କେନ୍ଦୁଝର ସଦର ବ୍ଲକ ଅନ୍ତର୍ଗତ ନୂଅଗାଁ ପଞ୍ଚାୟତର ନରସିଂହପୁର ମୁଣ୍ତାସାହିର ଗ୍ରାମବାସୀମାନେ ପୋଲ ଓ ରାସ୍ତା ନିର୍ମାଣ ନହେଲେ ଆଗାମୀ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଏହି ଅଭିଯୋଗ ନେଇ ସେମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି। ସାହିରେ ବସବାସ କରୁଥିବା ୩୦ଟି ଆଦିବାସୀ ପରିବାର ପକ୍କା ରାସ୍ତା ଏବଂ ଗାଁ ପ୍ରବେଶ ପଥରେ ନାଳ ଉପରେ ପୋଲ ନଥିବାରୁ ଯାତାୟାତରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଗତବର୍ଷ ଲଗାଣ ବର୍ଷାରେ ବଢିପାଣି ଯୋଗୁଁ ଅଧିକ ଉଚ୍ଚରେ ପାଣି ପ୍ରଭାବିତ ହେବାକୁ ପୋଲ ଧୋଇଯିବା ସହ ରାସ୍ତା ମଧ୍ୟ ଧୋଇଯାଇଥିଲା। ଫଳରେ ଲୋକେ ବାଉଁଶ ପୋଲ ତିଆରି କରି ଯାତାୟାତ କରୁଥିଲେ। ଜିଲ୍ଲା ପ୍ରଶାସନକୁ ଅନେକ ଥର ଅଭିଯୋଗ କରାଯାଇଥିଲେ ମଧ୍ୟ ସାମାନ୍ୟ ୩ ଲକ୍ଷ ଟଙ୍କାର ଏକ ସାଧାରଣ ପୋଲ ପାଇଁ ଅନୁଦାନ ପ୍ରଦାନ କରାଯିବା ସହ ଗାତ ଖୋଳାଯାଇଥିଲେ ମଧ୍ୟ ଏପର୍ଯ୍ୟନ୍ତ ନିର୍ମାଣ କରାଯାଇପାରିନାହିଁ। ସାମାନ୍ୟ ବର୍ଷା ହେଲେ ରାସ୍ତା କାଦୁଅରେ ପଚପଚ ହୋଇଯାଏ, ଯାହା ଫଳରେ ଚାଲି ଚାଲି ଯିବା ଦୂରର କଥା, ସାଇକେଲ, ବାଇକ୍ ବା କାର୍ ନେଇ ଯିବା ଆସିବା ମଧ୍ୟ ଅସମ୍ଭବ ହୋଇପଡେ। ଏହି ସମସ୍ୟା ଯୋଗୁଁ ଜରୁରୀକାଳୀନ ସ୍ୱାସ୍ଥ୍ୟସେବା ପାଇଁ ନିୟୋଜିତ ୧୦୮ ଆମ୍ବୁଲାନ୍ସ ମଧ୍ୟ ସାହି ଭିତରକୁ ଯାଇପାରୁନାହିଁ, ଫଳରେ ରୋଗୀଙ୍କୁ ଖଟିଆରେ ବୋହିବାକୁ ପଡୁଛି। ଏ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ବୃଦ୍ଧି ପାଇବାରେ ଲାଗିଛି। ଗ୍ରାମବାସୀମାନେ ଆସନ୍ତା ସୋମବାର ଦିନ କେନ୍ଦୁଝର ଜିଲ୍ଲାପାଳଙ୍କୁ ଭେଟି ଆୟୋଜିତ ଅଭିଯୋଗ ଶୁଣାଣିରେ ଏକ ଦାବିପତ୍ର ପ୍ରଦାନ କରିବେ ବୋଲି କହିଛନ୍ତି। ପୂର୍ଣ୍ଣଚନ୍ଦ୍ର ମହାକୁଡ, ରଘୁନାଥ ଲାଗୁରୀ, ସତ୍ୟଜିତ୍ ଲାଗୁରୀ, ପ୍ରଶ୍ନ ହେମ୍ବ୍ରମ, ପବନା ହେମ୍ବ୍ରମ, ବାସୁଦେବ ସିଂକୁ, ବାବୁଲୁ ହେମ୍ବ୍ରମ, ରାଉତ ସିଂକୁ, ସାଧୁ ସିଂକୁ ପ୍ରମୁଖ ଗ୍ରାମବାସୀ ଦାବି କରିଛନ୍ତି ଯେ ତୁରନ୍ତ ଉନ୍ନତମାନର ରାସ୍ତା ଏବଂ ପୋଲ ନିର୍ମାଣ ପାଇଁ ପଦକ୍ଷେପ ନିଆନଗଲେ ଆଗାମୀ ଦିନରେ ସେମାନେ ଭୋଟ ବର୍ଜନ କରିବେ।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

1 hr ago

କେନ୍ଦୁଝର ସଦର ବ୍ଲକ ଅନ୍ତର୍ଗତ ନୂଅଗାଁ ପଞ୍ଚାୟତର ନରସିଂହପୁର ମୁଣ୍ତାସାହିର ଗ୍ରାମବାସୀମାନେ ପୋଲ ଓ ରାସ୍ତା ନିର୍ମାଣ ନହେଲେ ଆଗାମୀ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି। ଏହି ଅଭିଯୋଗ ନେଇ ସେମାନେ ଜିଲ୍ଲାପାଳଙ୍କ ଦ୍ୱାରସ୍ଥ ହେବେ ବୋଲି କହିଛନ୍ତି। ସାହିରେ ବସବାସ କରୁଥିବା ୩୦ଟି ଆଦିବାସୀ ପରିବାର ପକ୍କା ରାସ୍ତା ଏବଂ ଗାଁ ପ୍ରବେଶ ପଥରେ ନାଳ ଉପରେ ପୋଲ ନଥିବାରୁ ଯାତାୟାତରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଗତବର୍ଷ

ଲଗାଣ ବର୍ଷାରେ ବଢିପାଣି ଯୋଗୁଁ ଅଧିକ ଉଚ୍ଚରେ ପାଣି ପ୍ରଭାବିତ ହେବାକୁ ପୋଲ ଧୋଇଯିବା ସହ ରାସ୍ତା ମଧ୍ୟ ଧୋଇଯାଇଥିଲା। ଫଳରେ ଲୋକେ ବାଉଁଶ ପୋଲ ତିଆରି କରି ଯାତାୟାତ କରୁଥିଲେ। ଜିଲ୍ଲା ପ୍ରଶାସନକୁ ଅନେକ ଥର ଅଭିଯୋଗ କରାଯାଇଥିଲେ ମଧ୍ୟ ସାମାନ୍ୟ ୩ ଲକ୍ଷ ଟଙ୍କାର ଏକ ସାଧାରଣ ପୋଲ ପାଇଁ ଅନୁଦାନ ପ୍ରଦାନ କରାଯିବା ସହ ଗାତ ଖୋଳାଯାଇଥିଲେ ମଧ୍ୟ ଏପର୍ଯ୍ୟନ୍ତ ନିର୍ମାଣ କରାଯାଇପାରିନାହିଁ। ସାମାନ୍ୟ ବର୍ଷା ହେଲେ

ରାସ୍ତା କାଦୁଅରେ ପଚପଚ ହୋଇଯାଏ, ଯାହା ଫଳରେ ଚାଲି ଚାଲି ଯିବା ଦୂରର କଥା, ସାଇକେଲ, ବାଇକ୍ ବା କାର୍ ନେଇ ଯିବା ଆସିବା ମଧ୍ୟ ଅସମ୍ଭବ ହୋଇପଡେ। ଏହି ସମସ୍ୟା ଯୋଗୁଁ ଜରୁରୀକାଳୀନ ସ୍ୱାସ୍ଥ୍ୟସେବା ପାଇଁ ନିୟୋଜିତ ୧୦୮ ଆମ୍ବୁଲାନ୍ସ ମଧ୍ୟ ସାହି ଭିତରକୁ ଯାଇପାରୁନାହିଁ, ଫଳରେ ରୋଗୀଙ୍କୁ ଖଟିଆରେ ବୋହିବାକୁ ପଡୁଛି। ଏ ନେଇ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ବୃଦ୍ଧି ପାଇବାରେ ଲାଗିଛି। ଗ୍ରାମବାସୀମାନେ ଆସନ୍ତା ସୋମବାର ଦିନ

କେନ୍ଦୁଝର ଜିଲ୍ଲାପାଳଙ୍କୁ ଭେଟି ଆୟୋଜିତ ଅଭିଯୋଗ ଶୁଣାଣିରେ ଏକ ଦାବିପତ୍ର ପ୍ରଦାନ କରିବେ ବୋଲି କହିଛନ୍ତି। ପୂର୍ଣ୍ଣଚନ୍ଦ୍ର ମହାକୁଡ, ରଘୁନାଥ ଲାଗୁରୀ, ସତ୍ୟଜିତ୍ ଲାଗୁରୀ, ପ୍ରଶ୍ନ ହେମ୍ବ୍ରମ, ପବନା ହେମ୍ବ୍ରମ, ବାସୁଦେବ ସିଂକୁ, ବାବୁଲୁ ହେମ୍ବ୍ରମ, ରାଉତ ସିଂକୁ, ସାଧୁ ସିଂକୁ ପ୍ରମୁଖ ଗ୍ରାମବାସୀ ଦାବି କରିଛନ୍ତି ଯେ ତୁରନ୍ତ ଉନ୍ନତମାନର ରାସ୍ତା ଏବଂ ପୋଲ ନିର୍ମାଣ ପାଇଁ ପଦକ୍ଷେପ ନିଆନଗଲେ ଆଗାମୀ ଦିନରେ ସେମାନେ ଭୋଟ ବର୍ଜନ କରିବେ।