राज्यात गेल्या काही काळापासून सुरू असलेल्या विविध घडामोडींवर नागरिकांमध्ये चर्चा सुरू असताना, वाशिम जिल्ह्यातील ग्रामीण भागातील शेतकऱ्यांकडून एक उपरोधिक प्रतिक्रिया ऐकायला मिळत आहे. सध्याच्या परिस्थितीवर भाष्य करत त्यांनी पावसासाठी देवाला साकडे घातले आहे. या साकड्यामध्ये म्हटले आहे की, "पेपर फुटले, आमदार फुटले, खासदार फुटले... आता ढग तरी फुटू दे रे देवा!" एकीकडे परीक्षा पेपरफुटीच्या घटनांमुळे विद्यार्थ्यांमध्ये नाराजी पसरली आहे, तर दुसरीकडे राजकीय क्षेत्रातील बदलत्या घडामोडींमुळे सामान्य नागरिक संभ्रमात आहेत. या सगळ्या परिस्थितीत, शेतकऱ्यांसाठी मात्र वेळेवर होणारा पाऊस हाच सर्वात महत्त्वाचा विषय ठरला आहे. खरीप हंगाम जवळ आल्याने शेतकऱ्यांनी बियाणे, खते आणि शेतीच्या मशागतीची तयारी सुरू केली आहे. मात्र अनेक भागांत अद्यापही समाधानकारक पावसाची प्रतीक्षा कायम असल्याने शेतकरी आकाशाकडे डोळे लावून बसले आहेत. गेल्या काही वर्षांपासून निसर्गाच्या लहरीपणाचा फटका शेतकऱ्यांना बसत असून, कधी अतिवृष्टी तर कधी पावसाची अनिश्चितता यामुळे शेतीचे नियोजन पूर्णपणे कोलमडत आहे. यंदा तरी पावसाने वेळेवर हजेरी लावावी आणि शेतकऱ्यांच्या शिवारात हिरवळ यावी, अशी अपेक्षा व्यक्त केली जात आहे. सामाजिक आणि राजकीय घडामोडींवर भाष्य करताना ग्रामीण भागातील नागरिक म्हणत आहेत की, "आता कुठलीही फुटाफूट नको, फक्त पावसाचे ढग फुटून शेतकऱ्यांच्या आयुष्यात आनंद यावा." या उपरोधिक प्रतिक्रियेतून सर्वसामान्यांच्या भावना स्पष्टपणे व्यक्त होत आहेत.

न्युज मराठी 24x7 वाशिम

Local News Reporter मंगरूळपीर, वाशिम, महाराष्ट्र•

10 hrs ago

राज्यात गेल्या काही काळापासून सुरू असलेल्या विविध घडामोडींवर नागरिकांमध्ये चर्चा सुरू असताना, वाशिम जिल्ह्यातील ग्रामीण भागातील शेतकऱ्यांकडून एक उपरोधिक प्रतिक्रिया ऐकायला मिळत आहे. सध्याच्या परिस्थितीवर भाष्य करत त्यांनी पावसासाठी देवाला साकडे घातले आहे. या साकड्यामध्ये म्हटले आहे की, "पेपर फुटले, आमदार फुटले, खासदार फुटले... आता ढग तरी फुटू दे रे देवा!" एकीकडे परीक्षा पेपरफुटीच्या घटनांमुळे विद्यार्थ्यांमध्ये नाराजी पसरली आहे, तर दुसरीकडे राजकीय क्षेत्रातील बदलत्या घडामोडींमुळे सामान्य नागरिक संभ्रमात आहेत. या सगळ्या परिस्थितीत, शेतकऱ्यांसाठी मात्र वेळेवर होणारा पाऊस हाच सर्वात महत्त्वाचा विषय ठरला आहे. खरीप हंगाम जवळ आल्याने शेतकऱ्यांनी बियाणे, खते आणि शेतीच्या

मशागतीची तयारी सुरू केली आहे. मात्र अनेक भागांत अद्यापही समाधानकारक पावसाची प्रतीक्षा कायम असल्याने शेतकरी आकाशाकडे डोळे लावून बसले आहेत. गेल्या काही वर्षांपासून निसर्गाच्या लहरीपणाचा फटका शेतकऱ्यांना बसत असून, कधी अतिवृष्टी तर कधी पावसाची अनिश्चितता यामुळे शेतीचे नियोजन पूर्णपणे कोलमडत आहे. यंदा तरी पावसाने वेळेवर हजेरी लावावी आणि शेतकऱ्यांच्या शिवारात हिरवळ यावी, अशी अपेक्षा व्यक्त केली जात आहे. सामाजिक आणि राजकीय घडामोडींवर भाष्य करताना ग्रामीण भागातील नागरिक म्हणत आहेत की, "आता कुठलीही फुटाफूट नको, फक्त पावसाचे ढग फुटून शेतकऱ्यांच्या आयुष्यात आनंद यावा." या उपरोधिक प्रतिक्रियेतून सर्वसामान्यांच्या भावना स्पष्टपणे व्यक्त होत आहेत.