*ఆల్బెండజోల్ మాత్రలతో నులిపురుగులను నివారించవచ్చు* "అపరిశుభ్రత వల్లే నులిపురుగులు పిల్లలకు సంక్రమిస్తాయి". జాతీయ నులిపురుగుల నిర్మూలన కార్యక్రమం. డాక్టర్ ఆర్.చందన్ రెడ్డి, జి.జి.హెచ్. చిన్నపిల్లల వైద్య నిపుణులు. నేటి ఆధునిక సమాజంలో, జీవన విధానంలో ఆహారపు అలవాట్లు కారణంగా చిన్నపిల్లల్లో నులిపురుగుల సమస్య తీవ్రంగా ఉందని, ఇందు నిమిత్తం పీ.హెచ్.పీ. అసోసియేషన్ వారు నిర్మూలన అవగాహన కార్యక్రమాన్ని ఏర్పాటు చేయడం ఎంతో అభినందనీయమని ప్రభుత్వ సర్వజన ఆసుపత్రి చిన్నపిల్లల వైద్య నిపుణులు డాక్టర్ ఆర్. చందన్ రెడ్డి అన్నారు. జాతీయ నులిపురుగుల నివారణ కార్యక్రమం సందర్భంగా జిల్లా వైద్య ఆరోగ్యశాఖ సహకారంతో కమ్యూనిటీ పారామెడిక్స్ అండ్ ప్రైమరీ హెల్త్ కేర్ ప్రొవైడర్స్ వెల్ఫేర్ అసోసియేషన్ (పిఎంపి అసోసియేషన్ ఆఫ్ ఇండియా) ఆధ్వర్యంలో బుజబుజ నెల్లూరులోని శేషు ఇంగ్లీష్ మీడియం హై స్కూల్ నందు మంగళవారం జరిగిన అవగాహన సదస్సు మరియు ఆల్బెండజోల్ మాత్రలు పంపిణీ కార్యక్రమాన్ని ఆయన ప్రారంభించి మాట్లాడుతూ కేంద్ర ప్రభుత్వం నిర్వహిస్తున్న జాతీయ నులిపురుగుల నివారణను ఏడాదికి రెండుసార్లు నులిపురుగులు నివారణ చర్యలు చేపడుతుందని, ప్రస్తుత జీవన విధానం, ఆహారపు అలవాట్లు కారణంగా ఒకటి నుంచి 19 ఏళ్ల లోపల పిల్లల్లో నులిపురుగుల సమస్య తీవ్రంగా ఉందని అన్నారు. ఈ కారణంగా పిల్లలు తీవ్ర ఇబ్బందులు ఎదుర్కొంటున్నారని, పౌష్టికాహార లోపం, బలహీనత, ఆందోళన, కడుపునొప్పి, వాంతులు, విరోచనాలు వంటి సమస్యలు కూడా ఏర్పడడంతో కొందరిలో శారీరక, మానసిక ఎదుగుదల మందకొడిగా ఉంటుందని తెలిపారు. ఒకటి నుండి రెండు సంవత్సరాల లోపు పిల్లలకి సగం మాత్ర మిగతా వారికి పూర్తి మాత్రం నమిలి మింగాలని అన్నారు. కలుషితమైన ఆహారాలు లేదా పానీయాలు తీసుకోవడంవల్ల ఈ నులిపురుగులు సంభవిస్తాయని, వీటిని నిర్మూలించేందుకు ఆల్బెండజోల్ మాత్రలు తీసుకోవాలని, ఐదేళ్ల లోపు చిన్నారులకు సిరప్, ఐదేళ్లు దాటిన వారికి మాత్ర మధ్యాహ్నం భోజనానంతరం వేయాలి అన్నారు. *ఆరోగ్యవంతమైన పిల్లల కోసం నులిపురుగులను నులిమేద్దాం* 25 వ డివిజన్ కార్పొరేటర్ బద్దెపూడి నరసింహగిరి మాట్లాడుతూ దీర్ఘకాలిక వ్యాధిగ్రస్తులు ఇతర వ్యాధులకు మందులు వాడుతున్న వారు ఈ మాత్ర వేసుకోకూడదు అన్నారు. ముఖ్యంగా పరిసరాలను పరిశుభ్రంగా ఉంచుకోకపోతే నులిపురుగులు వ్యాపిస్తాయని, కలుషిత ఆహారము, ఈగలు వాలిన తినుబండారాలు, దుమ్ము, ధూళి పడిన ఆహార పదార్థాలు తినడం వల్ల, బహిరంగ ప్రదేశాల్లో మలవిసర్జన ద్వారా, కాళ్లకు చెప్పులు లేకుండా మరుగుదొడ్డికి వెళ్లడం ద్వారా, ఆకుకూరలు, కాయగూరలు, పండ్లు వంటివాటిని శుభ్రమైన నీటితో కడగకపోవడం వల్ల వ్యాపిస్తాయని అన్నారు. మలవిసర్జన తర్వాత, భోజనం చేసేముందు శుభ్రంగా చేతులు కడుక్కోవాలని, ఆహార పదార్థాలపై ఎల్లప్పుడూ మూతలు కప్పి ఉంచాలన్నారు. 2017 నుంచి ప్రతి సంవత్సరం జాతీయ నులిపురుగుల నిర్మూలన దినోత్సవం నిర్వహిస్తున్నారని, దీనిని కేంద్ర ఆరోగ్య కుటుంబ మంత్రిత్వ శాఖ అమలు చేస్తుందన్నారు. యూ పి హెచ్ సి కోఆర్డినేటర్ కొండాపురం వెంకటేశ్వర్లు మాట్లాడుతూ జాతీయ నులిపురుగుల నిర్మూలన కార్యక్రమం రోజున డివార్మింగ్ చేయబడని పిల్లలకు ఫిబ్రవరి 24వ తేదీన జరిగే మాప్-అప్ రోజున ఆల్బెండజోల్ 400 మిల్లీగ్రాముల మాత్రలు వేయడం జరుగుతుందన్నారు. పిల్లలు, కిషోర్ బాలల కడుపులో నులిపురుగులు ఉన్నట్లయితే పోషకాహార లోపం, రక్తహీనత వల్ల నీరసంగా ఉంటారని, శారీరక, మానసిక, ఎదుగుదల లోపాలు కలిగి ఉంటారని అన్నారు. అనంతరం నిర్వాహకులు డాక్టర్ ఆర్. చందన్ రెడ్డిని ఘనంగా సన్మానించారు. ఈ కార్యక్రమంలో రూడ్స్ చారిటబుల్ ట్రస్ట్ చైర్మన్ షేక్ రసూల్, జనసేన 25వ డివిజన్ అధ్యక్షులు కుడుముల సురేష్ , పి హెచ్ పి నాయకులు శాఖవరపు వేణుగోపాల్, దేవరకొండ శ్రీనివాసులు, ఏఎన్ఎం ఎ.పావని, ఆశ వర్కర్ ఆర్.యశోద, స్కూల్ ఇన్చార్జి బోనబోయిన యశ్వంత్, టిప్పు తదితరులు పాల్గొన్నారు.

SRIHARI POONDLA

నెల్లూరు అర్బన్, ఎస్పీఎస్ఆర్ నెల్లూరు, ఆంధ్రప్రదేశ్•

1 hr ago

*ఆల్బెండజోల్ మాత్రలతో నులిపురుగులను నివారించవచ్చు* "అపరిశుభ్రత వల్లే నులిపురుగులు పిల్లలకు సంక్రమిస్తాయి". జాతీయ నులిపురుగుల నిర్మూలన కార్యక్రమం. డాక్టర్ ఆర్.చందన్ రెడ్డి, జి.జి.హెచ్. చిన్నపిల్లల వైద్య నిపుణులు. నేటి ఆధునిక సమాజంలో, జీవన విధానంలో ఆహారపు అలవాట్లు కారణంగా చిన్నపిల్లల్లో నులిపురుగుల సమస్య తీవ్రంగా ఉందని, ఇందు నిమిత్తం పీ.హెచ్.పీ. అసోసియేషన్ వారు నిర్మూలన అవగాహన కార్యక్రమాన్ని ఏర్పాటు చేయడం ఎంతో అభినందనీయమని ప్రభుత్వ సర్వజన ఆసుపత్రి చిన్నపిల్లల వైద్య నిపుణులు డాక్టర్ ఆర్. చందన్ రెడ్డి అన్నారు. జాతీయ నులిపురుగుల నివారణ కార్యక్రమం సందర్భంగా జిల్లా వైద్య ఆరోగ్యశాఖ సహకారంతో కమ్యూనిటీ పారామెడిక్స్ అండ్ ప్రైమరీ హెల్త్ కేర్ ప్రొవైడర్స్ వెల్ఫేర్ అసోసియేషన్ (పిఎంపి అసోసియేషన్ ఆఫ్ ఇండియా) ఆధ్వర్యంలో బుజబుజ నెల్లూరులోని శేషు ఇంగ్లీష్ మీడియం హై స్కూల్ నందు మంగళవారం జరిగిన అవగాహన సదస్సు మరియు ఆల్బెండజోల్ మాత్రలు పంపిణీ కార్యక్రమాన్ని ఆయన ప్రారంభించి మాట్లాడుతూ కేంద్ర ప్రభుత్వం నిర్వహిస్తున్న జాతీయ నులిపురుగుల నివారణను ఏడాదికి రెండుసార్లు నులిపురుగులు నివారణ చర్యలు చేపడుతుందని, ప్రస్తుత జీవన విధానం, ఆహారపు అలవాట్లు కారణంగా ఒకటి నుంచి 19 ఏళ్ల లోపల పిల్లల్లో నులిపురుగుల సమస్య తీవ్రంగా ఉందని అన్నారు. ఈ కారణంగా పిల్లలు తీవ్ర ఇబ్బందులు ఎదుర్కొంటున్నారని, పౌష్టికాహార లోపం, బలహీనత, ఆందోళన, కడుపునొప్పి, వాంతులు, విరోచనాలు వంటి సమస్యలు కూడా ఏర్పడడంతో కొందరిలో శారీరక, మానసిక ఎదుగుదల మందకొడిగా ఉంటుందని తెలిపారు. ఒకటి నుండి రెండు సంవత్సరాల లోపు పిల్లలకి సగం మాత్ర మిగతా వారికి పూర్తి మాత్రం నమిలి మింగాలని అన్నారు. కలుషితమైన ఆహారాలు లేదా పానీయాలు తీసుకోవడంవల్ల ఈ నులిపురుగులు సంభవిస్తాయని, వీటిని నిర్మూలించేందుకు ఆల్బెండజోల్ మాత్రలు తీసుకోవాలని, ఐదేళ్ల లోపు చిన్నారులకు సిరప్, ఐదేళ్లు దాటిన వారికి మాత్ర మధ్యాహ్నం భోజనానంతరం వేయాలి అన్నారు. *ఆరోగ్యవంతమైన పిల్లల కోసం నులిపురుగులను నులిమేద్దాం* 25 వ డివిజన్ కార్పొరేటర్ బద్దెపూడి నరసింహగిరి మాట్లాడుతూ దీర్ఘకాలిక వ్యాధిగ్రస్తులు ఇతర వ్యాధులకు మందులు వాడుతున్న వారు ఈ మాత్ర వేసుకోకూడదు అన్నారు. ముఖ్యంగా పరిసరాలను పరిశుభ్రంగా ఉంచుకోకపోతే నులిపురుగులు వ్యాపిస్తాయని, కలుషిత ఆహారము, ఈగలు వాలిన తినుబండారాలు, దుమ్ము, ధూళి పడిన ఆహార పదార్థాలు తినడం వల్ల, బహిరంగ ప్రదేశాల్లో మలవిసర్జన ద్వారా, కాళ్లకు చెప్పులు లేకుండా మరుగుదొడ్డికి వెళ్లడం ద్వారా, ఆకుకూరలు, కాయగూరలు, పండ్లు వంటివాటిని శుభ్రమైన నీటితో కడగకపోవడం వల్ల వ్యాపిస్తాయని అన్నారు. మలవిసర్జన తర్వాత, భోజనం చేసేముందు శుభ్రంగా చేతులు కడుక్కోవాలని, ఆహార పదార్థాలపై ఎల్లప్పుడూ మూతలు కప్పి ఉంచాలన్నారు. 2017 నుంచి ప్రతి సంవత్సరం జాతీయ నులిపురుగుల నిర్మూలన దినోత్సవం నిర్వహిస్తున్నారని, దీనిని కేంద్ర ఆరోగ్య కుటుంబ మంత్రిత్వ శాఖ అమలు చేస్తుందన్నారు. యూ పి హెచ్ సి కోఆర్డినేటర్ కొండాపురం వెంకటేశ్వర్లు మాట్లాడుతూ జాతీయ నులిపురుగుల నిర్మూలన కార్యక్రమం రోజున డివార్మింగ్ చేయబడని పిల్లలకు ఫిబ్రవరి 24వ తేదీన జరిగే మాప్-అప్ రోజున ఆల్బెండజోల్ 400 మిల్లీగ్రాముల మాత్రలు వేయడం జరుగుతుందన్నారు. పిల్లలు, కిషోర్ బాలల కడుపులో నులిపురుగులు ఉన్నట్లయితే పోషకాహార లోపం, రక్తహీనత వల్ల నీరసంగా ఉంటారని, శారీరక, మానసిక, ఎదుగుదల లోపాలు కలిగి ఉంటారని అన్నారు. అనంతరం నిర్వాహకులు డాక్టర్ ఆర్. చందన్ రెడ్డిని ఘనంగా సన్మానించారు. ఈ కార్యక్రమంలో రూడ్స్ చారిటబుల్ ట్రస్ట్ చైర్మన్ షేక్ రసూల్, జనసేన 25వ డివిజన్ అధ్యక్షులు కుడుముల సురేష్ , పి హెచ్ పి నాయకులు శాఖవరపు వేణుగోపాల్, దేవరకొండ శ్రీనివాసులు, ఏఎన్ఎం ఎ.పావని, ఆశ వర్కర్ ఆర్.యశోద, స్కూల్ ఇన్చార్జి బోనబోయిన యశ్వంత్, టిప్పు తదితరులు పాల్గొన్నారు.