भारतीय हवामान खात्याच्या अंदाजानुसार, अहिल्यानगर जिल्ह्यासाठी ३१ मे ते ३ जून या कालावधीत 'येलो अलर्ट' जारी करण्यात आला आहे. या काळात तुरळक ठिकाणी विजांच्या कडकडाटासह मध्यम पाऊस आणि सोसाट्याच्या वाऱ्याची शक्यता वर्तवण्यात आली आहे. संभाव्य नुकसान टाळण्यासाठी नागरिकांनी आवश्यक ती खबरदारी घ्यावी, असे आवाहन निवासी उपजिल्हाधिकारी तथा मुख्य कार्यकारी अधिकारी गिते यांनी केले आहे. मेघगर्जना, विजा चमकत असताना किंवा वादळी वारे वाहत असताना नागरिकांनी झाडाखाली अथवा मोकळ्या मैदानात थांबू नये, तर सुरक्षित ठिकाणी आश्रय घ्यावा. तसेच टॉवर्स, ध्वजांचे खांब, विजेचे खांब, धातूचे कुंपण, रोहित्र आणि लोंबकळणाऱ्या केबल्सपासून दूर राहण्याचे निर्देश देण्यात आले आहेत. विजेच्या सुवाहक भागांशी संपर्क टाळावा आणि कोणत्याही विद्युत उपकरणांचा वापर करू नये. घराबाहेर मोकळ्या जागेत वीज चमकल्यास सुरक्षेसाठी गुडघ्यावर बसून हाताने कान झाकावेत आणि डोके दोन्ही गुडघ्यांच्या मध्ये ठेवून जमिनीशी कमीत कमी संपर्क ठेवावा, असेही सुचवण्यात आले आहे. ट्रॅक्टर्स, शेतीची अवजारे, मोटारसायकल, सायकल तसेच जाहिरात फलक कोसळून होणाऱ्या दुर्घटना टाळण्यासाठी त्यांच्या आजूबाजूला थांबणे टाळावे आणि योग्य ती दक्षता घ्यावी. वादळी वारा, पाऊस आणि गारपिटीमुळे शेतीमालाचे नुकसान टाळण्यासाठी शेतकऱ्यांनी वेळीच नियोजन करून आपला शेतमाल सुरक्षित ठिकाणी साठवून ठेवावा. बाजार समितीत विक्रीसाठी आणलेल्या वा नियोजित केलेल्या मालाचे नुकसान होणार नाही याची काळजी घेण्याचे आवाहन करण्यात आले आहे. जनावरांचेही सुरक्षित ठिकाणी स्थलांतर करावे. धरण व नदी क्षेत्रात पर्यटनासाठी जाणाऱ्या नागरिकांनी विशेष खबरदारी घेऊन धरणाच्या पाण्यात, नदीच्या वा कालव्याच्या प्रवाहामध्ये उतरू नये. धोकादायक ठिकाणी स्वतःचे छायाचित्र काढणे टाळावे. कोणत्याही आपत्कालीन परिस्थितीत नागरिकांनी स्थानिक प्रशासनाद्वारे दिलेल्या सूचनांचे पालन करावे. मदतीसाठी नजीकचे पोलीस स्टेशन किंवा तहसील कार्यालयाशी संपर्क साधता येईल. याव्यतिरिक्त, जिल्हा नियंत्रण कक्ष, जिल्हाधिकारी कार्यालय येथील ०२४१-२३२३८४४, ०२४१-२३५६९४० या दूरध्वनी क्रमांकांवर किंवा ११२, १०७७ या टोल फ्री क्रमांकांवर संपर्क साधण्याचे आवाहन करण्यात आले आहे. अहिल्यानगर जिल्ह्यात ३ जूनपर्यंत वादळी वाऱ्यासह पावसाचा 'येलो अलर्ट' कायम राहणार आहे.

कर्जत लाईव्ह

Advertising agency कर्जत, अहमदनगर, महाराष्ट्र•

5 hrs ago

भारतीय हवामान खात्याच्या अंदाजानुसार, अहिल्यानगर जिल्ह्यासाठी ३१ मे ते ३ जून या कालावधीत 'येलो अलर्ट' जारी करण्यात आला आहे. या काळात तुरळक ठिकाणी विजांच्या कडकडाटासह मध्यम पाऊस आणि सोसाट्याच्या वाऱ्याची शक्यता वर्तवण्यात आली आहे. संभाव्य नुकसान टाळण्यासाठी नागरिकांनी आवश्यक ती खबरदारी घ्यावी, असे आवाहन निवासी उपजिल्हाधिकारी तथा मुख्य कार्यकारी अधिकारी गिते यांनी केले आहे. मेघगर्जना, विजा चमकत असताना किंवा वादळी वारे वाहत असताना नागरिकांनी झाडाखाली अथवा मोकळ्या मैदानात थांबू नये, तर सुरक्षित ठिकाणी आश्रय घ्यावा. तसेच टॉवर्स, ध्वजांचे खांब, विजेचे खांब, धातूचे कुंपण, रोहित्र आणि लोंबकळणाऱ्या केबल्सपासून दूर राहण्याचे निर्देश देण्यात आले आहेत. विजेच्या सुवाहक भागांशी संपर्क टाळावा आणि कोणत्याही विद्युत उपकरणांचा वापर करू नये. घराबाहेर मोकळ्या जागेत वीज चमकल्यास सुरक्षेसाठी गुडघ्यावर बसून हाताने कान झाकावेत आणि डोके दोन्ही गुडघ्यांच्या मध्ये ठेवून जमिनीशी कमीत कमी संपर्क ठेवावा, असेही सुचवण्यात आले आहे. ट्रॅक्टर्स, शेतीची अवजारे, मोटारसायकल, सायकल तसेच जाहिरात फलक कोसळून होणाऱ्या दुर्घटना टाळण्यासाठी त्यांच्या आजूबाजूला थांबणे टाळावे आणि योग्य ती दक्षता घ्यावी. वादळी वारा, पाऊस आणि गारपिटीमुळे शेतीमालाचे नुकसान टाळण्यासाठी शेतकऱ्यांनी वेळीच नियोजन करून आपला शेतमाल सुरक्षित ठिकाणी साठवून ठेवावा. बाजार समितीत विक्रीसाठी आणलेल्या वा नियोजित केलेल्या मालाचे नुकसान होणार नाही याची काळजी घेण्याचे आवाहन करण्यात आले आहे. जनावरांचेही सुरक्षित ठिकाणी स्थलांतर करावे. धरण व नदी क्षेत्रात पर्यटनासाठी जाणाऱ्या नागरिकांनी विशेष खबरदारी घेऊन धरणाच्या पाण्यात, नदीच्या वा कालव्याच्या प्रवाहामध्ये उतरू नये. धोकादायक ठिकाणी स्वतःचे छायाचित्र काढणे टाळावे. कोणत्याही आपत्कालीन परिस्थितीत नागरिकांनी स्थानिक प्रशासनाद्वारे दिलेल्या सूचनांचे पालन करावे. मदतीसाठी नजीकचे पोलीस स्टेशन किंवा तहसील कार्यालयाशी संपर्क साधता येईल. याव्यतिरिक्त, जिल्हा नियंत्रण कक्ष, जिल्हाधिकारी कार्यालय येथील ०२४१-२३२३८४४, ०२४१-२३५६९४० या दूरध्वनी क्रमांकांवर किंवा ११२, १०७७ या टोल फ्री क्रमांकांवर संपर्क साधण्याचे आवाहन करण्यात आले आहे. अहिल्यानगर जिल्ह्यात ३ जूनपर्यंत वादळी वाऱ्यासह पावसाचा 'येलो अलर्ट' कायम राहणार आहे.