नाशिकच्या चांदवड येथे जिल्हा कृषी विभागाने खरीप हंगाम 2026-27 साठी पीक स्पर्धेचे आयोजन केले असून, यामध्ये शेतकऱ्यांनी मोठ्या संख्येने सहभाग घ्यावा असे आवाहन जिल्हा अधीक्षक कृषी अधिकारी रवींद्र माने यांनी केले आहे. महाराष्ट्राच्या कृषी विभागामार्फत शेतातील पिकांची उत्पादकता वाढवणे, शेतकऱ्यांमध्ये निकोप स्पर्धा निर्माण करणे आणि यशस्वी शेतकऱ्यांच्या मार्गदर्शनाचा लाभ इतरांना मिळवून देणे या उद्देशाने या स्पर्धेचे आयोजन करण्यात आले आहे. या स्पर्धेत अन्नधान्य, कडधान्य व गळीत धान्य प्रवर्गातील एकूण 11 पिकांचा समावेश असून, यामध्ये प्रामुख्याने भात, ज्वारी, बाजरी, मका, नाचणी, तुर, मुग, उडीद, सोयाबीन, भुईमूग आणि सूर्यफूल या पिकांचा समावेश आहे. या पीक स्पर्धेत सहभागासाठी सर्वसाधारण गटासाठी प्रति पीक ₹300 तर आदिवासी गटासाठी प्रति पीक ₹150 शुल्क निश्चित करण्यात आले आहे. अर्ज सादर करण्यासाठी मूग व उडीद पिकासाठी 31 जुलै, तर उर्वरित इतर पिकांसाठी 31 ऑगस्ट ही अंतिम तारीख असून आवश्यक कागदपत्रे सादर करणे गरजेचे आहे. या स्पर्धेत तालुका पातळीवर ₹5,000 व ₹3,000, जिल्हा पातळीवर ₹10,000, ₹7,000 व ₹5,000, तर राज्य पातळीवर निवड झाल्यास अनुक्रमे ₹50,000, ₹40,000 आणि ₹30,000 अशी तीन बक्षिसे दिली जाणार आहेत. या स्पर्धेत भाग घेण्यासाठी शेतकऱ्यांनी आपल्या भागातील सहाय्यक कृषी अधिकारी किंवा तालुका कृषी अधिकारी यांच्याशी संपर्क साधावा, असे आवाहन चांदवडचे तालुका कृषी अधिकारी निलेश मावळे यांनी केले आहे.

Mahendra kantubhai Gujrathi

Local News Reporter चांदवड, नाशिक, महाराष्ट्र•

2 hrs ago

नाशिकच्या चांदवड येथे जिल्हा कृषी विभागाने खरीप हंगाम 2026-27 साठी पीक स्पर्धेचे आयोजन केले असून, यामध्ये शेतकऱ्यांनी मोठ्या संख्येने सहभाग घ्यावा असे आवाहन जिल्हा अधीक्षक कृषी अधिकारी रवींद्र माने यांनी केले आहे. महाराष्ट्राच्या कृषी विभागामार्फत शेतातील पिकांची उत्पादकता वाढवणे, शेतकऱ्यांमध्ये निकोप स्पर्धा निर्माण करणे आणि यशस्वी शेतकऱ्यांच्या मार्गदर्शनाचा लाभ इतरांना मिळवून देणे या उद्देशाने या स्पर्धेचे आयोजन करण्यात आले आहे. या स्पर्धेत अन्नधान्य, कडधान्य व गळीत धान्य प्रवर्गातील एकूण 11 पिकांचा समावेश असून, यामध्ये प्रामुख्याने भात, ज्वारी, बाजरी, मका, नाचणी, तुर, मुग, उडीद, सोयाबीन, भुईमूग आणि सूर्यफूल या पिकांचा समावेश आहे. या पीक स्पर्धेत सहभागासाठी सर्वसाधारण गटासाठी प्रति पीक ₹300 तर आदिवासी गटासाठी प्रति पीक ₹150 शुल्क निश्चित करण्यात आले आहे. अर्ज सादर करण्यासाठी मूग व उडीद पिकासाठी 31 जुलै, तर उर्वरित इतर पिकांसाठी 31 ऑगस्ट ही अंतिम तारीख असून आवश्यक कागदपत्रे सादर करणे गरजेचे आहे. या स्पर्धेत तालुका पातळीवर ₹5,000 व ₹3,000, जिल्हा पातळीवर ₹10,000, ₹7,000 व ₹5,000, तर राज्य पातळीवर निवड झाल्यास अनुक्रमे ₹50,000, ₹40,000 आणि ₹30,000 अशी तीन बक्षिसे दिली जाणार आहेत. या स्पर्धेत भाग घेण्यासाठी शेतकऱ्यांनी आपल्या भागातील सहाय्यक कृषी अधिकारी किंवा तालुका कृषी अधिकारी यांच्याशी संपर्क साधावा, असे आवाहन चांदवडचे तालुका कृषी अधिकारी निलेश मावळे यांनी केले आहे.