विविध ठिकाणच्या न्यायालयात प्रलंबित दावे ही चिंतेची बाब, त्याबाबत सर्व घटकांनी कारण मीमांसा करावी फलटण : आज सर्व ठिकाणच्या न्यायालयात ३०/४० वर्षांचे दावे प्रलंबीत आहेत, ही चिंतेची बाब असल्याचे नमूद करीत न्यायिक प्रक्रियेतील सर्व घटकांनी याची कारण मीमांसा करण्याची गरज आहे. ज्याप्रमाणे न्यायाधीशांना नियम आहेत, त्याप्रमाणे वकिलांनाही नियम हवेत, सध्या अनेक दावे न्यायालयांऐवजी पोलीस ठाण्यात चालतात, हे अत्यंत चुकीचे असून यावर चिंतन करण्याची वेळ आली असल्याचे स्पष्ट प्रतिपादन मुंबई उच्च न्यायालयाचे न्यायमूर्ती व सातारा जिल्ह्याचे पालक न्यायाधीश न्या. नितीन बोरकर यांनी केले. येथील दिवाणी व फौजदारी न्यायालयाच्या इमारतीत वरीष्ठ स्तर दिवाणी न्यायालयाचे उद्घाटन न्या. नितीन बोरकर यांच्या हस्ते फलक अनावरण व फीत कापून करण्यात आले, त्यानंतर सजाई गार्डन कार्यालय येथे आयोजित कार्यक्रमात न्या. बोरकर बोलत होते. यावेळी न्या. अनिल पानसरे, न्या. राजेश पाटील, न्या. संजय देशमुख, न्या. रणजितसिंह भोसले, जिल्हा व सत्र न्यायाधीश न्या. अरविंद वाघमारे, बार कौन्सिल ऑफ महाराष्ट्र अँड गोवा सदस्य ॲड. विठ्ठलराव कोंडे देशमुख आणि ॲड. वसंतराव भोसले यांच्यासह सातारा, फलटण, वाई, माण, खंडाळा, कोरेगाव, खटाव, जावली तालुक्यातील न्यायाधीश आणि वकील संघटनांचे पदाधिकारी, सदस्य तसेच माजी खासदार रणजितसिंह नाईक निंबाळकर, आ. सचिन पाटील, नगराध्यक्ष समशेरसिंह नाईक निंबाळकर, ज्येष्ठ नेते प्रल्हादराव साळुंखे पाटील, फलटण तालुका संघर्ष समितीचे अध्यक्ष ॲड. नरसिंह निकम, नगरसेवक संदीप चोरमले यांच्यासह फलटण शहर व तालुक्यातील वकील पक्षकार नागरीक उपस्थित होते. फलटणमध्ये न्यायालयांची साखळी पूर्ण झाली असून वरिष्ठ स्तर दिवाणी न्यायालयाच्या निर्मितीमुळे फलटणकरांना सातारा पर्यंत ७० कि. मी. करावी लागणारी धावपळ थांबली आहे, त्यामुळे पक्षकार आणि वकीलांमध्ये आनंदाचे वातावरण असल्याचे न्या. नितीन बोरकर यांनी निदर्शनास आणून दिले. आपले बालपण फलटण मध्ये गेले असल्याचे सांगत बांधकाम व्यावसायिक ते वकील आणि आता न्यायदानाच्या क्षेत्रात कसा आलो या सगळ्या आठवणींना उजाळा देत सरकारी वकील व न्यायाधीश यांनी पक्षकार व साक्षीदारांना न्यायालयात कम्फर्टेबल ठेवण्याचे काम केले पाहिजे अशी अपेक्षा न्या. अनिल पानसरे यांनी व्यक्त केली. आपण फलटण न्यायालयात काम केले असल्याचे निदर्शनास आणून देत त्यामुळे आज माहेरी आल्याचा आनंद होत आहे. या वरिष्ठ स्तर न्यायालय कार्यक्रमाची निमंत्रण पत्रिका ५० वर्षे जपून ठेवा, हा फलटणचा ऐतिहासिक दस्तऐवज असल्याचे सांगताना न्याय द्यायला उशीर होणे हा व्यवस्थेवरील काळा डाग आहे. इथला पक्षकार हा शेतकरी (अन्नदाता) आहे, त्याला न्याय देण्याचे पवित्र काम झालेच पाहिजे अशी अपेक्षा न्या. देशमुख यांनी व्यक्त केली. फलटण येथे वरिष्ठ स्तर न्यायालय मंजूर होताच आमच्या अधिकारी व कर्मचाऱ्यांनी अवघ्या २ दिवसांत तब्बल २०४५ केसेस फलटण न्यायालयात ट्रान्सफर केल्या आहेत, ई-सुविधा आणि व्हिडीओ कॉन्फरन्सिंगने सज्ज असलेल्या या न्यायालयात उद्याचा ६७ केसेसचा बोर्ड तयार असून, उद्या पासून प्रत्यक्ष कामकाजाला सुरुवात होणार असल्याचे प्रमुख जिल्हा व सत्र न्यायाधीश सातारा न्या. अरविंद वाघमारे यांनी निदर्शनास आणून दिले. फलटण वकील संघाचे अध्यक्ष ॲड. नितिन जाधव यांनी सर्व उपस्थितांचे स्वागत व मान्यवरांचे सत्कार केल्यानंतर प्रास्ताविकात फलटणचे हे वरिष्ठ स्तर दिवाणी न्यायालय सुरु झाल्यामुळे फलटण येथील वकील, पक्षकार, साक्षीदार वगैरे सर्वच घटकांचा वेळ आणि पैसा तर वाचणार आहेच मात्र त्याच बरोबर वरिष्ठ स्तर न्यायालयासाठी सातारा येथे जाता येताना होणारे अपघात त्यातून होणारा मनस्ताप कायमचा टळला असल्याचे आवर्जून सांगितले. या कामी माजी खासदार रणजितसिंह नाईक निंबाळकर व आ. सचिन पाटील यांनी सतत पाठपुरावा करुन शासन स्तरावर घेतलेल्या ठोस भूमिकेचा त्यांनी आवर्जून उल्लेख केला. फलटण वरिष्ठ स्तर न्यायालयाचे प्रथम न्या. एस. पी. सय्यद यांनी आभार मानले.

LOKSHAKATI RAKASHAK

Satara, Maharashtra•

7 hrs ago

विविध ठिकाणच्या न्यायालयात प्रलंबित दावे ही चिंतेची बाब, त्याबाबत सर्व घटकांनी कारण मीमांसा करावी फलटण : आज सर्व ठिकाणच्या न्यायालयात ३०/४० वर्षांचे दावे प्रलंबीत आहेत, ही चिंतेची बाब असल्याचे नमूद करीत न्यायिक प्रक्रियेतील सर्व घटकांनी याची कारण मीमांसा करण्याची गरज आहे. ज्याप्रमाणे न्यायाधीशांना नियम आहेत, त्याप्रमाणे वकिलांनाही नियम हवेत, सध्या अनेक दावे न्यायालयांऐवजी पोलीस ठाण्यात चालतात, हे अत्यंत चुकीचे असून यावर चिंतन करण्याची वेळ आली असल्याचे स्पष्ट प्रतिपादन मुंबई उच्च न्यायालयाचे न्यायमूर्ती व सातारा जिल्ह्याचे पालक न्यायाधीश न्या. नितीन बोरकर यांनी केले. येथील दिवाणी व फौजदारी न्यायालयाच्या इमारतीत वरीष्ठ स्तर दिवाणी न्यायालयाचे उद्घाटन न्या. नितीन बोरकर यांच्या हस्ते फलक अनावरण व फीत कापून करण्यात आले, त्यानंतर सजाई गार्डन कार्यालय येथे आयोजित कार्यक्रमात न्या. बोरकर बोलत होते. यावेळी न्या. अनिल पानसरे, न्या. राजेश पाटील, न्या. संजय देशमुख, न्या. रणजितसिंह भोसले, जिल्हा व सत्र न्यायाधीश न्या. अरविंद वाघमारे, बार कौन्सिल ऑफ महाराष्ट्र अँड गोवा सदस्य ॲड. विठ्ठलराव कोंडे देशमुख आणि ॲड. वसंतराव भोसले यांच्यासह सातारा, फलटण, वाई, माण, खंडाळा, कोरेगाव, खटाव, जावली तालुक्यातील न्यायाधीश आणि वकील संघटनांचे पदाधिकारी, सदस्य तसेच माजी खासदार रणजितसिंह नाईक निंबाळकर, आ. सचिन पाटील, नगराध्यक्ष समशेरसिंह नाईक निंबाळकर, ज्येष्ठ नेते प्रल्हादराव साळुंखे पाटील, फलटण तालुका संघर्ष समितीचे अध्यक्ष ॲड. नरसिंह निकम, नगरसेवक संदीप चोरमले यांच्यासह फलटण शहर व तालुक्यातील वकील पक्षकार नागरीक उपस्थित होते. फलटणमध्ये न्यायालयांची साखळी पूर्ण झाली असून वरिष्ठ स्तर दिवाणी न्यायालयाच्या निर्मितीमुळे फलटणकरांना सातारा पर्यंत ७० कि. मी. करावी लागणारी धावपळ थांबली आहे, त्यामुळे पक्षकार आणि वकीलांमध्ये आनंदाचे वातावरण असल्याचे न्या. नितीन बोरकर यांनी निदर्शनास आणून दिले. आपले बालपण फलटण मध्ये गेले असल्याचे सांगत बांधकाम व्यावसायिक ते वकील आणि आता न्यायदानाच्या क्षेत्रात कसा आलो या सगळ्या आठवणींना उजाळा देत सरकारी वकील व न्यायाधीश यांनी पक्षकार व साक्षीदारांना न्यायालयात कम्फर्टेबल ठेवण्याचे काम केले पाहिजे अशी अपेक्षा न्या. अनिल पानसरे यांनी व्यक्त केली. आपण फलटण न्यायालयात काम केले असल्याचे निदर्शनास आणून देत त्यामुळे आज माहेरी आल्याचा आनंद होत आहे. या वरिष्ठ स्तर न्यायालय कार्यक्रमाची निमंत्रण पत्रिका ५० वर्षे जपून ठेवा, हा फलटणचा ऐतिहासिक दस्तऐवज असल्याचे सांगताना न्याय द्यायला उशीर होणे हा व्यवस्थेवरील काळा डाग आहे. इथला पक्षकार हा शेतकरी (अन्नदाता) आहे, त्याला न्याय देण्याचे पवित्र काम झालेच पाहिजे अशी अपेक्षा न्या. देशमुख यांनी व्यक्त केली. फलटण येथे वरिष्ठ स्तर न्यायालय मंजूर होताच आमच्या अधिकारी व कर्मचाऱ्यांनी अवघ्या २ दिवसांत तब्बल २०४५ केसेस फलटण न्यायालयात ट्रान्सफर केल्या आहेत, ई-सुविधा आणि व्हिडीओ कॉन्फरन्सिंगने सज्ज असलेल्या या न्यायालयात उद्याचा ६७ केसेसचा बोर्ड तयार असून, उद्या पासून प्रत्यक्ष कामकाजाला सुरुवात होणार असल्याचे प्रमुख जिल्हा व सत्र न्यायाधीश सातारा न्या. अरविंद वाघमारे यांनी निदर्शनास आणून दिले. फलटण वकील संघाचे अध्यक्ष ॲड. नितिन जाधव यांनी सर्व उपस्थितांचे स्वागत व मान्यवरांचे सत्कार केल्यानंतर प्रास्ताविकात फलटणचे हे वरिष्ठ स्तर दिवाणी न्यायालय सुरु झाल्यामुळे फलटण येथील वकील, पक्षकार, साक्षीदार वगैरे सर्वच घटकांचा वेळ आणि पैसा तर वाचणार आहेच मात्र त्याच बरोबर वरिष्ठ स्तर न्यायालयासाठी सातारा येथे जाता येताना होणारे अपघात त्यातून होणारा मनस्ताप कायमचा टळला असल्याचे आवर्जून सांगितले. या कामी माजी खासदार रणजितसिंह नाईक निंबाळकर व आ. सचिन पाटील यांनी सतत पाठपुरावा करुन शासन स्तरावर घेतलेल्या ठोस भूमिकेचा त्यांनी आवर्जून उल्लेख केला. फलटण वरिष्ठ स्तर न्यायालयाचे प्रथम न्या. एस. पी. सय्यद यांनी आभार मानले.