वाढत्या तापमानामुळे उष्माघाताचा धोका वाढला; महानगरपालिकेचे सतर्कतेचे आवाहन परभणीत चार ठिकाणी ‘उष्माघात कक्ष’ सुरू परभणी (प्रतिनिधी) : एप्रिल महिन्यात तापमानात सातत्याने वाढ होत असून सरासरीपेक्षा सुमारे ३ अंशांनी वाढ नोंदवल्याने शहरात उष्माघाताचा धोका तीव्र झाला आहे. या पार्श्वभूमीवर नागरिकांनी आवश्यक ती खबरदारी घ्यावी, असे आवाहन महानगरपालिकेच्या वतीने करण्यात आले आहे. महापौर सय्यद इकबाल, आयुक्त नितीन नार्वेकर आणि महापालिका आरोग्य अधिकारी डॉ. कल्पना सावंत यांनी पत्रकार परिषदेत ही माहिती दिली. यावेळी सहाय्यक आयुक्त गजानन जाधव उपस्थित होते. उन्हात काम करणारे मजूर, ज्येष्ठ नागरिक, लहान मुले, गर्भवती महिला तसेच मधुमेह व हृदयविकार असलेले रुग्ण आणि मद्यपान करणाऱ्या व्यक्तींना उष्माघाताचा धोका अधिक असल्याचे सांगण्यात आले. सुरुवातीला चक्कर येणे, ताप येणे, अंगात गोळे येणे अशी लक्षणे दिसतात, तर गंभीर अवस्थेत त्वचा कोरडी पडणे, तीव्र डोकेदुखी, रक्तदाब वाढणे, मानसिक अस्वस्थता व बेशुद्धावस्था अशी लक्षणे आढळू शकतात. उष्माघाताची लक्षणे दिसल्यास संबंधित व्यक्तीला तातडीने थंड व हवेशीर ठिकाणी हलवून थंड पाण्याच्या पट्ट्या ठेवाव्यात, पंखा किंवा कुलरचा वापर करावा, तसेच शक्य असल्यास थंड पाण्याने अंघोळ घालावी, असा सल्ला देण्यात आला आहे. नागरिकांनी दुपारच्या कडक उन्हात बाहेर पडणे टाळावे, भरपूर पाणी प्यावे, हलक्या रंगाचे सैल कपडे परिधान करावेत, तसेच टोपी, छत्री व सनग्लासेसचा वापर करावा. लहान मुलांना बंद वाहनात ठेवू नये. मद्यपान, चहा, कॉफी व शीतपेये टाळण्याचेही आवाहन करण्यात आले आहे. दरम्यान, महानगरपालिकेच्या आरोग्य विभागाने साखला प्लॉट, इनायत नगर, खंडोबा बाजार आणि खानापूर येथील नागरी प्राथमिक आरोग्य केंद्रांमध्ये ‘उष्माघात कक्ष’ सुरू केले आहेत. कोणतीही लक्षणे जाणवल्यास नागरिकांनी तातडीने जवळच्या केंद्राशी संपर्क साधावा, असे आवाहन महापौर सय्यद इकबाल व आयुक्त नितीन नार्वेकर यांनी केले आहे.

Kapil Ashokrao Shinde

मानवत, परभणी, महाराष्ट्र•

2 hrs ago

वाढत्या तापमानामुळे उष्माघाताचा धोका वाढला; महानगरपालिकेचे सतर्कतेचे आवाहन परभणीत चार ठिकाणी ‘उष्माघात कक्ष’ सुरू परभणी (प्रतिनिधी) : एप्रिल महिन्यात तापमानात सातत्याने वाढ होत असून सरासरीपेक्षा सुमारे ३ अंशांनी वाढ नोंदवल्याने शहरात उष्माघाताचा धोका तीव्र झाला आहे. या पार्श्वभूमीवर नागरिकांनी आवश्यक ती खबरदारी घ्यावी, असे आवाहन महानगरपालिकेच्या वतीने करण्यात आले आहे. महापौर सय्यद इकबाल, आयुक्त नितीन नार्वेकर आणि महापालिका आरोग्य अधिकारी डॉ. कल्पना सावंत यांनी पत्रकार परिषदेत ही माहिती दिली. यावेळी सहाय्यक आयुक्त गजानन जाधव उपस्थित होते. उन्हात काम करणारे मजूर, ज्येष्ठ नागरिक, लहान मुले, गर्भवती महिला तसेच मधुमेह व हृदयविकार असलेले रुग्ण आणि मद्यपान करणाऱ्या व्यक्तींना उष्माघाताचा धोका अधिक असल्याचे सांगण्यात आले. सुरुवातीला चक्कर येणे, ताप येणे, अंगात गोळे येणे अशी लक्षणे दिसतात, तर गंभीर अवस्थेत त्वचा कोरडी पडणे, तीव्र डोकेदुखी, रक्तदाब वाढणे, मानसिक अस्वस्थता व बेशुद्धावस्था अशी लक्षणे आढळू शकतात. उष्माघाताची लक्षणे दिसल्यास संबंधित व्यक्तीला तातडीने थंड व हवेशीर ठिकाणी हलवून थंड पाण्याच्या पट्ट्या ठेवाव्यात, पंखा किंवा कुलरचा वापर करावा, तसेच शक्य असल्यास थंड पाण्याने अंघोळ घालावी, असा सल्ला देण्यात आला आहे. नागरिकांनी दुपारच्या कडक उन्हात बाहेर पडणे टाळावे, भरपूर पाणी प्यावे, हलक्या रंगाचे सैल कपडे परिधान करावेत, तसेच टोपी, छत्री व सनग्लासेसचा वापर करावा. लहान मुलांना बंद वाहनात ठेवू नये. मद्यपान, चहा, कॉफी व शीतपेये टाळण्याचेही आवाहन करण्यात आले आहे. दरम्यान, महानगरपालिकेच्या आरोग्य विभागाने साखला प्लॉट, इनायत नगर, खंडोबा बाजार आणि खानापूर येथील नागरी प्राथमिक आरोग्य केंद्रांमध्ये ‘उष्माघात कक्ष’ सुरू केले आहेत. कोणतीही लक्षणे जाणवल्यास नागरिकांनी तातडीने जवळच्या केंद्राशी संपर्क साधावा, असे आवाहन महापौर सय्यद इकबाल व आयुक्त नितीन नार्वेकर यांनी केले आहे.