कायदा माणसासाठी की माणूस कायद्यासाठी? गणेशपुर स्मशानभूमीसाठी पालकमंत्र्यांकडे वनजमिनीची मागणी! तांत्रिक अडचणी बाजूला ठेवून १ हेक्टर जागा हस्तांतरीत करण्याचे साकडे सेनगाव/विश्वनाथ देशमुख "जिवंतपणी तर संघर्ष पाचवीला पुजलेला असतोच,पण मृत्यूनंतरही सन्मानाने अंतिम संस्कार मिळण्यासाठी कायदेशीर लढाई लढावी लागत असेल, तर 'कायदा माणसासाठी की माणूस कायद्यासाठी?'असा संतप्त सवाल विचारण्याची वेळ आली आहे."हीच विदारक आणि वेदनादायी परिस्थिती सध्या सेनगाव तालुक्यातील मौजे गणेशपूर येथील ग्रामस्थ अनुभवत आहेत.गावात हक्काची स्मशानभूमी नसल्याने अंत्यसंस्कार करताना होणारे ग्रामस्थांचे प्रचंड हाल थांबवण्यासाठी आज दि.१७ सप्टेंबर गुरुवार रोजी गणेशपूरच्या गावकऱ्यांनी हिंगोली जिल्ह्याचे पालकमंत्री मा.श्री.नरहरी झिरवाळ साहेब यांची सेनगाव येथे भेट घेतली.तांत्रिक अडचणी बाजूला ठेवून गट क्रमांक ७२ मधील १ हेक्टर वन विभागाची जमीन स्मशानभूमीसाठी त्वरित मंजूर करून हस्तांतरित करण्यात यावी,या मागणीचे निवेदन यावेळी पालकमंत्र्यांना देण्यात आले. गणेशपूर गावामध्ये गोपाळ,आंध,आदिवासी, हट्टकर (धनगर) आणि मातंग समाज यांसारख्या विविध बहुजन आणि वंचित घटकांतील नागरिक पिढ्यानपिढ्या अत्यंत गुण्यागोविंदाने आणि एकजुटीने राहत आहेत.गावात सर्व काही सुरळीत असले,तरी एखाद्या नागरिकाचा मृत्यू झाल्यास संपूर्ण गावावर दुःखासोबतच अंतिम संस्काराची मोठी चिंता पसरते.निवेदनात गावकऱ्यांनी प्रशासकीय यंत्रणेचे डोळे उघडणारा एक महत्त्वाचा मुद्दा मांडला आहे.संबंधित गट क्र. ७२ मधील ही जमीन वन विभागाकडे हस्तांतरित होण्यापूर्वीपासूनच (म्हणजेच पिढ्यानपिढ्या) ग्रामस्थ याच जागेवर अंत्यसंस्कार करत आले आहेत.मात्र,आता वन विभागाच्या तांत्रिक नियमांमुळे आणि लालफितीच्या कारभारामुळे या जागेवर अधिकृत स्मशानभूमी शेड किंवा इतर सोयी-सुविधा निर्माण करता येत नाहीत.पावसाळ्यात उघड्यावर अंत्यविधी करताना मृतदेहांची होणारी विटंबना पाहून गावकऱ्यांचा प्रशासनाविरोधात तीव्र संताप व्यक्त होत आहे.वरिष्ठ प्रशासकीय अधिकारी आणि वन विभागाच्या उदासीनतेमुळे हा प्रश्न वर्षानुवर्षे रेंगाळत पडला आहे.त्यामुळे ग्रामस्थांची ही अनेक वर्षांची बिकट आणि संवेदनशील समस्या लक्षात घेऊन पालकमंत्र्यांनी स्वतः यामध्ये मध्यस्थी करावी आणि विभागीय पातळीवरील सर्व तांत्रिक अडचणी बाजूला सारून ही १ हेक्टर जागा स्मशानभूमीकरिता मंजूर करण्याचे आदेश द्यावेत,अशी आग्रही मागणी पालकमंत्री महोदयांकडे करण्यात आली.निवेदन देतेवेळी गणेशपूरकरांची मोठी एकजूट पाहायला मिळाली.यामध्ये गावाचे सरपंच प्रल्हाद मुरमुरे,गोपाळ समाजहित महासंघाचे राज्य सचिव शेकुराव वाणी,गोपाळ समाजहित महासंघाचे हिंगोली जिल्हा अध्यक्ष कुंडलिक कुऱ्हे,डॉ.सुनील वाणी,शालेय व्यवस्थापन समितीचे अध्यक्ष कानबा गायकवाड,युवा नेते दीपक वाणी यांच्यासह मोठ्या संख्येने गावकरी उपस्थित होते.विभागीय आणि जिल्हा प्रशासनाचे लक्ष वेधून घेणाऱ्या या संवेदनशील प्रश्नावर आता हिंगोलीचे पालकमंत्री नरहरी झिरवाळ काय पावले उचलतात आणि गणेशपूरच्या नागरिकांना मृत्यूनंतरचा हक्काचा सन्मान कधी मिळवून देतात,याकडे संपूर्ण परिसराचे लक्ष लागले आहे.

Vishwanath Deshmukh

सेनगाव, हिंगोली, महाराष्ट्र•

4 hrs ago

कायदा माणसासाठी की माणूस कायद्यासाठी? गणेशपुर स्मशानभूमीसाठी पालकमंत्र्यांकडे वनजमिनीची मागणी! तांत्रिक अडचणी बाजूला ठेवून १ हेक्टर जागा हस्तांतरीत करण्याचे साकडे सेनगाव/विश्वनाथ देशमुख "जिवंतपणी तर संघर्ष पाचवीला पुजलेला असतोच,पण मृत्यूनंतरही सन्मानाने अंतिम संस्कार मिळण्यासाठी कायदेशीर लढाई लढावी लागत असेल, तर 'कायदा माणसासाठी की माणूस कायद्यासाठी?'असा संतप्त सवाल विचारण्याची वेळ आली आहे."हीच विदारक आणि वेदनादायी परिस्थिती सध्या सेनगाव तालुक्यातील मौजे गणेशपूर येथील ग्रामस्थ अनुभवत आहेत.गावात हक्काची स्मशानभूमी नसल्याने अंत्यसंस्कार करताना होणारे ग्रामस्थांचे प्रचंड हाल थांबवण्यासाठी आज दि.१७ सप्टेंबर गुरुवार रोजी गणेशपूरच्या गावकऱ्यांनी हिंगोली जिल्ह्याचे पालकमंत्री मा.श्री.नरहरी झिरवाळ साहेब यांची सेनगाव येथे भेट घेतली.तांत्रिक अडचणी बाजूला ठेवून गट क्रमांक ७२ मधील १ हेक्टर वन विभागाची जमीन स्मशानभूमीसाठी त्वरित मंजूर करून हस्तांतरित करण्यात यावी,या मागणीचे निवेदन यावेळी पालकमंत्र्यांना देण्यात आले. गणेशपूर गावामध्ये गोपाळ,आंध,आदिवासी, हट्टकर (धनगर) आणि मातंग समाज यांसारख्या विविध बहुजन आणि वंचित घटकांतील नागरिक पिढ्यानपिढ्या अत्यंत गुण्यागोविंदाने आणि एकजुटीने राहत आहेत.गावात सर्व काही सुरळीत असले,तरी एखाद्या नागरिकाचा मृत्यू झाल्यास संपूर्ण गावावर दुःखासोबतच अंतिम संस्काराची मोठी चिंता पसरते.निवेदनात गावकऱ्यांनी प्रशासकीय यंत्रणेचे डोळे उघडणारा एक महत्त्वाचा मुद्दा मांडला आहे.संबंधित गट क्र. ७२ मधील ही जमीन वन विभागाकडे हस्तांतरित होण्यापूर्वीपासूनच (म्हणजेच पिढ्यानपिढ्या) ग्रामस्थ याच जागेवर अंत्यसंस्कार करत आले आहेत.मात्र,आता वन विभागाच्या तांत्रिक नियमांमुळे आणि लालफितीच्या कारभारामुळे या जागेवर अधिकृत स्मशानभूमी शेड किंवा इतर सोयी-सुविधा निर्माण करता येत नाहीत.पावसाळ्यात उघड्यावर अंत्यविधी करताना मृतदेहांची होणारी विटंबना पाहून गावकऱ्यांचा प्रशासनाविरोधात तीव्र संताप व्यक्त होत आहे.वरिष्ठ प्रशासकीय अधिकारी आणि वन विभागाच्या उदासीनतेमुळे हा प्रश्न वर्षानुवर्षे रेंगाळत पडला आहे.त्यामुळे ग्रामस्थांची ही अनेक वर्षांची बिकट आणि संवेदनशील समस्या लक्षात घेऊन पालकमंत्र्यांनी स्वतः यामध्ये मध्यस्थी करावी आणि विभागीय पातळीवरील सर्व तांत्रिक अडचणी बाजूला सारून ही १ हेक्टर जागा स्मशानभूमीकरिता मंजूर करण्याचे आदेश द्यावेत,अशी आग्रही मागणी पालकमंत्री महोदयांकडे करण्यात आली.निवेदन देतेवेळी गणेशपूरकरांची मोठी एकजूट पाहायला मिळाली.यामध्ये गावाचे सरपंच प्रल्हाद मुरमुरे,गोपाळ समाजहित महासंघाचे राज्य सचिव शेकुराव वाणी,गोपाळ समाजहित महासंघाचे हिंगोली जिल्हा अध्यक्ष कुंडलिक कुऱ्हे,डॉ.सुनील वाणी,शालेय व्यवस्थापन समितीचे अध्यक्ष कानबा गायकवाड,युवा नेते दीपक वाणी यांच्यासह मोठ्या संख्येने गावकरी उपस्थित होते.विभागीय आणि जिल्हा प्रशासनाचे लक्ष वेधून घेणाऱ्या या संवेदनशील प्रश्नावर आता हिंगोलीचे पालकमंत्री नरहरी झिरवाळ काय पावले उचलतात आणि गणेशपूरच्या नागरिकांना मृत्यूनंतरचा हक्काचा सन्मान कधी मिळवून देतात,याकडे संपूर्ण परिसराचे लक्ष लागले आहे.