mhit ttgtih

চৰাইদেউ জিলাৰ মাহমৰা সমষ্টিৰ পথাৰমূৰি মৰাণ গাঁৱত বনুৱা হৰি মন্দিৰৰ সেৱকী সকলৰ উদ্যোগত আৰু দাঁতি কাষৰীয়া ভক্তপ্ৰাণ ৰাইজৰ সহযোগত দুদিনীয়া কাৰ্যসূচীৰে অনুষ্ঠিত কৰা হয় অবিৰত শ্ৰীমদ্ভাগৱত পাঠ আৰু অখণ্ড হৰিনাম কীৰ্তন অনুষ্ঠান ।

শিৱসাগৰ বিধানসভা সমষ্টিৰ পৰা ৰাইজৰ দলৰ সভাপতি অখিল গগৈয়ে অৱৰ্তীণ হ'ব নিৰ্বাচনত । ৰাইজৰ দলৰ কেন্দ্ৰীয় নেতৃত্বৰ লগতে জিলা সমিতিৰ বিষয়ববীয়াই ৰিটাৰ্ণিং অফিচাৰৰ পৰা সংগ্ৰহ কৰে মনোনয়ন পত্ৰ আজি

অসমৰ জনপ্ৰিয় শিল্পী জুবিন গাৰ্গক লৈ এক গুৰুত্বপূৰ্ণ মন্তব্য আগবঢ়াইছে বিৰোধী দলপতি তথা নাজিৰা সমষ্টিৰ বিধায়ক দেৱব্ৰত শইকীয়াই। সংবাদ মাধ্যমৰ আগত শইকীয়াই জুবিন গাৰ্গক অসমীয়া জাতিৰ এক 'আবেগ' বুলি অভিহিত কৰি শিল্পীগৰাকীৰ সমাজলৈ থকা অৱদানৰ শলাগ লয়। তেওঁ কয় যে জুবিন গাৰ্গে নিজৰ সৃষ্টিৰাজিৰে অসমৰ সাংস্কৃতিক জগতখনক এক অনন্য মাত্ৰা প্ৰদান কৰাৰ লগতে বিভিন্ন সময়ত সমাজৰ অন্যায়ৰ বিৰুদ্ধে নিৰ্ভীকভাৱে মাত মাতি আহিছে। ৰাজনৈতিক মতাদৰ্শৰ উৰ্ধত গৈ জুবিনৰ প্ৰতি থকা অসমীয়া মানুহৰ এই মৰম আৰু সন্মান সদায় চিৰস্থায়ী বুলিও বিধায়কগৰাকীয়ে মন্তব্য কৰে।

বুধবাৰে চাহ মজদুৰ সংঘৰ উদ্যোগত ৰ‌ঙাজান-থুৰাজান বাগিচাৰ শ্ৰমিক সকলৰ বৃহৎ প্ৰতিবাদ।হাতে হাতে প্লেকাৰ্ড লৈ নগৰৰ মাজেৰে আগবাঢ়ি জিলা আয়ুক্ত কাৰ্যালয়ৰ সমিপত প্ৰতিবাদ সাব্যস্ত কৰে সাধাৰণ শ্ৰমিক সকলে।শ্ৰমিকে পাপ্য মজুৰি লাভ নকৰাৰ প্ৰতিবাদত এই কাৰ্যসূচী লোৱা হয় বুলি জানিবলৈ দিয়ে প্ৰতিবাদকাৰীয়ে। বৰ্তমান খেতান নামৰ এটা গ্ৰুপে ৰঙাজান বাগিচা পৰিচালনা কৰি আহিছে যদিও সময়ত শ্ৰমিক সকলক মজুৰি প্ৰদান নকৰাত বাগিচা শ্ৰমিক সকলৰ নাজল-নাঠল অৱস্থাত পৰিণত হৈছে।যাৰ ফলস্বৰূপে আজি চাহ শ্ৰমিক সকলে নিৰ্বাচনি অধীসূচনা জাৰি থকাৰ পাছতো গোলাঘাটৰ ৰাজপথত প্ৰতিবাদ সাব্যস্ত কৰে।চাহ শ্ৰমিক জিন্দাবাদ,আমাৰ প্ৰাপ্য প্ৰদান কৰক আদি শ্লোগানেৰে গোলাঘাট আকাশ বতাহ কঁপাই তোলে। লগতে উল্লেখ কৰে যে যদিহে তেওঁলোকৰ অভিযোগ অসম চৰকাৰৰ মানি নলয় তেতিয়া ভোট বৰ্জন দৰে কাৰ্যসূচী হাতত লোৱা হুংকাৰ প্ৰদান কৰে। আনহাতে বাগিচাৰ মালিক পক্ষৰ পৰা জনাই যে যিহেতু বাগিচাখনত বৰ্তমান সময়ত বহু কোটি টকাৰ লোকচানৰ সন্মুখীন হৈ আছে। গতিকে বাগিচা পৰিচালনা কৰাত কিছু অসুবিধাৰ সৃষ্টি হৈছে বুলি জানিবলৈ দিয়ে l

Assamese sort video

Post by DeV 24 News

bhhmbt

চৰাইদেউ জিলা লেখিকা সমাৰোহ সমিতিৰ উদ‍্যোগত আৰু খালৈঘোগুৰা শাখা সমিতিৰ আতিথ‍্যত চৰাইদেউৰ পাটসাঁকো ককিলাচুক গাঁৱত ১৬ আৰু ১৭ মাৰ্চ তাৰিখে দুদিনীয়া কাৰ্যসূচীৰে 'কাহিনী গীতৰ কৰ্মশালা' অনুষ্ঠিত হৈ যায়। ককিলাচুক গাঁৱৰ নিবাসী, টাই আহোম ভাষা-সংস্কৃতিৰ সাধক দেৱজ‍্যোতি ফুকনৰ বাসগৃহত অৱস্থিত 'দেৱজ‍্যোতি কলাকেন্দ্ৰ'ত আৰম্ভ হোৱা কৰ্মশালাখন উদ্বোধন কৰে বিশিষ্ট কবি, শিশু সাহিত্যিক স্নিগ্ধাৰাণী গগৈয়ে। চৰাইদেউ জিলা লেখিকা সমাৰোহ সমিতিৰ সম্পাদিকা কণমাই মহন কোঁৱৰে আঁত ধৰা উদ্বোধনী সভাখনত সভাপতিত্ব কৰে চৰাইদেউ জিলা লেখিকা সমাৰোহৰ সভানেত্ৰী বাসনা হাজৰিকাই। অনুষ্ঠানৰ আৰম্ভণিতে চৰাইদেউ জিলা লেখিকা সমাৰোহৰ একালৰ পথ প্ৰদৰ্শক প্ৰয়াত ড° সুখ বৰুৱা উপস্থিতিৰ লগতে কৰ্মশালাৰ দুয়োটা দিনতে সমল ব্যক্তি হিচাপে বিশিষ্ট সাংস্কৃতিক কৰ্মী দীপালী দত্ত শইকীয়া উপস্থিত থাকে আৰু কৰ্মশালাত অংশগ্ৰহণ কৰা প্ৰায় ২৫ গৰাকী শিশু আৰু মহিলাক ফুলকোঁৱৰ-মণিকোঁৱৰৰ গীত, নাহৰৰ গীত, জয়মতী কুঁৱৰীৰ গীত আদি কেইবাপ্ৰকাৰৰ কাহিনী গীতৰ শিক্ষণ প্ৰদান কৰে। দুয়োটা দিনৰ কৰ্মশালাত অতিথি হিচাপে সদৌ অসম লেখিকা সমাৰোহ সমিতিৰ উপ-সভানেত্ৰী তথা চৰাইদেউ জিলা সমিতিৰ উপদেষ্টা অনুৰূপা বৰা শইকীয়া উপস্থিত থাকে। দুদিনিয়া কাৰ্যসূচীৰে অনুষ্ঠিত হোৱা কৰ্মশালাৰ সামৰণি অনুষ্ঠানত সকলো অংশগ্ৰহণকাৰীকে একোখনকৈ প্ৰমাণপত্ৰ প্ৰদান কৰা হয়।

চামগুৰি সমষ্টিত এ আই ইউ ডি এফ দলৰ প্ৰাৰ্থীত্ব লাভ কৰি আবেগিক হৈ পৰিছে আব্দুল