সদৌ অসম কলিতা আলপাইন জনগোষ্ঠী সন্মিলনৰ ৰঙিয়া জিলা সমিতিৰ উদ্যোগত আজি ৰঙিয়াত চলিত বৰ্ষৰ হাইস্কুল আৰু উচ্চতৰ মাধ্যমিক চূড়ান্ত পৰীক্ষাৰ স্বগোষ্ঠীয় কৃতি ছাত্ৰ-ছাত্ৰীসকলক এক বিশেষ অভিনন্দন জ্ঞাপন কৰা হয়। স্থানীয় হৰদত্ত-বীৰদত্ত ভৱন প্ৰেক্ষাগৃহত এই বিশেষ সম্বৰ্ধনা অনুষ্ঠান অনুষ্ঠিত হৈছিল। ৰঙিয়া জিলা সমিতিৰ অন্তৰ্গত বিভিন্ন বিদ্যালয়ৰ পৰা এইবাৰ হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাত কৃতিত্বৰে উত্তীৰ্ণ হৈ গৌৰৱ কঢ়িয়াই অনা দুই শতাধিক স্বগোষ্ঠীয় কৃতি ছাত্ৰ-ছাত্ৰীক আনুষ্ঠানিকভাৱে সম্বৰ্ধনা জনোৱা হয়। ৰঙিয়া জিলা সমিতিৰ সভাপতি ৰাজেন কলিতাৰ সঞ্চালনাত অনুষ্ঠিত এই গাম্ভীৰ্যপূৰ্ণ অনুষ্ঠানত মুখ্য অতিথি ৰূপে সংগঠনটোৰ মুখ্য উপদেষ্টা ডাঃ ৰমেন কুমাৰ কাকতি আৰু সন্মানীয় অতিথি ৰূপে স্থানীয় বিধায়ক ভবেশ কলিতাই অংশগ্ৰহণ কৰে। সংগঠনটোৰ কেন্দ্ৰীয় কাৰ্যকৰী সভাপতি প্ৰতুল কুমাৰ কলিতা, বিশিষ্ট চিকিৎসক ডাঃ নিলমনি কলিতা প্ৰমুখ্যে আন কেইবাগৰাকীও বিশিষ্ট ব্যক্তিয়ে আমন্ত্ৰিত অতিথিৰূপে অংশগ্ৰহণ কৰি কৃতি ছাত্ৰ-ছাত্ৰীসকলক ফুলাম গামোচা, স্বগোষ্ঠীয় বাৰ্ষিক কেলেণ্ডাৰ আৰু অভিনন্দন পত্ৰৰে শুভেচ্ছা জ্ঞাপন কৰে। ইয়াৰ পূৰ্বে সভাপতি ৰাজেন কলিতাই পতাকা উত্তোলনৰে কাৰ্যসূচীৰ শুভাৰম্ভ কৰিছিল। পৰৱৰ্তী কাৰ্যসূচী হিচাপে কাৰ্যকৰী সভাপতি অনুপ কুমাৰ ডেকাই, কেন্দ্ৰীয় সম্পাদক মন্টেশ্বৰ কলিতা আৰু ৰঙিয়া জিলা সমিতিৰ সাধাৰণ সম্পাদক কুলদীপ লহকৰে স্মৃতি তৰ্পণ কৰে। কেন্দ্ৰীয় সমিতিৰ ভাৰপ্ৰাপ্ত সাধাৰণ সম্পাদক লবধৰ কলিতা আৰু সম্পাদক নিতুল চন্দ্ৰ ডেকাই বন্তি প্ৰজ্বলনৰে অনুষ্ঠানটিৰ শুভাৰম্ভ কৰে।

BHASKAR KALITA

সাংবাদিক ৰঙিয়া পিটি, কামৰূপ, অসম•

1 hr ago

সদৌ অসম কলিতা আলপাইন জনগোষ্ঠী সন্মিলনৰ ৰঙিয়া জিলা সমিতিৰ উদ্যোগত আজি ৰঙিয়াত চলিত বৰ্ষৰ হাইস্কুল আৰু উচ্চতৰ মাধ্যমিক চূড়ান্ত পৰীক্ষাৰ স্বগোষ্ঠীয় কৃতি ছাত্ৰ-ছাত্ৰীসকলক এক বিশেষ অভিনন্দন জ্ঞাপন কৰা হয়। স্থানীয় হৰদত্ত-বীৰদত্ত ভৱন প্ৰেক্ষাগৃহত এই বিশেষ সম্বৰ্ধনা অনুষ্ঠান অনুষ্ঠিত হৈছিল। ৰঙিয়া জিলা সমিতিৰ অন্তৰ্গত বিভিন্ন বিদ্যালয়ৰ পৰা এইবাৰ হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাত কৃতিত্বৰে উত্তীৰ্ণ হৈ গৌৰৱ কঢ়িয়াই অনা দুই শতাধিক স্বগোষ্ঠীয় কৃতি ছাত্ৰ-ছাত্ৰীক আনুষ্ঠানিকভাৱে সম্বৰ্ধনা জনোৱা হয়। ৰঙিয়া জিলা সমিতিৰ সভাপতি ৰাজেন কলিতাৰ সঞ্চালনাত অনুষ্ঠিত এই গাম্ভীৰ্যপূৰ্ণ অনুষ্ঠানত মুখ্য অতিথি ৰূপে সংগঠনটোৰ মুখ্য উপদেষ্টা ডাঃ ৰমেন কুমাৰ কাকতি আৰু সন্মানীয় অতিথি ৰূপে স্থানীয় বিধায়ক ভবেশ কলিতাই অংশগ্ৰহণ কৰে। সংগঠনটোৰ কেন্দ্ৰীয় কাৰ্যকৰী সভাপতি প্ৰতুল কুমাৰ কলিতা, বিশিষ্ট চিকিৎসক ডাঃ নিলমনি কলিতা প্ৰমুখ্যে আন কেইবাগৰাকীও বিশিষ্ট ব্যক্তিয়ে আমন্ত্ৰিত অতিথিৰূপে অংশগ্ৰহণ কৰি কৃতি ছাত্ৰ-ছাত্ৰীসকলক ফুলাম গামোচা, স্বগোষ্ঠীয় বাৰ্ষিক কেলেণ্ডাৰ আৰু অভিনন্দন পত্ৰৰে শুভেচ্ছা জ্ঞাপন কৰে। ইয়াৰ পূৰ্বে সভাপতি ৰাজেন কলিতাই পতাকা উত্তোলনৰে কাৰ্যসূচীৰ শুভাৰম্ভ কৰিছিল। পৰৱৰ্তী কাৰ্যসূচী হিচাপে কাৰ্যকৰী সভাপতি অনুপ কুমাৰ ডেকাই, কেন্দ্ৰীয় সম্পাদক মন্টেশ্বৰ কলিতা আৰু ৰঙিয়া জিলা সমিতিৰ সাধাৰণ সম্পাদক কুলদীপ লহকৰে স্মৃতি তৰ্পণ কৰে। কেন্দ্ৰীয় সমিতিৰ ভাৰপ্ৰাপ্ত সাধাৰণ সম্পাদক লবধৰ কলিতা আৰু সম্পাদক নিতুল চন্দ্ৰ ডেকাই বন্তি প্ৰজ্বলনৰে অনুষ্ঠানটিৰ শুভাৰম্ভ কৰে।