కేంద్ర ప్రభుత్వం ఉపాధి హామీ పథకంలో మార్పులు చేస్తూ తీసుకువస్తున్న వి.బి. రాంజీ కొత్త చట్టాన్ని తక్షణమే రద్దు చేయాలని డిమాండ్ చేస్తూ మంగళవారం నరసింగపురం గ్రామంలో కూలీలు నిరసన చేపట్టారు. బీకేఎంయూ కాకినాడ జిల్లా ప్రధాన కార్యదర్శి నక్కా శ్రీనివాస్, సీపీఐ నాయకులు సాకా రామకృష్ణ నేతృత్వంలో ప్లకార్డులు పట్టుకొని ఈ ధర్నా నిర్వహించారు. ఈ సందర్భంగా, గాంధీ పేరుతో ఉన్న చట్టం ముద్దు, వి.బి. రాంజీ చట్టం వద్దు అంటూ నినాదాలు చేశారు. కేంద్ర ప్రభుత్వం ఉపాధి హామీ పథకానికి రూ. 40 వేల కోట్ల నిధులు కోత విధించడాన్ని, అలాగే మహాత్మా గాంధీ పేరును పథకం నుండి తొలగించేందుకు కుట్రలు చేయడాన్ని కూలీలు తీవ్రంగా ఖండించారు. కూలీలను ఇబ్బంది పెడుతున్న 'ఫేస్ మస్తర్' విధానాన్ని వెంటనే రద్దు చేసి, పాత జాతీయ ఉపాధి హామీ చట్టాన్నే కొనసాగించాలని వారు స్పష్టం చేశారు. అంతేకాకుండా, పనిదినాలను 200 రోజులకు పెంచాలని, రోజువారీ కూలిని రూ. 500 కి పెంచాలని, పని ప్రదేశాలలో తాగునీరు, మజ్జిగ సౌకర్యం కల్పించాలని డిమాండ్ చేశారు. పేదల పొట్టకొడితే ఉధృత పోరాటాలు చేస్తామని ఈ సందర్భంగా హెచ్చరించారు. ఈ డిమాండ్లతో కూడిన వినతి పత్రాన్ని స్థానిక తహసీల్దార్ కార్యాలయంలో అందజేశారు. ఈ కార్యక్రమంలో పాలికి చంటి, పోలేటి వెంకటరెడ్డి, కావిరెడ్డి కన్నారావు, ఆశీర్వాదం, మరియమ్మ, కాసులమ్మ, రాజేశ్వరి సహా పలువురు కూలీలు పాల్గొన్నారు.

MANIKANTA SUVARNAM

Local News Reporter పిఠాపురం, కాకినాడ, ఆంధ్రప్రదేశ్•

2 hrs ago

కేంద్ర ప్రభుత్వం ఉపాధి హామీ పథకంలో మార్పులు చేస్తూ తీసుకువస్తున్న వి.బి. రాంజీ కొత్త చట్టాన్ని తక్షణమే రద్దు చేయాలని డిమాండ్ చేస్తూ మంగళవారం నరసింగపురం గ్రామంలో కూలీలు నిరసన చేపట్టారు. బీకేఎంయూ కాకినాడ జిల్లా ప్రధాన కార్యదర్శి నక్కా శ్రీనివాస్, సీపీఐ నాయకులు సాకా రామకృష్ణ నేతృత్వంలో ప్లకార్డులు పట్టుకొని ఈ ధర్నా నిర్వహించారు. ఈ సందర్భంగా, గాంధీ పేరుతో ఉన్న చట్టం ముద్దు, వి.బి. రాంజీ చట్టం వద్దు అంటూ నినాదాలు చేశారు. కేంద్ర ప్రభుత్వం ఉపాధి హామీ పథకానికి రూ. 40 వేల కోట్ల నిధులు కోత విధించడాన్ని, అలాగే మహాత్మా గాంధీ పేరును పథకం నుండి తొలగించేందుకు కుట్రలు చేయడాన్ని కూలీలు తీవ్రంగా ఖండించారు. కూలీలను ఇబ్బంది పెడుతున్న 'ఫేస్ మస్తర్' విధానాన్ని వెంటనే రద్దు చేసి, పాత జాతీయ ఉపాధి హామీ చట్టాన్నే కొనసాగించాలని వారు స్పష్టం చేశారు. అంతేకాకుండా, పనిదినాలను 200 రోజులకు పెంచాలని, రోజువారీ కూలిని రూ. 500 కి పెంచాలని, పని ప్రదేశాలలో తాగునీరు, మజ్జిగ సౌకర్యం కల్పించాలని డిమాండ్ చేశారు. పేదల పొట్టకొడితే ఉధృత పోరాటాలు చేస్తామని ఈ సందర్భంగా హెచ్చరించారు. ఈ డిమాండ్లతో కూడిన వినతి పత్రాన్ని స్థానిక తహసీల్దార్ కార్యాలయంలో అందజేశారు. ఈ కార్యక్రమంలో పాలికి చంటి, పోలేటి వెంకటరెడ్డి, కావిరెడ్డి కన్నారావు, ఆశీర్వాదం, మరియమ్మ, కాసులమ్మ, రాజేశ్వరి సహా పలువురు కూలీలు పాల్గొన్నారు.