बुलढाणा जिल्ह्यात पेट्रोल आणि डिझेलच्या उपलब्धतेबाबत एक महत्त्वाची आणि दिलासादायक माहिती समोर आली आहे. जिल्हाधिकारी डॉ. प्रविणकुमार देवरे यांनी नागरिकांना थेट आवाहन केले आहे. जिल्ह्यात इंधनाचा पुरेसा साठा सध्या उपलब्ध असून, नागरिकांनी घाबरून जाऊ नये किंवा कोणत्याही अफवांना बळी पडून अनावश्यकपणे अतिरिक्त इंधन खरेदी करू नये, असे जिल्हाधिकाऱ्यांनी स्पष्ट केले आहे. जिल्हा प्रशासनाने इंधन पुरवठ्याची सद्यस्थिती स्पष्ट केली असून, नागरिकांना शांत राहण्याचे आणि अधिकृत माहितीवर विश्वास ठेवण्याचे महत्त्वाचे संदेश दिले आहेत.

बुलढाणा जिल्ह्यात पेट्रोल आणि डिझेलच्या उपलब्धतेबाबत एक महत्त्वाची आणि दिलासादायक माहिती समोर आली आहे. जिल्हाधिकारी डॉ. प्रविणकुमार देवरे यांनी नागरिकांना थेट आवाहन केले आहे. जिल्ह्यात इंधनाचा पुरेसा साठा सध्या उपलब्ध असून, नागरिकांनी घाबरून जाऊ नये किंवा कोणत्याही अफवांना बळी पडून अनावश्यकपणे अतिरिक्त इंधन खरेदी करू नये, असे जिल्हाधिकाऱ्यांनी स्पष्ट केले आहे. जिल्हा प्रशासनाने इंधन पुरवठ्याची सद्यस्थिती स्पष्ट केली असून, नागरिकांना शांत राहण्याचे आणि अधिकृत माहितीवर विश्वास ठेवण्याचे महत्त्वाचे संदेश दिले आहेत.

जळगाव जामोद तालुक्यात एका धक्कादायक सामूहिक आत्महत्येच्या घटनेने खळबळ उडाली आहे. २५ मे रोजी भालांजन परिसरात विजय मुसा किरडिया (वय ३५) नावाच्या निर्दयी पित्याने आपल्या दोन मुली व दोन चिमुकल्या मुलांना विहिरीत ढकलून स्वतःही विहिरीत उडी घेत आत्महत्या केली. यात पियुष विजय किरडिया (वय २), पूर्वी विजय किरडिया (वय ४), प्राची विजय किरडिया (वय ५) आणि प्रीत विजय किरडिया (वय ७) या चार चिमुकल्यांचा बळी गेला. ही हृदय पिळवटून टाकणारी घटना राजुरा शेत शिवारातील त्यांच्या स्वतःच्या मालकीच्या विहिरीत घडली. या घटनेमुळे जळगाव जामोद तालुक्याच्या सातपुडा पर्वतातील आदिवासी समाज बांधवांमध्ये प्रचंड भीतीचे वातावरण निर्माण झाले आहे. पोलिसांच्या प्राथमिक अंदाजानुसार, घरगुती वादातून या व्यक्तीने हे टोकाचे पाऊल उचलले असावे, अशी माहिती आहे. घटनेच्या आदल्या रात्री त्याने पत्नीला जळगाव जामोद तालुक्यातील इस्लामपूर येथील तिच्या माहेरी सोडल्याचेही समोर आले आहे. जगाची परिपूर्ण ओळख नसलेल्या या चारही निर्दोष बालकांचा यामध्ये बळी गेल्याने सर्वत्र हळहळ व्यक्त होत आहे. या घटनेची माहिती मिळताच जळगाव जामोद पोलिसांनी तातडीने घटनास्थळी धाव घेतली. पोलिसांनी या पाचही जणांचे मृतदेह विहिरीतून बाहेर काढून शवविच्छेदनासाठी जळगाव जामोद ग्रामीण रुग्णालयात आणले. या विदारक घटनेमुळे संपूर्ण तालुक्यासह बुलढाणा जिल्ह्यात हळहळ व्यक्त केली जात असून, या प्रकरणाचा पुढील तपास जळगाव जामोद पोलीस स्टेशनचे ठाणेदार नितीन कुमार पाटील हे करत आहेत.

झारखंडमधील एक आदर्श शिक्षक जनगणना करण्याचे काम पूर्ण करण्यासाठी गावांमध्ये घोड्यावर बसून फिरत आहेत. पेट्रोल आणि डिझेलची बचत व्हावी हाच त्यांचा एकमेव उद्देश आहे. यासाठी ते मोटरसायकलऐवजी घोड्याचा वापर करून हे जनगणना कार्य करत आहेत.

खामगाव शहरात गेल्या काही महिन्यांपासून सुरू असलेल्या रस्त्यांच्या संथ आणि नियोजनशून्य कामामुळे नागरिक कमालीचे हैराण झाले आहेत. या कामादरम्यान पाणीपुरवठा करणारी मुख्य पाईपलाईन वारंवार फुटत असल्याने शहरात लाखो लिटर पाण्याचा अपव्यय होत आहे. २५ मे रोजी सकाळी पुन्हा एकदा पाईपलाईन फुटल्याने जगदंबा चौक ते बरालिया ट्रेडर्स दरम्यानच्या रस्त्यावरील खड्ड्यांमध्ये प्रचंड पाणी साचले असून, या रस्त्याला अक्षरशः तळ्याचे स्वरूप आले आहे. सध्या शहरात कडक उन्हाळा असून पाणीटंचाईचा सामना करावा लागत आहे. अशा परिस्थितीत, एकीकडे नगरपरिषद आणि स्थानिक प्रशासन नागरिकांना 'पाणी जपून वापरा' असे आवाहन करत असताना, दुसरीकडे रस्ता काम करणाऱ्या कंत्राटदाराच्या हलगर्जीपणामुळे रोज लाखो लिटर पाणी रस्त्यावर वाहून जात आहे. प्रशासनाच्या या दुटप्पी भूमिकेमुळे आणि ढिसाळ नियोजनामुळे नागरिकांमधून तीव्र संताप व्यक्त होत आहे. रस्त्याचे काम रेंगाळल्यामुळे संपूर्ण परिसरात प्रचंड धूळ उडत असून, यामुळे स्थानिक व्यावसायिक, पादचारी आणि वाहनचालकांच्या आरोग्याचा प्रश्न निर्माण झाला आहे. पाईपलाईन फुटल्याने रस्त्यावरील खड्ड्यांमध्ये साचलेल्या पाण्यामुळे चिखलाचे साम्राज्य निर्माण होऊन वाहनधारकांना कसरत करावी लागत आहे. जगदंबा चौक ते बरालिया ट्रेडर्स या मुख्य मार्गावर सकाळपासूनच वाहतुकीचा मोठा अडथळा निर्माण झाला होता. या पार्श्वभूमीवर, रस्ता काम करताना पाणीपुरवठा वाहिन्यांची योग्य काळजी का घेतली जात नाही, असा सवाल सुज्ञ नागरिक विचारत आहेत. वारंवार पाईपलाईन फुटून होणारा पाण्याचा अपव्यय तात्काळ थांबवावा, फुटलेली पाईपलाईन तातडीने दुरुस्त करावी आणि रस्ता कामाला गती देऊन नागरिकांची या त्रासातून मुक्तता करावी, अशी मागणी परिसरातील नागरिक व व्यापाऱ्यांनी केली आहे.

जालना जिल्ह्यातील भोकरदन तालुक्यातील चांदई एक्को येथील तथागत गौतम बुद्ध प्रवेशद्वारावरील तथागत गौतम बुद्ध यांच्या भव्य मूर्तीच्या अनावरण सोहळा आमदार नारायण कुचे यांच्या हस्ते मोठ्या उत्साहात संपन्न झाला. यावेळी सुदाम मामा सदाशिवे, माधवराव हिवाळे, कैलासराव पुंगळे, रामेश्वर सोनवणे, जगन बाबा पवार, गजानन नागवे, भाऊसाहेब काकडे, रतन ठोंबरे, राहुल दरक, रामदास तळेकर, अण्णासाहेब ढाकणे, नानासाहेब ढाकणे, नारायण पवार, साहेबराव ठोंबरे, शरद पवार यांच्यासह फकीरबा गंगावणे, प्रभाकर गंगावणे, मधुकर गंगावणे, माजी सरपंच सचिन गंगावणे, अंकुश गंगावणे, रावसाहेब घोरपडे, राजू मुळे तसेच परिसरातील अनेक मान्यवर आणि नागरिक मोठ्या संख्येने उपस्थित होते. या सोहळ्यादरम्यान, तथागत गौतम बुद्ध यांचे विचार समाजाला समता, बंधुता, शांतता आणि मानवतेचा संदेश देणारे आदर्श आहेत, असे नमूद करण्यात आले. त्यांच्या विचारांचा वारसा जपत समाजात ऐक्य आणि प्रगतीचा मार्ग अधिक बळकट करण्यासाठी सर्वांनी एकत्रितपणे कार्य करावे, असे आवाहनही यावेळी करण्यात आले. उपस्थित सर्व समाजबांधव आणि नागरिकांना शुभेच्छा देत, या भव्य सोहळ्याच्या आयोजकांचे मनःपूर्वक अभिनंदन करण्यात आले.

महाबळेश्वरजवळील आंबेनळी घाटात आज एक भीषण अपघात घडला, जिथे भरधाव वेगातील स्कॉर्पिओ वाहन चालकाचे नियंत्रण सुटल्याने थेट खोल दरीत कोसळले. या अपघातात ८ जणांचा जागीच मृत्यू झाल्याची प्राथमिक माहिती समोर आली आहे. अपघाताची माहिती मिळताच पोलीस, महामार्ग पोलीस आणि स्थानिक बचाव पथक तात्काळ घटनास्थळी दाखल झाले. दरीत कोसळलेल्या वाहनातील नागरिकांना बाहेर काढण्यासाठी मोठ्या प्रमाणात बचावकार्य राबवण्यात आले. मृतांची ओळख पटवण्याचे काम सध्या सुरू असून, काही जण गंभीर जखमी झाल्याचीही माहिती मिळत आहे. या अपघातामुळे संपूर्ण परिसरात हळहळ व्यक्त केली जात आहे. प्रशासनाने नागरिकांना घाट रस्त्यावर वाहन चालवताना विशेष काळजी घेण्याचे आवाहन केले आहे.

भोकरदन तालुक्यातील धावडा या गावात बकरी ईद सणाच्या पार्श्वभूमीवर शांतता समितीची एक बैठक पार पडली. ही बैठक शांतता राखण्याच्या उद्देशाने आयोजित करण्यात आली होती.

छत्रपती संभाजीनगर येथे येणाऱ्या बकरी ईद उत्सवाच्या अनुषंगाने शहरातील महत्त्वाच्या मुस्लिम समाजातील धर्मगुरूंनी एक आवाहन केले आहे. हे आवाहन मा. श्री. प्रवीण पवार, पोलीस आयुक्त, छत्रपती संभाजीनगर यांच्या मार्गदर्शनाखाली आणि मा. श्रीमती शर्मिष्ठा वालावलकर, पोलीस उपायुक्त (मुख्यालय) यांच्या अध्यक्षतेखाली करण्यात आले.