून, आतापर्यंत एकूण आठ आरोपी निष्पन्न झाले आहेत. फिर्यादी आणि साक्षीदारांच्या जबाबावरून सचिन राऊतराव, संतोष राऊतराव, बबलू काळे, नितीन शिंदे, दत्ता जाधव, बालू सूर्यवंशी, गणेश भोपी आणि दर्शन भोपी या आरोपींनी अल्पवयीन मुलांना पाईप व लाथाबुक्क्यांनी बेदम मारहाण केल्याचे समोर आले आहे. आरोपींनी फिर्यादीला लिंबाच्या झाडाला दोरीने बांधले, तर त्याच्या दोन मित्रांना शेडच्या खांबाला दोरीने बांधून शिवीगाळ, मारहाण आणि जीवे मारण्याची धमकी दिली. तसेच या संपूर्ण मारहाणीचे चित्रीकरण करून तो व्हिडिओ सोशल मीडियावर प्रसारित केल्याचे पोलीस तपासात स्पष्ट झाले आहे. पोलीस अधीक्षक अमोल तांबे, अपर पोलीस अधीक्षक मंगेश चव्हाण, उपविभागीय पोलीस अधिकारी राजेंद्र मायने आणि पोलीस निरीक्षक सुधाकर देडे यांच्या नेतृत्वाखाली या चोरी व मारहाण प्रकरणाचा सखोल तपास सुरू असून, दोषींवर कायद्यानुसार अत्यंत कठोर कारवाई करण्यात येणार असल्याचे पोलीस प्रशासनाने सांगितले आहे.