ଝାରସୁଗୁଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ କୁଣାଲ ମୋତିରାମ ଚହ୍ବାଣଙ୍କ ଅଧ୍ୟକ୍ଷତାରେ ଏକ ଗୁରୁତ୍ୱପୂର୍ଣ୍ଣ ଜିଲ୍ଲା ସ୍ତରୀୟ କ୍ଷମତାପନ୍ନ କମିଟି ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାର ଗମନାଗମନ ବ୍ୟବସ୍ଥାକୁ ସୁଦୃଢ଼ ଓ ପ୍ରସାରିତ କରିବା ଉଦ୍ଦେଶ୍ୟରେ ରାଜ୍ୟ ସରକାରଙ୍କ ସଡ଼କ ନୀତି ଅନୁଯାୟୀ ବିଭିନ୍ନ ଗ୍ରାମ୍ୟ, ପଞ୍ଚାୟତ ସମିତି ଏବଂ ସହରାଞ୍ଚଳ ରାସ୍ତାଗୁଡ଼ିକୁ ପୂର୍ତ୍ତ ବିଭାଗ ଓ ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର କରିବା ପାଇଁ ଏହି ବୈଠକରେ ନିଷ୍ପତ୍ତି ନିଆଯାଇଛି। ବୈଠକରେ ଝାରସୁଗୁଡ଼ା ପୂର୍ତ୍ତ ବିଭାଗର ସୁପରିଣ୍ଟେଣ୍ଡିଂ ଇଞ୍ଜିନିୟର ଜିତେନ୍ଦ୍ର କୁମାର ମେହେର, ଗ୍ରାମ୍ୟ ଉନ୍ନୟନ ବିଭାଗର ସୁପରିଣ୍ଟେଣ୍ଡିଂ ଇଞ୍ଜିନିୟର ଆଶିଷ କୁମାର ଲେଙ୍କା, ବେଲପାହାଡ଼ ପୌରପାଳିକାର ନିର୍ବାହୀ ଅଧିକାରୀ ଗୌରବ ପ୍ରଧାନ ଏବଂ ଲଖନପୁର ବ୍ଲକ ଉନ୍ନୟନ ଅଧିକାରୀଙ୍କ ଦ୍ୱାରା ଦାଖଲ ପ୍ରକଳ୍ପ ତାଲିକା ଉପରେ ସମୀକ୍ଷା କରାଯାଇଥିଲା। ଏହି ପ୍ରକ୍ରିୟାରେ ବିଶେଷ ଭାବେ ବ୍ରଜରାଜନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ଉନ୍ନୟନମୂଳକ ରାସ୍ତା ଉପରେ ଗୁରୁତ୍ୱ ଦିଆଯାଇଛି। କମିଟିର ନିଷ୍ପତ୍ତି ମୁତାବକ, ଜିଲ୍ଲାର ସମୁଦାୟ ୩୪ଟି ରାସ୍ତାକୁ ହସ୍ତାନ୍ତର ପାଇଁ ଚୂଡ଼ାନ୍ତ କରାଯାଇଛି। ଏଥି ମଧ୍ୟରୁ ଗ୍ରାମ୍ୟ ଉନ୍ନୟନ ବିଭାଗରୁ ପୂର୍ତ୍ତ ବିଭାଗକୁ ୧୫ଟି, ସହରାଞ୍ଚଳରୁ ପୂର୍ତ୍ତ ବିଭାଗକୁ ୩ଟି ଏବଂ ପଞ୍ଚାୟତରାଜ ବିଭାଗରୁ ପୂର୍ତ୍ତ ବିଭାଗକୁ ୧ଟି ରାସ୍ତା ହସ୍ତାନ୍ତର ହେବ। ସେହିପରି ଗ୍ରାମାଞ୍ଚଳର ଆଭ୍ୟନ୍ତରୀଣ ରାସ୍ତାର ଉନ୍ନତି ପାଇଁ ପଞ୍ଚାୟତ ସମିତି ଅଧୀନରେ ଥିବା ୧୫ଟି ରାସ୍ତାକୁ ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର କରାଯିବ। ଏହି ବୈଠକରେ ଝାରସୁଗୁଡ଼ା ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ବିଶ୍ୱରଞ୍ଜନ ନାୟକ, ବ୍ରଜରାଜନଗର ପୌର ନିର୍ବାହୀ ଅଧିକାରୀ ଚନ୍ଦ୍ରମଣି ସ୍ୱାଇଁ ଓ ଝାରସୁଗୁଡ଼ା ବିଡ଼ିଓ ଅନିଲ କୁମାର ଆଚାର୍ଯ୍ୟଙ୍କ ସମେତ ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତ ଥିଲେ।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

23 hrs ago

ଝାରସୁଗୁଡ଼ା ଜିଲ୍ଲାପାଳଙ୍କ କାର୍ଯ୍ୟାଳୟରେ ଜିଲ୍ଲାପାଳ କୁଣାଲ ମୋତିରାମ ଚହ୍ବାଣଙ୍କ ଅଧ୍ୟକ୍ଷତାରେ ଏକ ଗୁରୁତ୍ୱପୂର୍ଣ୍ଣ ଜିଲ୍ଲା ସ୍ତରୀୟ କ୍ଷମତାପନ୍ନ କମିଟି ବୈଠକ ଅନୁଷ୍ଠିତ ହୋଇଯାଇଛି। ଜିଲ୍ଲାର ଗମନାଗମନ ବ୍ୟବସ୍ଥାକୁ ସୁଦୃଢ଼ ଓ ପ୍ରସାରିତ କରିବା ଉଦ୍ଦେଶ୍ୟରେ ରାଜ୍ୟ ସରକାରଙ୍କ ସଡ଼କ ନୀତି ଅନୁଯାୟୀ ବିଭିନ୍ନ ଗ୍ରାମ୍ୟ, ପଞ୍ଚାୟତ ସମିତି ଏବଂ ସହରାଞ୍ଚଳ ରାସ୍ତାଗୁଡ଼ିକୁ ପୂର୍ତ୍ତ ବିଭାଗ ଓ ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର

କରିବା ପାଇଁ ଏହି ବୈଠକରେ ନିଷ୍ପତ୍ତି ନିଆଯାଇଛି। ବୈଠକରେ ଝାରସୁଗୁଡ଼ା ପୂର୍ତ୍ତ ବିଭାଗର ସୁପରିଣ୍ଟେଣ୍ଡିଂ ଇଞ୍ଜିନିୟର ଜିତେନ୍ଦ୍ର କୁମାର ମେହେର, ଗ୍ରାମ୍ୟ ଉନ୍ନୟନ ବିଭାଗର ସୁପରିଣ୍ଟେଣ୍ଡିଂ ଇଞ୍ଜିନିୟର ଆଶିଷ କୁମାର ଲେଙ୍କା, ବେଲପାହାଡ଼ ପୌରପାଳିକାର ନିର୍ବାହୀ ଅଧିକାରୀ ଗୌରବ ପ୍ରଧାନ ଏବଂ ଲଖନପୁର ବ୍ଲକ ଉନ୍ନୟନ ଅଧିକାରୀଙ୍କ ଦ୍ୱାରା ଦାଖଲ ପ୍ରକଳ୍ପ ତାଲିକା ଉପରେ ସମୀକ୍ଷା କରାଯାଇଥିଲା। ଏହି ପ୍ରକ୍ରିୟାରେ ବିଶେଷ ଭାବେ

ବ୍ରଜରାଜନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ଉନ୍ନୟନମୂଳକ ରାସ୍ତା ଉପରେ ଗୁରୁତ୍ୱ ଦିଆଯାଇଛି। କମିଟିର ନିଷ୍ପତ୍ତି ମୁତାବକ, ଜିଲ୍ଲାର ସମୁଦାୟ ୩୪ଟି ରାସ୍ତାକୁ ହସ୍ତାନ୍ତର ପାଇଁ ଚୂଡ଼ାନ୍ତ କରାଯାଇଛି। ଏଥି ମଧ୍ୟରୁ ଗ୍ରାମ୍ୟ ଉନ୍ନୟନ ବିଭାଗରୁ ପୂର୍ତ୍ତ ବିଭାଗକୁ ୧୫ଟି, ସହରାଞ୍ଚଳରୁ ପୂର୍ତ୍ତ ବିଭାଗକୁ ୩ଟି ଏବଂ ପଞ୍ଚାୟତରାଜ ବିଭାଗରୁ ପୂର୍ତ୍ତ ବିଭାଗକୁ ୧ଟି ରାସ୍ତା ହସ୍ତାନ୍ତର ହେବ। ସେହିପରି ଗ୍ରାମାଞ୍ଚଳର ଆଭ୍ୟନ୍ତରୀଣ ରାସ୍ତାର

ଉନ୍ନତି ପାଇଁ ପଞ୍ଚାୟତ ସମିତି ଅଧୀନରେ ଥିବା ୧୫ଟି ରାସ୍ତାକୁ ଗ୍ରାମ୍ୟ ଉନ୍ନୟନ ବିଭାଗକୁ ହସ୍ତାନ୍ତର କରାଯିବ। ଏହି ବୈଠକରେ ଝାରସୁଗୁଡ଼ା ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ବିଶ୍ୱରଞ୍ଜନ ନାୟକ, ବ୍ରଜରାଜନଗର ପୌର ନିର୍ବାହୀ ଅଧିକାରୀ ଚନ୍ଦ୍ରମଣି ସ୍ୱାଇଁ ଓ ଝାରସୁଗୁଡ଼ା ବିଡ଼ିଓ ଅନିଲ କୁମାର ଆଚାର୍ଯ୍ୟଙ୍କ ସମେତ ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତ ଥିଲେ।