બોડેલી સેશન્સ કોર્ટે આખરે વડોદરાના કોંગ્રેસ મ્યુનિસિપલ કાઉન્સિલર આશિષ જોશીને જામીન મંજૂર કર્યા છે. આ જામીન સંખેડા પોલીસ દ્વારા દારૂ મંગાવાના બહાને અને રાજકીય કિન્નાખોરી રાખીને, ભાજપના ઇશારે કરવામાં આવેલ ખોટા કેસ સામે આપવામાં આવ્યા છે.

વડોદરા શહેરના વોર્ડ નંબર 15 ના આશિષ જોષી જેલમાંથી બહાર આવતાની સાથે જ આક્રમક બની ગયા હતા. તેમણે હુંકાર કરતા સ્પષ્ટપણે જણાવ્યું હતું કે, "કોઈને નહીં છોડવામાં આવે."

વડોદરા જિલ્લાના સાવલી તાલુકાના મોજે પોઇચા (રાણીયા) ખાતે આવેલી સરકારી જમીન સર્વે નંબર 459 પર ગેરકાયદેસર દબાણ થયું હોવાનું સત્તાવાર રીતે બહાર આવ્યું છે. પ્રાપ્ત માહિતી અનુસાર, કંપનીઓ તથા કેટલાક સ્થાનિક લોકો દ્વારા છેલ્લા દોઢ વર્ષથી આ સરકારી જમીન પર ગેરકાયદેસર દબાણ કરવામાં આવ્યું છે. આટલા લાંબા સમયથી દબાણ હોવા છતાં, કેટલાક અધિકારીઓ દ્વારા તેને દૂર કરવાની કામગીરીમાં ગંભીર બેદરકારી દાખવવામાં આવી હતી.

વડોદરા શહેરના તાંદલજા વિસ્તારમાં મોડી સાંજે એક જ પક્ષના બે જૂથો વચ્ચે જોરદાર મારામારીની ઘટના બની હતી, જેના પગલે સમગ્ર વિસ્તારમાં ભારે ચકચાર મચી ગઈ હતી. સામાન્ય બોલાચાલીથી શરૂ થયેલો આ વિવાદ થોડા જ સમયમાં રક્તરંજિત અથડામણમાં ફેરવાઈ ગયો હતો. આ ઘટનાને કારણે સ્થાનિકોમાં ભયનો માહોલ સર્જાયો હતો. આ અથડામણ દરમિયાન એક વ્યક્તિ ગંભીર રીતે ઇજાગ્રસ્ત થયો હતો. ઘટનાનો વીડિયો સોશિયલ મીડિયા પર ઝડપથી વાયરલ થયો હતો, જેમાં ઘાયલ વ્યક્તિ લોહીલુહાણ હાલતમાં રસ્તા પર પડેલો જોવા મળ્યો હતો. વીડિયો સામે આવતા જ સ્થાનિકોમાં ભય અને અશાંતિનો માહોલ વધુ ઘેરો બન્યો હતો. ઘટનાની જાણ થતાં જ ડાયલ 112ની ટીમ તાત્કાલિક સ્થળ પર પહોંચી હતી અને પરિસ્થિતિને કાબૂમાં લેવા કાર્યવાહી હાથ ધરી હતી. પોલીસે ઇજાગ્રસ્ત વ્યક્તિને તાત્કાલિક સારવાર માટે વડોદરાની Sir Sayajirao General Hospital ખાતે ખસેડ્યો હતો. પ્રાથમિક તપાસમાં આ મારામારી પાછળ જૂની અદાવત કે આંતરિક વિવાદ કારણભૂત હોવાની શક્યતા વ્યક્ત કરવામાં આવી રહી છે. હાલ પોલીસે સમગ્ર મામલે વધુ તપાસ શરૂ કરી છે અને વાયરલ થયેલા વીડિયોના આધારે સંડોવાયેલા શખ્સોની ઓળખ કરવાની કાર્યવાહી પણ હાથ ધરવામાં આવી છે. આ ઘટના બાદ તાંદલજા વિસ્તારમાં પોલીસ પેટ્રોલિંગ પણ વધારવામાં આવ્યું હોવાનું જાણવા મળ્યું છે.

Post by Rathod Sandip sinh

ગુજરાતના કાલોલ તાલુકાના નેસડા ગામે 'સુજલામ સુફલામ' યોજના હેઠળ આડેધડ રીતે ખોદવામાં આવેલી માટીના કારણે બનેલા ઊંડા ખાડાઓ હાલ ગ્રામજનો માટે 'મોતનો ખાડો' બનવાની શક્યતા છે, જેને કારણે લોકોમાં ભારે ભય અને આક્રોશ પ્રવર્તી રહ્યો છે. હવામાન વિભાગ દ્વારા આગામી ૧ જૂન ૨૦૨૬ સુધીમાં વરસાદ પડવાની આગાહી કરવામાં આવી છે, ત્યારે ચોમાસું નજીક હોવા છતાં સ્થાનિક વહીવટી તંત્રની ગંભીર બેદરકારી સામે આવી છે. ગ્રામજનો દ્વારા ટેલિફોનિક અને મૌખિક રીતે જાણ કરવા છતાં, વહીવટી તંત્ર દ્વારા કોઈ કાર્યવાહી કરવામાં આવી નથી. 'સુજલામ સુફલામ' યોજના હેઠળ ખોદાયેલા આ ખાડાઓને હજુ સુધી સુરક્ષિત તળાવનો આકાર આપવામાં આવ્યો નથી. વધુમાં, ગામની માટી ગામમાં જ પૂરણ કરવાના બદલે હજારો ટન માટી ગામની બહાર મોકલી દેવામાં આવી છે, જેના કારણે ગામમાં અનેક જગ્યાએ મોટા અને ઊંડા ખાડા હજુ પણ ખાલી પડ્યા છે, જેની યોગ્યતા પર સવાલો ઉઠી રહ્યા છે. જો પ્રથમ વરસાદ પહેલાં આ ખાડાઓનું યોગ્ય કામકાજ કરીને તેમને તળાવનું સ્વરૂપ નહીં અપાય, તો આગામી દિવસોમાં આજુબાજુના વિસ્તારમાં ભારે હોનારત અને મોટી મુશ્કેલીઓ ઊભી થવાની પૂરેપૂરી શક્યતા છે. ગ્રામજનો સવાલ કરી રહ્યા છે કે ચોમાસાની શરૂઆતને ગણતરીના દિવસો બાકી હોવા છતાં તંત્ર હજુ કેમ ઘોર નિદ્રામાં છે અને ગામના વિકાસ માટે બનેલી યોજના ગ્રામજનોના જીવનું જોખમ કેમ બની ગઈ છે? જો આ ચોમાસામાં કોઈ અનિચ્છનીય ઘટના ઘટશે, તો તેની જવાબદારી કોની રહેશે તેવા ગંભીર પ્રશ્નો ઊભા થયા છે.

કાલોલ MGVCL દ્વારા કાલોલ શહેર સહિત સમગ્ર તાલુકામાં ચોમાસા પૂર્વે વીજ પુરવઠો ખોરવાય નહીં તે સુનિશ્ચિત કરવા માટે પ્રિ-મોન્સૂન કામગીરી શરૂ કરવામાં આવી છે. આ કામગીરીના ભાગરૂપે, મંગળવારે કાલોલના અર્બન વિસ્તારમાં શટડાઉન લઈ લાઇન મેન્ટેનન્સનું કાર્ય હાથ ધરવામાં આવ્યું હતું. MGVCLની ટીમોએ શહેરી વિસ્તારની HT અને LT લાઇનો પર વૃક્ષોની ડાળીઓ અડી જવાથી સર્જાતા ફોલ્ટને અટકાવવા માટે ડાળીઓ કાપીને વાયર ખુલ્લા કર્યા હતા. આ ઉપરાંત, ઢીલા થયેલા વાયર ટાઇટ કરવા, ક્ષતિગ્રસ્ત ઇન્સ્યુલેટર બદલવા અને થાંભલાઓની મરામત જેવા કાર્યો પણ હાથ ધરવામાં આવ્યા હતા. આ વાર્ષિક મેન્ટેનન્સ કામગીરીનો મુખ્ય ઉદ્દેશ ચોમાસામાં ભારે પવન અને વરસાદને કારણે વૃક્ષોની ડાળીઓ વીજ વાયરને અડકવાથી થતા ટ્રીપિંગ અને વીજ વિક્ષેપના બનાવોને નિવારવાનો છે. જોકે, શટડાઉનના કારણે અર્બન વિસ્તારના કેટલાક ભાગોમાં સવારે નવથી બપોરના પોણા ચાર વાગ્યા સુધી વીજ પુરવઠો બંધ રહ્યો હતો, જેના પરિણામે સ્થાનિક રહીશો ઉનાળાની કાળઝાળ ગરમીમાં પરસેવાથી રેબઝેબ થઈ ગયા હતા. આગામી દિવસોમાં તબક્કાવાર રીતે અન્ય વિસ્તારોમાં પણ આ પ્રકારની મેન્ટેનન્સ કામગીરી હાથ ધરવામાં આવશે. આનાથી ચોમાસા દરમિયાન વીજ ફોલ્ટનું પ્રમાણ ઘટશે અને નાગરિકોને અવિરત વીજળી મળી રહેશે તેવી અપેક્ષા છે.

Post by CRIME ATTACK NEWS

મધ્ય પ્રદેશના ભોપાલ ખાતે CBIની એક ટીમે સ્વર્ગસ્થ ટ્વિષા શર્માના પરિવારના સભ્યો સાથે મુલાકાત કરી.

તા. 28 એપ્રિલ, 2026 ના રોજ વોર્ડ નંબર 14 અને 15 માં કોંગ્રેસ પક્ષના ઉમેદવારો વિજેતા બન્યા હતા. આ વિજયના પગલે ઉત્સાહભેર ઉત્સવનું આયોજન કરવામાં આવ્યું હતું.