घागर मोर्चाने प्रशासनाला झटका; लेखी आश्वासनानंतर आंदोलन मागे मानोरा : तालुक्यातील गादेगाव येथे भीषण पाणीटंचाईमुळे नागरिकांचे हाल होत असताना अखेर संतप्त ग्रामस्थांनी थेट ग्रामपंचायत कार्यालयावर घागर मोर्चा काढत ठिय्या आंदोलन छेडले. पाण्यासाठी भटकंती करण्याची वेळ आलेल्या महिलांनी आक्रमक भूमिका घेतल्याने प्रशासनाची धावपळ उडाली. गावातील नळ योजना २२ एप्रिलपर्यंत सुरू न झाल्यास आंदोलनाचा इशारा माजी सरपंच भारत आडे यांनी यापूर्वीच गटविकास अधिकाऱ्यांना दिला होता. मात्र, ठोस कार्यवाही न झाल्याने अखेर २२ एप्रिल रोजी महिलांनी मोठ्या संख्येने एकत्र येत घागर मोर्चा काढला व ग्रामपंचायत कार्यालयासमोर ठिय्या आंदोलन सुरू केले. परिस्थिती चिघळण्याची चिन्हे दिसताच ग्रामपंचायत प्रशासनाने तत्काळ दखल घेतली. सचिव उल्हास खत्री यांनी सायंकाळपर्यंत गावातील नळ पाणीपुरवठा सुरळीत करण्यात येईल, असे लेखी आश्वासन दिले. या आश्वासनानंतर आंदोलनकर्त्यांनी आपले आंदोलन मागे घेतले. दरम्यान, कोणताही अनुचित प्रकार घडू नये यासाठी ठाणेदार नैना पोहेकर यांनी पोलिसांचा बंदोबस्त वाढवून घटनास्थळी ताफा पाठवला होता. जमादार सुनील नेमाने, चेतन भोयर यांच्यासह पोलिसांनी परिस्थितीवर नियंत्रण ठेवत चोख बंदोबस्त केला. गादेगावातील या आंदोलनामुळे पाणीटंचाईच्या प्रश्नावर प्रशासनाला जाग येणार का, असा सवाल नागरिकांमधून उपस्थित होत आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

22 hrs ago

घागर मोर्चाने प्रशासनाला झटका; लेखी आश्वासनानंतर आंदोलन मागे मानोरा : तालुक्यातील गादेगाव येथे भीषण पाणीटंचाईमुळे नागरिकांचे हाल होत असताना अखेर संतप्त ग्रामस्थांनी थेट ग्रामपंचायत कार्यालयावर घागर मोर्चा काढत ठिय्या आंदोलन छेडले. पाण्यासाठी भटकंती करण्याची वेळ आलेल्या महिलांनी आक्रमक भूमिका घेतल्याने प्रशासनाची धावपळ उडाली. गावातील नळ योजना २२ एप्रिलपर्यंत सुरू न झाल्यास आंदोलनाचा इशारा माजी सरपंच भारत आडे यांनी यापूर्वीच गटविकास अधिकाऱ्यांना दिला होता. मात्र, ठोस कार्यवाही न झाल्याने अखेर २२ एप्रिल रोजी महिलांनी मोठ्या संख्येने एकत्र येत घागर मोर्चा काढला व ग्रामपंचायत

कार्यालयासमोर ठिय्या आंदोलन सुरू केले. परिस्थिती चिघळण्याची चिन्हे दिसताच ग्रामपंचायत प्रशासनाने तत्काळ दखल घेतली. सचिव उल्हास खत्री यांनी सायंकाळपर्यंत गावातील नळ पाणीपुरवठा सुरळीत करण्यात येईल, असे लेखी आश्वासन दिले. या आश्वासनानंतर आंदोलनकर्त्यांनी आपले आंदोलन मागे घेतले. दरम्यान, कोणताही अनुचित प्रकार घडू नये यासाठी ठाणेदार नैना पोहेकर यांनी पोलिसांचा बंदोबस्त वाढवून घटनास्थळी ताफा पाठवला होता. जमादार सुनील नेमाने, चेतन भोयर यांच्यासह पोलिसांनी परिस्थितीवर नियंत्रण ठेवत चोख बंदोबस्त केला. गादेगावातील या आंदोलनामुळे पाणीटंचाईच्या प्रश्नावर प्रशासनाला जाग येणार का, असा सवाल नागरिकांमधून उपस्थित होत आहे.