नाशिकच्या चांदवड तालुक्यातील मेसनखेडे खुर्द (दत्ताचे शिंगवे) येथील हनुमान मंदिरामध्ये सालाबाधाप्रमाणे आयोजित करण्यात आलेला अखंड हरिनाम सप्ताह सोहळा अत्यंत भक्तिमय वातावरणात आणि उत्साहात पार पडला आहे. ५ जुलै ते १२ जुलै २०२६ दरम्यान आयोजित करण्यात आलेल्या या सोहळ्याची सांगता ह.भ.प. अशोक महाराज सत्रे (वैजापूर) यांच्या काल्याच्या कीर्तनाने व महाप्रसादाने करण्यात आली. हा सोहळा निष्काम कर्मयोगी संत तुकाराम महाराज यांच्या कृपाशीर्वादनाने आणि ह.भ.प. प.पू. श्री संत तुकाराम महाराज जेऊरकर तसेच ह.भ.प. नारायणबाबा पंढरपूरकर यांच्या मार्गदर्शनाखाली आयोजित करण्यात आला होता. मानव कल्याण, समता, विश्वबंधुभाव, तसेच गाव स्वावलंबी व तंटामुक्त व्हावे या उदात्त हेतूने समस्त ग्रामस्थ, भजनी मंडळी आणि भाविकांच्या सहकार्याने हा कार्यक्रम यशस्वीरीत्या पार पडला. या सोहळ्यादरम्यान विविध धार्मिक कार्यक्रमांची रेलचेल पाहायला मिळाली. सप्ताहभरात दररोज पहाटे ५ ते ६ काकडा भजन, सायंकाळी ५ ते ७ हरिपाठ आणि रात्री ९ ते ११ या वेळेत सुप्रसिद्ध कीर्तनकारांची कीर्तन सेवा झाली. या कीर्तन सेवेमध्ये ह.भ.प. ईश्वरीताई व्हडगर (नांदूर), ह.भ.प. मच्छिंद्र महाराज (वाडी भोकर), ह.भ.प. ऋषीकेश महाराज (कुयटे), ह.भ.प. उद्धव महाराज पवार (सावरगाव), ह.भ.प. अशोक महाराज बिडगर (दहेगाव), ह.भ.प. मोनिकाताई येवले (धामोडे) आणि ह.भ.प. गणेश महाराज कुटे (नाशिक) यांनी उपस्थित भाविकांना प्रबोधन केले. सप्ताहाच्या अंतिम दिवशी काल्याच्या कीर्तनानंतर उपस्थित हजारो भाविकांनी महाप्रसादाचा लाभ घेतला. या सोहळ्यासाठी मेसनखेडे खुर्द, मेसनखेडे बुद्रुक, दरेगाव, मतोबाचे शिंगवे, डोणगाव, दहेगाव, कोकणखेडे, कानडगाव आणि कुंदलगाव परिसरातील भजनी मंडळी व ग्रामस्थांनी मोलाचे सहकार्य केले.

SUNIL ANNA SONAWANE

Farmer चांदवड, नाशिक, महाराष्ट्र•

1 hr ago

नाशिकच्या चांदवड तालुक्यातील मेसनखेडे खुर्द (दत्ताचे शिंगवे) येथील हनुमान मंदिरामध्ये सालाबाधाप्रमाणे आयोजित करण्यात आलेला अखंड हरिनाम सप्ताह सोहळा अत्यंत भक्तिमय वातावरणात आणि उत्साहात पार पडला आहे. ५ जुलै ते १२ जुलै २०२६ दरम्यान आयोजित करण्यात आलेल्या या सोहळ्याची सांगता ह.भ.प. अशोक महाराज सत्रे (वैजापूर) यांच्या काल्याच्या कीर्तनाने व महाप्रसादाने करण्यात आली. हा सोहळा निष्काम कर्मयोगी संत तुकाराम महाराज यांच्या कृपाशीर्वादनाने आणि ह.भ.प. प.पू. श्री संत तुकाराम महाराज जेऊरकर तसेच ह.भ.प. नारायणबाबा पंढरपूरकर यांच्या मार्गदर्शनाखाली आयोजित करण्यात आला होता. मानव कल्याण, समता, विश्वबंधुभाव, तसेच गाव स्वावलंबी व तंटामुक्त व्हावे या उदात्त हेतूने समस्त ग्रामस्थ, भजनी मंडळी आणि भाविकांच्या सहकार्याने हा कार्यक्रम यशस्वीरीत्या पार पडला. या सोहळ्यादरम्यान विविध धार्मिक कार्यक्रमांची रेलचेल पाहायला मिळाली. सप्ताहभरात दररोज पहाटे ५ ते ६ काकडा भजन, सायंकाळी ५ ते ७ हरिपाठ आणि रात्री ९ ते ११ या वेळेत सुप्रसिद्ध कीर्तनकारांची कीर्तन सेवा झाली. या कीर्तन सेवेमध्ये ह.भ.प. ईश्वरीताई व्हडगर (नांदूर), ह.भ.प. मच्छिंद्र महाराज (वाडी भोकर), ह.भ.प. ऋषीकेश महाराज (कुयटे), ह.भ.प. उद्धव महाराज पवार (सावरगाव), ह.भ.प. अशोक महाराज बिडगर (दहेगाव), ह.भ.प. मोनिकाताई येवले (धामोडे) आणि ह.भ.प. गणेश महाराज कुटे (नाशिक) यांनी उपस्थित भाविकांना प्रबोधन केले. सप्ताहाच्या अंतिम दिवशी काल्याच्या कीर्तनानंतर उपस्थित हजारो भाविकांनी महाप्रसादाचा लाभ घेतला. या सोहळ्यासाठी मेसनखेडे खुर्द, मेसनखेडे बुद्रुक, दरेगाव, मतोबाचे शिंगवे, डोणगाव, दहेगाव, कोकणखेडे, कानडगाव आणि कुंदलगाव परिसरातील भजनी मंडळी व ग्रामस्थांनी मोलाचे सहकार्य केले.