मुख्यमंत्री बळीराजा शेत/पाणंद रस्ता योजनेबाबत आढावा बैठक पंचायत समिती, दक्षिण सोलापूर आमदार सचिन कल्याणशेट्टी यांच्या अध्यक्षतेखाली मुख्यमंत्री बळीराजा शेत/पाणंद रस्ता योजनेच्या प्रभावी अंमलबजावणीसाठी पंचायत समिती, दक्षिण सोलापूर (अक्कलकोट विधानसभा) येथे महत्त्वपूर्ण आढावा बैठक आयोजित करण्यात आली. या बैठकीत प्रलंबित कामांचा सविस्तर आढावा घेऊन कामांची गती वाढविणे, गुणवत्ता मानकांचे काटेकोर पालन करणे, निधीचा प्रभावी वापर करणे तसेच अडथळे दूर करून वेळेत काम पूर्ण करण्याबाबत स्पष्ट निर्देश देण्यात आले. विशेषतः शेतकरी हिताला प्राधान्य देत, प्रत्यक्ष लाभार्थ्यांपर्यंत योजनांचा प्रभावी लाभ पोहोचविण्यासाठी स्थानिक पातळीवरील अडचणी तात्काळ सोडविणे आणि विभागांमधील समन्वय अधिक बळकट करणे यावर भर देण्यात आला. या योजनेमुळे शेती उत्पादन वाहतुकीस गती मिळून खर्चात बचत, बाजारपेठेपर्यंत जलद पोहोच आणि ग्रामीण अर्थव्यवस्थेला चालना मिळणार असून, ही योजना शेतकऱ्यांच्या सर्वांगीण प्रगतीसाठी महत्त्वपूर्ण ठरत असल्याचा विश्वास व्यक्त केला. बैठकीस विविध गावांतील सरपंच, ग्रामसेवक तसेच मोठ्या संख्येने उपस्थित शेतकऱ्यांनी आपल्या सूचना व समस्या मांडल्या. प्रशासनाच्या वतीने त्यांच्या मागण्यांची सकारात्मक दखल घेऊन तत्काळ कार्यवाही करण्याचे आश्वासन देण्यात आले. यावेळी उपविभागीय अधिकारी मा. सुमीत शिंदे, तहसीलदार मा. किरण जमदांडे, गटविकास अधिकारी मा. मनोज राऊत, उपविभागीय पोलिस अधिकारी मा. विलास यामावर, वन अधिकारी मा. रोहितकुमार गांगरडे, जिल्हा परिषद कृषी सभापती मा. रामप्पा चिवडशेट्टी, सभापती मा. संदीप टेळे, जिल्हा परिषद सदस्य मा. नेताजी खंडागळे, उप अभियंता मा. रामाराव म्हेत्रे, उपअभियंता मा. उषा बीडला यांच्यासह विविध विभागांचे अधिकारी व पदाधिकारी उपस्थित होते.

Akkalkot news

Press reporter अक्कलकोट, सोलापूर, महाराष्ट्र•

2 hrs ago

मुख्यमंत्री बळीराजा शेत/पाणंद रस्ता योजनेबाबत आढावा बैठक पंचायत समिती, दक्षिण सोलापूर आमदार सचिन कल्याणशेट्टी यांच्या अध्यक्षतेखाली मुख्यमंत्री बळीराजा शेत/पाणंद रस्ता योजनेच्या प्रभावी अंमलबजावणीसाठी पंचायत समिती, दक्षिण सोलापूर (अक्कलकोट विधानसभा) येथे महत्त्वपूर्ण आढावा बैठक आयोजित करण्यात आली. या बैठकीत प्रलंबित कामांचा सविस्तर आढावा घेऊन कामांची गती वाढविणे, गुणवत्ता मानकांचे काटेकोर पालन करणे, निधीचा प्रभावी वापर करणे तसेच अडथळे दूर करून वेळेत काम पूर्ण करण्याबाबत स्पष्ट निर्देश देण्यात आले. विशेषतः शेतकरी हिताला प्राधान्य देत, प्रत्यक्ष लाभार्थ्यांपर्यंत योजनांचा प्रभावी लाभ पोहोचविण्यासाठी स्थानिक पातळीवरील अडचणी तात्काळ सोडविणे आणि विभागांमधील समन्वय अधिक बळकट करणे यावर भर देण्यात आला. या योजनेमुळे शेती उत्पादन वाहतुकीस गती मिळून खर्चात बचत, बाजारपेठेपर्यंत जलद पोहोच आणि ग्रामीण अर्थव्यवस्थेला चालना मिळणार असून, ही योजना शेतकऱ्यांच्या सर्वांगीण प्रगतीसाठी महत्त्वपूर्ण ठरत असल्याचा विश्वास व्यक्त केला. बैठकीस विविध गावांतील सरपंच, ग्रामसेवक तसेच मोठ्या संख्येने उपस्थित शेतकऱ्यांनी आपल्या सूचना व समस्या मांडल्या. प्रशासनाच्या वतीने त्यांच्या मागण्यांची सकारात्मक दखल घेऊन तत्काळ कार्यवाही करण्याचे आश्वासन देण्यात आले. यावेळी उपविभागीय अधिकारी मा. सुमीत शिंदे, तहसीलदार मा. किरण जमदांडे, गटविकास अधिकारी मा. मनोज राऊत, उपविभागीय पोलिस अधिकारी मा. विलास यामावर, वन अधिकारी मा. रोहितकुमार गांगरडे, जिल्हा परिषद कृषी सभापती मा. रामप्पा चिवडशेट्टी, सभापती मा. संदीप टेळे, जिल्हा परिषद सदस्य मा. नेताजी खंडागळे, उप अभियंता मा. रामाराव म्हेत्रे, उपअभियंता मा. उषा बीडला यांच्यासह विविध विभागांचे अधिकारी व पदाधिकारी उपस्थित होते.