బెజ్జంకి మండల కేంద్రంలో సోమవారం విలేకరుల సమావేశంలో భారత కమ్యూనిస్టు పార్టీ (సీపీఐ) జిల్లా కార్యవర్గ సభ్యుడు పోతిరెడ్డి వెంకటరెడ్డి మాట్లాడుతూ, అన్నపూర్ణ ప్రాజెక్టు ద్వారా డి7 కాల్వ నుండి పిల్ల కాలువ పనులను, అలాగే పెండింగ్‌లో ఉన్న ఆర్‌అండ్‌బి రోడ్ల పనులను తక్షణమే పూర్తి చేయాలని ప్రభుత్వాన్ని డిమాండ్ చేశారు. గత బీఆర్ఎస్ ప్రభుత్వం బెజ్జంకి మండలంలోని భూములను సస్యశ్యామలం చేసేందుకు అన్నపూర్ణ ప్రాజెక్టు కింద డి7 కాల్వ ద్వారా రైతు పొలాలకు నీరందించేందుకు సర్వే చేయించిందని, అయితే ప్రస్తుత ప్రభుత్వం పిల్ల కాలువల ఊసే ఎత్తకపోవడం ఇబ్బందికరమని ఆయన అన్నారు. ఒకవైపు కరువు పరిస్థితులు తాండవిస్తున్నాయని, భూగర్భ జలాలు అట్టడుగుకు చేరుకుంటున్న తరుణంలో రైతులకు పిల్ల కాలువల ఆవశ్యకత ఏర్పడిందని, వీటిని యుద్ధ ప్రాతిపదికన పూర్తి చేయాలని వెంకటరెడ్డి స్పష్టం చేశారు. బెజ్జంకి మండలంలో రోడ్ల పరిస్థితి అద్వానంగా తయారైందని, రసమయి బాలకిషన్ అధికారంలో ఉన్నప్పుడు మంజూరైన బెజ్జంకి-బేగంపేట రోడ్లను కంకర పోసి ఎక్కడికక్కడ వదిలేయడం వల్ల ప్రయాణికులు ప్రమాదాలకు గురై ఆర్థికంగా నష్టపోతున్నారని తెలిపారు. పోతారం నుండి శనిగరం రోడ్డు కూడా గుంతలమయంగా మారిందని పేర్కొన్నారు. డాక్టర్ కవ్వంపల్లి సత్యనారాయణ ఎమ్మెల్యే గారు అధికారంలోకి వస్తే ఈ రోడ్లను యుద్ధ ప్రాతిపదికన పూర్తి చేస్తానని గ్రామాల్లో ప్రజలకు హామీ ఇచ్చారని గుర్తు చేశారు. వెంటనే రోడ్లను, పిల్ల కాలువ పనులను పూర్తి చేయాలని, రెండో విడత ఇందిరమ్మ ఇళ్లు లబ్ధిదారులకు మాత్రమే అందేలా చూడాలని భారత కమ్యూనిస్టు పార్టీ (సీపీఐ) డిమాండ్ చేసింది. లేనిపక్షంలో రానున్న రోజుల్లో కాంగ్రెస్ పార్టీకి, స్థానిక ఎమ్మెల్యే గారికి ప్రజలే తగిన బుద్ధి చెబుతారని హెచ్చరించారు. ఈ కార్యక్రమంలో సీపీఐ మండల కార్యదర్శి బోనగిరి రూపేష్, గ్రామ కార్యదర్శి కల్లూరి బాలమల్లు, ఏఐవైఎఫ్ జిల్లా మాజీ అధ్యక్షులు బోనగిరి శ్రావణ్, ఏఐవైఎఫ్ మండల కార్యదర్శి దొంతరవేణి మహేష్ తదితరులు పాల్గొన్నారు.

ప్రభాకర్

Farmer బెజ్జంకి, సిద్దిపేట, తెలంగాణ•

1 hr ago

బెజ్జంకి మండల కేంద్రంలో సోమవారం విలేకరుల సమావేశంలో భారత కమ్యూనిస్టు పార్టీ (సీపీఐ) జిల్లా కార్యవర్గ సభ్యుడు పోతిరెడ్డి వెంకటరెడ్డి మాట్లాడుతూ, అన్నపూర్ణ ప్రాజెక్టు ద్వారా డి7 కాల్వ నుండి పిల్ల కాలువ పనులను, అలాగే పెండింగ్‌లో ఉన్న ఆర్‌అండ్‌బి రోడ్ల పనులను తక్షణమే పూర్తి చేయాలని ప్రభుత్వాన్ని డిమాండ్ చేశారు. గత బీఆర్ఎస్ ప్రభుత్వం బెజ్జంకి మండలంలోని భూములను సస్యశ్యామలం చేసేందుకు అన్నపూర్ణ ప్రాజెక్టు కింద డి7 కాల్వ ద్వారా రైతు పొలాలకు నీరందించేందుకు సర్వే చేయించిందని, అయితే ప్రస్తుత ప్రభుత్వం పిల్ల కాలువల ఊసే ఎత్తకపోవడం ఇబ్బందికరమని ఆయన అన్నారు. ఒకవైపు కరువు పరిస్థితులు తాండవిస్తున్నాయని, భూగర్భ జలాలు అట్టడుగుకు చేరుకుంటున్న తరుణంలో రైతులకు పిల్ల కాలువల ఆవశ్యకత ఏర్పడిందని, వీటిని యుద్ధ ప్రాతిపదికన పూర్తి చేయాలని వెంకటరెడ్డి స్పష్టం చేశారు. బెజ్జంకి మండలంలో రోడ్ల పరిస్థితి అద్వానంగా తయారైందని, రసమయి బాలకిషన్ అధికారంలో ఉన్నప్పుడు మంజూరైన

బెజ్జంకి-బేగంపేట రోడ్లను కంకర పోసి ఎక్కడికక్కడ వదిలేయడం వల్ల ప్రయాణికులు ప్రమాదాలకు గురై ఆర్థికంగా నష్టపోతున్నారని తెలిపారు. పోతారం నుండి శనిగరం రోడ్డు కూడా గుంతలమయంగా మారిందని పేర్కొన్నారు. డాక్టర్ కవ్వంపల్లి సత్యనారాయణ ఎమ్మెల్యే గారు అధికారంలోకి వస్తే ఈ రోడ్లను యుద్ధ ప్రాతిపదికన పూర్తి చేస్తానని గ్రామాల్లో ప్రజలకు హామీ ఇచ్చారని గుర్తు చేశారు. వెంటనే రోడ్లను, పిల్ల కాలువ పనులను పూర్తి చేయాలని, రెండో విడత ఇందిరమ్మ ఇళ్లు లబ్ధిదారులకు మాత్రమే అందేలా చూడాలని భారత కమ్యూనిస్టు పార్టీ (సీపీఐ) డిమాండ్ చేసింది. లేనిపక్షంలో రానున్న రోజుల్లో కాంగ్రెస్ పార్టీకి, స్థానిక ఎమ్మెల్యే గారికి ప్రజలే తగిన బుద్ధి చెబుతారని హెచ్చరించారు. ఈ కార్యక్రమంలో సీపీఐ మండల కార్యదర్శి బోనగిరి రూపేష్, గ్రామ కార్యదర్శి కల్లూరి బాలమల్లు, ఏఐవైఎఫ్ జిల్లా మాజీ అధ్యక్షులు బోనగిరి శ్రావణ్, ఏఐవైఎఫ్ మండల కార్యదర్శి దొంతరవేణి మహేష్ తదితరులు పాల్గొన్నారు.