ಶಹಾಪುರ ಅಂಬೇಡ್ಕರ್ ನಗರದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಾಲಾ ಅಂಗಳದಲ್ಲಿ ಹನ್ನೆರಡನೇ ಶತಮಾನದ ವಚನ ಚಳುವಳಿಯ ಅನಾವರಣ *ಶಾಲಾ ಅಂಗಳದಲ್ಲಿ 12ನೇ ಶತಮಾನದ ವಚನ ಚಳುವಳಿಯ ಅನಾವರಣ* ಶಹಾಪುರ: ಹನ್ನೆರಡನೇ ಶತಮಾನದ ಶರಣ–ಶರಣೆಯರ ವೇಷ ತೊಟ್ಟ ಮಕ್ಕಳು, ಅವರ ವಚನಗಳನ್ನು ವಾಚಿಸುವ ಮೂಲಕ ವಚನ ಸಾಹಿತ್ಯದ ಮೌಲ್ಯಗಳನ್ನು ಸಾರಿದರು. ತಾಲ್ಲೂಕಿನ ಹತ್ತಿಗೂಡೂರಿನ ಅಂಬೇಡ್ಕರ್ ನಗರದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶ್ರಾವಣ ಮಾಸದ ಅಂಗವಾಗಿ ನಡೆದ ‘ವಚನೋತ್ಸವ’ ಕಾರ್ಯಕ್ರಮ ಗಮನ ಸೆಳೆಯಿತು. ಶಾಲೆಯ ಮುಖ್ಯ ಶಿಕ್ಷಕಿ ಮೀನಾಕ್ಷಿ ಆರ್. ಹೊಸಮನಿ ಅವರ ಪರಿಕಲ್ಪನೆಯಲ್ಲಿ ತಿಂಗಳಿಡೀ ಈ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಪ್ರತಿದಿನ ಒಬ್ಬ ವಿದ್ಯಾರ್ಥಿಗೆ ಬಸವಣ್ಣ, ಅಕ್ಕಮಹಾದೇವಿ, ಅಲ್ಲಮಪ್ರಭು ಸೇರಿದಂತೆ ಹನ್ನೆರಡನೇ ಶತಮಾನದ ವಚನಕಾರರ ವೇಷ ತೊಡಿಸಿ, ಅವರಿಂದ ವಚನ ವಾಚನ ಮಾಡಿಸಲಾಯಿತು. ಇದರೊಂದಿಗೆ ವಚನಗಳ ಅರ್ಥ, ಶರಣರ ಬದುಕು ಮತ್ತು ಅವರು ಪ್ರತಿಪಾದಿಸಿದ ಸಮಾನತೆ, ಕಾಯಕ, ದಾಸೋಹ ಹಾಗೂ ಮಾನವೀಯ ಮೌಲ್ಯಗಳನ್ನು ಮಕ್ಕಳಿಗೆ ಪರಿಚಯಿಸಲಾಯಿತು. ವಚನ ಸಾಹಿತ್ಯವನ್ನು ಕೇವಲ ಪಠ್ಯಕ್ಕೆ ಸೀಮಿತಗೊಳಿಸದೆ, ಮಕ್ಕಳಿಂದಲೇ ಅಭಿನಯ ಮತ್ತು ವಾಚನದ ಮೂಲಕ ಅರ್ಥೈಸುವಂತೆ ರೂಪಿಸಿದ ಈ ಕಾರ್ಯಕ್ರಮವು ಇತರ ಶಾಲೆಗಳಿಗೂ ಮಾದರಿಯಾಗಿದೆ. ಇಂತಹ ವಿನೂತನ ವಚನೋತ್ಸವಗಳು ಮುಂದಿನ ದಿನಗಳಲ್ಲಿ ರಾಜ್ಯದ ಎಲ್ಲ ಶಾಲೆಗಳಿಗೂ ವಿಸ್ತರಿಸಬೇಕು ಎಂಬ ಆಶಯ ವ್ಯಕ್ತವಾಯಿತು. ಶಾಲೆಯಲ್ಲಿ ಗುರುವಾರ ಆಯೋಜಿಸಿದ್ದ ವಚನೋತ್ಸವದ ಸಮಾರೋಪ ಸಮಾರಂಭದಲ್ಲಿ ಬಸವ ತಿಳಿವಳಿಕೆ ಮತ್ತು ಸಂಶೋಧನಾ ಕೇಂದ್ರದ ಯಾದಗಿರಿ ಜಿಲ್ಲಾ ಘಟಕದ ಅಧ್ಯಕ್ಷೆ ವಿಜಯಲಕ್ಷ್ಮಿ ಹಂಗರಗಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಕೇಂದ್ರದ ವತಿಯಿಂದ ಹನ್ನೆರಡನೇ ಶತಮಾನದ ಶರಣ–ಶರಣೆಯರ 10 ಭಾವಚಿತ್ರಗಳನ್ನು ಅವರು ಶಾಲೆಗೆ ಹಸ್ತಾಂತರಿಸಿದರು.

ರಾಜಶೇಖರ್ GT

ಕೂಡ್ಲಿಗಿ, ವಿಜಯನಗರ, ಕರ್ನಾಟಕ•

1 hr ago

ಶಹಾಪುರ ಅಂಬೇಡ್ಕರ್ ನಗರದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶಾಲಾ ಅಂಗಳದಲ್ಲಿ ಹನ್ನೆರಡನೇ ಶತಮಾನದ ವಚನ ಚಳುವಳಿಯ ಅನಾವರಣ *ಶಾಲಾ ಅಂಗಳದಲ್ಲಿ 12ನೇ ಶತಮಾನದ ವಚನ ಚಳುವಳಿಯ ಅನಾವರಣ* ಶಹಾಪುರ: ಹನ್ನೆರಡನೇ ಶತಮಾನದ ಶರಣ–ಶರಣೆಯರ ವೇಷ ತೊಟ್ಟ ಮಕ್ಕಳು, ಅವರ ವಚನಗಳನ್ನು ವಾಚಿಸುವ ಮೂಲಕ ವಚನ ಸಾಹಿತ್ಯದ ಮೌಲ್ಯಗಳನ್ನು ಸಾರಿದರು. ತಾಲ್ಲೂಕಿನ ಹತ್ತಿಗೂಡೂರಿನ ಅಂಬೇಡ್ಕರ್ ನಗರದ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶ್ರಾವಣ ಮಾಸದ ಅಂಗವಾಗಿ ನಡೆದ ‘ವಚನೋತ್ಸವ’ ಕಾರ್ಯಕ್ರಮ ಗಮನ ಸೆಳೆಯಿತು. ಶಾಲೆಯ ಮುಖ್ಯ ಶಿಕ್ಷಕಿ ಮೀನಾಕ್ಷಿ ಆರ್. ಹೊಸಮನಿ ಅವರ ಪರಿಕಲ್ಪನೆಯಲ್ಲಿ ತಿಂಗಳಿಡೀ ಈ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಪ್ರತಿದಿನ ಒಬ್ಬ ವಿದ್ಯಾರ್ಥಿಗೆ ಬಸವಣ್ಣ, ಅಕ್ಕಮಹಾದೇವಿ, ಅಲ್ಲಮಪ್ರಭು ಸೇರಿದಂತೆ ಹನ್ನೆರಡನೇ ಶತಮಾನದ ವಚನಕಾರರ ವೇಷ ತೊಡಿಸಿ, ಅವರಿಂದ ವಚನ ವಾಚನ ಮಾಡಿಸಲಾಯಿತು. ಇದರೊಂದಿಗೆ ವಚನಗಳ ಅರ್ಥ, ಶರಣರ ಬದುಕು ಮತ್ತು ಅವರು ಪ್ರತಿಪಾದಿಸಿದ ಸಮಾನತೆ, ಕಾಯಕ, ದಾಸೋಹ ಹಾಗೂ ಮಾನವೀಯ ಮೌಲ್ಯಗಳನ್ನು ಮಕ್ಕಳಿಗೆ ಪರಿಚಯಿಸಲಾಯಿತು. ವಚನ ಸಾಹಿತ್ಯವನ್ನು ಕೇವಲ ಪಠ್ಯಕ್ಕೆ ಸೀಮಿತಗೊಳಿಸದೆ, ಮಕ್ಕಳಿಂದಲೇ ಅಭಿನಯ ಮತ್ತು ವಾಚನದ ಮೂಲಕ ಅರ್ಥೈಸುವಂತೆ ರೂಪಿಸಿದ ಈ ಕಾರ್ಯಕ್ರಮವು ಇತರ ಶಾಲೆಗಳಿಗೂ ಮಾದರಿಯಾಗಿದೆ. ಇಂತಹ ವಿನೂತನ ವಚನೋತ್ಸವಗಳು ಮುಂದಿನ ದಿನಗಳಲ್ಲಿ ರಾಜ್ಯದ ಎಲ್ಲ ಶಾಲೆಗಳಿಗೂ ವಿಸ್ತರಿಸಬೇಕು ಎಂಬ ಆಶಯ ವ್ಯಕ್ತವಾಯಿತು. ಶಾಲೆಯಲ್ಲಿ ಗುರುವಾರ ಆಯೋಜಿಸಿದ್ದ ವಚನೋತ್ಸವದ ಸಮಾರೋಪ ಸಮಾರಂಭದಲ್ಲಿ ಬಸವ ತಿಳಿವಳಿಕೆ ಮತ್ತು ಸಂಶೋಧನಾ ಕೇಂದ್ರದ ಯಾದಗಿರಿ ಜಿಲ್ಲಾ ಘಟಕದ ಅಧ್ಯಕ್ಷೆ ವಿಜಯಲಕ್ಷ್ಮಿ ಹಂಗರಗಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಕೇಂದ್ರದ ವತಿಯಿಂದ ಹನ್ನೆರಡನೇ ಶತಮಾನದ ಶರಣ–ಶರಣೆಯರ 10 ಭಾವಚಿತ್ರಗಳನ್ನು ಅವರು ಶಾಲೆಗೆ ಹಸ್ತಾಂತರಿಸಿದರು.