खामगाव तालुक्यातील बोरी अडगाव येथे एक हृदयद्रावक घटना घडली आहे, जिथे बैलगाडीला बैल जुंपत असताना अचानक आलेल्या एका गायीमुळे बैल बिथरले आणि बैलाचे शिंग लागून एका ७५ वर्षीय वृद्ध शेतकऱ्याचा दुर्दैवी मृत्यू झाला. या प्रकरणी खामगाव ग्रामीण पोलीस स्टेशनमध्ये मर्ग दाखल करण्यात आला आहे. पोलिसांनी दिलेल्या माहितीनुसार, बोरी अडगाव येथील रहिवासी शांताराम वामन टिकार हे आपल्या बैलगाडीला बैल जुंपत होते. याच दरम्यान गावातील एक देवगाय त्या ठिकाणी आली आणि ती थेट बैलांच्या अंगावर धावून गेली. गाय अंगावर आल्याने बैल अचानक बिथरले आणि सैरावैरा पळू लागले. या गडबडीत बैलाने अचानक आपली मान जोरात हलवली, ज्यामुळे बैलाचे शिंग शांताराम टिकार यांच्या गुप्त भागाला लागून ते गंभीर जखमी झाले. घटनेची माहिती मिळताच नातेवाईकांनी त्यांना तातडीने उपचारासाठी खामगाव येथील सामान्य रुग्णालयात दाखल केले, मात्र डॉक्टरांनी त्यांना तपासून मृत घोषित केले. मयत वृद्धाचे नातेवाईक गजेंद्र प्रल्हाद टिकार (वय ४२) यांनी खामगाव ग्रामीण पोलीस स्टेशनला या घटनेची माहिती दिली. त्यांच्या तोंडी रिपोर्टवरून पोलिसांनी कलम १९४ बीएनएसएस अन्वये मर्ग नोंद केली आहे. ठाणेदार किशोर तावडे यांच्या मार्गदर्शनाखाली बीट जमादार पोहेकॉ बाळकृष्ण फुंडकर हे या प्रकरणाचा पुढील तपास करत आहेत. या घटनेमुळे बोरी अडगाव परिसरात हळहळ व्यक्त केली जात आहे.

Shivaji Bhosale

Journalist खामगाव, बुलढाणा, महाराष्ट्र•

1 hr ago

खामगाव तालुक्यातील बोरी अडगाव येथे एक हृदयद्रावक घटना घडली आहे, जिथे बैलगाडीला बैल जुंपत असताना अचानक आलेल्या एका गायीमुळे बैल बिथरले आणि बैलाचे शिंग लागून एका ७५ वर्षीय वृद्ध शेतकऱ्याचा दुर्दैवी मृत्यू झाला. या प्रकरणी खामगाव ग्रामीण पोलीस स्टेशनमध्ये मर्ग दाखल करण्यात आला आहे. पोलिसांनी दिलेल्या माहितीनुसार, बोरी अडगाव येथील रहिवासी शांताराम वामन टिकार हे आपल्या बैलगाडीला बैल जुंपत होते. याच दरम्यान गावातील एक देवगाय त्या ठिकाणी आली आणि ती थेट बैलांच्या अंगावर धावून गेली. गाय अंगावर आल्याने बैल अचानक बिथरले आणि सैरावैरा पळू लागले. या गडबडीत बैलाने अचानक आपली मान जोरात हलवली, ज्यामुळे बैलाचे शिंग शांताराम टिकार यांच्या गुप्त भागाला लागून ते गंभीर जखमी झाले. घटनेची माहिती मिळताच नातेवाईकांनी त्यांना तातडीने उपचारासाठी खामगाव येथील सामान्य रुग्णालयात दाखल केले, मात्र डॉक्टरांनी त्यांना तपासून मृत घोषित केले. मयत वृद्धाचे नातेवाईक गजेंद्र प्रल्हाद टिकार (वय ४२) यांनी खामगाव ग्रामीण पोलीस स्टेशनला या घटनेची माहिती दिली. त्यांच्या तोंडी रिपोर्टवरून पोलिसांनी कलम १९४ बीएनएसएस अन्वये मर्ग नोंद केली आहे. ठाणेदार किशोर तावडे यांच्या मार्गदर्शनाखाली बीट जमादार पोहेकॉ बाळकृष्ण फुंडकर हे या प्रकरणाचा पुढील तपास करत आहेत. या घटनेमुळे बोरी अडगाव परिसरात हळहळ व्यक्त केली जात आहे.