నిర్మల్ జిల్లాలోని బాసర అమ్మవారి ఆలయ ఉప ఆలయమైన మహాకాలి ఆలయంలో చోరీ జరిగిన 24 గంటలు దాటినా, దుండగుల జాడ ఇంకా లభ్యం కాలేదు. ఈ ఘటనపై ఆలయ భక్తులు హోమ్ గార్డుల నిర్లక్ష్యంపై తీవ్ర ఆగ్రహం వ్యక్తం చేస్తున్నారు. దొంగతనం జరిగిన రాత్రి ఆరుగురు హోమ్ గార్డులు విధుల్లో ఉండాల్సి ఉండగా, నలుగురు మాత్రమే విధుల్లో ఉన్నట్లు తేలింది. మిగిలిన ఇద్దరు హోమ్ గార్డులు అధికారుల అనుమతితో గైర్హాజరయ్యారా లేదా అనుమతి లేకుండా గైర్హాజరయ్యారా అనేది స్పష్టంగా తెలియడం లేదు. చోరీ జరిగిన రాత్రి 11:55 గంటలకు ఇద్దరు హోమ్ గార్డులు ఫోటోలు తీసి, తాము విధుల్లో ఉన్నట్లు ఉన్నతాధికారులకు సమాచారం పంపారు. రాత్రి 12:30 గంటలకు ఆలయ ప్రధాన ద్వారాలను మూసివేసిన అనంతరం, ఉదయం 3 గంటలకు మహాకాలి ఆలయం వద్ద పరిశీలించి, హోమ్ గార్డులు కిందకు వెళ్లినట్లు తెలుస్తోంది. మొదటి అంతస్తులో ఉన్న మహాకాలి ఆలయంలో జరిగిన చోరీ ఘటనను సరిగా పరిశీలించకుండానే వారు కిందకు వెళ్లారు. ఉదయం 4 గంటలకు అభిషేక పూజ కోసం వచ్చిన అర్చకులు తాళాలు తీయడానికి ప్రయత్నించినప్పుడు ఈ చోరీ ఘటన వెలుగులోకి వచ్చింది. ఈ కేసును తీవ్రంగా పరిగణించిన జిల్లా పోలీసులు, సీసీ కెమెరా ఫుటేజీల ఆధారంగా దర్యాప్తును ముమ్మరం చేశారు. దుండగుల జాడ తెలుసుకోవడం కోసం ఆరు బృందాలను రంగంలోకి దించారు. ఈ చోరీ ఘటనకు బాధ్యులైన ఐదుగురు హోమ్ గార్డులపై చర్యలు తీసుకోవాలని, వారిని విధుల్లోకి తీసుకోబోమని ఆలయ ఈవో అంజనీదేవి ఎస్పీ కార్యాలయానికి లేఖ రాశారు, వారిని ఎస్పీకి సరెండర్ చేస్తున్నట్లు పేర్కొన్నారు.

RP

Academy బాసర, నిర్మల్, తెలంగాణ•

4 hrs ago

నిర్మల్ జిల్లాలోని బాసర అమ్మవారి ఆలయ ఉప ఆలయమైన మహాకాలి ఆలయంలో చోరీ జరిగిన 24 గంటలు దాటినా, దుండగుల జాడ ఇంకా లభ్యం కాలేదు. ఈ ఘటనపై ఆలయ భక్తులు హోమ్ గార్డుల నిర్లక్ష్యంపై తీవ్ర ఆగ్రహం వ్యక్తం చేస్తున్నారు. దొంగతనం జరిగిన రాత్రి ఆరుగురు హోమ్ గార్డులు విధుల్లో ఉండాల్సి ఉండగా, నలుగురు మాత్రమే విధుల్లో ఉన్నట్లు తేలింది. మిగిలిన ఇద్దరు హోమ్ గార్డులు అధికారుల అనుమతితో గైర్హాజరయ్యారా లేదా అనుమతి లేకుండా గైర్హాజరయ్యారా అనేది స్పష్టంగా తెలియడం లేదు. చోరీ జరిగిన రాత్రి 11:55 గంటలకు ఇద్దరు హోమ్ గార్డులు ఫోటోలు తీసి, తాము విధుల్లో ఉన్నట్లు ఉన్నతాధికారులకు సమాచారం పంపారు. రాత్రి 12:30 గంటలకు ఆలయ ప్రధాన ద్వారాలను మూసివేసిన అనంతరం, ఉదయం 3 గంటలకు మహాకాలి ఆలయం వద్ద పరిశీలించి, హోమ్ గార్డులు కిందకు వెళ్లినట్లు తెలుస్తోంది. మొదటి అంతస్తులో ఉన్న మహాకాలి ఆలయంలో జరిగిన చోరీ ఘటనను సరిగా పరిశీలించకుండానే వారు కిందకు వెళ్లారు. ఉదయం 4 గంటలకు అభిషేక పూజ కోసం వచ్చిన అర్చకులు తాళాలు తీయడానికి ప్రయత్నించినప్పుడు ఈ చోరీ ఘటన వెలుగులోకి వచ్చింది. ఈ కేసును తీవ్రంగా పరిగణించిన జిల్లా పోలీసులు, సీసీ కెమెరా ఫుటేజీల ఆధారంగా దర్యాప్తును ముమ్మరం చేశారు. దుండగుల జాడ తెలుసుకోవడం కోసం ఆరు బృందాలను రంగంలోకి దించారు. ఈ చోరీ ఘటనకు బాధ్యులైన ఐదుగురు హోమ్ గార్డులపై చర్యలు తీసుకోవాలని, వారిని విధుల్లోకి తీసుకోబోమని ఆలయ ఈవో అంజనీదేవి ఎస్పీ కార్యాలయానికి లేఖ రాశారు, వారిని ఎస్పీకి సరెండర్ చేస్తున్నట్లు పేర్కొన్నారు.