बीडचे रेशीम कोष खरेदी केंद्र बनते आहे रेशीम हब ! आवक वाढली बीडचे रेशीम कोष खरेदी केंद्र बनते आहे रेशीम हब ! बीड जिल्ह्यातील कृषी उत्पन्न बाजार समितीने देशपातळीवर नवा विक्रम नोंदवत रेशीम व्यापारात आपले वेगळे स्थान निर्माण केले आहे. बीड येथील लोकनेते स्व. विनायकराव मेटे साहेब रेशीम कोष खरेदी केंद्र देशातील सर्वाधिक आवक असलेले केंद्र ठरले असून, दोन दिवसांत विक्रमी प्रमाणात रेशीम कोषांची खरेदी झाली आहे. सोमवार, दिनांक १४ एप्रिल रोजी बाजार समितीत तब्बल ३५ हजार किलो रेशीम आवक नोंदवली गेली होती, तर १४ एप्रिल रोजी बुधवारी ३२ हजार किलोपेक्षा अधिक रेशीम आवक झाली. विशेष म्हणजे, आशिया खंडातील सर्वात मोठ्या समजल्या जाणाऱ्या रामनगर मार्केटपेक्षा तब्बल १० हजार किलो अधिक आवक बीडमध्ये झाल्याने या यशाची विशेष दखल घेतली जात आहे. बीडच्या बाजार समितीत राज्यभरातील शेतकरी मोठ्या प्रमाणावर रेशीम विक्रीसाठी येत आहेत. यामध्ये जळगाव, पुणे, नाशिक, अहिल्यानगर, सोलापूर, वाशीम, धुळे, नागपूर, वर्धा यांसह मराठवाड्यातील सर्व जिल्ह्यांतील उत्पादकांचा समावेश आहे. या वाढत्या आवकेमुळे बीड हे देशाचे ‘रेशीम हब’ बनत असल्याचे चित्र स्पष्ट झाले आहे. या यशामागे बाजार समितीच्या प्रशासनाची कार्यक्षमता, संचालक मंडळाची धोरणात्मक भूमिका आणि रेशीम विभागातील कर्मचाऱ्यांची मेहनत महत्त्वाची ठरली आहे. संचालक धनंजय गुंदेकर यांनी दिलेल्या माहितीनुसार, शेतकऱ्यांमध्ये बाजार समितीबद्दल विश्वास निर्माण झाल्यामुळेच ही मोठी आवक शक्य झाली आहे. दरम्यान, राज्य सरकारच्या रेशीम संचनालयाच्या विविध योजनांचा तसेच बीड तालुक्यात वाढत असलेल्या रेशीम शेतीचा सकारात्मक परिणामही दिसून येत आहे. येत्या काळात आवक आणखी वाढेल, असा विश्वासही व्यक्त करण्यात आला आहे. बीडच्या या उल्लेखनीय कामगिरीमुळे जिल्ह्याच्या शिरपेचात मानाचा तुरा खोवला गेला असून, राज्याच्या कृषी अर्थव्यवस्थेला नवे बळ मिळणार असल्याचे मत व्यक्त होत आहे.

पत्रकार ओमप्रकाश उढाण

घनसावंगी, जालना, महाराष्ट्र•

12 hrs ago

बीडचे रेशीम कोष खरेदी केंद्र बनते आहे रेशीम हब ! आवक वाढली बीडचे रेशीम कोष खरेदी केंद्र बनते आहे रेशीम हब ! बीड जिल्ह्यातील कृषी उत्पन्न बाजार समितीने देशपातळीवर नवा विक्रम नोंदवत रेशीम व्यापारात आपले वेगळे स्थान निर्माण केले आहे. बीड येथील लोकनेते स्व. विनायकराव मेटे साहेब रेशीम कोष खरेदी केंद्र देशातील सर्वाधिक आवक असलेले केंद्र ठरले असून, दोन दिवसांत विक्रमी प्रमाणात रेशीम कोषांची खरेदी झाली आहे. सोमवार, दिनांक १४ एप्रिल रोजी बाजार समितीत तब्बल ३५ हजार किलो रेशीम आवक नोंदवली गेली होती, तर १४ एप्रिल रोजी बुधवारी ३२ हजार किलोपेक्षा अधिक रेशीम आवक झाली. विशेष म्हणजे, आशिया खंडातील सर्वात मोठ्या समजल्या जाणाऱ्या रामनगर मार्केटपेक्षा तब्बल १० हजार किलो अधिक आवक बीडमध्ये झाल्याने या यशाची विशेष दखल घेतली जात आहे. बीडच्या बाजार समितीत राज्यभरातील शेतकरी मोठ्या प्रमाणावर रेशीम विक्रीसाठी येत आहेत. यामध्ये जळगाव, पुणे, नाशिक, अहिल्यानगर, सोलापूर, वाशीम, धुळे, नागपूर, वर्धा यांसह मराठवाड्यातील सर्व जिल्ह्यांतील उत्पादकांचा समावेश आहे. या वाढत्या आवकेमुळे बीड हे देशाचे ‘रेशीम हब’ बनत असल्याचे चित्र स्पष्ट झाले आहे. या यशामागे बाजार समितीच्या प्रशासनाची कार्यक्षमता, संचालक मंडळाची धोरणात्मक भूमिका आणि रेशीम विभागातील कर्मचाऱ्यांची मेहनत महत्त्वाची ठरली आहे. संचालक धनंजय गुंदेकर यांनी दिलेल्या माहितीनुसार, शेतकऱ्यांमध्ये बाजार समितीबद्दल विश्वास निर्माण झाल्यामुळेच ही मोठी आवक शक्य झाली आहे. दरम्यान, राज्य सरकारच्या रेशीम संचनालयाच्या विविध योजनांचा तसेच बीड तालुक्यात वाढत असलेल्या रेशीम शेतीचा सकारात्मक परिणामही दिसून येत आहे. येत्या काळात आवक आणखी वाढेल, असा विश्वासही व्यक्त करण्यात आला आहे. बीडच्या या उल्लेखनीय कामगिरीमुळे जिल्ह्याच्या शिरपेचात मानाचा तुरा खोवला गेला असून, राज्याच्या कृषी अर्थव्यवस्थेला नवे बळ मिळणार असल्याचे मत व्यक्त होत आहे.