କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକର ଶିକ୍ଷା ବ୍ୟବସ୍ଥାରେ ବ୍ୟାପକ ସୁଧାର ଆଣିବା ପାଇଁ ପ୍ରୟାସ ଜାରି ରହିଛି। ଏହି ପ୍ରୟାସ ଅନ୍ତର୍ଗତ ଗୋଷ୍ଠୀ ଶିକ୍ଷା ଅଧିକାରୀ ରୁଷିଆ ମେହେର ବିଭିନ୍ନ ବିଦ୍ୟାଳୟ ଗସ୍ତ କରିଛନ୍ତି। ଏହି ପରିଦର୍ଶନ ସମୟରେ ସେ ବିଦ୍ୟାଳୟଗୁଡ଼ିକରେ ହେଉଥିବା ଶିକ୍ଷାଦାନ କାର୍ଯ୍ୟ ସହିତ ଅନ୍ୟାନ୍ୟ ବ୍ୟବସ୍ଥାଗୁଡ଼ିକର ମଧ୍ୟ ଅନୁଧ୍ୟାନ କରିଥିବା ଜଣାପଡ଼ିଛି।

ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସହରରେ ଥିବା ମହାବୀର ରେସିଡେନ୍ସିରେ ଏକ ଘରର ତାଲା ଭାଙ୍ଗି ଚୋରି ହୋଇଥିବା ଅଭିଯୋଗ ହୋଇଛି। ସୂଚନା ଅନୁସାରେ, ଏହି ରେସିଡେନ୍ସିର ଘର ନମ୍ବର S28 ରେ ରହୁଥିବା ଅବସରପ୍ରାପ୍ତ କୋର୍ଟ କର୍ମଚାରୀ ବାବୁଲାଲ ପାଢୀ ନିଜ ଘରକୁ ତାଲା ପକାଇ ଗାଁକୁ ଯାଇଥିଲେ। କିନ୍ତୁ ସେ ଗାଁରୁ ଫେରି ଦେଖିବା ବେଳକୁ ତାଙ୍କ ଘରର ତାଲା ଭାଙ୍ଗି ଚୋରି ହୋଇସାରିଥିଲା। ଏହି ଘଟଣାକୁ ନେଇ ବାବୁଲାଲ ପାଢୀ କଣ୍ଟାବାଞ୍ଜି ଥାନାର ଦ୍ୱାରସ୍ଥ ହୋଇ ଏକ ଲିଖିତ ଅଭିଯୋଗ କରିଛନ୍ତି। ପୋଲିସ ମାମଲା ରୁଜୁ କରିବା ସହ ମହାବୀର ରେସିଡେନ୍ସିକୁ ଯାଇ ଘଟଣାର ଅଧିକ ତଦନ୍ତ ଆରମ୍ଭ କରିଛି। ସେପଟେ ମହାବୀର ରେସିଡେନ୍ସିର ସୁରକ୍ଷା ପାଇଁ ୬ ଜଣ ସୁରକ୍ଷା ଗାର୍ଡ ଏବଂ ଅନେକ ସିସିଟିଭି କ୍ୟାମେରା ଲାଗିଥିବା ବେଳେ, ଏଭଳି ଚୋରି କିଭଳି ସମ୍ଭବ ହେଲା ତାହାକୁ ନେଇ ଏବେ ଏକ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି।

ଗଜପତି ଜିଲ୍ଲା ଆର. ଉଦୟଗିରି ବ୍ଲକ୍ ଅନ୍ତର୍ଗତ ତବାରସିଂ ସରକାରୀ ଉଚ୍ଚ ବିଦ୍ୟାଳୟରେ ବନମହୋତ୍ସବ ସପ୍ତାହ ଅତ୍ୟନ୍ତ ଉତ୍ସାହର ସହ ପାଳନ କରାଯାଇଛି। ଜିଲ୍ଲା ଜୁନିଅର ରେଡକ୍ରସ ଏବଂ ରାମଗିରି ବନାଞ୍ଚଳ ବନ ବିଭାଗର ସହଯୋଗରେ ବିଦ୍ୟାଳୟ ପରିସରରେ ବିଭିନ୍ନ ପ୍ରଜାତିର ଚାରାରୋପଣ କରାଯାଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଏମ୍.କାମେଶ୍ୱର ରାଓ ଯୋଗଦେଇ ବୃକ୍ଷରୋପଣର ଗୁରୁତ୍ୱ ଉପରେ ଆଲୋକପାତ କରିବା ସହ ପରିବେଶ ସୁରକ୍ଷା ଏବଂ ସବୁଜିମା ବୃଦ୍ଧି ପାଇଁ ପ୍ରତ୍ୟେକ ଛାତ୍ରଛାତ୍ରୀଙ୍କୁ ଅତି କମ୍‌ରେ ଗୋଟିଏ ଗଛ ଲଗାଇ ତାହାର ଯତ୍ନ ନେବାକୁ ଆହ୍ୱାନ କରିଥିଲେ। ବିଦ୍ୟାଳୟର ପ୍ରଧାନଶିକ୍ଷକ ପୁରୁଷୋତ୍ତମ ନାୟକଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ସୁଚାରୁରୂପେ ପରିଚାଳିତ ହୋଇଥିଲା। ଏଥିରେ ଜୁନିଅର ରେଡକ୍ରସ (JRC) ପରାମର୍ଶଦାତା ମୁକ୍ତିକାନ୍ତ ମଲ୍ଲିକ୍ ବୃକ୍ଷରୋପଣ ସହ ପରିବେଶ ସଚେତନତାର ବାର୍ତ୍ତା ପ୍ରଦାନ କରି ଚାରାଗୁଡ଼ିକର ନିୟମିତ ଯତ୍ନ ନେବା ଓ ପରିବେଶ ସୁରକ୍ଷାରେ ସକ୍ରିୟ ଭାବେ ସାମିଲ ହେବାକୁ ଛାତ୍ରଛାତ୍ରୀମାନଙ୍କୁ ପ୍ରେରିତ କରିଥିଲେ। ବିଦ୍ୟାଳୟର ଶିକ୍ଷକ, ବନ ବିଭାଗର କର୍ମଚାରୀ ଏବଂ ଛାତ୍ରଛାତ୍ରୀମାନେ ଏହି ବୃକ୍ଷରୋପଣ କାର୍ଯ୍ୟକ୍ରମରେ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ଶେଷରେ ପରିବେଶ ସୁରକ୍ଷାର ବାର୍ତ୍ତା ପ୍ରଚାର ସହ ରୋପଣ କରାଯାଇଥିବା ଚାରାଗୁଡ଼ିକର ନିୟମିତ ଯତ୍ନ ନେବା ପାଇଁ ସମସ୍ତେ ସଂକଳ୍ପ ଗ୍ରହଣ କରିଥିଲେ।

ବଲାଙ୍ଗୀର ସଦର ଅଞ୍ଚଳରେ ମାଡ଼ର ଶିକାର ହୋଇଥିବା ଜଣେ ଯୁବକଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ଏହି ଘଟଣା ପରେ ସଦର ପୋଲିସ ପୀଡ଼ିତ ଯୁବକଙ୍କୁ କେବେ ସୁଦ୍ଧା ନ୍ୟାୟ ପ୍ରଦାନ କରୁଛି, ସେଥିପ୍ରତି ଏବେ ସମସ୍ତଙ୍କ ନଜର ରହିଛି।

ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ବେନ୍ଦେର ପଞ୍ଚାୟତ ସଦର ଗାଁରେ ନିର୍ମାଣ ହେଉଥିବା ଚେକ୍ ଡ୍ୟାମ୍ ଏବେ ଫାଟି ଆଁ କଲାଣି। ଏହି ଚେକ୍ ଡ୍ୟାମ୍ ନିର୍ମାଣରେ ଅତ୍ୟନ୍ତ ନିମ୍ନ ମାନର କାମ ହୋଇଥିବା ନେଇ ଗୁରୁତର ଅଭିଯୋଗ ହୋଇଛି।

ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ବେନ୍ଦେର ପଞ୍ଚାୟତ ସଦର ଗାଁର ଆମ ପଡ଼ାରେ ପାଣି ସମସ୍ୟା ଦେଖିବାକୁ ମିଳିଛି। ଏଠାକାର ପଡ଼ାବାସୀ ପିଇବା ପାଣି ପାଇଁ ହନ୍ତସନ୍ତ ହେଉଛନ୍ତି ଏବଂ କୂଅର ଦୂଷିତ ପାଣି ହିଁ ସେମାନଙ୍କର ଭରସା ପାଲଟିଛି। ଏହି ସମସ୍ୟା ସମ୍ପର୍କରେ ବିଭାଗୀୟ ଅଧିକାରୀଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ ପ୍ରଶାସନ ସମ୍ପୂର୍ଣ୍ଣ ନିରବ ରହିଛି।

କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକର ଲାଞ୍ଜିଗଡ଼ ଥାନା ପରିସରରେ ଶୁକ୍ରବାର ଦିନ ଏକ ଶାନ୍ତି କମିଟିର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଲାଞ୍ଜିଗଡ଼ର ଗୁଣ୍ଡିଚାଯାତ୍ରା ଏବଂ ବାହୁଡ଼ା ଯାତ୍ରାକୁ କିପରି ସୁରୁଖୁରୁରେ ଓ ଶାନ୍ତି ଶୃଙ୍ଖଳାର ସହ ସମାପନ କରାଯାଇପାରିବ, ସେନେଇ ଏହି ବୈଠକରେ ଆଲୋଚନା ହୋଇଛି। ଏହି ପ୍ରସ୍ତୁତି ବୈଠକଟି ଲାଞ୍ଜିଗଡ଼ ତହସିଲଦାର ବନମାଳୀ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା।

ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ଏବଂ ଝରିଗାଁ ବ୍ଲକ ଅନ୍ତର୍ଗତ ଅନେକ ଗ୍ରାମରେ ଚୋର ଓ ଲୁଟେରା ଗ୍ୟାଙ୍ଗ ସକ୍ରିୟ ହୋଇ ଗୋଟିଏ ପରେ ଗୋଟିଏ ଗାଁରେ ଚୋରି ଏବଂ ଡକାୟତି ଚଳାଇଛନ୍ତି। ଏହି ଲୁଟେରାମାନେ ସକ୍ରିୟ ରହି ନିରନ୍ତର ଭାବେ ଲୋକଙ୍କ ଧନଜୀବନକୁ ବିପନ୍ନ କରୁଥିବାରୁ ସ୍ଥାନୀୟ ଅଞ୍ଚଳରେ ତୀବ୍ର ଆତଙ୍କ ଖେଳିଯାଇଛି। ଗତ ୨୦୨୫ ଜୁନ୍ ମାସରେ ତେଲଗା ସ୍ଥିତ ଏକ ଘରେ ଏହି ଚୋର ଲୁଟେରା ଗ୍ୟାଙ୍ଗ ପଶି ଅନେକ ଟଙ୍କା, ମୋବାଇଲ୍ ଏବଂ ଅନ୍ୟାନ୍ୟ ଜିନିଷପତ୍ର ଲୁଟି ନେଇଥିଲେ। ଚୋରମାନେ ଖଣ୍ଡା, କାତି ଓ ବନ୍ଧୁକ ଭଳି ମାରାତ୍ମକ ଅସ୍ତ୍ରଶସ୍ତ୍ର ଧରି ଉକ୍ତ ଘରକୁ ଚାରି ଚାରି ଥର ଆକ୍ରମଣ କରିଥିଲେ। ଏହି ସଶସ୍ତ୍ର ଆକ୍ରମଣ ଯୋଗୁଁ ମନରେ ଭୟ ସୃଷ୍ଟି ହେବାରୁ ସେହି ଘରଟି ଏବେ ପରିତ୍ୟକ୍ତ ଅବସ୍ଥାରେ ପଡ଼ି ରହିଛି। ଏହାକୁ ନେଇ ସରକାର ଓ ପ୍ରଶାସନ ନିକଟରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜୋରଦାର ଅନୁରୋଧ କରାଯାଇଛି। ଏହି ସକ୍ରିୟ ଚୋର ଲୁଟେରା ଗ୍ୟାଙ୍ଗକୁ ତୁରନ୍ତ ଗିରଫ କରି କୋର୍ଟ ଚାଲାଣ କରାଯାଉ ଏବଂ ଜେଲ୍ ଦଣ୍ଡ ପ୍ରଦାନ କରାଯାଉ। ସେମାନଙ୍କୁ ତୁରନ୍ତ କାବୁ କରାନଗଲେ ଦିନକୁ ଦିନ ଏହି ଲୁଟେରାମାନେ ଚୋରି ଓ ଡକାୟତି ଜାରି ରଖି ଲୋକଙ୍କ ଧନଜୀବନ ନଷ୍ଟ କରିଦେବେ ବୋଲି ଚେତାବନୀ ଦିଆଯାଇଛି।

ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ବିଧାନସଭା କ୍ଷେତ୍ର ବଙ୍ଗୋମୁଣ୍ଡା ଥାନା ବଳଧା ପଂଚାୟତ ସାନମୂଲା ଗାଁରେ ଏକ ଅଜଗର ସାପ ଆକ୍ରମଣରେ ଗୋଟିଏ ଛେଳିର ମୃତ୍ୟୁ ହୋଇଛି। ଆଜି କିଛି ଲୋକେ ଛେଳି ଚରାଇବାକୁ ଚାଷ ଜମିକୁ ନେଇଥିବା ବେଳେ ସେଠାରେ ଏକ ଛେଳିକୁ ଅଜଗର ସାପ ଆକ୍ରମଣ କରିଥିଲା। ଏହି ଆକ୍ରମଣରେ ଛେଳିର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି। ଏହା ସହିତ ଅଜଗର ସାପଟି ସେଠାରେ ଥିବା ଅନ୍ୟ ଛେଳିମାନଙ୍କୁ ମଧ୍ୟ ଆକ୍ରମଣ କରିବାକୁ ଉଦ୍ୟମ କରୁଥିବା ଦେଖିବାକୁ ମିଳିଛି। ସାନମୂଲା ଗାଁରେ ଏଭଳି ଏକ ଅଭାବନୀୟ ଘଟଣା ଘଟିଯାଇଛି।

କଳାହାଣ୍ଡିର ଧର୍ମଗଡ଼ରେ ଚୋର ଓ ଲୁଟେରା ଗ୍ୟାଙ୍ଗ ସକ୍ରିୟ ଅଛନ୍ତି। ଏଥିପାଇଁ ସ୍ଥାନୀୟ ଲୋକମାନଙ୍କୁ ସଜାଗ ଏବଂ ସତର୍କ ରହିବାକୁ ପରାମର୍ଶ ଦିଆଯାଇଛି। ଚୋର ଓ ଲୁଟେରା ଗ୍ୟାଙ୍ଗ ସକ୍ରିୟ ଥିବାରୁ ସମସ୍ତେ ସତର୍କ ରୁହନ୍ତୁ ଏବଂ ସୁରକ୍ଷିତ ରୁହନ୍ତୁ।