स्वामी समर्थ मंदिर कॉरिडॉरला गती; ₹५०० कोटींचा विकास आराखडा तातडीने सादर करण्याचे मुख्यमंत्र्यांचे निर्देश अक्कलकोट येथील श्री स्वामी समर्थ मंदिर कॉरिडॉर प्रकल्पाला गती देण्यासाठी मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह, मुंबई येथे महत्त्वपूर्ण बैठक पार पडली. या बैठकीत प्रकल्पाच्या पहिल्या टप्प्यासाठी सुमारे ₹५०० कोटींचा विकास आराखडा (डीपीआर) तयार करून तो तातडीने शासनाकडे सादर करण्याचे निर्देश मुख्यमंत्र्यांनी दिले. श्री स्वामी समर्थ मंदिर कॉरिडॉर प्रकल्पासाठी म्हाडा या संस्थेची विशेष नियोजन प्राधिकरण म्हणून नियुक्ती करण्यात आली असून, प्रकल्पाचे नियोजन, आवश्यक पायाभूत सुविधा आणि विविध विकासकामांचा सविस्तर आढावा बैठकीत घेण्यात आला. या महत्त्वाकांक्षी प्रकल्पामुळे मंदिर परिसराचे सुशोभीकरण, भाविकांसाठी आधुनिक व सुसज्ज सुविधा, वाहतूक व पार्किंग व्यवस्था, पायी चालणाऱ्या भाविकांसाठी सुरक्षित मार्ग, स्वच्छता, निवास आणि इतर मूलभूत सुविधांमध्ये मोठ्या प्रमाणात सुधारणा होणार आहे. त्यामुळे देश-विदेशातून अक्कलकोटमध्ये येणाऱ्या लाखो भाविकांना अधिक सुरक्षित, सुलभ आणि समाधानकारक दर्शनाचा अनुभव मिळणार आहे. अक्कलकोटला जागतिक दर्जाचे तीर्थक्षेत्र म्हणून विकसित करण्याच्या दृष्टीने हा निर्णय महत्त्वपूर्ण मानला जात आहे. या ऐतिहासिक निर्णयाबद्दल समस्त अक्कलकोटकरांच्या वतीने मुख्यमंत्री देवेंद्र फडणवीस यांचा श्री स्वामी समर्थ महाराजांची मूर्ती भेट देऊन आभार व्यक्त करण्यात आले. बैठकीस राज्याचे गृहनिर्माण राज्यमंत्री पंकज भोयर, आमदार श्वेता महाले, मुख्य सचिव राजेश अग्रवाल, अतिरिक्त मुख्य सचिव असिमकुमार गुप्ता, म्हाडाचे उपाध्यक्ष संजीव जैस्वाल, मुख्यमंत्री व उपमुख्यमंत्र्यांचे प्रधान सचिव तसेच संबंधित विभागांचे वरिष्ठ अधिकारी उपस्थित होते.

Akkalkot news

Fitness Trainer अक्कलकोट, सोलापूर, महाराष्ट्र•

19 hrs ago

स्वामी समर्थ मंदिर कॉरिडॉरला गती; ₹५०० कोटींचा विकास आराखडा तातडीने सादर करण्याचे मुख्यमंत्र्यांचे निर्देश अक्कलकोट येथील श्री स्वामी समर्थ मंदिर कॉरिडॉर प्रकल्पाला गती देण्यासाठी मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह, मुंबई येथे महत्त्वपूर्ण बैठक पार पडली. या बैठकीत प्रकल्पाच्या पहिल्या टप्प्यासाठी सुमारे ₹५०० कोटींचा विकास आराखडा (डीपीआर) तयार करून तो तातडीने शासनाकडे सादर करण्याचे निर्देश मुख्यमंत्र्यांनी दिले. श्री स्वामी समर्थ मंदिर कॉरिडॉर प्रकल्पासाठी म्हाडा या संस्थेची विशेष नियोजन प्राधिकरण म्हणून नियुक्ती करण्यात आली असून, प्रकल्पाचे नियोजन, आवश्यक पायाभूत सुविधा आणि विविध विकासकामांचा सविस्तर आढावा बैठकीत घेण्यात आला. या महत्त्वाकांक्षी प्रकल्पामुळे मंदिर परिसराचे सुशोभीकरण, भाविकांसाठी आधुनिक व सुसज्ज सुविधा, वाहतूक व पार्किंग व्यवस्था, पायी चालणाऱ्या भाविकांसाठी सुरक्षित मार्ग, स्वच्छता, निवास आणि इतर मूलभूत सुविधांमध्ये मोठ्या प्रमाणात सुधारणा होणार आहे. त्यामुळे देश-विदेशातून अक्कलकोटमध्ये येणाऱ्या लाखो भाविकांना अधिक सुरक्षित, सुलभ आणि समाधानकारक दर्शनाचा अनुभव मिळणार आहे. अक्कलकोटला जागतिक दर्जाचे तीर्थक्षेत्र म्हणून विकसित करण्याच्या दृष्टीने हा निर्णय महत्त्वपूर्ण मानला जात आहे. या ऐतिहासिक निर्णयाबद्दल समस्त अक्कलकोटकरांच्या वतीने मुख्यमंत्री देवेंद्र फडणवीस यांचा श्री स्वामी समर्थ महाराजांची मूर्ती भेट देऊन आभार व्यक्त करण्यात आले. बैठकीस राज्याचे गृहनिर्माण राज्यमंत्री पंकज भोयर, आमदार श्वेता महाले, मुख्य सचिव राजेश अग्रवाल, अतिरिक्त मुख्य सचिव असिमकुमार गुप्ता, म्हाडाचे उपाध्यक्ष संजीव जैस्वाल, मुख्यमंत्री व उपमुख्यमंत्र्यांचे प्रधान सचिव तसेच संबंधित विभागांचे वरिष्ठ अधिकारी उपस्थित होते.