ଦାବେରୀ ଉ ପ୍ରା ବିଦ୍ୟାଳୟ ରେ ଆନନ୍ଦ ଉଲ୍ଲାସ ରେ ବାର୍ଷିକ ଉତ୍ସବ ଅନୁଷ୍ଠିତ । ନୂଆପଡ଼ା -୧୮/୨- ନୂଆପଡା ଜିଲ୍ଲା ବୋଡେନ ବ୍ଲକ ଅଧୀନସ୍ଥ ସରକାରୀ ଉପ୍ରା ବିଦ୍ୟାଳୟ ଦାବେରୀ ରେ ହର୍ଷଉଲ୍ଲାସ ସହ ବାର୍ଷିକ ଉତ୍ସବ ପାଳିତ ହୋଇଯାଇଛି l ଉତ୍ସବରେ ପ୍ରଧାନ ଶିକ୍ଷୟିତ୍ରୀ ନିହାରିକା ନାୟକ ଅଧ୍ୟକ୍ଷତା କରିଥିବାବେଳେ ମୁଖ୍ୟ ଅତିଥିଭାବେ ବ୍ଲକ ଉପାଧ୍ୟାକ୍ଷା ସଂଗୀତା ମାଝୀ, ବିଶିଷ୍ଟ ଅତିଥି ଭାବେ ଖଇରା ସରପଞ୍ଚ କୈଳାଶ ଚନ୍ଦ୍ର ଦଲ, ମୁଖ୍ୟ ବକ୍ତା ଭାବେ ସି ଆର ସି ସି ଉତ୍ତମ ପ୍ରସାଦ ମହାଉତି, ସମ୍ମାନିତ ଅତିଥି ଭାବେ ସ୍କୁଲ ଚ୍ୟାୟାରମେନ୍ ତ୍ରିପାଳ ହେର୍ଣ୍ଣା,ଯୋଗାଗୁରୁ ଅରବିନ୍ଦ ବେହେରା, ବରିଷ୍ଠ ଶିକ୍ଷକ ନରେଶ ରାଉତ, ସାମ୍ବାଦିକ ଜଗତରାମ ଦଣ୍ଡସେନା, ଅଙ୍ଗନବାଡି କର୍ମୀ ବଉଦl ଦଣ୍ଡସେନା ପ୍ରମୁଖ ମଞ୍ଚାସୀନ ଥାଇ କୃତି ଛାତ୍ର ଛାତ୍ରୀ ମାନଙ୍କୁ ମେଡାଲ ଓ ମାନପତ୍ର ପ୍ରଦାନ କରିଥିଲେ l ଅନ୍ୟ ଶିକ୍ଷକ ମାନଙ୍କ ମଧ୍ୟରେ ଧନଞ୍ଜୟ ନାଗ, ହୃଦାନନ୍ଦ ମାଝୀ, ସ୍ମୃତିରଞ୍ଜନ ପଟ୍ଟନାୟକ, କମଳ ସିଂ ମାଝୀ ଉପସ୍ଥିତ ଥାଇ କାର୍ଯ୍ୟକ୍ରମ ରେ ସହଯୋଗ କରିଥିଲେ l ଛାତ୍ର ଛାତ୍ରୀ ମାନଙ୍କ ଦ୍ୱାରା ରଙ୍ଗା ରଙ୍ଗ କାର୍ଯ୍ୟ କ୍ରମ ପ୍ରଦର୍ଶନ ହୋଇ ଦର୍ଶକ ମାନଙ୍କ ମନ ମୋହିଥିଲେ, ଶିକ୍ଷକ ଉମାକାନ୍ତ ବେହେରା ମଞ୍ଚ ପରିଚାଳନା ସହ ପରିଶେଷ ରେ ସମସ୍ତ ଅତିଥି ମାନଙ୍କୁ ଧନ୍ୟବାଦ ଦେଇଥିଲେ l

'ଏକକ ବ୍ୟବହାର ଯୋଗ୍ୟ ପ୍ଲାଷ୍ଟିକକୁ ନା’ – ଫେବୃଆରୀ ୨୦ରେ ନୂଆପଡାରେ ଅନୁଷ୍ଠିତ ହେବ ‘ରାହାଗିରି’, ଜନ ସାଧାରଣ ସଚେତନ ହେଲେ ଅଭିଯାନ ସଫଳ ହେବ - ଜିଲ୍ଲାପାଳ l

ନୂଆପଡ଼ା -୧୭/୦୨- ନୂଆପଡ଼ା ଜିଲ୍ଲା ରେ ତୃତୀୟ ଜିଲ୍ଲା ସ୍ତରୀୟ ପରିବେଶ ନିରୀକ୍ଷଣ ସମିତି ବୈଠକ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଓଡିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ, ବଲାଙ୍ଗୀର ଶାଖାର ଆଞ୍ଚଳିକ ଅଧିକାରୀ ଓ ପରିବେଶ ଯନ୍ତ୍ରୀ ବବିତା ସିଂଙ୍କ ଆବାହକତ୍ୱରେ ବୈଠକ ଅନୁଷ୍ଠିତ ହୋଇଥିଲା। ସମସ୍ତଙ୍କୁ ସ୍ୱାଗତ କରି ଶ୍ରୀମତୀ ସିଂ ଗତ ଜିଲ୍ଲା ସ୍ତରୀୟ ପରିବେଶ ନିରୀକ୍ଷଣ ସମିତି ବୈଠକରେ ଆଲୋଚିତ ବିଭିନ୍ନ ବିଷୟରେ ସମ୍ବନ୍ଧିତ ବିଭାଗମାନଙ୍କ ଦ୍ୱାରା ଗୃହୀତ ପଦକ୍ଷେପ ଉପରେ ବିସ୍ତୃତ ଆଲୋକପାତ କରିଥିଲେ। ସେ କହିଥିଲେ ଯେ, କୋମନା ଅଞ୍ଚଳରେ ଷ୍ଟୋନ୍ କ୍ରସର ଇଉନିଟ୍‌ ଗୁଡ଼ିକର ସଂଯୁକ୍ତ ନିରୀକ୍ଷଣ ଏସପିସିବି ବଲାଙ୍ଗୀର ଓ ଖଣି ବିଭାଗ ପକ୍ଷରୁ କରାଯାଇଛି। ସେହିପରି ଜିଲ୍ଲାର ରାଇସ୍‌ ମିଲ୍‌ଗୁଡ଼ିକର ନିୟମିତ ଯାଞ୍ଚ କରାଯାଇ ନିୟମ ଉଲ୍ଲଂଘନ କରୁଥିବା ମିଲ୍ ଗୁଡ଼ିକ ବିରୋଧରେ ଆବଶ୍ୟକ ପଦକ୍ଷେପ ଗ୍ରହଣ କରାଯାଉଛି। ଏହା ସହିତ ନୂଆପଡ଼ା ଓ ଖରିଆର ରୋଡ୍‌ ଅଞ୍ଚଳରେ ଚାଲୁଥିବା ହୋଟେଲ୍‌ ଗୁଡ଼ିକର ନିରୀକ୍ଷଣ ମଧ୍ୟ ଏସପିସିବି ବଲାଙ୍ଗୀର ପକ୍ଷରୁ ସମ୍ପୂର୍ଣ୍ଣ କରାଯାଇଛି। ପତୋରା ଡ୍ୟାମ୍‌, ତିଖାଲି ଡ୍ୟାମ୍‌ ସହ ବିଭିନ୍ନ ପିକନିକ୍‌ ସ୍ଥଳରେ ‘ସିଙ୍ଗଲ୍‌ ୟୁଜ୍‌ ପ୍ଲାଷ୍ଟିକ୍‌ ମୁକ୍ତ ପିକନିକ୍‌ ସ୍ପଟ୍‌’ ସନ୍ଦେଶ ସହ ସାମୂହିକ ସଫାଇ ଅଭିଯାନ ମାଧ୍ୟମରେ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଛି। ବୈଠକକୁ ସମ୍ବୋଧିତ କରି ଜିଲ୍ଲାପାଳ ମଧୁସୁଦନ ଦାଶ କହିଲେ ଯେ, ପ୍ରଦୂଷଣ ନିୟନ୍ତ୍ରଣ ଓ ପରିବେଶ ସୁରକ୍ଷା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ସହଯୋଗ ଜାରି ରହିବ। ସିଙ୍ଗଲ୍‌ ୟୁଜ୍‌ ପ୍ଲାଷ୍ଟିକ୍‌ ବ୍ୟବହାର ବନ୍ଦ କରିବା ପାଇଁ ଲୋକମାନଙ୍କ ମଧ୍ୟରେ ବ୍ୟାପକ ସଚେତନତା ଆବଶ୍ୟକ । ସେ କହିଲେ " ଗାଁ ପରିମଳ ଗାଁ ମୁଣ୍ଡରୁ " l ଏଥିପାଇଁ ଗ୍ରାମାଞ୍ଚଳରେ ପରିବେଶ ସ୍ୱଚ୍ଛତା ରକ୍ଷା ପାଇଁ ସମଗ୍ର ଜିଲ୍ଲାରେ ପ୍ଲାଷ୍ଟିକ ବର୍ଜ୍ୟ ସଂଗ୍ରହ ଅଭିଯାନ ତୀବ୍ର କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ଏହା ସହିତ ଆସନ୍ତା ୨୦ ତାରିଖରେ ପୁଲିସ୍‌ ଗ୍ରାଉଣ୍ଡରେ ‘ସିଙ୍ଗଲ୍‌ ୟୁଜ୍‌ ପ୍ଲାଷ୍ଟିକ୍‌କୁ ନା’ ବିଷୟବସ୍ତୁ ଉପରେ ‘ରାହାଗିରି’ କାର୍ଯ୍ୟକ୍ରମ ଆୟୋଜନ କରିବାକୁ ଜିଲ୍ଲାପାଳ ପ୍ରସ୍ତାବ ଦେଇଥିଲେ। ।ବୈଠକରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାଃ ଧନେଶ୍ୱର ସେଠୀ, ଏସ ଡି ପି ଓ ମାର୍ଶୀ ରାଣୀ ପୁର୍ତୀ, ଜିଲ୍ଲା ଶିଳ୍ପ କେନ୍ଦ୍ର ଜେନେରାଲ୍‌ ମ୍ୟାନେଜର ସମୀର ମୁଦୁଲି, ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଏ.କେ. ହେମ୍ବ୍ରମ, ଆର୍ ଟି ଓ ଶର୍ମିଲା ମହାରଣା, ପର୍ଦ୍ଦା ଏନ୍ ଜି ଓ ନିର୍ଦ୍ଦେଶକ ରୁଦ୍ର ପଟ୍ଟନାୟକ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବିଦ୍ୟାପତି ପଣ୍ଡା, ଆସିଷ୍ଟାଣ୍ଟ ପରିବେଶ ଇଞ୍ଜିନିୟର ତରଶ୍‌ ଏମ୍‌ ମୁର୍ମୁ, ଏନ୍ ଏ ସି ନୂଆପଡା ଇ ଓ ,ସନ୍ଦୀପ କୁମାର ଚନ୍ଦ୍ରକାର ,ଏନ୍ ଏ ସି ଖରୀଆର ରୋଡ ଇ ଓ, କମଳାସନ ରଥ ଙ୍କ ସହିତ ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତ ଥିଲେ।

ଖପ୍ରାଖୋଲ ବ୍ଲକ ସର୍ଗିପାଲି ଗାଁ ର ବିନ୍ଦିଆ ଙ୍କ ବାପା ଙ୍କ ପ୍ରତିକ୍ରିୟା।

ବୋଡେନ ବ୍ଲକ ର ଏକ୍ସ କେଡର ଶିକ୍ଷକ ମାନଙ୍କ ଜାତୀୟ ପେନସନ ଯୋଜନା ଟଙ୍କା ହଡପ ଅଭିଯୋଗ, ଉଚ୍ଚ ସ୍ତରୀୟ ତଦନ୍ତ ଦାବୀ କଲେ ଶିକ୍ଷକ ସମୂହ

ସ୍ଥାନୀୟ ପୋଲିସ ପଡ଼ିଆ ଏନ୍‌ଏସି କଲ୍ୟାଣ ମଣ୍ଡପଠାରେ  ଜିଲ୍ଲା କଂଗ୍ରେସ କମିଟି ପକ୍ଷରୁ ନୂତନ କର୍ମକର୍ତ୍ତାଙ୍କ ସମ୍ବର୍ଦ୍ଧନା

ବନ୍ଧଡ଼ିହ ଠାରେ ଚବିଶ ପ୍ରହରୀ ନାମ ସଂକୀର୍ତନ ଅନୁଷ୍ଠିତ l ଖାଲି ଭିଜୁଆଲ ପକାଇବେ, ମୋର ଫଟୋ ତଳେ ଦେବେ l

କଳାହାଣ୍ଡି ଜିଲ୍ଲା ମଦନପୁର ରାମପୁର ବ୍ଲକ ଅନ୍ତର୍ଗତ ଗୋଛାଡେଙ୍ଗେନ୍ ଗ୍ରାମ ପଞ୍ଚାୟତ ଅଧୀନ ତାଲକୁନା ବାବା ବିଶେଶ୍ୱର ଙ୍କ ମହାଶିବରାତ୍ରି ର ତୃତୀୟ ସନ୍ଧ୍ୟାରେ ମିକ୍ଚର ରାମଲିଲା।

ଘଣ୍ଟେଶ୍ୱରୀ ଜଙ୍ଗଲ ଭିତରେ ମାଁ ବନଦୂର୍ଗା ମନ୍ଦିର: ଶ୍ରଦ୍ଧାଳୁଙ୍କ ଭିଡ଼ ମଧ୍ୟରେ ମୁଖ୍ୟ ସମସ୍ୟା  !