கடலூர் மாவட்டத்தில் தொடர்ச்சியாக நிலவி வந்த கடும் வெப்பம் மற்றும் வறண்ட வானிலை காரணமாக மக்கள் மிகுந்த அவதிக்குள்ளாகி வந்தனர். இந்த சூழலில், நேற்று இரவு (19.06.2026) விருத்தாசலம் மற்றும் அதன் சுற்றுவட்டாரப் பகுதிகளில் பலத்த காற்றுடன் கூடிய கனமழை பெய்தது. இந்த மழையால் பல்வேறு இடங்களில் மின் விநியோகம் துண்டிக்கப்பட்டாலும், குளிர்ந்த சூழ்நிலை நிலவியதால் அப்பகுதி மக்கள் பெரும் மகிழ்ச்சி அடைந்தனர்.

கடலூர் மாவட்டத்தில் தொடர்ச்சியாக நிலவி வந்த கடும் வெப்பம் மற்றும் வறண்ட வானிலை காரணமாக மக்கள் மிகுந்த அவதிக்குள்ளாகி வந்தனர். இந்த சூழலில், நேற்று இரவு (19.06.2026) விருத்தாசலம் மற்றும் அதன் சுற்றுவட்டாரப் பகுதிகளில் பலத்த காற்றுடன் கூடிய கனமழை பெய்தது. இந்த மழையால் பல்வேறு இடங்களில் மின் விநியோகம் துண்டிக்கப்பட்டாலும், குளிர்ந்த சூழ்நிலை நிலவியதால் அப்பகுதி மக்கள் பெரும் மகிழ்ச்சி அடைந்தனர்.

கள்ளக்குறிச்சி மாவட்டம், கல்வராயன் மலையின் வெள்ளிமலை அருகே அமைந்துள்ள மொட்டையனூர் கிராமத்தில் உள்ள அரசு பள்ளி மற்றும் நூலகத்தை சங்கராபுரம் சட்டமன்ற உறுப்பினர் ராகேஷ் நேரில் பார்வையிட்டு ஆய்வு செய்தார். இந்த ஆய்வின்போது, அப்பகுதி பொதுமக்களை சந்தித்து அவர்களின் குறைகள் மற்றும் அடிப்படைத் தேவைகள் குறித்து கேட்டறிந்தார். மேலும், நீண்ட நாட்களாக பயன்பாடின்றி மூடப்பட்டிருக்கும் நூலகத்தை மீண்டும் பொதுமக்கள் பயன்பாட்டிற்குக் கொண்டுவர தேவையான நடவடிக்கைகள் எடுக்கப்படும் என்று சட்டமன்ற உறுப்பினர் உறுதியளித்தார். அத்துடன், மாணவர்களின் விளையாட்டுத் திறனை மேம்படுத்தும் வகையில் புதிய விளையாட்டு மைதான வசதியை ஏற்படுத்தவும், போதிய பாதுகாப்பு இல்லாத அரசுப் பள்ளிக்கு தடுப்புச் சுவர் அமைக்கவும் நடவடிக்கை எடுக்கப்படும் என்றும் அவர் தெரிவித்தார். சட்டமன்ற உறுப்பினரின் இந்த ஆய்வு மற்றும் அவர் அளித்த வாக்குறுதிகளால் அப்பகுதி மக்களும், மாணவர்களும் மிகுந்த மகிழ்ச்சி அடைந்துள்ளனர். தங்களின் நீண்டகாலக் கோரிக்கைகள் அனைத்தும் விரைவில் நிறைவேறும் என்ற நம்பிக்கை மக்களிடையே ஏற்பட்டுள்ளது.

தஞ்சாவூர் மாவட்டம், பாபநாசம் அருகே பசுபதிகோயில் அண்ணா சிலையில் அமைந்துள்ள புனித அந்தோணியார் ஆலயத்தின் 131ஆம் ஆண்டு ஆடம்பர தேர்பவனி திருவிழா வெகு விமர்சையாக நடைபெற்றது. இந்தத் திருவிழா கடந்த 16ஆம் தேதி கொடியேற்றத்துடன் தொடங்கியது. அதனைத் தொடர்ந்து, ஆடம்பர தேர்பவனி விழா மிகவும் கோலாகலமாக நடந்தது. இதையொட்டி, பங்குதந்தை மற்றும் உதவி பங்கு தந்தை முன்னிலையில் சிறப்பு கூட்டுப்பாடலும் திருப்பலியும் நடைபெற்றன. மின்விளக்குகளாலும் மலர்களாலும் அலங்கரிக்கப்பட்ட, புனித அந்தோணியார் சொரூபம் வைக்கப்பட்ட ஆடம்பர தேர் புனிதம் செய்யப்பட்டு, முக்கிய வீதிகள் வழியாக பவனி வந்து மீண்டும் ஆலயத்தை வந்தடைந்தது. இந்த நிகழ்ச்சியில், பசுபதிகோயில் புனித அந்தோணியார் ஆலயத்தின் அருள் தந்தையர்கள், அருட்சகோதரிகள் மற்றும் திரளான கிறிஸ்தவர்கள் கலந்துகொண்டனர். விழாவிற்கான அனைத்து ஏற்பாடுகளையும் கிராம நாட்டாமைகள், இளைஞர் நற்பணி மன்றத்தினர், இறைமக்கள் மற்றும் புனித அந்தோணியார் கோவில் தெருவாசிகள் சிறப்பாக செய்திருந்தனர்.

திருச்சி ஸ்ரீரங்கம் பகுதியில், மாநகராட்சிக்கு அருகிலுள்ள பொதுப்பாதைகளில் கட்-அவுட்கள் மற்றும் பேனர்கள் வைக்கப்பட்டு, பொதுமக்களுக்கு பெரும் இடையூறை ஏற்படுத்தி வருவதாக புகார் எழுந்துள்ளது. குறிப்பாக, மல்டர் பாலம் அருகில் மற்றும் மாநகராட்சி குடிநீர் வசதிக்கு அருகிலுள்ள பொதுப் பாதைகளில் இந்த பேனர்கள் வைக்கப்பட்டுள்ளன. இவை பொதுமக்களின் நடமாட்டத்திற்கு சிரமத்தை உண்டாக்குகிறது. மாநகராட்சித் துறை மிக அருகிலேயே இருக்கும் நிலையிலும், இதுபோன்ற ஆக்கிரமிப்புகள் பொதுமக்களுக்கு இடையூறை ஏற்படுத்துகின்றன. எனவே, பொதுமக்களுக்கு சிரமத்தை ஏற்படுத்தும் இந்த பேனர்களை உடனடியாக அகற்ற வேண்டும் என்று கோரிக்கை விடுக்கப்பட்டுள்ளது.

நாகை மாவட்டம் கீழையூர் கிழக்கு ஒன்றியம் வேட்டைக்காரனிருப்பு பகுதியில் விடுதலை சிறுத்தைகள் கட்சி (விசிக) சார்பில் சாலைமறியல் போராட்டம் நடைபெற்றது. புதிதாக ஒன்றிய செயலாளராக நியமிக்கப்பட்டதற்கு நன்றி தெரிவிக்கும் வகையில் கட்சியினரால் வைக்கப்பட்டிருந்த புகைப்பட பதாகையை மர்ம நபர்கள் கிழித்தெறிந்தனர். இதுகுறித்து காவல் நிலையத்தில் புகார் அளித்தும் வேட்டைக்காரனிருப்பு காவல்துறையினர் உரிய நடவடிக்கை எடுக்காததைக் கண்டித்து இந்த போராட்டம் நடத்தப்பட்டது. கீழையூர் கிழக்கு ஒன்றிய செயலாளர் மோகன்தாஸ் தலைமையில் நடைபெற்ற இப்போராட்டத்தில், சிறப்பு அழைப்பாளராக என்.டி. இடிமுரசு கலந்துகொண்டு கண்டன கோஷங்களை எழுப்பினார். இளஞ்சிறுத்தை எழுச்சி பாசறை மாநில செயலாளர் அறிவழகன், மாவட்ட செயலாளர்கள் நாக.அருட்செல்வன், சு.ம.செல்வராசு, மாநில வர்த்தக அணி செயலாளர் ஜவகர், மாவட்ட செய்தி தொடர்பாளர் மதியழகன், மாவட்ட துணை செயலாளர் ஜெயச்சந்திரன், மாவட்ட விவசாய அணி அமைப்பாளர் பூவை.மனோகர், மாவட்ட செயற்குழு உறுப்பினர் இளையராஜா, மாவட்ட கலை இலக்கிய பேரவை அமைப்பாளர் குமார், ஒன்றிய செயலாளர்கள் ரவிச்சந்திரன், சிவராமன், மாவட்ட தொண்டரணி அமைப்பாளர் மகேந்திரன், மாவட்ட துணை செயலாளர் புரட்சிவளவன், வேளாங்கண்ணி நகர செயலாளர் நாராயணன், ஒன்றிய பொருளாளர் பிரபு, இளஞ்சிறுத்தை எழுச்சி பாசறை வளவன் குட்டியப்பா, சசி இளையராஜா ஒன்றிய குழு, ஒன்றிய மகளிரணி அமைப்பாளர் மேகலா வீரமணி உள்ளிட்ட ஏராளமானோர் பங்கேற்றனர். சாலைமறியல் போராட்டத்தில் ஈடுபட்டவர்களுடன் வேதாரண்யம் காவல் துணை கண்காணிப்பாளர் அண்ணாதுரை நடத்திய பேச்சுவார்த்தையில் உடன்பாடு எட்டப்பட்டது. இதனையடுத்து, போராட்டக்காரர்கள் சாலைமறியலை கைவிட்டு கலைந்து சென்றனர். முன்னெச்சரிக்கை நடவடிக்கையாக 50க்கும் மேற்பட்ட போலீசார் அப்பகுதியில் குவிக்கப்பட்டிருந்தனர். இந்த சாலைமறியல் போராட்டத்தால் சிறிது நேரம் போக்குவரத்து பாதிக்கப்பட்டது.

கீழ்வேளூரில் விடுதலை சிறுத்தைகள் கட்சியின் சட்டமன்றத் தொகுதி மாவட்டத்திற்கான புதிய நிர்வாகிகள் அறிமுகக் கூட்டம் இன்று நடைபெற்றது. இக்கூட்டத்திற்கு வடக்கு ஒன்றிய செயலாளர் முருகானந்தம் தலைமை தாங்கினார். மாவட்ட துணைச் செயலாளர்கள் ராஜேஷ், பாவேந்தன் மற்றும் மாவட்ட நிர்வாகக் குழு உறுப்பினர் பாண்டியன் ஆகியோர் முன்னிலை வகித்தனர். இந்தக் கூட்டத்தில், விடுதலை சிறுத்தைகள் கட்சியின் மாவட்ட செயலாளர் நாக.அருட்செல்வன் புதிய பொறுப்பாளர்களை அறிமுகம் செய்து பேசினார். மேலும், கீழ்வேளூரில் வடக்கு ஒன்றிய விடுதலை சிறுத்தை கட்சி நிர்வாகிகளின் கூட்டமும் நடத்தப்பட்டது.

மத்திய அரசின் தொழிலாளர் விரோத கொள்கைகள், அத்தியாவசியப் பொருட்களின் விலைவாசி உயர்வு மற்றும் பொதுத்துறை நிறுவனங்களைத் தனியார்மயமாக்கும் நடவடிக்கைகளைக் கண்டித்து, இன்று தமிழ்நாடு முழுவதும் இடதுசாரி கட்சிகள் மாபெரும் கண்டன ஆர்ப்பாட்டத்தில் ஈடுபட்டன. இந்த மாநில அளவிலான போராட்டத்தின் ஒரு பகுதியாக, கரூர் மாவட்டம் குளித்தலை பேருந்து நிலையம் காந்தி சிலை முன்பு இந்திய மார்க்சிஸ்ட் கம்யூனிஸ்ட் கட்சி சார்பில் பல்வேறு கோரிக்கைகளை முன்வைத்து கண்டன ஆர்ப்பாட்டம் நடைபெற்றது.

கள்ளக்குறிச்சி மாவட்டம், கல்வராயன் மலை வட்டத்திற்குட்பட்ட மேழாத்துகுழி கிராமத்தில் கடந்த ஒரு மாதமாக கடுமையான குடிநீர் பிரச்சினை நிலவி வந்தது. இதனால் பாதிக்கப்பட்ட பொதுமக்கள் தங்கள் கோரிக்கைகளை வலியுறுத்தி சாலை மறியல் போராட்டத்தில் ஈடுபட்டனர். தகவல் அறிந்து சம்பவ இடத்திற்கு விரைந்து வந்த உதவி இயக்குநர் (ஊராட்சிகள்) வெங்கட்ரமணன் மற்றும் வட்டார வளர்ச்சி அலுவலர் செல்வபோதகர் ஆகியோர் பொதுமக்களின் குறைகளை நேரடியாகக் கேட்டறிந்தனர். பின்னர், குடிநீர் பிரச்சினைக்கு உடனடியாகத் தீர்வு காண அதிகாரிகள் நடவடிக்கை மேற்கொண்டனர். இதன் தொடர்ச்சியாக, பழுதடைந்திருந்த மோட்டார் அகற்றப்பட்டு புதிய மோட்டார் பொருத்தும் பணி விரைந்து மேற்கொள்ளப்பட்டது. அதிகாரிகளின் துரித நடவடிக்கையால் வெறும் மூன்று மணி நேரத்திற்குள் புதிய மோட்டார் பொருத்தப்பட்டு கிராம மக்களுக்கு மீண்டும் குடிநீர் வழங்கப்பட்டது. கடந்த ஒரு மாதமாக நீடித்து வந்த குடிநீர் பிரச்சினை சில மணி நேரங்களிலேயே தீர்வு காணப்பட்டதால் கிராம மக்கள் மகிழ்ச்சி அடைந்தனர். மேலும், தங்களது கோரிக்கைக்கு உடனடி நடவடிக்கை எடுத்து குடிநீர் வழங்க ஏற்பாடு செய்த அரசு அதிகாரிகளுக்கு அப்பகுதி மக்கள் நன்றியைத் தெரிவித்தனர்.