ଭୁବନେଶ୍ୱର ପଟୁ ଭଦ୍ରକ ଅଭିମୁଖେ ଆସୁଥିବା ଏକ କାରରୁ ସ୍ଥାନୀୟ ପେଟ୍ରୋଲିଂ ପୋଲିସ ୭୦ କେଜି ଗଞ୍ଜେଇ ଜବତ କରିଛି। ଏହି ଗଞ୍ଜେଇ ଗାଡ଼ିକୁ ଭଣ୍ଡାରିପୋଖରୀ ବ୍ଲକ୍ ଅନ୍ତର୍ଗତ ଛତାବର ଟୋଲ ଗେଟ୍ ନିକଟ ଜାତୀୟ ରାଜପଥ ୧୬ରେ ପୋଲିସ ଭ୍ୟାନ୍ ମାଡ଼ିବସିଥିଲା।

ଆଜି ଓଡିଶା ମେଡିକାଲ ସର୍ଭିସ ଆସୋସିଏସନ ତରଫରୁ ବିଭିନ୍ନ ଦାବୀ ନେଇ ଭଦ୍ରକରେ କାର୍ଯ୍ୟରତ ଡାକ୍ତରମାନେ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ଏହି ଆନ୍ଦୋଳନ ଯୋଗୁଁ ରୋଗୀ ସେବା ବ୍ୟାହତ ହୋଇଥିବା ଜଣାପଡ଼ିଛି।

କେନ୍ଦ୍ର ସରକାରଙ୍କ ୧୨ ବର୍ଷ ଏବଂ ରାଜ୍ୟ ସରକାରଙ୍କ ୨ ବର୍ଷ ପୂର୍ତ୍ତି ପାଳନ ଅବସରରେ ଏକ ଜନସମ୍ପର୍କ ଅଭିଯାନ ଆୟୋଜିତ ହୋଇଛି। ଏହି କାର୍ଯ୍ୟକ୍ରମ ଘସିପୁରା ବ୍ଳକର ନୂଆପଡ଼ା ସ୍ଥିତ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଥିଲା। ଡ଼. ଶମ୍ଭୁନାଥ ରାଉତଙ୍କ ନେତୃତ୍ୱରେ ଆୟୋଜିତ ଏହି ଅଭିଯାନରେ ପୂର୍ବତନ ସୈନିକ ଏବଂ କଳାକାରମାନଙ୍କୁ ସମ୍ବର୍ଦ୍ଧିତ କରାଯାଇଛି।

ଓଡ଼ିଶା ମେଡିକାଲ ସର୍ଭିସେସ୍ ଆସୋସିଏସନ୍ (ଓମସା) ପକ୍ଷରୁ ଆସନ୍ତା ଜୁଲାଇ ୧ ତାରିଖରୁ ରାଜ୍ୟବ୍ୟାପୀ ଅନିର୍ଦ୍ଦିଷ୍ଟ କାଳ ପାଇଁ କାର୍ଯ୍ୟବନ୍ଦ ଡାକରା ଦିଆଯାଇଛି, ଯାହାଦ୍ୱାରା ରୋଗୀ ସେବା ଗୁରୁତର ଭାବେ ପ୍ରଭାବିତ ହେବାର ଆଶଙ୍କା ରହିଛି। ଢେଙ୍କାନାଳରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଜିଲ୍ଲା ଓମସା ପକ୍ଷରୁ ଏହି ସୂଚନା ଦିଆଯାଇଛି। ସଂଗଠନ ପକ୍ଷରୁ କୁହାଯାଇଛି ଯେ, ସରକାରଙ୍କ ନିକଟରେ ଦୀର୍ଘଦିନ ଧରି ଉପସ୍ଥାପିତ ବିଭିନ୍ନ ଦାବି, ଯଥା ସେବା ସର୍ତ୍ତର ସୁଧାର, ପଦୋନ୍ନତି, ଖାଲି ପଦବୀ ପୂରଣ, ଡାକ୍ତରଙ୍କ ସୁରକ୍ଷା ଓ ଅନ୍ୟାନ୍ୟ ଦାବିଗୁଡ଼ିକ ବାରମ୍ବାର ଉଠାଯାଇଥିଲେ ମଧ୍ୟ ଏପର୍ଯ୍ୟନ୍ତ ସମାଧାନ ହୋଇନାହିଁ। ଏହି କାରଣରୁ ଓମସା ଏହି କଠୋର ନିଷ୍ପତ୍ତି ନେଇଛି। ଏହି କାର୍ଯ୍ୟବନ୍ଦ ଯୋଗୁଁ ରାଜ୍ୟର ସମସ୍ତ ସରକାରୀ ଚିକିତ୍ସାଳୟର ବାହ୍ୟ ବିଭାଗ (OPD), ଅନ୍ତଃରୋଗୀ ବିଭାଗ (IPD), ନିର୍ଦ୍ଧାରିତ ଅସ୍ତ୍ରୋପଚାର (Elective Surgeries), ବିଭିନ୍ନ ପରୀକ୍ଷା ସେବା (Diagnostic Services) ଏବଂ ଜରୁରୀକାଳୀନ ସ୍ୱାସ୍ଥ୍ୟସେବା ମଧ୍ୟ ବ୍ୟାପକ ଭାବେ ପ୍ରଭାବିତ ହେବାର ସମ୍ଭାବନା ରହିଛି। ଓମସା ସ୍ପଷ୍ଟ କରିଛି ଯେ ଯଦି ସରକାର ସକାରାତ୍ମକ ଆଲୋଚନା କରି ସେମାନଙ୍କ ଦାବି ପୂରଣ କରନ୍ତି, ତେବେ କାର୍ଯ୍ୟବନ୍ଦ ନିଷ୍ପତ୍ତିର ପୁନଃବିଚାର କରାଯିବ। ଅନ୍ୟଥା, ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ।

ନିଆଳିରେ ଚାଲିଥିବା ବାଲି ଚୋରା ଚାଲାଣକୁ ନେଇ ଏକ ନୂଆ ଖୁଲାସା ସାମ୍ନାକୁ ଆସିଛି। ଏହି ଖୁଲାସା ଅନୁଯାୟୀ, ବାଲି ଚୋରା ଚାଲାଣରେ ନିଆଳି ତହସିଲଦାର ତାରିଣୀ ରଞ୍ଜନ ରାୟଙ୍କ ମୁଖ୍ୟ ଭୂମିକା ରହିଛି। ରାଜ୍ୟ ପରିବହନ ସଂଘର ସଭାପତି ବାବା ଭାଇ ଏହି ପ୍ରସଙ୍ଗରେ ପ୍ରମାଣ ସହିତ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।

ଢେଙ୍କାନାଳରେ ଜଣେ ରୋଗୀଙ୍କୁ ନେଇ ଯାଉଥିବା ୧୦୮ ଆମ୍ବୁଲାନ୍ସ ବାଟରେ ଖରାପ ହୋଇଯାଇଛି। ଏହି ଘଟଣା ଯୋଗୁଁ ରୋଗୀଙ୍କୁ କଟକ ସ୍ଥାନାନ୍ତରଣ କରିବାରେ ୨ ଘଣ୍ଟା ବିଳମ୍ବ ହୋଇଥିଲା।

ଢେଙ୍କାନାଳ ଜିଲ୍ଲା ମେଡିକାଲରୁ ଜଣେ ରୋଗୀଙ୍କୁ କଟକ ନେଇ ଯାଉଥିବା ଏକ ୧୦୮ ଆମ୍ବୁଲାନ୍ସ ବାଟରେ ଖରାପ ହୋଇଯାଇଥିଲା। ଏହି ଘଟଣା ଯୋଗୁଁ ରୋଗୀଙ୍କୁ କଟକ ସ୍ଥାନାନ୍ତର କରିବାରେ ପ୍ରାୟ ଦୁଇ ଘଣ୍ଟା ବିଳମ୍ବ ହୋଇଥିଲା। ପରେ ଅନ୍ୟ ଏକ ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚିବା ପରେ ରୋଗୀଙ୍କୁ କଟକ ସ୍ଥାନାନ୍ତର କରାଯାଇଥିଲା।

ଦେବ ସ୍ନାନ ପୂର୍ଣ୍ଣିମା ଅବସରରେ ନେମାଳ ପଦ୍ମ କ୍ଷେତ୍ରରେ ପ୍ରଭୁଙ୍କ ଦର୍ଶନ ହୋଇଛି।

ଆଜି ଓଡ଼ିଶାର ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ କାଞ୍ଚନ ଫାଉଣ୍ଡେସନ, ଗ୍ରିନ ଜୟଦେବ ଫାଉଣ୍ଡେସନ ଟ୍ରଷ୍ଟ ଏବଂ ଉତ୍କଳ ଜୟଦେବ ଫାଉଣ୍ଡେସନର ମିଳିତ ଆନୁକୂଲ୍ୟରେ ସୁଦର୍ଶନ ଦାରୁ ପୀଠସ୍ଥିତ ମୋଦୀ ଅରଣ୍ୟ ବାଟିକାରେ ୭୭ତମ ବନ ମହୋତ୍ସବ–୨୦୨୬ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ୨୦ରୁ ଅଧିକ ବୃକ୍ଷରୋପଣ କରାଯାଇଛି। ଯୁବ ସମାଜସେବୀ ରଞ୍ଜନ କୁମାର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ତଥା ପୂର୍ବତନ ମନ୍ତ୍ରୀ ଡ଼. ଅରବିନ୍ଦ ଢାଲି ମୁଖ୍ୟ ଅତିଥି ଭାବେ ଯୋଗଦେଇଥିଲେ। ସେ ପରିବେଶ ସୁରକ୍ଷା ଏବଂ ବୃକ୍ଷରୋପଣର ଆବଶ୍ୟକତା ଉପରେ ଗୁରୁତ୍ୱାରୋପ କରି ନିଜର ମତ ବ୍ୟକ୍ତ କରିଥିଲେ। ଏହି ଅବସରରେ ଶିକ୍ଷାବିତ୍ ବିଧୁଭୂଷଣ ପଟ୍ଟନାୟକ, ବିଜେପି ନେତା ମାଗୁଣୀ ସେଠୀ, ମଣ୍ଡଳ ସଭାପତି ବ୍ରହ୍ମାନନ୍ଦ ସ୍ୱାଇଁ, ଲକ୍ଷ୍ମଣ ଜେନା, ପ୍ରକୃତି ବନ୍ଧୁ ଦିନବନ୍ଧୁ ଭୋଇ, ପ୍ରିୟବ୍ରତ ପାତ୍ର, ହରେକୃଷ୍ଣ ମହାରଣା, ବିଜୟ ନାୟକ ଏବଂ ଉମାକାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମ ଶେଷରେ ଆମ୍ବ, ନଡ଼ିଆ, ଲେମ୍ବୁ ଆଦିର ୨୦ରୁ ଅଧିକ ଚାରା ରୋପଣ କରାଯାଇଥିଲା। ଉପସ୍ଥିତ ଅତିଥିମାନେ ପରିବେଶ ସୁରକ୍ଷା ଏବଂ ସବୁଜ ବନାନୀ ସୃଷ୍ଟି କରିବା ପାଇଁ ସମସ୍ତଙ୍କୁ ବୃକ୍ଷରୋପଣ କରିବାକୁ ଆହ୍ୱାନ ଜଣାଇଥିଲେ।

କଟକର ଚୌଦ୍ୱାର ଅନ୍ତର୍ଗତ କପାଳେଶ୍ଵର ଅଞ୍ଚଳରେ ଆତଙ୍କର ବାତାବରଣ ସୃଷ୍ଟି ହୋଇଛି। ଏଠାରେ କିଛି ଦୁର୍ବୃତ୍ତ ବନ୍ଧୁକ ଦେଖାଇ ଜଣଙ୍କ ଘରୁ ଲୁଟ୍ କରିବାକୁ ଉଦ୍ୟମ କରିଥିଲେ। ତେବେ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଦୁର୍ବୃତ୍ତମାନେ ପୋଲିସକୁ ଦେଖି ଘର ଭିତରୁ କବାଟ ବନ୍ଦ କରିଦେଇଛନ୍ତି। ବର୍ତ୍ତମାନ ସମ୍ପୃକ୍ତ ଘରର ଚାରିପାଖେ ପୋଲିସର ଛାଉଣୀ ପଡ଼ିଛି।