Shuru
Apke Nagar Ki App…
শ্ৰীশ্ৰী দুৰ্গা পূজা সমাগত হোৱাৰ পৰিপ্ৰেক্ষিতত শিৱসাগৰৰ অন্যতম বাৰোৱাৰী পূজা সমিতিৰ বাৰ্ষিক সভাখন ১১ জুলাই, শনিবাৰে অনুষ্ঠিত হৈ যায়। শিৱসাগৰ নগৰৰ ডলফিন ল’জৰ সমীপত অৱস্থিত পূজা সমিতিৰ স্থায়ী কাৰ্য্যালয় বাৰোৱাৰী কলা কৃষ্টি কেন্দ্ৰত অনুষ্ঠিত এই গুৰুত্বপূৰ্ণ সভাত সভাপতিত্ব কৰে পূজা সমিতিৰ সভাপতি দয়াল খাউণ্ডে। সভাত সম্পাদকদ্বয় প্ৰদীপ কান্তি দাস আৰু মানৱ বৰুৱাই উদ্দেশ্য ব্যাখ্যা কৰাৰ বিপৰীতে কোষাধ্যক্ষ প্ৰশান্ত বৰঠাকুৰে সমিতিৰ বাৰ্ষিক হিচাপ দাখিল কৰে। বাৰোৱাৰী মহিলা মঞ্চৰ যথেষ্ট সংখ্যক প্ৰতিনিধি আৰু প্ৰায় অৰ্ধশতাধিক কৰ্মকৰ্তা উপস্থিত থকা এই সভাত কালীপ্ৰসাদ সোঁৱৰণী ভৱন প্ৰাংগণত আগন্তুক বাৰোৱাৰী দুৰ্গা পূজাভাগি সূচাৰুৰূপে আয়োজন কৰাৰ বাবে সকলোৱে নিজৰ দিহা-পৰামৰ্শ আগবঢ়ায়। সমিতিৰ এই বাৰ্ষিক সভাখন সুচাৰুৰূপে সম্পন্ন হোৱাৰ পিছত পূজা সমিতিয়ে আগন্তুক পূজাৰ সফল আয়োজনৰ বাবে সমগ্ৰ শিৱসাগৰবাসী ৰাইজৰ সহায়-সহযোগিতা কামনা কৰিছে।
অমৃত কুমাৰ শৰ্মা, শিৱসাগৰ সদৰ
শ্ৰীশ্ৰী দুৰ্গা পূজা সমাগত হোৱাৰ পৰিপ্ৰেক্ষিতত শিৱসাগৰৰ অন্যতম বাৰোৱাৰী পূজা সমিতিৰ বাৰ্ষিক সভাখন ১১ জুলাই, শনিবাৰে অনুষ্ঠিত হৈ যায়। শিৱসাগৰ নগৰৰ ডলফিন ল’জৰ সমীপত অৱস্থিত পূজা সমিতিৰ স্থায়ী কাৰ্য্যালয়
বাৰোৱাৰী কলা কৃষ্টি কেন্দ্ৰত অনুষ্ঠিত এই গুৰুত্বপূৰ্ণ সভাত সভাপতিত্ব কৰে পূজা সমিতিৰ সভাপতি দয়াল খাউণ্ডে। সভাত সম্পাদকদ্বয় প্ৰদীপ কান্তি দাস আৰু মানৱ বৰুৱাই উদ্দেশ্য ব্যাখ্যা কৰাৰ বিপৰীতে কোষাধ্যক্ষ প্ৰশান্ত বৰঠাকুৰে
সমিতিৰ বাৰ্ষিক হিচাপ দাখিল কৰে। বাৰোৱাৰী মহিলা মঞ্চৰ যথেষ্ট সংখ্যক প্ৰতিনিধি আৰু প্ৰায় অৰ্ধশতাধিক কৰ্মকৰ্তা উপস্থিত থকা এই সভাত কালীপ্ৰসাদ সোঁৱৰণী ভৱন প্ৰাংগণত আগন্তুক বাৰোৱাৰী দুৰ্গা পূজাভাগি সূচাৰুৰূপে আয়োজন
কৰাৰ বাবে সকলোৱে নিজৰ দিহা-পৰামৰ্শ আগবঢ়ায়। সমিতিৰ এই বাৰ্ষিক সভাখন সুচাৰুৰূপে সম্পন্ন হোৱাৰ পিছত পূজা সমিতিয়ে আগন্তুক পূজাৰ সফল আয়োজনৰ বাবে সমগ্ৰ শিৱসাগৰবাসী ৰাইজৰ সহায়-সহযোগিতা কামনা কৰিছে।
More news from অসম and nearby areas
- শিৱসাগৰৰ আৰক্ষী ছাউনীৰ আৱাসিক এলেকাত আজি এটা সাপক লৈ তীব্ৰ আতংকৰ সৃষ্টি হয়। আৰক্ষী ছাউনীৰ আৱাসিক এলেকাত থকা আৰক্ষী জোৱান দৈনমালূ বসুমতাৰীৰ ঘৰত হঠাতে এটা বৃহৎ আকাৰৰ সাপ প্ৰৱেশ কৰে। আৱাসগৃহৰ ভিতৰত সাপটো দেখা পাই জোৱানজনৰ পৰিয়ালৰ লগতে চুবুৰীয়াসকলৰ মাজতো তীব্ৰ আতংক বিয়পি পৰে। পিছত অৱশ্যে সাপটো এটা অবিষাক্ত 'মচোৱা গোম' বুলি চিনাক্ত কৰা হয়। পৰিয়ালটোৱে ততালিকে খবৰ দিয়াত ঘটনাস্থলীত বন্যপ্ৰাণী উদ্ধাৰকাৰী টুটুমনি কলিতা উপস্থিত হয় আৰু অতি কৌশলেৰে সাপটো নিৰাপদভাৱে উদ্ধাৰ কৰে। উদ্ধাৰৰ পিছত সাপটোক কোনো ধৰণৰ ক্ষতি নকৰাকৈ এটা নিৰাপদ স্থানত এৰি দিয়া হয়। সাপটোক সুৰক্ষিতভাৱে উদ্ধাৰ কৰাৰ বাবে আৰক্ষী জোৱানজনৰ পৰিয়ালে উদ্ধাৰকাৰী টুটুমনি কলিতাক ধন্যবাদ জ্ঞাপন কৰে।1Farid Ali.
- শ্ৰীশ্ৰী দুৰ্গা পূজা সমাগত হোৱাৰ পৰিপ্ৰেক্ষিতত শিৱসাগৰৰ অন্যতম বাৰোৱাৰী পূজা সমিতিৰ বাৰ্ষিক সভাখন ১১ জুলাই, শনিবাৰে অনুষ্ঠিত হৈ যায়। শিৱসাগৰ নগৰৰ ডলফিন ল’জৰ সমীপত অৱস্থিত পূজা সমিতিৰ স্থায়ী কাৰ্য্যালয় বাৰোৱাৰী কলা কৃষ্টি কেন্দ্ৰত অনুষ্ঠিত এই গুৰুত্বপূৰ্ণ সভাত সভাপতিত্ব কৰে পূজা সমিতিৰ সভাপতি দয়াল খাউণ্ডে। সভাত সম্পাদকদ্বয় প্ৰদীপ কান্তি দাস আৰু মানৱ বৰুৱাই উদ্দেশ্য ব্যাখ্যা কৰাৰ বিপৰীতে কোষাধ্যক্ষ প্ৰশান্ত বৰঠাকুৰে সমিতিৰ বাৰ্ষিক হিচাপ দাখিল কৰে। বাৰোৱাৰী মহিলা মঞ্চৰ যথেষ্ট সংখ্যক প্ৰতিনিধি আৰু প্ৰায় অৰ্ধশতাধিক কৰ্মকৰ্তা উপস্থিত থকা এই সভাত কালীপ্ৰসাদ সোঁৱৰণী ভৱন প্ৰাংগণত আগন্তুক বাৰোৱাৰী দুৰ্গা পূজাভাগি সূচাৰুৰূপে আয়োজন কৰাৰ বাবে সকলোৱে নিজৰ দিহা-পৰামৰ্শ আগবঢ়ায়। সমিতিৰ এই বাৰ্ষিক সভাখন সুচাৰুৰূপে সম্পন্ন হোৱাৰ পিছত পূজা সমিতিয়ে আগন্তুক পূজাৰ সফল আয়োজনৰ বাবে সমগ্ৰ শিৱসাগৰবাসী ৰাইজৰ সহায়-সহযোগিতা কামনা কৰিছে।4অমৃত কুমাৰ শৰ্মা, শিৱসাগৰ সদৰ
- শিৱসাগৰ জিলাৰ ১৮ নং কাঠপাৰ প্ৰাথমিক বিদ্যালয়ত দ্বিতীয় বাৰ্ষিক প্ৰতিষ্ঠা দিৱসৰ লগত সংগতি ৰাখি এক নৃত্য প্ৰতিযোগিতাৰ আয়োজন কৰা হয়। বিদ্যালয়খনৰ পৰিচালনা সমিতিৰ উদ্যোগত আৰু কুঁহিপাত নৃত্য বিদ্যালয়ৰ সহযোগত এই অনুষ্ঠানটি অনুষ্ঠিত কৰা হৈছে। উক্ত অনুষ্ঠানত বিশিষ্ট সমাজকৰ্মী চিত্ৰলেখা গগৈয়ে বন্তি প্ৰজ্বলন কৰি কাৰ্যসূচীৰ শুভাৰম্ভ কৰে। ইয়াৰ পাছতে প্ৰতিযোগিতাখনত বহু সংখ্যক প্ৰতিযোগীয়ে অংশগ্ৰহণ কৰে। অংকুশ জ্যোতি দত্তৰ প্ৰতিবেদন অনুসৰি, বিদ্যালয়খনত এই প্ৰতিযোগিতাখন সুকলমে সম্পন্ন হৈছে।1অংকুশ জ্যোতি দত্ত
- শিবসাগৰ জিলাৰ নাজিৰাৰ শালগুৰি নাট্যমন্দিৰত অনুষ্ঠিত এখন সংবাদমেলত স্থানীয় ৰাইজে শ্ৰীশ্ৰী শালগুৰি সত্ৰৰ কীৰ্তিকমল দেৱগোস্বামীৰ গ্ৰেপ্তাৰক কেন্দ্ৰ কৰি একাংশ সংবাদ মাধ্যমত প্ৰকাশ পোৱা বাতৰিক লৈ তীব্ৰ উদ্বেগ প্ৰকাশ কৰিছে। তেওঁলোকৰ মতে, একাংশ সংবাদ মাধ্যমে এই ঘটনাটোক বিকৃতভাৱে উপস্থাপন কৰিছে। কীৰ্তিকমল দেৱগোস্বামী বৰ্তমান এই গোচৰৰ এজন অভিযুক্তহে, কোনো আদালতে এতিয়ালৈকে তেওঁক দোষী সাব্যস্ত কৰা নাই। সেয়েহে আইনী প্ৰক্ৰিয়া সম্পূৰ্ণ হোৱাৰ পূৰ্বেই তেওঁক সংবাদ মাধ্যমত অপৰাধী হিচাপে উপস্থাপন কৰাটো কোনো কাৰণতে ন্যায়সংগত বা আইনসন্মত নহয় বুলি স্থানীয় ৰাইজে স্পষ্ট কৰি দিয়ে। ইয়াৰ উপৰিও, একাংশ সংবাদ মাধ্যমত কীৰ্তিকমল দেৱগোস্বামীক "ডেকা সত্ৰাধিকাৰ" বুলি কৰা উল্লেখৰ বিৰুদ্ধেও সংবাদমেলত ৰাইজে তীব্ৰ আপত্তি দৰ্শায়। তেওঁলোকে স্পষ্টকৈ জানিবলৈ দিয়ে যে কীৰ্তিকমল দেৱগোস্বামী কোনো ডেকা সত্ৰাধিকাৰ নহয়। এই ঘটনাত তেওঁৰ পিতৃ তথা প্ৰকৃত ডেকা সত্ৰাধিকাৰজনক সংবাদ মাধ্যমে অযথা টানি আনি জড়িত নকৰিবলৈ সংবাদমেলৰ জৰিয়তে সজোৰে আহ্বান জনোৱা হৈছে। সংবাদমেলত উপস্থিত থকা একাংশ লোকে লগতে অভিযোগ উত্থাপন কৰে যে "হাজৰিকা" উপাধিধাৰী এজন বিশেষ ব্যক্তিৰ প্ৰৰোচনাৰ বাবেই কীৰ্তিকমল দেৱগোস্বামীৰ এই গ্ৰেপ্তাৰ সংঘটিত হৈছে। অৱশ্যে, এই সকলো অভিযোগ সংবাদমেলত উপস্থিত লোকসকলৰ বক্তব্যৰ ওপৰত ভিত্তি কৰিহে প্ৰকাশ কৰা হৈছে আৰু ইয়াৰ কোনো স্বতন্ত্ৰ সত্যতা নিশ্চিত হোৱা নাই। বৰ্তমান সমগ্ৰ বিষয়টো আইনী বিচাৰাধীন হৈ আছে।1News
- চৰাইদেউ জিলাৰ লাকুৱা নাহৰহাবি চাহবাগিছাৰ টেংকি পুখুৰীত বাস কৰা ‘জিমি’ নামৰ কাছজনী এতিয়া অঞ্চলটোৰ শিশুসকলৰ মাজত চৰ্চাৰ কেন্দ্ৰবিন্দু হৈ পৰিছে। প্ৰায় এক কুইণ্টল ওজনৰ এই কাছজনীয়ে শিশুসকলৰ সৈতে এক নিবিড় সম্পৰ্ক গঢ়ি তুলিছে। শিশুসকলে মাতিলেই পুখুৰীৰ পাৰলৈ ঢপলিয়াই অহা জিমিৰ বাবে তেওঁলোকে বিস্কুট, বেঙেনা, বিলাহী আৰু মুড়িৰ দৰে খাদ্য লৈ আহে। কেৱল খাদ্য খুৱাই নহয়, শিশুসকলে মৰমৰ জিমিৰ গা ধোৱাই দিও বিভিন্ন ধৰণে মৰম যাচে। পুখুৰীটোত আন কাছ থাকিলেও জিমি কিন্তু শিশুসকলৰ সংগ ল’বলৈহে বেছি আগ্ৰহী। জিমিৰ এই বিশেষ আচৰণ আৰু শিশুসকলৰ সৈতে তাৰ বন্ধুত্বই এতিয়া বহু লোকক আকৰ্ষণ কৰিছে। এই বিৰল দৃশ্য চাবলৈ টেংকি পুখুৰীৰ পাৰত বহু লোকৰ ভিৰ পৰিলক্ষিত হৈছে। এই পৰিস্থিতিত স্থানীয় ৰাইজে চাহবাগিছা কৰ্তৃপক্ষ আৰু বিভাগীয় কৰ্তৃপক্ষক টেংকি পুখুৰীটো চাফ-চিকুণ কৰি ৰখাৰ লগতে ইয়াৰ উপযুক্ত ৰক্ষণাবেক্ষণৰ ব্যৱস্থা গ্ৰহণ কৰিবলৈ আহ্বান জনাইছে।1Charaideo news
- চৰাইদেউ জিলাত পুনৰ উদ্বেগজনকভাৱে বৃদ্ধি পাইছে আফ্ৰিকান ছোৱাইন ফিভাৰৰ প্ৰকোপ। জিলাখনৰ মাহমৰা ৰাজহ চক্ৰৰ অন্তৰ্গত হাতীবন্ধা অঞ্চলত এই মাৰাত্মক ৰোগবিধৰ উপস্থিতি ধৰা পৰাৰ পাছতে স্থানীয় গাহৰি পালকসকলৰ মাজত তীব্ৰ আতংকৰ সৃষ্টি হৈছে। শেহতীয়াকৈ হাতীবন্ধা অঞ্চলৰ এখন ফাৰ্মত পশু চিকিৎসা বিভাগে কৰা পৰীক্ষাত ফাৰ্মখনৰ চাৰিটা গাহৰিৰ দেহত আফ্ৰিকান ছোৱাইন ফিভাৰ নিশ্চিত হোৱাৰ পাছত এই জটিল পৰিস্থিতিৰ উদ্ভৱ হৈছে। ৰোগবিধ যাতে দাঁতিকাষৰীয়া অঞ্চললৈ বিয়পিব নোৱাৰে, তাৰ প্ৰতি লক্ষ্য ৰাখি জিলা পশু চিকিৎসা বিভাগে তৎকালীনভাৱে কঠোৰ সিদ্ধান্ত গ্ৰহণ কৰি বিভাগীয় কৰ্তৃপক্ষৰ উপস্থিতিত সংক্ৰমিত ফাৰ্মখনৰ ৩৬টাকৈ গাহৰি নিধন কৰে। এই আকস্মিক ঘটনাত ফাৰ্মখনৰ গৰাকী যথেষ্ট পৰিমাণৰ আৰ্থিক লোকচানৰ সন্মুখীন হ’বলগীয়া হৈছে। গাহৰি পালনৰ জৰিয়তে জীৱিকা নিৰ্বাহ কৰা লোকসকলে চৰকাৰৰ ওচৰত তাৎক্ষণিক ক্ষতিপূৰণৰ দাবী জনোৱাৰ লগতে ৰোগবিধৰ সংক্ৰমণ ৰোধ কৰিবলৈ প্ৰয়োজনীয় ভেকচিন বা প্ৰতিষেধকৰ ব্যৱস্থা গ্ৰহণ কৰিবলৈ আহ্বান জনাইছে। বৰ্তমান অঞ্চলটোত পশু চিকিৎসা বিভাগে সতৰ্কতা অৱলম্বন কৰাৰ লগতে মাহমৰা ৰাজহ চক্ৰৰ অন্তৰ্গত এলেকাত গাহৰি মাংস বিক্ৰী তথা সৰবৰাহ নিষিদ্ধ কৰিছে চৰাইদেউ জিলা প্ৰশাসনে।1Charaideo News & Entertainment
- অসম চৰকাৰৰ ২০২৬-২০২৭ বৰ্ষৰ পূৰ্ণাংগ বাজেট দাখিলৰ প্ৰাকমুহূৰ্তত অখিল গগৈয়ে এই বাজেট সন্দৰ্ভত সংবাদ মাধ্যমৰ প্ৰশ্নৰ উত্তৰ প্ৰদান কৰিছে। চৰকাৰৰ এই বাজেটক লৈ তেওঁ নিজৰ মতামত ব্যক্ত কৰিছে।1Assam Update
- খোৱাঙৰ নাহৰণিত বনৰীয়া ম'হৰ আক্ৰমণত দুজন লোক আহত হোৱাৰ ঘটনা সংঘটিত হৈছে। আহত দুয়োগৰাকীকে উন্নত চিকিৎসাৰ বাবে AMCH লৈ প্ৰেৰণ কৰা হৈছে।1Moran Dorpon
