गायरान जमिनीवरील अतिक्रमणधारकांची नावे ७/१२ वर नोंदविण्याची मागणी ; विभागीय आयुक्तांसह जिल्हाधिकाऱ्यांना पँथर्स रिपब्लिन पार्टीचे निवेदन खुलताबाद - तालुक्यातील मौजे निरगुडी (ठाकूरवाडी), ता. खुलताबाद येथील सर्वे नं. ४२ व ४३ तसेच फेररचनेनंतरचे गट नं. ७० व १५ मधील गायरान जमिनीवर सन १९७८ पासून शेती करणाऱ्या उर्वरित अतिक्रमणधारकांची अतिक्रमणे शासन नियमानुसार नियमित करून त्यांच्या नावांची ७/१२ उताऱ्यावर नोंद करावी, अशी मागणी पँथर्स रिपब्लिकन पार्टीच्या वतीने करण्यात आली आहे. या मागणीसाठी पँथर्स रिपब्लिकन पार्टीचे खुलताबाद तालुका अध्यक्ष राजअनंत भगवंतराव सुरतकर यांच्या नेतृत्वाखाली विभागीय आयुक्त यांच्यासह जिल्हाधिकारी यांना निवेदन देण्यात आले. संबंधित गायरान जमिनीवर भिल, ठाकूर, बंजारा (लमाण), महार, मांग तसेच इतर समाजातील नागरिक अनेक वर्षांपासून शेती करून उदरनिर्वाह करीत असल्याचे निवेदनात नमूद करण्यात आले आहे.सदरील निवेदन गुरुवारी तहसीलदार खुलताबाद यांना देखील देण्यात आले. शासनाच्या १९७८ ते १९९० या कालावधीतील अतिक्रमणे नियमानुकूल करण्याच्या धोरणानुसार संबंधित ठिकाणी ३४ अतिक्रमणधारकांचे शेतपट्टे असल्याचे सांगण्यात आले. त्यापैकी २७ अतिक्रमणधारकांची नावे नियमानुकूल करण्यात आली असून, उर्वरित अतिक्रमणधारकांच्या जमिनी अद्याप त्यांच्या नावावर करण्यात आलेल्या नसल्याचा आरोप निवेदनातून करण्यात आला आहे. संबंधित अतिक्रमणधारकांपैकी काही जण वयोवृद्ध झाले असून काहींचे निधन झाले आहे. त्यांच्या वारसांकडून आजही संबंधित जमिनीची लागवड केली जात आहे. अनेक कुटुंबे मागील ४० ते ५० वर्षांपासून याच ठिकाणी वास्तव्यास असून त्यांच्या नावावर वीज मीटर, मतदान नोंदणी तसेच घरकुलासारख्या शासकीय योजनांचा लाभ असल्याचे निवेदनात नमूद करण्यात आले आहे. मात्र, ७/१२ वर नाव नसल्यामुळे त्यांना भूमिहीन म्हणून संबोधले जात असल्याचेही सांगण्यात आले. शासकीय आदेश व परिपत्रकानुसार गायरान, शासकीय पड व संबंधित जमिनीवरील पात्र अतिक्रमणे नियमानुकूल करण्याची तरतूद असतानाही महसूल प्रशासनाकडून कार्यवाही झालेली नसल्याचा आरोप करण्यात आला आहे. जिल्हाधिकारी, तहसीलदार व उपविभागीय अधिकारी यांच्याकडे वेळोवेळी निवेदने देऊनही प्रश्न प्रलंबित असल्याचे पँथर्स रिपब्लिकन पार्टीने म्हटले आहे. दरम्यान, २९ जुलै २०२६ रोजी खुलताबाद तहसील कार्यालयासमोर संबंधित गायरानधारकांनी आमरण उपोषण सुरू केले होते. त्यावेळी तहसीलदार कार्यालयाकडून एका महिन्यानंतर चौकशी करून कार्यवाही करण्याचे आश्वासन देण्यात आले होते. मात्र, मुदत उलटूनही ठोस कार्यवाही झालेली नसल्याने आता जिल्हाधिकाऱ्यांनी या प्रकरणात तातडीने लक्ष घालून उर्वरित पात्र अतिक्रमणधारकांच्या जमिनी नियमानुकूल कराव्यात व गट नं. ७० व १५ च्या ७/१२ उताऱ्यावर त्यांच्या नावांची नोंद करावी, अशी मागणी करण्यात आली आहे. मागणीची पूर्तता न झाल्यास पँथर्स रिपब्लिकन पार्टीच्या वतीने तीव्र आंदोलन, रास्ता रोको तसेच आमरण उपोषण करण्यात येईल, असा इशाराही निवेदनातून देण्यात आला आहे. प्रशासनाने या प्रकरणाची गांभीर्याने दखल घेऊन पात्र अतिक्रमणधारकांना न्याय द्यावा, अशी मागणी राजअनंत सुरतकर यांनी केली आहे.

Marathi News Point

Video editing service औरंगाबाद, औरंगाबाद, महाराष्ट्र•

1 hr ago

गायरान जमिनीवरील अतिक्रमणधारकांची नावे ७/१२ वर नोंदविण्याची मागणी ; विभागीय आयुक्तांसह जिल्हाधिकाऱ्यांना पँथर्स रिपब्लिन पार्टीचे निवेदन खुलताबाद - तालुक्यातील मौजे निरगुडी (ठाकूरवाडी), ता. खुलताबाद येथील सर्वे नं. ४२ व ४३ तसेच फेररचनेनंतरचे गट नं. ७० व १५ मधील गायरान जमिनीवर सन १९७८ पासून शेती करणाऱ्या उर्वरित अतिक्रमणधारकांची अतिक्रमणे शासन नियमानुसार नियमित करून त्यांच्या नावांची ७/१२ उताऱ्यावर नोंद करावी, अशी मागणी पँथर्स रिपब्लिकन पार्टीच्या वतीने करण्यात आली आहे. या मागणीसाठी पँथर्स रिपब्लिकन पार्टीचे खुलताबाद तालुका अध्यक्ष राजअनंत भगवंतराव सुरतकर यांच्या नेतृत्वाखाली विभागीय आयुक्त यांच्यासह जिल्हाधिकारी यांना निवेदन देण्यात आले. संबंधित गायरान जमिनीवर भिल,

ठाकूर, बंजारा (लमाण), महार, मांग तसेच इतर समाजातील नागरिक अनेक वर्षांपासून शेती करून उदरनिर्वाह करीत असल्याचे निवेदनात नमूद करण्यात आले आहे.सदरील निवेदन गुरुवारी तहसीलदार खुलताबाद यांना देखील देण्यात आले. शासनाच्या १९७८ ते १९९० या कालावधीतील अतिक्रमणे नियमानुकूल करण्याच्या धोरणानुसार संबंधित ठिकाणी ३४ अतिक्रमणधारकांचे शेतपट्टे असल्याचे सांगण्यात आले. त्यापैकी २७ अतिक्रमणधारकांची नावे नियमानुकूल करण्यात आली असून, उर्वरित अतिक्रमणधारकांच्या जमिनी अद्याप त्यांच्या नावावर करण्यात आलेल्या नसल्याचा आरोप निवेदनातून करण्यात आला आहे. संबंधित अतिक्रमणधारकांपैकी काही जण वयोवृद्ध झाले असून काहींचे निधन झाले आहे. त्यांच्या वारसांकडून आजही संबंधित जमिनीची लागवड केली जात आहे. अनेक कुटुंबे मागील ४० ते

५० वर्षांपासून याच ठिकाणी वास्तव्यास असून त्यांच्या नावावर वीज मीटर, मतदान नोंदणी तसेच घरकुलासारख्या शासकीय योजनांचा लाभ असल्याचे निवेदनात नमूद करण्यात आले आहे. मात्र, ७/१२ वर नाव नसल्यामुळे त्यांना भूमिहीन म्हणून संबोधले जात असल्याचेही सांगण्यात आले. शासकीय आदेश व परिपत्रकानुसार गायरान, शासकीय पड व संबंधित जमिनीवरील पात्र अतिक्रमणे नियमानुकूल करण्याची तरतूद असतानाही महसूल प्रशासनाकडून कार्यवाही झालेली नसल्याचा आरोप करण्यात आला आहे. जिल्हाधिकारी, तहसीलदार व उपविभागीय अधिकारी यांच्याकडे वेळोवेळी निवेदने देऊनही प्रश्न प्रलंबित असल्याचे पँथर्स रिपब्लिकन पार्टीने म्हटले आहे. दरम्यान, २९ जुलै २०२६ रोजी खुलताबाद तहसील कार्यालयासमोर संबंधित गायरानधारकांनी आमरण उपोषण सुरू केले होते. त्यावेळी

तहसीलदार कार्यालयाकडून एका महिन्यानंतर चौकशी करून कार्यवाही करण्याचे आश्वासन देण्यात आले होते. मात्र, मुदत उलटूनही ठोस कार्यवाही झालेली नसल्याने आता जिल्हाधिकाऱ्यांनी या प्रकरणात तातडीने लक्ष घालून उर्वरित पात्र अतिक्रमणधारकांच्या जमिनी नियमानुकूल कराव्यात व गट नं. ७० व १५ च्या ७/१२ उताऱ्यावर त्यांच्या नावांची नोंद करावी, अशी मागणी करण्यात आली आहे. मागणीची पूर्तता न झाल्यास पँथर्स रिपब्लिकन पार्टीच्या वतीने तीव्र आंदोलन, रास्ता रोको तसेच आमरण उपोषण करण्यात येईल, असा इशाराही निवेदनातून देण्यात आला आहे. प्रशासनाने या प्रकरणाची गांभीर्याने दखल घेऊन पात्र अतिक्रमणधारकांना न्याय द्यावा, अशी मागणी राजअनंत सुरतकर यांनी केली आहे.