తెలంగాణ రాష్ట్ర సాధన ఉద్యమంలో క్రియాశీల పాత్ర పోషించిన వర్కింగ్ జర్నలిస్టులను తెలంగాణ ఉద్యమకారులుగా గుర్తించి, ప్రభుత్వం నుండి అందే ప్రతి ఫలాన్ని వారికి అందజేయాలని టీయూడబ్ల్యూజే(ఐజేయూ) మహబూబాబాద్ జిల్లా అధ్యక్షులు సిహెచ్ శ్రీనివాస్ డిమాండ్ చేశారు. మహబూబాబాద్ జిల్లా పర్యటనకు వస్తున్న ఎమ్మెల్సీలు కోదండరాం సార్ మరియు అద్దంకి దయాకర్ అన్న ఈ అంశాన్ని పరిశీలించి, రాష్ట్ర ప్రభుత్వం మరియు ముఖ్యమంత్రి రేవంత్ రెడ్డి గారి దృష్టికి తీసుకువెళ్లాలని ఆయన జర్నలిస్టుల పక్షాన విజ్ఞప్తి చేశారు. తెలంగాణ ఉద్యమం ప్రారంభమైనప్పటి నుండి రాష్ట్రం సిద్ధించే వరకు జరిగిన ప్రతి సంఘటనలోనూ, అన్ని సందర్భాల్లోనూ జర్నలిస్టుల పాత్ర మరువలేనిదని సిహెచ్ శ్రీనివాస్ గుర్తుచేశారు. అప్పటి పాలకపక్షాల, రాజకీయ పక్షాల ఒత్తిడిని తట్టుకొని తెలంగాణ ఉద్యమం ముందుకు సాగడానికి, తెలంగాణ కోసం పోరాడే శక్తులన్నీ ఒక్కతాటిపైకి రావడానికి జర్నలిస్టులు ఉద్యమకారులతో పోటీపడి కష్టపడ్డారని ఆయన తెలిపారు. సభలు, సమావేశాలు, వంటావార్పు, మానవహారం, రాస్తారోకోలు, నాఖాబందీలు, రైలురోకోలు, సకలజనుల సమ్మె, తెలంగాణ ధూంధాం, సాగరహారం వంటి ప్రతి ఉద్యమ కార్యక్రమంలోనూ జర్నలిస్టులు తమ వృత్తిధర్మానికి తోడుగా తెలంగాణ ఆకాంక్షతో పని చేశారని వివరించారు. ఉద్యమ పోరాటాన్ని పతాకస్థాయికి చేర్చిన మహబూబాబాద్ దాడి ఘటనలో జర్నలిస్టులు చూపిన తెగువ నాటి జేఏసీ చైర్మన్ కోదండరాం సార్, అద్దంకి దయాకర్ అన్నకు తెలియనిది కాదని సిహెచ్ శ్రీనివాస్ మరోసారి గుర్తుచేశారు. తెలంగాణ కోసం పోరాడిన ప్రతి ఉద్యమకారుడికి ఖచ్చితంగా న్యాయం జరగాలని, అదే పద్ధతిలో తెలంగాణ సాధన ఉద్యమంలో కీలక పాత్ర పోషించి, రాష్ట్రం సాధించేంతవరకు అలుపెరగకుండా ఉద్యమం వెంట నడిచిన, కొన్ని సందర్భాల్లో యాజమాన్యాల ఒత్తిడిని కూడా తట్టుకుని నిలబడిన రాష్ట్రవ్యాప్తంగా ఉన్న వర్కింగ్ జర్నలిస్టులందరికీ న్యాయం జరిగేలా చూడాలని ఆయన కోరారు. తెలంగాణ ఉద్యమకారులకు అందే ఫలాలను, ఆనాటి ఉద్యమ కాలంలో పనిచేసిన ప్రతి వర్కింగ్ జర్నలిస్టుకు అందేలా చూడాల్సిన బాధ్యత పెద్దలు కోదండరాం సార్, అద్దంకి దయాకర్ అన్న తీసుకోవాలని టీయూడబ్ల్యూజే(ఐజేయూ) మహబూబాబాద్ జిల్లా అధ్యక్షులు సిహెచ్ శ్రీనివాస్ విజ్ఞప్తి చేశారు.

CHALLA VENU

కురవి, మహబూబాబాద్, తెలంగాణ•

18 hrs ago

తెలంగాణ రాష్ట్ర సాధన ఉద్యమంలో క్రియాశీల పాత్ర పోషించిన వర్కింగ్ జర్నలిస్టులను తెలంగాణ ఉద్యమకారులుగా గుర్తించి, ప్రభుత్వం నుండి అందే ప్రతి ఫలాన్ని వారికి అందజేయాలని టీయూడబ్ల్యూజే(ఐజేయూ) మహబూబాబాద్ జిల్లా అధ్యక్షులు సిహెచ్ శ్రీనివాస్ డిమాండ్ చేశారు. మహబూబాబాద్ జిల్లా పర్యటనకు వస్తున్న ఎమ్మెల్సీలు కోదండరాం సార్ మరియు అద్దంకి దయాకర్ అన్న ఈ అంశాన్ని పరిశీలించి, రాష్ట్ర ప్రభుత్వం మరియు ముఖ్యమంత్రి రేవంత్ రెడ్డి గారి దృష్టికి తీసుకువెళ్లాలని ఆయన జర్నలిస్టుల పక్షాన విజ్ఞప్తి చేశారు. తెలంగాణ ఉద్యమం ప్రారంభమైనప్పటి నుండి రాష్ట్రం సిద్ధించే వరకు జరిగిన ప్రతి సంఘటనలోనూ, అన్ని సందర్భాల్లోనూ జర్నలిస్టుల పాత్ర మరువలేనిదని సిహెచ్ శ్రీనివాస్ గుర్తుచేశారు. అప్పటి పాలకపక్షాల, రాజకీయ పక్షాల ఒత్తిడిని తట్టుకొని తెలంగాణ ఉద్యమం ముందుకు సాగడానికి, తెలంగాణ కోసం పోరాడే శక్తులన్నీ ఒక్కతాటిపైకి రావడానికి జర్నలిస్టులు ఉద్యమకారులతో పోటీపడి కష్టపడ్డారని ఆయన తెలిపారు. సభలు, సమావేశాలు, వంటావార్పు, మానవహారం, రాస్తారోకోలు, నాఖాబందీలు, రైలురోకోలు, సకలజనుల సమ్మె, తెలంగాణ ధూంధాం, సాగరహారం వంటి ప్రతి ఉద్యమ కార్యక్రమంలోనూ జర్నలిస్టులు తమ వృత్తిధర్మానికి తోడుగా తెలంగాణ ఆకాంక్షతో పని చేశారని వివరించారు. ఉద్యమ పోరాటాన్ని పతాకస్థాయికి చేర్చిన మహబూబాబాద్ దాడి ఘటనలో జర్నలిస్టులు చూపిన తెగువ నాటి జేఏసీ చైర్మన్ కోదండరాం సార్, అద్దంకి దయాకర్ అన్నకు తెలియనిది కాదని సిహెచ్ శ్రీనివాస్ మరోసారి గుర్తుచేశారు. తెలంగాణ కోసం పోరాడిన ప్రతి ఉద్యమకారుడికి ఖచ్చితంగా న్యాయం జరగాలని, అదే పద్ధతిలో తెలంగాణ సాధన ఉద్యమంలో కీలక పాత్ర పోషించి, రాష్ట్రం సాధించేంతవరకు అలుపెరగకుండా ఉద్యమం వెంట నడిచిన, కొన్ని సందర్భాల్లో యాజమాన్యాల ఒత్తిడిని కూడా తట్టుకుని నిలబడిన రాష్ట్రవ్యాప్తంగా ఉన్న వర్కింగ్ జర్నలిస్టులందరికీ న్యాయం జరిగేలా చూడాలని ఆయన కోరారు. తెలంగాణ ఉద్యమకారులకు అందే ఫలాలను, ఆనాటి ఉద్యమ కాలంలో పనిచేసిన ప్రతి వర్కింగ్ జర్నలిస్టుకు అందేలా చూడాల్సిన బాధ్యత పెద్దలు కోదండరాం సార్, అద్దంకి దయాకర్ అన్న తీసుకోవాలని టీయూడబ్ల్యూజే(ఐజేయూ) మహబూబాబాద్ జిల్లా అధ్యక్షులు సిహెచ్ శ్రీనివాస్ విజ్ఞప్తి చేశారు.