नांदेड जिल्ह्यात २२ जून रोजी जिल्हाधिकारी कार्यालयातील नियोजन भवन येथे विशेष सखोल पुनरीक्षण कार्यक्रम (SIR-2026) अंतर्गत सर्व मतदार नोंदणी अधिकारी (ERO) आणि सहाय्यक मतदार नोंदणी अधिकारी (AERO) यांचे प्रशिक्षण पार पडले. हे प्रशिक्षण जिल्हाधिकारी तथा जिल्हा निवडणूक अधिकारी राहुल कर्डिले यांच्या मार्गदर्शनाखाली आयोजित करण्यात आले होते. यावेळी अपर जिल्हाधिकारी डॉ. रत्नदीप गायकवाड आणि उपजिल्हा निवडणूक अधिकारी राजकुमार माने उपस्थित होते. राजकुमार माने यांनी भारत निवडणूक आयोगाच्या मार्गदर्शक सूचनांनुसार, SIR-2026 संदर्भातील कार्यपद्धती, कालबद्ध कार्यक्रम, पडताळणी प्रक्रिया आणि मतदार यादी पुनरीक्षणाची कार्यवाही यावर सविस्तर प्रशिक्षण दिले. हे प्रशिक्षण पीपीटीच्या माध्यमातून देण्यात आले. जिल्ह्यात एकूण ९० मतदार नोंदणी अधिकारी आणि सहाय्यक मतदार नोंदणी अधिकारी नियुक्त असल्याची माहिती यावेळी देण्यात आली, तर या प्रशिक्षणास ९ मतदार नोंदणी अधिकारी आणि ८२ सहायक मतदान नोंदणी अधिकारी उपस्थित होते. कार्यक्रमाची प्रभावी अंमलबजावणी करण्यासाठी जबाबदाऱ्या आणि कामकाजाची पद्धत यावेळी स्पष्ट करण्यात आली. जिल्हा निवडणूक अधिकारी राहुल कर्डिले यांनी SIR-2026 कार्यक्रम मतदार यादीची शुद्धता, अचूकता आणि सर्वसमावेशकता सुनिश्चित करण्यासाठी अत्यंत महत्त्वाचा असल्याचे सांगितले. त्यांनी सर्व अधिकाऱ्यांना विहित मुदतीत हे काम पूर्ण करण्याच्या सूचनाही दिल्या.

Mohammad Rafikh

Graphic designer माहूर, नांदेड, महाराष्ट्र•

18 hrs ago

नांदेड जिल्ह्यात २२ जून रोजी जिल्हाधिकारी कार्यालयातील नियोजन भवन येथे विशेष सखोल पुनरीक्षण कार्यक्रम (SIR-2026) अंतर्गत सर्व मतदार नोंदणी अधिकारी (ERO) आणि सहाय्यक मतदार नोंदणी अधिकारी (AERO) यांचे प्रशिक्षण पार पडले. हे प्रशिक्षण जिल्हाधिकारी तथा जिल्हा निवडणूक अधिकारी राहुल कर्डिले यांच्या मार्गदर्शनाखाली आयोजित करण्यात आले होते. यावेळी अपर जिल्हाधिकारी डॉ. रत्नदीप गायकवाड आणि उपजिल्हा निवडणूक अधिकारी राजकुमार माने उपस्थित होते. राजकुमार माने यांनी भारत निवडणूक आयोगाच्या मार्गदर्शक सूचनांनुसार, SIR-2026 संदर्भातील कार्यपद्धती, कालबद्ध कार्यक्रम, पडताळणी प्रक्रिया आणि मतदार यादी पुनरीक्षणाची कार्यवाही यावर सविस्तर प्रशिक्षण दिले. हे प्रशिक्षण पीपीटीच्या माध्यमातून देण्यात आले. जिल्ह्यात एकूण ९० मतदार नोंदणी अधिकारी आणि सहाय्यक मतदार नोंदणी अधिकारी नियुक्त असल्याची माहिती यावेळी देण्यात आली, तर या प्रशिक्षणास ९ मतदार नोंदणी अधिकारी आणि ८२ सहायक मतदान नोंदणी अधिकारी उपस्थित होते. कार्यक्रमाची प्रभावी अंमलबजावणी करण्यासाठी जबाबदाऱ्या आणि कामकाजाची पद्धत यावेळी स्पष्ट करण्यात आली. जिल्हा निवडणूक अधिकारी राहुल कर्डिले यांनी SIR-2026 कार्यक्रम मतदार यादीची शुद्धता, अचूकता आणि सर्वसमावेशकता सुनिश्चित करण्यासाठी अत्यंत महत्त्वाचा असल्याचे सांगितले. त्यांनी सर्व अधिकाऱ्यांना विहित मुदतीत हे काम पूर्ण करण्याच्या सूचनाही दिल्या.