ଆଜି ମଳ ପୂର୍ଣ୍ଣିମା ଅବସରରେ ଆକାଶରେ ଏକ ନୀଳ ଜହ୍ନ ଦେଖିବାକୁ ମିଳିଛି। ଏହି ବିରଳ ଦୃଶ୍ୟକୁ ନେଇ ଅଯୋଧ୍ୟାକୁ ଆସିଥିବା ପର୍ଯ୍ୟଟକମାନେ ନିଜ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି।

ଆଜି ମଳ ପୂର୍ଣ୍ଣିମା ଅବସରରେ ଆକାଶରେ ଏକ ନୀଳ ଜହ୍ନ ଦେଖିବାକୁ ମିଳିଛି। ଏହି ବିରଳ ଦୃଶ୍ୟକୁ ନେଇ ଅଯୋଧ୍ୟାକୁ ଆସିଥିବା ପର୍ଯ୍ୟଟକମାନେ ନିଜ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି।

ସମ୍ବଲପୁର ଜିଲ୍ଲାର କୁଚିଣ୍ଡାସ୍ଥିତ ଜରାବଗା ପଞ୍ଚାୟତ ଅଧୀନରେ ଥିବା ସର୍ଗିଡିହିରେ ମୁଣ୍ଡା ଆଦିବାସୀମାନଙ୍କ ଉତ୍ସବ ଅନୁଷ୍ଠିତ ହୋଇଛି।

କୁଚିଣ୍ଡା ଉପଖଣ୍ଡରେ ପ୍ରେମ, ବିବାହର ପ୍ରତିଶ୍ରୁତି, ଶାରୀରିକ ସମ୍ପର୍କ ଏବଂ ଶେଷରେ ଧୋକାକୁ ନେଇ ଚର୍ଚ୍ଚା ଜୋର ଧରିଛି। ବିବାହର ପ୍ରତିଶ୍ରୁତି ଦେଇ ଜଣେ ଯୁବତୀଙ୍କ ସହ ଶାରୀରିକ ସମ୍ପର୍କ ରଖିବା ପରେ ସେ ୬ ମାସର ଗର୍ଭବତୀ ହୋଇଥିବା ବେଳେ ଯୁବକ ଜଣକ ବିବାହ କରିବାକୁ ମନା କରି ଦେଇଛନ୍ତି। ଏହି ଅଭିଯୋଗ ଆଧାରରେ ପୋଲିସ ସମ୍ପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁଯାୟୀ, ମହୁଲପାଲି ଥାନା ଅନ୍ତର୍ଗତ ବାବୁମାଲଟି ଗ୍ରାମର ନରେନ୍ଦ୍ର ପରୁଆ ଏବଂ ଜମନକିରା ଥାନା ଅନ୍ତର୍ଗତ ନୁଆଡ଼ିହି ଗ୍ରାମର ଜଣେ ଯୁବତୀଙ୍କ ମଧ୍ୟରେ ୨୦୨୩ ମସିହାରୁ ପ୍ରେମ ସମ୍ପର୍କ ଗଢ଼ି ଉଠିଥିଲା। ଯୁବତୀଙ୍କ ଅଭିଯୋଗ ଅନୁସାରେ, ନରେନ୍ଦ୍ର ତାଙ୍କୁ ବିବାହ କରିବାର ପ୍ରତିଶ୍ରୁତି ଦେଇ ଦୀର୍ଘଦିନ ଧରି ଶାରୀରିକ ସମ୍ପର୍କ ରଖି ଆସୁଥିଲେ, ଯାହା ଫଳରେ ଯୁବତୀ ବର୍ତ୍ତମାନ ୬ ମାସର ଗର୍ଭବତୀ ହୋଇଛନ୍ତି। ଗର୍ଭବତୀ ହେବା ପରେ ଯୁବତୀ ବିବାହ ପାଇଁ କହିବାରୁ ନରେନ୍ଦ୍ର ତାହାକୁ ପ୍ରତ୍ୟାଖ୍ୟାନ କରିଥିଲେ। ଏହାପରେ ଯୁବତୀ ଜମନକିରା ଥାନାରେ ଏକ ଲିଖିତ ଅଭିଯୋଗ ଦାଖଲ କରିଥିଲେ। ଅଭିଯୋଗକୁ ଭିତ୍ତି କରି ଜମନକିରା ପୋଲିସ ତଦନ୍ତ ଆରମ୍ଭ କରି ଅଭିଯୁକ୍ତ ନରେନ୍ଦ୍ର ପରୁଆଙ୍କୁ ଗିରଫ କରିଥିଲା ଏବଂ ଡାକ୍ତରୀ ପରୀକ୍ଷା ପରେ ତାଙ୍କୁ କୋର୍ଟ ଚାଲାଣ କରାଯାଇଛି।

କେରୀ ଗ୍ରାମର ଜଣାଶୁଣା ସୋସିଆଲ ମିଡିଆ ଷ୍ଟାର୍ ତଥା ଭାଇରାଲ୍ ବୟ ପ୍ରଦୀପ କୁମାର ନିଜର ନିଆରା ପ୍ରତିଭା ଏବଂ ଅଲଗା ଅନ୍ଦାଜ୍ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି। ଏଥର ସେ ପୁଣି ଥରେ ଏକ ସୁନ୍ଦର ନାରୀ ବେଶ ବା 'ଝିଅ ଗେଟ୍‌ଅପ୍'ରେ ସାମ୍ନାକୁ ଆସି ଇଣ୍ଟରନେଟ୍‌ରେ ହଲଚଲ ସୃଷ୍ଟି କରିଛନ୍ତି। ତାଙ୍କର ଏହି ନୂଆ ଅବତାର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି, କାରଣ ଏହି ଝିଅ ବେଶରେ ତାଙ୍କୁ ଚିହ୍ନିବା ମୁସ୍କିଲ୍ ହୋଇପଡ଼ିଛି ଏବଂ ଭିଡିଓଟି ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି।

କେନ୍ଦୁଝର ଜିଲ୍ଲା ଚମ୍ପୁଆ ଅଞ୍ଚଳରେ ରାଜ୍ୟ ସରକାରଙ୍କ ସ୍ୱଚ୍ଛ ଶାସନ ଦାବି ଉପରେ ଏକ ବଡ଼ଧରଣର କୁଠାରଘାତ କରାଯାଉଛି। ବାରିଆ ଥାନା ଅଧୀନ ଉଚ୍ଚବାଲି ପଞ୍ଚାୟତର ମାଳିପଶି ଗ୍ରାମ ଏବଂ ଜ୍ୟୋତିପୁର ଘାଟରେ ସରକାରୀ ନିୟମକୁ ଖୋଲାଖୋଲି ଭାବେ ଉଲ୍ଲଂଘନ କରି ବେଆଇନ ବାଲି କାରବାର ଜାରି ରହିଛି। ଅଭିଯୋଗ ଅନୁଯାୟୀ, ୨୦୨୨-୨୩ ମସିହାରେ ଜ୍ୟୋତିପୁର ବାଲିଘାଟକୁ ସରକାରୀ ନିଲାମ ଦିଆଯାଇଥିଲେ ମଧ୍ୟ, ଲିଜ୍‌ଧାରୀ ନିଜ ସୀମା ବାହାରୁ, ବିଶେଷ କରି ମାଳିପଶି ଗ୍ରାମରୁ ବାଲି ଜୋର-ଜବରଦସ୍ତ ଲୁଟ୍ କରୁଛନ୍ତି। ଏହାସହ ପଡ଼ୋଶୀ ମୟୂରଭଞ୍ଜ ଜିଲ୍ଲାର ଆଦିପୁର ଗ୍ରାମ ସୀମା ପଟୁ ମଧ୍ୟ ବାଲି ଚୋରି ଚାଲିଛି। ଏହି ବେଆଇନ ବାଲି ଉତ୍ତୋଳନ ଉଚ୍ଚବାଲି ପଞ୍ଚାୟତର ଜଳ ଯୋଗାଣ ପ୍ରକଳ୍ପ 'ବସୁଧା'କୁ ସମ୍ପୂର୍ଣ୍ଣ ରୂପେ ଠପ୍ କରିଦେଇଛି। ବୈତରଣୀ ନଦୀରୁ କୋଟି କୋଟି ଟଙ୍କା ବ୍ୟୟରେ ୯ଟି ଗ୍ରାମକୁ ପାଣି ସଂଯୋଗ କରିବା ପାଇଁ ଉଦ୍ଦିଷ୍ଟ ଏହି ପ୍ରକଳ୍ପ, ନିଲାମଧାରୀଙ୍କ ଦ୍ୱାରା ଅତି ଗଭୀରରେ ବାଲି ଉତ୍ତୋଳନ ହେତୁ ବନ୍ଦ ହୋଇଯାଇଛି, ଫଳରେ ଗ୍ରାମବାସୀଙ୍କୁ ବୁନ୍ଦାଏ ପାଣି ପାଇଁ ୧ରୁ ୨ କିଲୋମିଟର ଦୌଡ଼ିବାକୁ ପଡୁଛି। ସରକାରୀ ନିୟମ ଅନୁସାରେ ନଦୀର ପୋଲ, ବନ୍ଧ ଓ ଜଳସେଚନ ପ୍ରକଳ୍ପର ୨୦୦ରୁ ୫୦୦ ମିଟର ଭିତରେ ବାଲି ଉଠାଇବା ମନା ହୋଇଥିବାବେଳେ ଏଠାରେ ଏହି ନିୟମର ଖୋଲାଖୋଲି ଉଲ୍ଲଂଘନ କରାଯାଉଛି। ବାଲି ମାଫିଆମାନେ ନିର୍ଦ୍ଧାରିତ ରାସ୍ତା ବ୍ୟବହାର ନକରି ଗ୍ରାମ୍ୟ ଜଙ୍ଗଲର ଗଛ କାଟି ନୂଆ ରାସ୍ତା ତିଆରି କରୁଛନ୍ତି ଏବଂ ଚାଷ ଜମି ଉପରେ ଦାଦାଗିରି କରି ବାଲି ଗାଡ଼ି ଚଳାଇ ଏକର ଏକର ଚାଷ ଜମି ନଷ୍ଟ କରୁଛନ୍ତି। ସ୍ଥାନୀୟ ଚାଷୀ ବିରୋଧ କଲେ ଲିଜ୍‌ଧାରୀ ଓ ତାଙ୍କ ଗୁଣ୍ଡାବାହିନୀ ସେମାନଙ୍କୁ ଜୀବନରୁ ମାରିଦେବାକୁ ଧମକ ଦେଉଥିବା ଅଭିଯୋଗ ହୋଇଛି। ସରକାରୀ ଗାଇଡଲାଇନ ଅନୁଯାୟୀ, ବାଲି ଉତ୍ତୋଳନ କେବଳ ଦିନରେ (ସୂର୍ଯ୍ୟୋଦୟରୁ ସୂର୍ଯ୍ୟାସ୍ତ) ହେବା ଉଚିତ ଏବଂ ରାତିରେ ସମ୍ପୂର୍ଣ୍ଣ ନିଷେଧ। କିନ୍ତୁ ଏଠାରେ ଦିନରାତି ବାଲି ଲୁଟ୍ ଚାଲିଛି। ଜେସିବି କିମ୍ବା ବଡ଼ ପୋକ୍‌ଲିନ ମେସିନ ସାହାଯ୍ୟରେ ଗଭୀର ଖନନ ବାରଣ ଥିବାବେଳେ, ବେଆଇନ ଭାବେ ବଡ଼ ବଡ଼ ମେସିନ ଲଗାଇ ଭୂତଳ ଜଳସ୍ତରଠାରୁ ଅଧିକ ଗଭୀରତାକୁ ଖୋଳାଯାଉଛି। ରାସ୍ତାରେ ପ୍ରଦୂଷଣ ରୋକିବା ପାଇଁ ଜଳ ସିଞ୍ଚନ, ଗାଡ଼ିରେ ତ୍ରିପାଲ ଢାଙ୍କିବା, ଜିପିଏସ୍, ଓଜନ ମେସିନ ଏବଂ ପ୍ରବେଶ ପଥରେ ଲାଇଭ୍ ସିସିଟିଭି କ୍ୟାମେରା ବାଧ୍ୟତାମୂଳକ ଥିଲେ ମଧ୍ୟ ଏସବୁ ନିୟମ ପାଳନ କରାଯାଉନାହିଁ। ବିନା ସରକାରୀ ରସିଦରେ ୧୦/୧୨ ଚକିଆ ଟ୍ରକ ଯୋଗେ ବାଲି ଚାଲାଣ କରି ଓଡ଼ିଶା ସରକାରଙ୍କ କୋଟି କୋଟି ଟଙ୍କାର ରାଜସ୍ୱ ହାନି କରାଯାଉଛି। ଏହି ସଂଘାତିକ ବେଆଇନ କାର୍ଯ୍ୟ ବିରୋଧରେ ମାଳିପଶି ଗ୍ରାମବାସୀ ଏକତ୍ରିତ ହୋଇ ଜିଲ୍ଲାପାଳଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ଏହି ଅଭିଯୋଗ ପତ୍ରର ନକଲ ଓଡ଼ିଶାର ରାଜସ୍ୱ ମନ୍ତ୍ରୀ, କେନ୍ଦୁଝର ଆରକ୍ଷୀ ଅଧୀକ୍ଷକ, କେନ୍ଦୁଝର ବନଖଣ୍ଡ ଅଧିକାରୀ, ଚମ୍ପୁଆ ଉପଜିଲାପାଳ, ଚମ୍ପୁଆ ତହସିଲଦାର ଏବଂ ଖଣି ଉପନିର୍ଦ୍ଦେଶକଙ୍କୁ ମଧ୍ୟ ପ୍ରେରଣ କରାଯାଇଛି। ଏ ସମ୍ପର୍କରେ ଭାରପ୍ରାପ୍ତ ଖଣି ନିର୍ଦ୍ଦେଶକଙ୍କୁ ପଚାରିବାରୁ ସେ କହିଛନ୍ତି ଯେ, ଅଭିଯୋଗକୁ ଅନୁଧ୍ୟାନ କରାଯାଇଛି ଏବଂ ସ୍ଥିତିର ମିଳିତ ଯାଞ୍ଚ କରିବା ପାଇଁ ଚମ୍ପୁଆ ଖଣି ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି, ରିପୋର୍ଟ ଆସିବା ପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସବୁ ଜାଣିଶୁଣି ମଧ୍ୟ ଖଣି ବିଭାଗ ଓ ସ୍ଥାନୀୟ ପ୍ରଶାସନ ଘୁଘୁଡ଼ି ମାରି ଶୋଇଥିବା ଭଳି ଅଭିନୟ କରୁଛି ବୋଲି ଅଭିଯୋଗ ହୋଇଛି, ଯାହା ସରକାରଙ୍କୁ ବଦନାମ କରିବାରେ ବାବୁମାନଙ୍କ ମାହିରପଣିଆକୁ ପଦାରେ ପକାଇଛି। ଏବେ ପ୍ରଶ୍ନ ଉଠୁଛି ଯେ, ବାଲିଘାଟ ଲିଜ୍ ଦେବା ସମୟରେ ଖଣି ବିଭାଗ କ'ଣ ଆଖି ବୁଜି ଦେଇଥିଲା? ନିୟମର ଖୋଲା ଉଲ୍ଲଂଘନ କରୁଥିବା ଏହି ମାଫିଆଙ୍କ ପଛରେ କେଉଁ ପ୍ରଭାବଶାଳୀ ନେତା ବା ବାବୁଙ୍କ ହାତ ରହିଛି? ଜିଲ୍ଲା ପ୍ରଶାସନ ତଦନ୍ତ ନାମରେ କେବଳ ସମୟ ଗଡ଼ାଉଛି ନା ସ୍ଥାନୀୟ ଚାଷୀ ଓ ଜନସାଧାରଣଙ୍କୁ ନ୍ୟାୟ ମିଳିବ, ତାହା ଦେଖିବାକୁ ବାକି ରହିଲା।

ସମ୍ବଲପୁର ଜିଲ୍ଲାରେ ସ୍ୱତନ୍ତ୍ର ତୀବ୍ର ସଂଶୋଧନ (SIR) କାର୍ଯ୍ୟକ୍ରମ ଆରମ୍ଭ କରାଯାଇଛି। ଏହି ଅବସରରେ, ଜିଲ୍ଲାର ଲୋକଙ୍କୁ ନିବେଦନ କରାଯାଇଛି ଯେ ସେମାନେ BLOs ସହିତ ସହଯୋଗ କରନ୍ତୁ ଏବଂ ଏକ ସଠିକ୍ ଭୋଟର ତାଲିକା ପ୍ରସ୍ତୁତ କରିବା ପାଇଁ ସଠିକ୍ ତଥ୍ୟ ପ୍ରଦାନ କରନ୍ତୁ। ଭୋଟର ତାଲିକାରେ ନିଜ ନାମ ପଞ୍ଜୀକରଣ କରି ଗଣତନ୍ତ୍ରରେ ଜଣେ ସକ୍ରିୟ ଅଂଶଗ୍ରହଣକାରୀ ହେବାକୁ ଏହି କାର୍ଯ୍ୟକ୍ରମ ମାଧ୍ୟମରେ ଆହ୍ୱାନ କରାଯାଇଛି।

ସମ୍ବଲପୁର ଜିଲ୍ଲାର କୁଚିଣ୍ଡା ଅନ୍ତର୍ଗତ ଜରାବଗା ପଞ୍ଚାୟତର ସର୍ଗିଡିହି ଠାରେ ମୁଣ୍ଡା ଆଦିବାସୀମାନଙ୍କ ଉତ୍ସବ 'ମେ ଯାତ୍ରା' ୨୦୨୬ ମସିହାରେ ପାଳିତ ହେବ।

ଘଷିପୁରା ଥାନା ଅନ୍ତର୍ଗତ ଶାଳପଡା ନୂଆ କଲୋନୀର ମଧୁବନରେ ଏକ ନିଛାଟିଆ ସ୍ଥାନରେ ବ୍ରାଉନ ସୁଗାର କାରବାର ଚାଲିଥିବା ବେଳେ ସ୍ଥାନୀୟ ମହିଳାମାନେ ଜଣେ ଯୁବକକୁ କାବୁ କରିଛନ୍ତି। ଯୁବକ ଜଣକ ବ୍ରାଉନ ସୁଗାର ସେବନ କରିବା ସହ ଏହାର ବେପାର ମଧ୍ୟ କରୁଥିଲା। ମହିଳାମାନେ ତାଙ୍କୁ ଘେରିଯାଇ କାବୁ କରିବା ସହ ତାଙ୍କ ନିକଟରୁ ୩୦ରୁ ଉର୍ଦ୍ଧ୍ବ ବ୍ରାଉନ ସୁଗାର ପ୍ୟାକେଟ ଜବତ କରିଛନ୍ତି।