एटीएम कार्डची हातचलाखी करणारा आरोपी जेरबंद! स्थानिक गुन्हे शाखेची कारवाई एटीएम कार्डची हातचलाखी करणारा आरोपी जेरबंद! वर्ध्यात एटीएममध्ये हातचलाखी करून नागरिकांच्या खात्यातून पैसे लंपास करणाऱ्या टोळीचा पर्दाफाश करण्यात स्थानिक गुन्हे शाखेला यश आलं आहे...! एटीएममधून पैसे काढताना ट्रान्झेक्शन पूर्ण झालं नसल्याचं भासवून नागरिकांची दिशाभूल करायची... हातचलाखीने त्यांचं एटीएम कार्ड घ्यायचं आणि त्याऐवजी दुसरं कार्ड देऊन पसार व्हायचं... त्यानंतर संबंधितांच्या बँक खात्यातून पैसे काढायचे, अशी आरोपींची कार्यपद्धती असल्याचं पोलिसांच्या तपासात समोर आलं आहे. २ ऑगस्ट रोजी अमरावती येथील माधुरी गवई या वर्धा रेल्वे स्टेशन परिसरातील एचडीएफसी बँकेच्या एटीएममध्ये पैसे काढण्यासाठी गेल्या होत्या. यावेळी दोन अनोळखी इसमांनी त्यांची दिशाभूल करून हातचलाखीने एटीएम कार्डची अदलाबदल केली. काही वेळातच त्यांच्या युको बँक खात्यातून तब्बल ४८ हजार रुपये पाच वेगवेगळ्या ट्रान्झेक्शनद्वारे काढण्यात आले. या प्रकरणी वर्धा शहर पोलीस ठाण्यात गुन्हा दाखल झाल्यानंतर स्थानिक गुन्हे शाखेने समांतर तपास सुरू केला. सीसीटीव्ही आणि मिळालेल्या माहितीच्या आधारे आरोपीची ओळख उत्तर प्रदेशातील शामली जिल्ह्यातील जमशेद अली शौकत अली अशी पटली. आरोपीचा शोध घेण्यासाठी पोलिसांचं पथक उत्तर प्रदेशातही रवाना झालं होतं. मात्र आरोपी घरी नसल्याने त्याचा शोध सुरूच होता. अखेर १६ सप्टेंबर रोजी मिळालेल्या गुप्त माहितीच्या आधारे सेवाग्राम रेल्वे स्टेशन परिसरात सापळा रचून जमशेद अली याला ताब्यात घेण्यात आलं. चौकशीत त्याने हा गुन्हा सावेज अली नावाच्या साथीदारासोबत केल्याची कबुली दिल्याचं पोलिसांनी सांगितलं आहे. आरोपीकडून ४८ हजार रुपये रोख, गुन्ह्यात वापरलेली सुमारे १ लाख ५० हजार रुपये किमतीची टीव्हीएस अपाचे मोटरसायकल, हेल्मेट आणि दोन एटीएम कार्ड, असा एकूण १ लाख ९९ हजार रुपयांचा मुद्देमाल जप्त करण्यात आला आहे. दरम्यान, आरोपी हा अशाच प्रकारचे गुन्हे करण्याच्या सवयीचा असल्याची माहिती पोलिसांनी दिली असून, त्याच्याकडून इतर जिल्ह्यांसह परराज्यातील गुन्हेही उघडकीस येण्याची शक्यता पोलिसांनी व्यक्त केली आहे. ही कारवाई पोलीस अधीक्षक सौरभ कुमार अग्रवाल आणि अपर पोलीस अधीक्षक सदाशिव वाघमारे यांच्या मार्गदर्शनाखाली स्थानिक गुन्हे शाखेच्या पथकाने केली.

Raviraj Ghume

वर्धा, वर्धा, महाराष्ट्र•

2 hrs ago

एटीएम कार्डची हातचलाखी करणारा आरोपी जेरबंद! स्थानिक गुन्हे शाखेची कारवाई एटीएम कार्डची हातचलाखी करणारा आरोपी जेरबंद! वर्ध्यात एटीएममध्ये हातचलाखी करून नागरिकांच्या खात्यातून पैसे लंपास करणाऱ्या टोळीचा पर्दाफाश करण्यात स्थानिक गुन्हे शाखेला यश आलं आहे...! एटीएममधून पैसे काढताना ट्रान्झेक्शन पूर्ण झालं नसल्याचं भासवून नागरिकांची दिशाभूल करायची... हातचलाखीने त्यांचं एटीएम कार्ड घ्यायचं आणि त्याऐवजी दुसरं कार्ड देऊन पसार व्हायचं... त्यानंतर संबंधितांच्या बँक खात्यातून पैसे काढायचे, अशी आरोपींची कार्यपद्धती असल्याचं पोलिसांच्या तपासात समोर आलं आहे. २ ऑगस्ट रोजी अमरावती येथील माधुरी गवई या वर्धा रेल्वे स्टेशन परिसरातील एचडीएफसी बँकेच्या एटीएममध्ये पैसे काढण्यासाठी गेल्या होत्या. यावेळी दोन अनोळखी इसमांनी त्यांची दिशाभूल करून हातचलाखीने एटीएम कार्डची अदलाबदल केली. काही वेळातच त्यांच्या युको बँक खात्यातून तब्बल ४८ हजार रुपये पाच वेगवेगळ्या ट्रान्झेक्शनद्वारे काढण्यात आले. या प्रकरणी वर्धा शहर पोलीस ठाण्यात गुन्हा दाखल झाल्यानंतर स्थानिक गुन्हे शाखेने समांतर तपास सुरू केला. सीसीटीव्ही आणि मिळालेल्या माहितीच्या आधारे आरोपीची

ओळख उत्तर प्रदेशातील शामली जिल्ह्यातील जमशेद अली शौकत अली अशी पटली. आरोपीचा शोध घेण्यासाठी पोलिसांचं पथक उत्तर प्रदेशातही रवाना झालं होतं. मात्र आरोपी घरी नसल्याने त्याचा शोध सुरूच होता. अखेर १६ सप्टेंबर रोजी मिळालेल्या गुप्त माहितीच्या आधारे सेवाग्राम रेल्वे स्टेशन परिसरात सापळा रचून जमशेद अली याला ताब्यात घेण्यात आलं. चौकशीत त्याने हा गुन्हा सावेज अली नावाच्या साथीदारासोबत केल्याची कबुली दिल्याचं पोलिसांनी सांगितलं आहे. आरोपीकडून ४८ हजार रुपये रोख, गुन्ह्यात वापरलेली सुमारे १ लाख ५० हजार रुपये किमतीची टीव्हीएस अपाचे मोटरसायकल, हेल्मेट आणि दोन एटीएम कार्ड, असा एकूण १ लाख ९९ हजार रुपयांचा मुद्देमाल जप्त करण्यात आला आहे. दरम्यान, आरोपी हा अशाच प्रकारचे गुन्हे करण्याच्या सवयीचा असल्याची माहिती पोलिसांनी दिली असून, त्याच्याकडून इतर जिल्ह्यांसह परराज्यातील गुन्हेही उघडकीस येण्याची शक्यता पोलिसांनी व्यक्त केली आहे. ही कारवाई पोलीस अधीक्षक सौरभ कुमार अग्रवाल आणि अपर पोलीस अधीक्षक सदाशिव वाघमारे यांच्या मार्गदर्शनाखाली स्थानिक गुन्हे शाखेच्या पथकाने केली.