విశాఖపట్నం జిల్లాలోని లంకెలపాలెం వద్ద విధి నిర్వహణలో ఉన్న హోంగార్డు వెంకటరమణపై కత్తితో దాడి జరగడం అత్యంత దురదృష్టకరమని రాష్ట్ర హోం మంత్రి వంగలపూడి అనిత పేర్కొన్నారు. ఈ దాడిలో గాయపడిన వెంకటరమణ ప్రస్తుతం షీలా నగర్ కిమ్స్ హాస్పిటల్‌లో చికిత్స పొందుతున్నారు. ఆదివారం ఆసుపత్రికి వెళ్ళిన హోం మంత్రి అనిత, వెంకటరమణను పరామర్శించి, ఆయన ఆరోగ్య పరిస్థితిని వైద్యులను అడిగి తెలుసుకున్నారు. చికిత్సకు సంబంధించిన వివరాలను తెలుసుకోవడంతో పాటు, కుటుంబ సభ్యులతో మాట్లాడి వారికి ధైర్యం చెప్పారు. ఈ సందర్భంగా మంత్రి మాట్లాడుతూ, విధి నిర్వహణలో ఉన్న హోంగార్డుపై కత్తితో దాడి చేయడం తీవ్రంగా ఖండించదగిన చర్య అని పునరుద్ఘాటించారు. ప్రభుత్వం తరఫున బాధితుడికి అన్ని విధాలా అండగా ఉంటామని ఆమె భరోసా కల్పించారు. ఈ ఘటనకు పాల్పడిన నిందితులను పోలీసులు ఇప్పటికే అరెస్టు చేశారని, వారిపై చట్టపరంగా కఠిన చర్యలు తీసుకుంటున్నామని మంత్రి వెల్లడించారు. భవిష్యత్తులో ఇటువంటి సంఘటనలు పునరావృతం కాకుండా పోలీసు శాఖ మరింత అప్రమత్తంగా వ్యవహరిస్తుందని, అవసరమైన పటిష్ట చర్యలు చేపడతామని ఆమె స్పష్టం చేశారు. పోలీసులు ప్రజల భద్రత కోసం నిత్యం కష్టపడి విధులు నిర్వహిస్తున్నారని గుర్తుచేస్తూ, వారి విధులకు ప్రజలు కూడా సహకరించాలని హోం మంత్రి విజ్ఞప్తి చేశారు.

Y.S.RAJ KUMAR PATNAIK

Marketing Executive మహారాణిపేట, విశాఖపట్నం, ఆంధ్రప్రదేశ్•

1 hr ago

విశాఖపట్నం జిల్లాలోని లంకెలపాలెం వద్ద విధి నిర్వహణలో ఉన్న హోంగార్డు వెంకటరమణపై కత్తితో దాడి జరగడం అత్యంత దురదృష్టకరమని రాష్ట్ర హోం మంత్రి వంగలపూడి అనిత పేర్కొన్నారు. ఈ దాడిలో గాయపడిన వెంకటరమణ ప్రస్తుతం షీలా నగర్ కిమ్స్ హాస్పిటల్‌లో చికిత్స పొందుతున్నారు. ఆదివారం ఆసుపత్రికి వెళ్ళిన హోం మంత్రి అనిత, వెంకటరమణను పరామర్శించి, ఆయన ఆరోగ్య పరిస్థితిని వైద్యులను అడిగి తెలుసుకున్నారు. చికిత్సకు సంబంధించిన వివరాలను తెలుసుకోవడంతో పాటు, కుటుంబ సభ్యులతో మాట్లాడి వారికి ధైర్యం చెప్పారు. ఈ సందర్భంగా మంత్రి మాట్లాడుతూ, విధి నిర్వహణలో ఉన్న హోంగార్డుపై కత్తితో దాడి

చేయడం తీవ్రంగా ఖండించదగిన చర్య అని పునరుద్ఘాటించారు. ప్రభుత్వం తరఫున బాధితుడికి అన్ని విధాలా అండగా ఉంటామని ఆమె భరోసా కల్పించారు. ఈ ఘటనకు పాల్పడిన నిందితులను పోలీసులు ఇప్పటికే అరెస్టు చేశారని, వారిపై చట్టపరంగా కఠిన చర్యలు తీసుకుంటున్నామని మంత్రి వెల్లడించారు. భవిష్యత్తులో ఇటువంటి సంఘటనలు పునరావృతం కాకుండా పోలీసు శాఖ మరింత అప్రమత్తంగా వ్యవహరిస్తుందని, అవసరమైన పటిష్ట చర్యలు చేపడతామని ఆమె స్పష్టం చేశారు. పోలీసులు ప్రజల భద్రత కోసం నిత్యం కష్టపడి విధులు నిర్వహిస్తున్నారని గుర్తుచేస్తూ, వారి విధులకు ప్రజలు కూడా సహకరించాలని హోం మంత్రి విజ్ఞప్తి చేశారు.