અમરેલી જિલ્લાના વાતાવરણમાં અચાનક પલટો આવ્યો છે, જેના કારણે કાળઝાળ ઉનાળા વચ્ચે રાજુલા પંથકમાં વરસાદ શરૂ થયો છે. રાજુલાના હિંડોરણા, છતડીયા અને કડિયાળી જેવા ગ્રામ્ય વિસ્તારોમાં ગાજવીજ સાથે ધોધમાર વરસાદ વરસ્યો છે. આ અચાનક આવેલા વરસાદથી કાળઝાળ ગરમીથી લોકોને રાહત મળી છે.

ઉના શહેરના મોદેશ્વર રોડ પર આજે સાંજે ૨૨ વર્ષીય રવિ ઉર્ફે બુચી બાંભણીયા અને તેમના મિત્ર કેવલ વાજા પર જીવલેણ હુમલો થયો હતો. ૮ થી ૧૦ અજાણ્યા શખ્સો છરી, ધોકા અને પાઇપ જેવા હથિયારો સાથે તેમના પર તૂટી પડ્યા હતા. હુમલાખોરોએ ઇજાગ્રસ્તો પર મરચાનો પાવડર પણ છાંટ્યો હતો. હુમલાને કારણે બંને યુવાનો એટલા ગંભીર રીતે ઘાયલ થયા હતા કે તેઓ ઊભા પણ થઈ શકતા ન હતા. પ્રાથમિક સારવાર માટે તેમને તાત્કાલિક ઉનાની ખાનગી હોસ્પિટલમાં ખસેડવામાં આવ્યા હતા, પરંતુ તેમની ગંભીર હાલતને જોતા વધુ સારવાર માટે રાજકોટ રિફર કરાયા છે. ઘટનાની જાણ થતા સરવૈયા સહિતનો પોલીસ કાફલો હોસ્પિટલ પહોંચ્યો હતો. ઉના પોલીસ આ મામલે ફરિયાદ નોંધવા માટે રાજકોટ જશે. હાલ આ જીવલેણ હુમલો કોણે કર્યો અને તેની પાછળનું કારણ શું છે તે સ્પષ્ટ થયું નથી, અને પોલીસે આ મામલે વિવિધ દિશામાં તપાસ હાથ ધરી છે.

Raju Chunara Khambat Aanan dgujrati Nanu moshm pura khambat Raju Chunara Khambat Aanand gujrati Nanu moshm pura khambat

આજકાલ લોકોમાં 'સનાતન શું છે?' તે પ્રશ્ન અગ્રસ્થાને છે, પરંતુ આ વિશે કોઈ પણ વ્યક્તિ લોકોને સાચી સમજણ આપી રહ્યું નથી. પરિણામે, લોકો પોતાના પંથને જ સાચો ધર્મ ગણાવીને એકબીજા સાથે લડી રહ્યા છે.

અમરેલી જિલ્લા પંચાયતના પ્રમુખ દક્ષાબેન ચોડવડીયાના પદગ્રહણ કાર્યક્રમમાં એક મોટો વિવાદ સામે આવ્યો હતો. કાર્યક્રમના પ્રથમ દિવસે જ અમરેલી જિલ્લા ભાજપ પ્રમુખ અતુલ કાનાણીનું નામ યાદ ન રહેતા આ ઘટનાને કારણે ભાંગરો વાટવામાં આવ્યો હતો.

ગુજરાતની ઉભરતી સ્પ્રિન્ટર કાજલ વાજાએ દૃઢ નિશ્ચય અને અથાક મહેનતથી આંતરરાષ્ટ્રીય મંચ પર સફળતા મેળવી છે. જૂનાગઢ જિલ્લાના ચોરવાડ ગામની 19 વર્ષીય કાજલે રવિવારે હોંગકોંગમાં આયોજિત 22મી એશિયન અંડર-20 એથ્લેટિક્સ ચેમ્પિયનશિપમાં મહિલાઓની 4x100 મીટર રિલે સ્પર્ધામાં ભારતને રજત ચંદ્રક અપાવવામાં મહત્વપૂર્ણ ભૂમિકા ભજવી હતી. આ સ્પર્ધામાં કાજલે તમિલનાડુની ભાવના, હરિયાણાની આરતી અને ઉત્તર પ્રદેશની નિપમ સાથે ભારતીય ટીમનું પ્રતિનિધિત્વ કર્યું હતું. આ ટીમે 45.05 સેકન્ડનો સમય નોંધાવી રજત ચંદ્રક જીત્યો હતો અને અંડર-20 વર્ગમાં નવો રાષ્ટ્રીય રેકોર્ડ પણ સ્થાપ્યો હતો, જે અગાઉના 45.08 સેકન્ડના રેકોર્ડને તોડ્યો હતો. કાજલની આ સિદ્ધિ તેની સામાન્ય આર્થિક પૃષ્ઠભૂમિને ધ્યાનમાં લેતાં વધુ પ્રેરણાદાયી છે, કારણ કે તેના પિતા હીરાભાઈ વાજા સામાન્ય ખેડૂત અને ખેતમજૂર છે. શ્રેષ્ઠ પ્રદર્શન કરવા માટે કાજલે ધોરણ-12માં એક વર્ષનો ડ્રોપ લઈને તાલીમ પર ધ્યાન કેન્દ્રિત કર્યું હતું, અને તેની આ નિષ્ઠા હવે રંગ લાવી છે. કાજલના પરિવાર સાથે સંબંધિત મંથન ડાભીએ જણાવ્યું કે કાજલને શાળા સમયથી જ રમતગમત પ્રત્યે વિશેષ લગાવ હતો. તેના કોચ શિવમ ઉપાધ્યાયે કાજલની સફળતાનું શ્રેય તેની અવિરત મહેનત અને શ્રેષ્ઠતા હાંસલ કરવાની તીવ્ર ઇચ્છાને આપ્યું છે. તેમણે કાજલને દેશની સૌથી આશાસ્પદ યુવા સ્પ્રિન્ટર્સમાંની એક ગણાવી છે, જેણે 100 મીટર, 200 મીટર અને રિલે સ્પર્ધાઓમાં ગુજરાતનું ગૌરવ વધારતાં અનેક ચંદ્રકો જીત્યા છે. હોંગકોંગમાં જીતેલો રજત ચંદ્રક તેની સિદ્ધિઓની યાદીમાં એક મહત્વપૂર્ણ ઉમેરો છે. આ પહેલાં, તેણે 2025માં રાંચીમાં યોજાયેલી દક્ષિણ એશિયન સિનિયર એથ્લેટિક્સ ચેમ્પિયનશિપમાં 4x100 મીટર રિલેમાં રજત ચંદ્રક જીત્યો હતો, અને 60 મીટર સ્પર્ધામાં અંડર-20 વર્ગનો રાષ્ટ્રીય રેકોર્ડ પણ તેના નામે છે. આ વર્ષના માર્ચ મહિનામાં ભુવનેશ્વરમાં યોજાયેલી પ્રથમ ઇન્ડોર ઓપન એથ્લેટિક્સ ચેમ્પિયનશિપમાં કાજલે 60 મીટર દોડમાં 7.50 સેકન્ડનો સમય નોંધાવી સુવર્ણ ચંદ્રક અને નવો રાષ્ટ્રીય રેકોર્ડ પણ સ્થાપ્યો હતો. કાજલની રમતગમતની સફર સ્પોર્ટ્સ ઓથોરિટી ઓફ ગુજરાત (SAG)ના સ્કૂલ પ્રોગ્રામથી શરૂ થઈ હતી. 2019માં તે કોડીનાર સ્થિત જિલ્લા કક્ષાની સ્પોર્ટ્સ સ્કૂલ (DLSS)માં જોડાઈ, અને 2023માં તેની પસંદગી નડિયાદ સ્થિત હાઈ-પરફોર્મન્સ સેન્ટર (HPC) માટે થઈ, જ્યાં તે હાલમાં અદ્યતન તાલીમ લઈ રહી છે. નાયબ મુખ્યમંત્રી શ્રી હર્ષ સંઘવીએ કાજલ અને ભારતીય રિલે ટીમને તેમની ઉત્કૃષ્ટ સિદ્ધિ બદલ અભિનંદન પાઠવ્યા હતા. શ્રી સંઘવીએ જણાવ્યું કે મુખ્યમંત્રી શ્રી ભૂપેન્દ્ર પટેલના નેતૃત્વ હેઠળ રાજ્ય સરકાર ખેલાડીઓને તેમના વૈશ્વિક સપના સાકાર કરવા માટે જરૂરી તમામ સુવિધાઓ પૂરી પાડવા પ્રતિબદ્ધ છે, અને કાજલની સિદ્ધિ ગુજરાત અને સમગ્ર દેશ માટે ગૌરવની ક્ષણ છે. આ જ ચેમ્પિયનશિપમાં ગુજરાતના અન્ય એક ખેલાડી અને વાપીના રાહુલ જાખરે પણ ડેકાથ્લોનમાં નવો રાષ્ટ્રીય રેકોર્ડ સ્થાપીને સુવર્ણ ચંદ્રક જીત્યો હતો.

આજે વહેલી સવારે વંથલીમાં મેઘરાજાએ મન મૂકીને દસ્તક આપી હતી. રવિવારે વહેલી સવારથી જ શાંતિપૂર્ણ રીતે વરસાદ શરૂ થયો હતો, જેના કારણે રોડ-રસ્તાઓ પર પાણી ભરાઈ ગયા હતા અને જળબંબાકાર જેવી સ્થિતિ સર્જાઈ હતી. વરસાદ શરૂ થતાંની સાથે જ PGVCL દ્વારા વીજળીનો પુરવઠો પણ ગુલ થઈ ગયો હતો.

સાવરકુંડલા તાલુકાના વીજપડી નજીક આવેલા લીખાળા ગામમાં આજે વહેલી સવારે લગભગ 4:00 વાગ્યાની આસપાસ એક સિંહ જોવા મળતા ગ્રામજનોમાં ભારે ચકચાર મચી ગઈ હતી. પ્રાપ્ત માહિતી અનુસાર, ગામમાંથી ગાયોનું ધણ એકસાથે પસાર થઈ રહ્યું હતું ત્યારે તેમની પાછળ એક સિંહ દોડતો જોવા મળ્યો હતો. જોકે, આ ઘટનામાં કોઈ જાનહાનિ કે પશુહાનિના સમાચાર મળ્યા નથી. સિંહની હાજરીને કારણે આસપાસના વિસ્તારમાં થોડા સમય માટે ભયનો માહોલ સર્જાયો હતો. આ ઘટનાની જાણ થતાં ગ્રામજનોમાં ચર્ચાનો માહોલ જોવા મળ્યો હતો અને લોકોએ સાવચેતી રાખવાની અપીલ કરી હતી. વન્યપ્રાણીઓની વધતી અવરજવરને ધ્યાનમાં રાખીને ગ્રામજનોને રાત્રિ તેમજ વહેલી સવારના સમયે ખાસ સાવચેતી રાખવા સૂચનાઓ આપવામાં આવી રહી છે. સિંહના ગામ નજીક દેખાવાની આ ઘટનાએ ફરી એકવાર માનવ અને વન્યજીવનના સહઅસ્તિત્વ અંગે ચર્ચા જગાવી છે.

ઉના શહેરમાં છેલ્લા કેટલાક સમયથી વારંવાર વીજ પુરવઠો ખોરવાઈ જવાની ગંભીર સમસ્યા સર્જાઈ રહી છે, જેના કારણે ડૉક્ટરોમાં ભારે રોષ જોવા મળી રહ્યો છે. આ વિકટ પરિસ્થિતિને પગલે 'ઉના ડૉક્ટર એસોસિએશન' દ્વારા સ્થાનિક પ્રાંત કચેરી ખાતે પ્રાંત અધિકારીને આવેદનપત્ર સુપ્રત કરવામાં આવ્યું હતું અને વીજ સમસ્યાનો ત્વરિત ઉકેલ લાવવા માટે ઉગ્ર રજૂઆત કરવામાં આવી હતી. આ વારંવારના પાવર કટના કારણે સામાન્ય જનજીવન પ્રભાવિત થયું છે, પરંતુ આરોગ્ય સેવાઓ પર તેની અત્યંત માઠી અસર પડી રહી છે. ડૉક્ટર એસોસિએશનના હોદ્દેદારોએ આવેદનપત્રમાં સ્પષ્ટપણે જણાવ્યું હતું કે હોસ્પિટલોમાં ચોવીસ કલાક વીજળી અત્યંત અનિવાર્ય છે. વારંવાર લાઈટો જવાને કારણે હોસ્પિટલોમાં રાખવામાં આવેલા લાખો રૂપિયાના મોંઘા અને સંવેદનશીલ મેડિકલ ઉપકરણો જેવા કે આઈસીયુ મશીન, વેન્ટિલેટર, લેબોરેટરીના સાધનો અને એક્સ-રે મશીન ખોટકાઈ જવાની કે બળી જવાની પૂરેપૂરી સંભાવના રહે છે. આ ઉપરાંત, ઈમરજન્સી ઓપરેશન કે સારવાર દરમિયાન અચાનક વીજળી ગુલ થવાથી દર્દીઓના જીવનું જોખમ પણ વધી જાય છે. તેમણે હોસ્પિટલ વિસ્તારમાં પાવર કટ મર્યાદિત રાખવા અને જનરેટર માટે પૂરતો ઇંધણ જથ્થો ફાળવવા માટે પ્રબળ માંગ કરી હતી. આ આવેદનપત્ર પાઠવતી વખતે ડૉક્ટર એસોસિએશનના સોલંકી સાહેબ, મુકેશ બલદાણીયા સાહેબ, ડૉક્ટર આશિષ વકીલ સાહેબ, રિલીફ હોસ્પિટલના ડોક્ટર, તેમજ ડૉક્ટર કલસરિયા સાહેબ અને ડૉક્ટર મયુર ચારણીયા સાહેબ સહિતના ડૉક્ટરો ઉપસ્થિત રહ્યા હતા.

એક યુવા મુખ્યમંત્રી, નવી પાર્ટી અને તેમની યુવા ટીમ દ્વારા અપનાવવામાં આવેલો પારદર્શક વહીવટ, તેમજ VIP કલ્ચરને સમાપ્ત કરવાની પહેલ ખૂબ જ સારો સંકેત છે. આ પગલાં આવકારદાયક છે.