ছিপাঝাৰৰ দুমুনিচকীত সংঘটিত হৈছে এক চুৰিকাণ্ড। দুমুনিচকীৰ এক দৰিদ্ৰ পৰিয়ালৰ ঘৰত চোৰে অভিযান চলাইছিল। চোৰসমূহে ঘৰখনৰ পৰা এটা ভৰ্তি গেছ চিলিণ্ডাৰ আৰু সাঁচতীয়া ধন লৈ পলায়ন কৰে।

AIUDF ৰ মুৰব্বী বদৰুদ্দিন আজমলক আক্ৰমণ কৰাৰ পাছতে আমিনুল ইছলামে তীব্ৰ প্ৰত্যাক্ৰমণ কৰিছে। এই প্ৰসংগতে আজমলক মুছলমান সাম্প্ৰদায়িক দলৰ নেতা বুলি অভিহিত কৰা হৈছে।

আজি মৰিগাঁও জিলা আয়ুক্তৰ কাৰ্যালয়ত কলাগুৰু বিষ্ণু প্ৰসাদ ৰাভাৰ জীৱন আৰু কৰ্মৰাজীক স্মৰণ কৰি বিষ্ণু ৰাভা দিৱস পালন কৰা হয়। এই উপলক্ষে অতিৰিক্ত জিলা আয়ুক্ত শ্ৰীমতী অনসূয়া শৰ্মা আৰু শ্ৰীমতী নীতিশা বৰাকে ধৰি কাৰ্যালয়ৰ সকলো বিষয়ববীয়া আৰু কৰ্মচাৰীয়ে প্ৰখ্যাত শিল্পী, সাহিত্যিক আৰু সমাজ সংস্কাৰক বিষ্ণু প্ৰসাদ ৰাভালৈ গভীৰ শ্ৰদ্ধাঞ্জলি জ্ঞাপন কৰে। অনুষ্ঠানৰ অংশ হিচাপে সকলোৱে সমবেত কণ্ঠত বিষ্ণু প্ৰসাদ ৰাভাৰ গীত পৰিবেশন কৰি অসমীয়া শিল্প, সংস্কৃতি, সাহিত্য, সংগীত আৰু সমাজলৈ তেওঁৰ অতুলনীয় অৱদানক সোঁৱৰণ কৰে।

মৰিগাঁও জিলাত এক চাঞ্চল্যকৰ চিলনী চোৰৰ ঘটনা সংঘটিত হৈছে, য'ত চাৰি লাখ টকা থপিয়াই নিয়া হৈছে। ভূৰাগাঁৱৰ বাহাদুল আলম নামৰ লোকজনে HDFC বেংকৰ পৰা এই টকাখিনি উলিয়াই আনিছিল। দুজন যুৱকে এখন পালচাৰ বাইকত আহি বাহাদুল আলমৰ হাতৰ পৰা টকাৰ বেগটো থপিয়াই লৈ ঘটনাস্থলীৰ পৰা পলায়ন কৰে। চিলনী চোৰৰ আক্ৰমণত বাহাদুল আলম নিজৰ মটৰচাইকেলৰ পৰা সৰি পৰে আৰু গুৰুতৰভাৱে আঘাতপ্ৰাপ্ত হয়। ঘটনাৰ খবৰ পোৱাৰ লগে লগে আৰক্ষী ঘটনাস্থলীত উপস্থিত হৈছে আৰু সমগ্ৰ ঘটনাটোৰ সন্দৰ্ভত তদন্ত আৰম্ভ কৰিছে।

মৰিগাঁওৰ জাগীৰোডত নগাঁও চিকিৎসা মহাবিদ্যালয়ৰ জ্যেষ্ঠ অধ্যাপক ডা: মনোজ কুমাৰ সিনহাক আটক কৰা হৈছে। ফৰেণচিক বিভাগৰ মুৰব্বী অধ্যাপক ডা: সিনহাৰ বিৰুদ্ধে মৰণোত্তৰ পৰীক্ষাৰ প্ৰতিবেদন সালসলনি কৰাৰ নামত ধন সংগ্ৰহ কৰাৰ অভিযোগ উত্থাপিত হৈছে। এই সন্দৰ্ভত আৰক্ষীয়ে চিকিৎসক গৰাকীৰ AS-01FK-5646 নম্বৰৰ গ্ৰেণ্ড ভিটাৰা বাহনখনো জব্দ কৰিছে।

বাক্সাস্থিত অনন্ত একাডেমী ছিনিয়ৰ ছেকেণ্ডাৰী স্কুলত সগৌৰৱে বিষ্ণু ৰাভা দিৱস পালন কৰা হয়। এই উপলক্ষে বিদ্যালয়খনত বিভিন্ন ধৰণৰ কাৰ্যসূচীও অনুষ্ঠিত কৰা হয়।

ঢেকীয়াজুলিত অৱস্থিত শ্বহীদ মনবৰ নাথ সামূহিক স্বাস্থ্য কেন্দ্ৰত পৰ্যাপ্ত ব্যৱস্থা নথকাৰ অভিযোগ উত্থাপিত হৈছে।

ছিপাঝাৰৰ দুমুনিচকীত সংঘটিত হৈছে এক চুৰিকাণ্ড। দুমুনিচকীৰ এক দৰিদ্ৰ পৰিয়ালৰ ঘৰত চোৰে অভিযান চলাইছিল। চোৰসমূহে ঘৰখনৰ পৰা এটা ভৰ্তি গেছ চিলিণ্ডাৰ আৰু সাঁচতীয়া ধন লৈ পলায়ন কৰে।

ছিপাঝাৰত ১৫ নং ৰাষ্ট্ৰীয় ঘাইপথত এক অঘটন সংঘটিত হৈছে, য'ত পথৰ কাষৰ বহু পুৰণি এজোপা বিশাল আহঁত গছ এখন ৰখাই থোৱা চাৰিচকীয়া বাহনৰ ওপৰত বাগৰি পৰে। ইয়াৰ ফলত পথচলাচল সম্পূৰ্ণৰূপে বন্ধ হৈ পৰে। সৌভাগ্যক্ৰমে এই ঘটনাত কোনো লোক হতাহত হোৱা নাই যদিও চাৰিচকীয়া বাহনখনৰ যথেষ্ট ক্ষতি হয়। আৰক্ষী প্ৰশাসন আৰু দুৰ্যোগ প্ৰশমন বিভাগৰ লোকসকলে বৰ্তমান গছ কাটি পথ মোকলোৱাৰ কামত ব্যস্ত আছে।