विद्यार्थ्यांनी उत्कृष्ट अभियंता बनण्याचे ध्येय बाळगावे : शिक्षणाधिकारी डॉ. डी. डी. लोखंडे मविप्रच्या केबीटी महाविद्यालयात भावी अभियंत्यांना यशाचे धडे नाशिक :-शालेय जीवनानंतर अभियांत्रिकी महाविद्यालयात येताना विद्यार्थ्यांवरील अभ्यासाची सक्ती कमी होऊन त्यांना जे स्वातंत्र्य मिळते, त्याचा विद्यार्थ्यांनी स्वतःच्या सर्वांगीण विकासासाठी आणि जबाबदारीने वापर केला पाहिजे. महाविद्यालयातील ग्रंथालय, प्रयोगशाळा आणि क्रीडांगण यांसारख्या अद्ययावत सुविधांचा पुरेपूर वापर करून आगामी चार वर्षांत एक उत्कृष्ट व्यावसायिक अभियंता बनण्याचे ध्येय विद्यार्थ्यांनी बाळगावे, असे आवाहन मविप्रचे शिक्षणाधिकारी डॉ. डी. डी. लोखंडे यांनी केले. मराठा विद्या प्रसारक समाजाच्या कर्मवीर ॲड. बाबुराव गणपतराव ठाकरे (केबीटी) अभियांत्रिकी महाविद्यालयात प्रथम वर्ष बी.टेक. विद्यार्थ्यांसाठी आयोजित इंडक्शन प्रोग्राम आणि पालक-शिक्षक मेळाव्याप्रसंगी प्रमुख मार्गदर्शक म्हणून ते बोलत होते. अभियंता दिनाचे औचित्य साधून हा कार्यक्रम संपन्न झाला. कार्यक्रमाचा प्रारंभ सरस्वती वंदना तसेच श्री छत्रपती शिवाजी महाराज आणि भारतरत्न सर विश्वेश्वरय्या यांच्या प्रतिमा पूजनाने करण्यात आला. याप्रसंगी महाविद्यालयाचे संचालक डॉ. एस. आर. देवणे यांच्या हस्ते संस्थेचे शिक्षणाधिकारी डॉ. डी. डी. लोखंडे यांचा विशेष सत्कार करण्यात आला. तसेच इंडक्शन प्रोग्रामचे समन्वयक प्रा. पी. जी. उगले व प्रा. व्ही. पी. उशीर यांचाही सन्मान करण्यात आला. यानंतर नवोदित विद्यार्थी व त्यांच्या पालकांना महाविद्यालयातील सर्व विभागप्रमुखांची ओळख करून देण्यात आली. सन १९१४ मध्ये स्थापन झालेली मविप्र संस्था आज ५१२ शाखांसह महाराष्ट्रातील दुसऱ्या क्रमांकाची आणि जिल्ह्यातील प्रथम क्रमांकाची शैक्षणिक संस्था बनली आहे. अशा या देदीप्यमान परंपरा असलेल्या आणि अग्रगण्य संस्थेत प्रवेश मिळणे ही विद्यार्थ्यांसाठी खऱ्या अर्थाने अभिमानाची बाब आहे, असेही शिक्षणाधिकारी डॉ. डी. डी. लोखंडे म्हणाले. यावेळी संचालक डॉ. एस. आर. देवणे यांनी विद्यार्थी आणि पालकांशी थेट संवाद साधला. ते म्हणाले की, अभियांत्रिकी पदवीची ही चार वर्षे विद्यार्थ्यांच्या पुढील ४० वर्षांच्या उज्ज्वल भविष्याची आणि करिअरची दिशा निश्चित करणारी आहेत. सध्या विद्यार्थ्यांचा ओढा प्रामुख्याने संगणक, माहिती तंत्रज्ञान आणि कृत्रिम बुद्धिमत्ता या शाखांकडे असला तरी, या सर्वांचा मूळ पाया मूलभूत विज्ञान आणि इलेक्ट्रॉनिक्सवर आधारित आहे. अभियांत्रिकी हा घोकंपट्टी करण्याचा विषय नसून विचारशक्ती वाढवण्याचा अभ्यासक्रम आहे. महाविद्यालयाला स्वायत्तता (Autonomous) असल्याने राष्ट्रीय शैक्षणिक धोरणानुसार अद्ययावत अभ्यासक्रम आखण्यात आला आहे. पालकांनीही आपल्या पाल्यांवर स्वतःचे विचार न लादता, त्यांना त्यांच्या आवडीनुसार कौशल्ये विकसित करण्याचे पूर्ण स्वातंत्र्य आणि पाठिंबा द्यावा, असे आवाहन डॉ. देवणे यांनी केले. या सत्रात माहिती तंत्रज्ञान, एआयडीएस आणि संगणक विभागाच्या प्रमुखांनी नवगत विद्यार्थ्यांना तंत्रज्ञान क्षेत्रातील आधुनिक बदल आणि अभ्यासक्रमाविषयी सविस्तर माहिती दिली. राष्ट्रीय शैक्षणिक धोरणानुसार अभ्यासक्रमात मानवी मूल्ये आणि हरित तंत्रज्ञान यांसारख्या विषयांचा समावेश करण्यात आला आहे. विविध प्रकल्प स्पर्धांमध्ये सहभाग नोंदवून आपली क्षमता सिद्ध करावी, यावर प्राध्यापकांनी जोर दिला. याच कार्यक्रमात मागील शैक्षणिक वर्षातील प्रथम, द्वितीय, तृतीय वर्ष बी.टेक. आणि प्रथम वर्ष एम.टेक. मधील गुणवंत विद्यार्थ्यांचा त्यांच्या उल्लेखनीय यशाबद्दल सत्कार करण्यात आला. प्रा. व्ही. पी. उशीर यांनी उपस्थित सर्व मान्यवर, व्यवस्थापन समिती, प्राचार्य, विभागप्रमुख, शिक्षक, विद्यार्थी आणि पालकांचे आभार मानून कार्यक्रमाची सांगता केली.

PRASIDHI PRAMUKH NEWS

पत्रकार नाशिक, नाशिक, महाराष्ट्र•

19 hrs ago

विद्यार्थ्यांनी उत्कृष्ट अभियंता बनण्याचे ध्येय बाळगावे : शिक्षणाधिकारी डॉ. डी. डी. लोखंडे मविप्रच्या केबीटी महाविद्यालयात भावी अभियंत्यांना यशाचे धडे नाशिक :-शालेय जीवनानंतर अभियांत्रिकी महाविद्यालयात येताना विद्यार्थ्यांवरील अभ्यासाची सक्ती कमी होऊन त्यांना जे स्वातंत्र्य मिळते, त्याचा विद्यार्थ्यांनी स्वतःच्या सर्वांगीण विकासासाठी आणि जबाबदारीने वापर केला पाहिजे. महाविद्यालयातील ग्रंथालय, प्रयोगशाळा आणि क्रीडांगण यांसारख्या अद्ययावत सुविधांचा पुरेपूर वापर करून आगामी चार वर्षांत एक उत्कृष्ट व्यावसायिक अभियंता बनण्याचे ध्येय विद्यार्थ्यांनी बाळगावे, असे आवाहन मविप्रचे शिक्षणाधिकारी डॉ. डी. डी. लोखंडे यांनी केले. मराठा विद्या प्रसारक समाजाच्या कर्मवीर ॲड. बाबुराव गणपतराव ठाकरे (केबीटी) अभियांत्रिकी महाविद्यालयात प्रथम वर्ष बी.टेक. विद्यार्थ्यांसाठी आयोजित इंडक्शन प्रोग्राम आणि पालक-शिक्षक मेळाव्याप्रसंगी प्रमुख मार्गदर्शक म्हणून ते बोलत होते. अभियंता दिनाचे औचित्य साधून हा कार्यक्रम संपन्न झाला. कार्यक्रमाचा प्रारंभ सरस्वती वंदना तसेच श्री छत्रपती शिवाजी महाराज आणि भारतरत्न सर विश्वेश्वरय्या यांच्या प्रतिमा पूजनाने करण्यात आला. याप्रसंगी महाविद्यालयाचे संचालक डॉ. एस. आर. देवणे यांच्या हस्ते संस्थेचे शिक्षणाधिकारी डॉ. डी. डी. लोखंडे यांचा विशेष सत्कार करण्यात आला. तसेच इंडक्शन प्रोग्रामचे समन्वयक प्रा. पी. जी. उगले व प्रा. व्ही. पी. उशीर यांचाही सन्मान करण्यात आला. यानंतर नवोदित विद्यार्थी व त्यांच्या पालकांना महाविद्यालयातील सर्व विभागप्रमुखांची ओळख करून देण्यात आली. सन १९१४ मध्ये स्थापन झालेली मविप्र संस्था आज ५१२ शाखांसह महाराष्ट्रातील दुसऱ्या क्रमांकाची आणि जिल्ह्यातील प्रथम क्रमांकाची शैक्षणिक संस्था बनली आहे. अशा या देदीप्यमान परंपरा असलेल्या आणि अग्रगण्य संस्थेत प्रवेश मिळणे ही विद्यार्थ्यांसाठी खऱ्या अर्थाने अभिमानाची बाब आहे, असेही शिक्षणाधिकारी डॉ. डी. डी. लोखंडे म्हणाले. यावेळी संचालक डॉ. एस. आर. देवणे यांनी विद्यार्थी आणि पालकांशी थेट संवाद साधला. ते म्हणाले की, अभियांत्रिकी पदवीची ही चार वर्षे विद्यार्थ्यांच्या पुढील ४० वर्षांच्या उज्ज्वल भविष्याची आणि करिअरची दिशा निश्चित करणारी आहेत. सध्या विद्यार्थ्यांचा ओढा प्रामुख्याने संगणक, माहिती तंत्रज्ञान आणि कृत्रिम बुद्धिमत्ता या शाखांकडे असला तरी, या सर्वांचा मूळ पाया मूलभूत विज्ञान आणि इलेक्ट्रॉनिक्सवर आधारित आहे. अभियांत्रिकी हा घोकंपट्टी करण्याचा विषय नसून विचारशक्ती वाढवण्याचा अभ्यासक्रम आहे. महाविद्यालयाला स्वायत्तता (Autonomous) असल्याने राष्ट्रीय शैक्षणिक धोरणानुसार अद्ययावत अभ्यासक्रम आखण्यात आला आहे. पालकांनीही आपल्या पाल्यांवर स्वतःचे विचार न लादता, त्यांना त्यांच्या आवडीनुसार कौशल्ये विकसित करण्याचे पूर्ण स्वातंत्र्य आणि पाठिंबा द्यावा, असे आवाहन डॉ. देवणे यांनी केले. या सत्रात माहिती तंत्रज्ञान, एआयडीएस आणि संगणक विभागाच्या प्रमुखांनी नवगत विद्यार्थ्यांना तंत्रज्ञान क्षेत्रातील आधुनिक बदल आणि अभ्यासक्रमाविषयी सविस्तर माहिती दिली. राष्ट्रीय शैक्षणिक धोरणानुसार अभ्यासक्रमात मानवी मूल्ये आणि हरित तंत्रज्ञान यांसारख्या विषयांचा समावेश करण्यात आला आहे. विविध प्रकल्प स्पर्धांमध्ये सहभाग नोंदवून आपली क्षमता सिद्ध करावी, यावर प्राध्यापकांनी जोर दिला. याच कार्यक्रमात मागील शैक्षणिक वर्षातील प्रथम, द्वितीय, तृतीय वर्ष बी.टेक. आणि प्रथम वर्ष एम.टेक. मधील गुणवंत विद्यार्थ्यांचा त्यांच्या उल्लेखनीय यशाबद्दल सत्कार करण्यात आला. प्रा. व्ही. पी. उशीर यांनी उपस्थित सर्व मान्यवर, व्यवस्थापन समिती, प्राचार्य, विभागप्रमुख, शिक्षक, विद्यार्थी आणि पालकांचे आभार मानून कार्यक्रमाची सांगता केली.