🚨 महामार्गावर भीषण अपघात; एसटी बस मधील दोघांचा मृत्यू, १० जण गंभीर जखमी 🚨 महामार्गावर भीषण अपघात; एसटी बस मधील दोघांचा मृत्यू, १० जण गंभीर जखमी पुलावर एसटी बसची लोखंडी सळ्या वाहून नेणाऱ्या ट्रकला पाठीमागून जोरदार धडक; बसच्या पुढील भागाचा चक्काचूर सोलापूर : सोलापूर-पुणे-हैदराबाद राष्ट्रीय महामार्गावरील शेळगी पुलावर शुक्रवारी (३१ जुलै) पहाटे पावणेपाचच्या सुमारास एसटी बस आणि ट्रकचा अत्यंत भीषण अपघात झाला. या दुर्घटनेत एसटी बस चालकासह एका महिला प्रवाशाचा जागीच दुर्दैवी मृत्यू झाला असून, तब्बल १० प्रवासी गंभीर जखमी झाले आहेत. मिळालेल्या माहितीनुसार, पुण्याहून उमरग्याकडे जाणाऱ्या महाराष्ट्र राज्य मार्ग परिवहन महामंडळाच्या 'हिरकणी' एसटी बसने (क्र. MH 14 LB 0380) लोखंडी सळ्या वाहून नेणाऱ्या मालट्रकला (क्र. MH 13 AX 3949) पाठीमागून जोरदार धडक दिली. धडक इतकी भीषण होती की एसटी बसच्या समोरील भागाचा अक्षरशः चक्काचूर झाला. या अपघातात बसचालक दादाराव भालचंद्र बनसोडे (वय ४३, रा. चिवरी, उमरगा) आणि महिला प्रवासी नागुबाई राम रेवघे (वय ४८, रा. अनदुर, तुळजापूर) यांचा जागीच मृत्यू झाला. जखमींना तातडीने रुग्णालयात दाखल अपघाताची माहिती मिळताच जोडभावी पेठ पोलीस ठाण्याचे पथक, फॉरेन्सिक टीम तसेच स्थानिक नागरिकांनी घटनास्थळी धाव घेत मदतकार्य सुरू केले. जखमी १० प्रवाशांना तातडीने रुग्णवाहिकेद्वारे सोलापूर येथील छत्रपती शिवाजी महाराज शासकीय सर्वोपचार रुग्णालयात (सिव्हिल हॉस्पिटल) उपचारासाठी दाखल करण्यात आले. रुग्णालय प्रशासनाच्या माहितीनुसार, सध्या जखमींची प्रकृती स्थिर असल्याचे सांगण्यात येत आहे. वाहतूक काही काळ विस्कळीत या भीषण अपघातामुळे सोलापूर-धाराशिव मार्गावरील वाहतूक काही काळ विस्कळीत झाली होती. पोलिसांनी घटनास्थळी पंचनामा करून अपघाताचा पुढील तपास सुरू केला आहे. अपघात नेमका कोणत्या कारणामुळे झाला, याचा तपास पोलीस करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

15 hrs ago

🚨 महामार्गावर भीषण अपघात; एसटी बस मधील दोघांचा मृत्यू, १० जण गंभीर जखमी 🚨 महामार्गावर भीषण अपघात; एसटी बस मधील दोघांचा मृत्यू, १० जण गंभीर जखमी पुलावर एसटी बसची लोखंडी सळ्या वाहून नेणाऱ्या ट्रकला पाठीमागून जोरदार धडक; बसच्या पुढील भागाचा चक्काचूर सोलापूर : सोलापूर-पुणे-हैदराबाद राष्ट्रीय महामार्गावरील शेळगी पुलावर शुक्रवारी (३१ जुलै) पहाटे पावणेपाचच्या सुमारास एसटी बस आणि ट्रकचा अत्यंत भीषण अपघात झाला. या दुर्घटनेत एसटी बस चालकासह एका महिला प्रवाशाचा जागीच दुर्दैवी मृत्यू झाला असून, तब्बल १० प्रवासी गंभीर जखमी झाले आहेत. मिळालेल्या माहितीनुसार, पुण्याहून उमरग्याकडे जाणाऱ्या महाराष्ट्र राज्य मार्ग परिवहन महामंडळाच्या 'हिरकणी' एसटी बसने (क्र. MH 14 LB 0380) लोखंडी सळ्या वाहून नेणाऱ्या मालट्रकला (क्र. MH 13 AX 3949) पाठीमागून जोरदार धडक दिली. धडक इतकी भीषण होती की एसटी बसच्या समोरील भागाचा अक्षरशः चक्काचूर झाला. या अपघातात बसचालक दादाराव भालचंद्र बनसोडे (वय ४३, रा. चिवरी, उमरगा) आणि महिला प्रवासी नागुबाई राम रेवघे (वय ४८, रा. अनदुर, तुळजापूर) यांचा जागीच मृत्यू झाला. जखमींना तातडीने रुग्णालयात दाखल अपघाताची माहिती मिळताच जोडभावी पेठ पोलीस ठाण्याचे पथक, फॉरेन्सिक टीम तसेच स्थानिक नागरिकांनी घटनास्थळी धाव घेत मदतकार्य सुरू केले. जखमी १० प्रवाशांना तातडीने रुग्णवाहिकेद्वारे सोलापूर येथील छत्रपती शिवाजी महाराज शासकीय सर्वोपचार रुग्णालयात (सिव्हिल हॉस्पिटल) उपचारासाठी दाखल करण्यात आले. रुग्णालय प्रशासनाच्या माहितीनुसार, सध्या जखमींची प्रकृती स्थिर असल्याचे सांगण्यात येत आहे. वाहतूक काही काळ विस्कळीत या भीषण अपघातामुळे सोलापूर-धाराशिव मार्गावरील वाहतूक काही काळ विस्कळीत झाली होती. पोलिसांनी घटनास्थळी पंचनामा करून अपघाताचा पुढील तपास सुरू केला आहे. अपघात नेमका कोणत्या कारणामुळे झाला, याचा तपास पोलीस करत आहेत.