पिंपरी चिंचवडमधील नानेकरवाडीत पोलिसांनी मोठी कारवाई करत तब्बल २ लाख ४१ हजार रुपयांचा अंमली पदार्थांचा साठा जप्त केला आहे. यामध्ये गांजा मिश्रीत 'बंटा गोळी' आणि प्रतिबंधित गुटख्याचा समावेश असून, एका आरोपीला अटक करण्यात आली आहे. पोलीस आयुक्त विनयकुमार चौबे यांच्या आदेशानुसार शहरात अंमली पदार्थांच्या अवैध विक्रीविरोधात ही मोहीम सुरू आहे.

पुण्यातील सातारा रोड परिसरात धोकादायक लोंबकळणाऱ्या तारांचे जाळे मृत्यूचा सापळा बनले आहे. यामुळे अपघाताचा मोठा धोका निर्माण झाला असून स्थानिक नागरिक संतप्त झाले आहेत. प्रशासनाचे या गंभीर प्रश्नाकडे दुर्लक्ष होत असल्याने नागरिकांमध्ये तीव्र संताप व्यक्त होत आहे.

पिंपरी-चिंचवडमध्ये वारकरी संप्रदायावरील वक्तव्यावरून राजकीय वातावरण चांगलेच तापले आहे. राष्ट्रवादीच्या नेत्यावर झालेल्या शाईफेकीला भाजपा आमदार महेश लांडगे यांनी जाहीर पाठिंबा दिला. वारकरी संप्रदायावर टीका करून धार्मिक तेढ निर्माण करणे सहन केले जाणार नाही, असा इशारा लांडगेंनी दिला.

इंडियन्स सोशल मुव्हमेंटने कल्याणमधील मध्यवर्ती रुग्णालयासमोर एक महत्त्वाचे हस्ताक्षर अभियान सुरू केले आहे. या अभियानाद्वारे विशिष्ट मागणीसाठी नागरिकांचे समर्थन मिळवले जात आहे.

एका युझरने कृत्रिम बुद्धिमत्तेचा वापर करत 'कृष्णावतारम' नावाच्या एका सिनेमासाठी व्हायरल लूक तयार केला आहे. चॅटजीपीटीने बनवलेल्या या आकर्षक डिझाइनची सध्या सर्वत्र चर्चा सुरू आहे. यामुळे तंत्रज्ञानाच्या मदतीने कला क्षेत्रात काय नवं घडू शकतं, यावर पुन्हा एकदा प्रकाश टाकला जात आहे.

पालघरच्या आर्थिक स्वातंत्र्यासाठी 'एल्गार'! पालघर जिल्हा मध्यवर्ती बँकेच्या निर्मितीसाठी प्रमोद पवारांची मुंबई उच्च न्यायालयात 'लेटर पिटिशन' पालघर/ गेल्या १२ वर्षांपासून प्रलंबित असलेला पालघर जिल्हा मध्यवर्ती सहकारी बँकेच्या (TDC Bank) विभाजनाचा प्रश्न आता थेट मुंबई उच्च न्यायालयाच्या उंबरठ्यावर पोहोचला आहे. भूमिपुत्र एल्गार संघटनेचे अध्यक्ष प्रमोद पवार यांनी ठाणे बँकेच्या बेकायदेशीर निवडणूक प्रक्रियेला आणि नोकरभरतीला आव्हान देत मुंबई उच्च न्यायालयात लेटर पिटिशन' (पत्राद्वारे याचिका)दाखल केली आहे. यामुळे सहकार क्षेत्रात आणि राजकीय वर्तुळात मोठी खळबळ माजली आहे. १ ऑगस्ट २०१४ रोजी पालघर जिल्ह्याची निर्मिती झाली, मात्र १२ वर्षे उलटूनही जिल्ह्याची स्वतंत्र सहकारी बँक स्थापन झालेली नाही. ७,३०० कोटी रुपयांची उलाढाल असलेल्या ठाणे जिल्हा बँकेवर आजही ठाण्यातील राजकीय नेत्यांचेच वर्चस्व आहे. पालघरमधील शेतकरी आणि कष्टकरी भूमिपुत्रांचा पैसा ठाण्याच्या राजकारणासाठी वापरला जात असल्याचा खळबळजनक आरोप प्रमोद पवार यांनी केला आहे. बँकेचे कार्यक्षेत्र बदललेले असताना, नवीन मतदार यादी आणि मतदारसंघांची पुनर्रचना न करताच निवडणूक घेतली जात आहे. मालमत्ता आणि दायित्वाचे वाटप होण्यापूर्वी निवडणूक घेणे म्हणजे पालघरच्या तिजोरीवर डल्ला मारण्यासारखे आहे. बँक विभाजनापूर्वीच घाईघाईने केली जाणारी नोकरभरती ही पालघरच्या सुशिक्षित बेरोजगारांच्या हक्कावर घाला घालणारी आहे. "विभाजन आधी - भरती नंतर" अशी भूमिका संघटनेने घेतली आहे. महाराष्ट्र सहकारी संस्था अधिनियम १९६० च्या मध्ये असलेल्या अधिकारांचा वापर करून बँकांचे विभाजन करणे अनिवार्य असताना सहकार विभागाने डोळे झाकून घेतल्याचा आरोप करण्यात आला आहे. या पत्राद्वारे प्रमोद पवार यांनी उच्च न्यायालयाला विनंती केली आहे की: १. बँकेची विद्यमान बेकायदेशीर निवडणूक प्रक्रिया तत्काळ रद्द करावी. २. सुरू असलेली संशयास्पद नोकरभरती थांबवण्यात यावी. ३. कलम ७७-अ अन्वये बँकेवर आय.ए.एस. (IAS) दर्जाच्या प्रशासकाची नियुक्ती करावी. एकीकडे मुख्यमंत्री, सहकार मंत्री आणि निबंधकांना दिलेल्या अल्टिमेटमनंतर आता थेट उच्च न्यायालयात धाव घेतल्याने प्रशासन हबकले आहे. जर तातडीने विभाजनाचा निर्णय झाला नाही, तर संपूर्ण पालघर जिल्ह्यात जनआंदोलन छेडण्याचा इशाराही संघटनेने दिला आहे. आता मुंबई उच्च न्यायालय या 'लेटर पिटिशन'ची दखल घेऊन पालघरला न्याय देणार का? याकडे संपूर्ण राज्याचे लक्ष लागले आहे. राज्याचे मुख्यमंत्री, सहकारमंत्री तसेच सर्व संबंधिताना याबाबत निवेदन देण्यात आले असून ठाणे पालघर जिल्हाधिकारी कार्यालयातही निवेदन देण्यात आले आहे. यावेळी आज अध्यक्ष प्रमोद पवार, कार्याध्यक्ष सुनील लोणे, सरचिटणीस स्वप्निल वाघ, जिल्हा संघटक महेश ठाकरे, पालघर तालुका अध्यक्ष विकास धोडी इत्यादी पदाधिकारी उपस्थित होते.

कार्रवाई: पार्षद जागृति पाटिल की सतर्कता के चलते भांडुप में नगर निगम की जमीन पर चल रहे एक गांजे के खेत को नष्ट कर दिया गया पश्चिम भांडुप के जमील नगर वाटर टैंक (बीएचआर) क्षेत्र में सुरक्षा का मुद्दा सामने आने के बाद, भाजपा पार्षद माननीय जागृति प्रतीक पाटिल ने आज एक बड़ा कदम उठाते हुए नशीले पदार्थों के तस्करों पर लगाम लगाई है। नगरपालिका के स्वामित्व वाले वन क्षेत्र में गांजा की खेती की सूचना मिलते ही उन्होंने पुलिस की मदद से इसे पूरी तरह नष्ट कर दिया। पिछले कुछ दिनों से जमील नगर की पहाड़ियों और जंगलों में जंगली सूअरों की आवाजाही में काफी वृद्धि हुई थी। इससे स्थानीय नागरिकों, विशेषकर महिलाओं और बच्चों की सुरक्षा को लेकर चिंताएं बढ़ गई थीं। इस संबंध में निरीक्षण करते हुए पार्षद जागृति पाटिल को पता चला कि कुछ उपद्रवी इस घने जंगल का फायदा उठाकर वहां गांजा उगा रहे हैं। घटना की गंभीरता को देखते हुए, कोई देरी नहीं की गई। उन्होंने बिना किसी देरी के भांडुप पुलिस स्टेशन के वरिष्ठ अधिकारी और उनकी टीम को बुलाया। वे स्वयं मौके पर पहुंचे और पुलिस को गांजे के पौधे दिखाए। पुलिस ने नगरपालिका की संपत्ति पर लगाए गए सभी मारिजुआना पौधों को उखाड़ दिया और उन्हें जब्त कर लिया। जंगल में बदमाशों द्वारा नशीले पदार्थों के सेवन के लिए बनाए गए ठिकानों (अड्डों) को ध्वस्त कर दिया गया। सचमुच, भाभी, आपका काम सराहनीय है।

सांगली जिल्ह्यात जमिनीच्या वादातून संजय भोकरे यांच्या हत्येचा कट रचण्यात आला होता. पोलिसांनी याची माहिती मिळताच, तात्काळ कारवाई करत फिल्मी स्टाईलने आरोपींना बेड्या ठोकल्या. या घटनेमुळे परिसरात खळबळ उडाली आहे.

पुण्यात वादळी वाऱ्यामुळे पुणे मेट्रोच्या बांधकामावरील पत्रे उडून गेली. सुदैवाने या घटनेत कोणतीही जीवितहानी झाली नाही, मात्र मेट्रोच्या भोंगळ कारभारावर प्रश्नचिन्ह निर्माण झाले आहे.

उल्हासनगर मध्यवर्ती रुग्णालयात भगवान लिंबोरे यांच्या मृत्यू प्रकरणी डॉक्टरांवर हलगर्जीपणाचा आरोप करण्यात आला आहे. गजानन लिंबोरे यांनी पत्रकार परिषद घेऊन मृताच्या पत्नी सौ. आशा भगवान लिंबोरे यांनी न्याय मिळावा अशी मागणी केली. या प्रकरणी शासनाने तातडीने लक्ष घालून दोषींवर कारवाई करण्याची मागणी प्रसारमाध्यमांद्वारे केली आहे.