राष्ट्रवादी काँग्रेस पक्षाचे नवनियुक्त जिल्हाध्यक्ष दिलीप खैरे हे पक्ष संघटन अधिक सक्षम आणि बळकट करण्याच्या उद्देशाने पुढील आठ दिवस नाशिक जिल्ह्याचा व्यापक दौरा करणार आहेत. मतदार विशेष सखोल पुनर्निरीक्षण (SIR) मोहिमेची प्रभावी अंमलबजावणी आणि मतदार यादी अद्ययावत करण्याबाबत जनजागृती करणे हाही या दौऱ्याचा प्रमुख उद्देश आहे. पक्षाचे ज्येष्ठ नेते आणि राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या मार्गदर्शनाखाली या मोहिमेचे नियोजन करण्यात आले आहे. या दौऱ्यादरम्यान जिल्हाध्यक्ष दिलीप खैरे हे प्रत्येक विधानसभा मतदारसंघ, तालुका आणि शहर स्तरावर बैठका घेणार आहेत. या बैठकांमध्ये विधानसभा अध्यक्ष, तालुकाध्यक्ष, शहराध्यक्ष, विविध सेलचे अध्यक्ष, आघाड्यांचे पदाधिकारी आणि कार्यकर्त्यांशी संवाद साधला जाईल. मतदार यादीतील पात्र मतदारांची नोंदणी, नवमतदारांचा समावेश, आवश्यक दुरुस्त्या, बूथस्तरावरील संघटन बळकटीकरण आणि पक्षविस्तार यांसारख्या विषयांवर सविस्तर मार्गदर्शन करण्यात येणार आहे. या दौऱ्याच्या नियोजनासाठी जिल्हाध्यक्ष दिलीप खैरे यांनी नाशिक येथे, दि. २२ जून रोजी, जिल्ह्यातील विधानसभा अध्यक्ष, तालुका व शहर अध्यक्ष तसेच पक्षाच्या विविध सेलच्या पदाधिकाऱ्यांची बैठक घेतली. या बैठकीत आगामी दौऱ्याचे वेळापत्रक, संघटनात्मक बांधणी आणि मतदार विशेष सखोल पुनर्निरीक्षण मोहिमेच्या प्रभावी अंमलबजावणीबाबत चर्चा झाली. तसेच, मतदार यादी पुनर्निरीक्षण आणि आगामी स्थानिक स्वराज्य संस्था निवडणुकांवरही सखोल विचारमंथन करण्यात आले. यावेळी तालुका व शहरस्तरीय संघटनात्मक कामकाजाचे नियोजन, प्रलंबित संघटनात्मक नियुक्त्या, बूथ समित्यांचे बळकटीकरण आणि पक्षाच्या विविध सेलच्या कार्याचा आढावा घेण्यात आला. युवक, महिला, विद्यार्थी, अल्पसंख्याक, ओबीसी आणि कामगार सेलसह इतर सेलच्या माध्यमातून पक्षाची ताकद वाढवण्यावर विशेष भर देण्याचा निर्णय घेण्यात आला. आगामी स्थानिक स्वराज्य संस्था निवडणुका लक्षात घेता, जिल्हाभर व्यापक जनसंपर्क अभियान राबवण्याचा निर्णयही या बैठकीत घेण्यात आला. यात गावपातळीवरील बैठका, कार्यकर्त्यांशी संवाद साधणे, नव्या नेतृत्वाला संधी देणे आणि पक्षाचा जनाधार मजबूत करण्यासाठी विशेष कार्यक्रम राबवणे यांचा समावेश आहे. बैठकीत उपस्थित पदाधिकाऱ्यांनी आपापल्या विभागातील संघटनात्मक स्थिती, स्थानिक प्रश्न आणि पक्षवाढीसाठी आवश्यक उपाययोजनांबाबत सूचना मांडल्या. जिल्हाध्यक्ष दिलीप खैरे यांनी सर्व सूचनांची नोंद घेऊन भविष्यात पक्ष संघटना मजबूत करण्यासाठी योग्य निर्णय घेण्याचे आश्वासन दिले. त्यांनी सर्व पदाधिकारी आणि कार्यकर्त्यांना पक्ष संघटनात्मक ताकद वाढवण्यासाठी, पक्षाची भूमिका प्रत्येक बूथपर्यंत पोहोचवण्यासाठी आणि मतदार विशेष सखोल पुनर्निरीक्षण मोहीम यशस्वी करण्यासाठी सक्रिय सहभाग घेण्याचे आवाहन केले. या बैठकीला सामाजिक न्याय विभागाचे उपाध्यक्ष बाळासाहेब कर्डक, महिला जिल्हाध्यक्षा प्रेरणा बलकवडे, युवक अध्यक्ष चेतन कासव, युवती अध्यक्षा पूजा आहेर, नाशिक लोकसभा युवक अध्यक्ष योगेश निसाळ, विद्यार्थी अध्यक्ष राहुल कदम, डॉक्टर सेलचे अध्यक्ष डॉ. योगेश गोसावी, ज्ञानेश्वर दराडे, मोहन शेलार, यशवंत शिरसाठ, भारत जाधव, संकेत निमसे, सोहेल मोमीन, रामेश्वर साबळे, युवक पदाधिकारी आकाश पगार, विधानसभा अध्यक्ष वसंत पवार, सतीश पवार, तालुकाध्यक्ष साहेबराव मढवई, ज्ञानेश्वर शेवाळे, भाऊसाहेब भवर, राजेंद्र सोनवणे, कैलास देवरे, राजेंद्र भामरे, राजेंद्र पवार, राजेंद्र उफाडे, शहराध्यक्ष दत्ता निकम, तन्वीर राजे, योगेश जाधव, सुशांत काकड, वर्षा लिंगायत, अरुण राठोड, शशिकांत बागुल, हबीब शेख, अक्षय देशमुख, संदीप भामरे आदी पदाधिकारी व कार्यकर्ते मोठ्या संख्येने उपस्थित होते.

Kapil Katyare

Photographer नाशिक, नाशिक, महाराष्ट्र•

9 hrs ago

राष्ट्रवादी काँग्रेस पक्षाचे नवनियुक्त जिल्हाध्यक्ष दिलीप खैरे हे पक्ष संघटन अधिक सक्षम आणि बळकट करण्याच्या उद्देशाने पुढील आठ दिवस नाशिक जिल्ह्याचा व्यापक दौरा करणार आहेत. मतदार विशेष सखोल पुनर्निरीक्षण (SIR) मोहिमेची प्रभावी अंमलबजावणी आणि मतदार यादी अद्ययावत करण्याबाबत जनजागृती करणे हाही या दौऱ्याचा प्रमुख उद्देश आहे. पक्षाचे ज्येष्ठ नेते आणि राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या मार्गदर्शनाखाली या मोहिमेचे नियोजन करण्यात आले आहे. या दौऱ्यादरम्यान जिल्हाध्यक्ष दिलीप खैरे हे प्रत्येक विधानसभा मतदारसंघ, तालुका आणि शहर स्तरावर बैठका घेणार आहेत. या बैठकांमध्ये विधानसभा अध्यक्ष, तालुकाध्यक्ष, शहराध्यक्ष, विविध सेलचे अध्यक्ष, आघाड्यांचे पदाधिकारी आणि कार्यकर्त्यांशी संवाद साधला जाईल. मतदार यादीतील पात्र मतदारांची नोंदणी, नवमतदारांचा समावेश, आवश्यक दुरुस्त्या, बूथस्तरावरील संघटन बळकटीकरण आणि पक्षविस्तार यांसारख्या विषयांवर सविस्तर मार्गदर्शन करण्यात येणार आहे. या दौऱ्याच्या नियोजनासाठी जिल्हाध्यक्ष दिलीप खैरे यांनी नाशिक येथे, दि. २२ जून रोजी, जिल्ह्यातील विधानसभा अध्यक्ष, तालुका व शहर अध्यक्ष तसेच पक्षाच्या विविध सेलच्या पदाधिकाऱ्यांची बैठक घेतली. या बैठकीत आगामी दौऱ्याचे वेळापत्रक, संघटनात्मक बांधणी आणि मतदार विशेष सखोल पुनर्निरीक्षण मोहिमेच्या प्रभावी अंमलबजावणीबाबत चर्चा झाली. तसेच, मतदार यादी पुनर्निरीक्षण आणि आगामी स्थानिक स्वराज्य संस्था निवडणुकांवरही सखोल विचारमंथन करण्यात आले. यावेळी तालुका व शहरस्तरीय संघटनात्मक कामकाजाचे नियोजन, प्रलंबित संघटनात्मक नियुक्त्या, बूथ समित्यांचे बळकटीकरण आणि पक्षाच्या विविध सेलच्या कार्याचा आढावा घेण्यात आला. युवक, महिला, विद्यार्थी, अल्पसंख्याक, ओबीसी आणि कामगार सेलसह इतर सेलच्या माध्यमातून पक्षाची ताकद वाढवण्यावर विशेष भर देण्याचा निर्णय घेण्यात आला. आगामी स्थानिक स्वराज्य संस्था निवडणुका लक्षात घेता, जिल्हाभर व्यापक जनसंपर्क अभियान राबवण्याचा निर्णयही या बैठकीत घेण्यात आला. यात गावपातळीवरील बैठका, कार्यकर्त्यांशी संवाद साधणे, नव्या नेतृत्वाला संधी देणे आणि पक्षाचा जनाधार मजबूत करण्यासाठी विशेष कार्यक्रम राबवणे यांचा समावेश आहे. बैठकीत उपस्थित पदाधिकाऱ्यांनी आपापल्या विभागातील संघटनात्मक स्थिती, स्थानिक प्रश्न आणि पक्षवाढीसाठी आवश्यक उपाययोजनांबाबत सूचना मांडल्या. जिल्हाध्यक्ष दिलीप खैरे यांनी सर्व सूचनांची नोंद घेऊन भविष्यात पक्ष संघटना मजबूत करण्यासाठी योग्य निर्णय घेण्याचे आश्वासन दिले. त्यांनी सर्व पदाधिकारी आणि कार्यकर्त्यांना पक्ष संघटनात्मक ताकद वाढवण्यासाठी, पक्षाची भूमिका प्रत्येक बूथपर्यंत पोहोचवण्यासाठी आणि मतदार विशेष सखोल पुनर्निरीक्षण मोहीम यशस्वी करण्यासाठी सक्रिय सहभाग घेण्याचे आवाहन केले. या बैठकीला सामाजिक न्याय विभागाचे उपाध्यक्ष बाळासाहेब कर्डक, महिला जिल्हाध्यक्षा प्रेरणा बलकवडे, युवक अध्यक्ष चेतन कासव, युवती अध्यक्षा पूजा आहेर, नाशिक लोकसभा युवक अध्यक्ष योगेश निसाळ, विद्यार्थी अध्यक्ष राहुल कदम, डॉक्टर सेलचे अध्यक्ष डॉ. योगेश गोसावी, ज्ञानेश्वर दराडे, मोहन शेलार, यशवंत शिरसाठ, भारत जाधव, संकेत निमसे, सोहेल मोमीन, रामेश्वर साबळे, युवक पदाधिकारी आकाश पगार, विधानसभा अध्यक्ष वसंत पवार, सतीश पवार, तालुकाध्यक्ष साहेबराव मढवई, ज्ञानेश्वर शेवाळे, भाऊसाहेब भवर, राजेंद्र सोनवणे, कैलास देवरे, राजेंद्र भामरे, राजेंद्र पवार, राजेंद्र उफाडे, शहराध्यक्ष दत्ता निकम, तन्वीर राजे, योगेश जाधव, सुशांत काकड, वर्षा लिंगायत, अरुण राठोड, शशिकांत बागुल, हबीब शेख, अक्षय देशमुख, संदीप भामरे आदी पदाधिकारी व कार्यकर्ते मोठ्या संख्येने उपस्थित होते.