मृत्यूला अपघाताचे रूप देत ५० लाखांचा विमा लाटण्याचा प्रयत्न; डॉक्टर-पोलीस कर्मचाऱ्यांसह दहा जणांवर गुन्हा मृत्यूला अपघाताचे रूप देत ५० लाखांचा विमा लाटण्याचा प्रयत्न; डॉक्टर-पोलीस कर्मचाऱ्यांसह दहा जणांवर गुन्हा . जळगाव जिल्ह्यातील चाळीसगाव तालुक्यातील मेहुणबारे येथे वर्षभरापूर्वी आजाराने मृत्यू झालेल्या व्यक्तीचा अपघाती मृत्यू दाखवून विमा रक्कम लाटण्याचा धक्कादायक प्रकार उघडकीस आला आहे. या प्रकरणात तब्बल ५० लाख रुपयांचा विमा मिळवण्याचा प्रयत्न करण्यात आला होता. या फसवणुकीचा पर्दाफाश झाल्यानंतर डॉक्टर, पोलीस कर्मचाऱ्यांसह दहा जणांविरुद्ध गुन्हा दाखल करण्यात आला आहे. मिळालेल्या माहितीनुसार, मालेगाव येथील राजेंद्र जाधव यांचा २३ फेब्रुवारी २०२४ रोजी लिव्हरच्या आजारामुळे मृत्यू झाला होता. मात्र त्यानंतर २०२५ मध्ये त्यांचा अपघातात मृत्यू झाल्याचा बनाव करण्यात आला. या बनावट कागदपत्रांच्या आधारे विमा कंपनीकडे ५० लाख रुपयांच्या विमा दाव्यासाठी अर्ज दाखल करण्यात आला होता. दरम्यान, एका कंपनीकडून दाव्याची पडताळणी करताना या प्रकरणातील संशयास्पद बाबी समोर आल्या. तपासादरम्यान वापरलेल्या फोटोवरील मृत्यूची तारीख आणि इतर कागदपत्रांमधील माहिती यात विसंगती आढळून आली. यामुळे संपूर्ण प्रकरण उघडकीस आले. तपासात या प्रकरणात काही डॉक्टर आणि पोलीस कर्मचाऱ्यांचा सहभाग असल्याचा संशय व्यक्त करण्यात आला असून या प्रकरणी एकूण दहा जणांविरोधात गुन्हा दाखल करण्यात आला आहे. याशिवाय या प्रकरणामागे चार ते पाच कोटी रुपयांच्या मोठ्या विमा घोटाळ्याचा संशयही व्यक्त केला जात आहे. या घटनेमुळे परिसरात खळबळ उडाली असून विमा दाव्यांमध्ये बनावट कागदपत्रांचा वापर करून मोठ्या प्रमाणावर फसवणूक होत असल्याचा मुद्दा पुन्हा एकदा चर्चेत आला आहे. दरम्यान, पोलिसांकडून या प्रकरणाचा पुढील तपास सुरू असून या घोटाळ्यात आणखी कोणाचा सहभाग आहे का, याचा शोध घेतला जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

1 day ago

मृत्यूला अपघाताचे रूप देत ५० लाखांचा विमा लाटण्याचा प्रयत्न; डॉक्टर-पोलीस कर्मचाऱ्यांसह दहा जणांवर गुन्हा मृत्यूला अपघाताचे रूप देत ५० लाखांचा विमा लाटण्याचा प्रयत्न; डॉक्टर-पोलीस कर्मचाऱ्यांसह दहा जणांवर गुन्हा . जळगाव जिल्ह्यातील चाळीसगाव तालुक्यातील मेहुणबारे येथे वर्षभरापूर्वी आजाराने मृत्यू झालेल्या व्यक्तीचा अपघाती मृत्यू दाखवून विमा रक्कम लाटण्याचा धक्कादायक प्रकार उघडकीस आला आहे. या प्रकरणात तब्बल ५० लाख रुपयांचा विमा मिळवण्याचा प्रयत्न करण्यात आला होता. या फसवणुकीचा पर्दाफाश झाल्यानंतर डॉक्टर, पोलीस कर्मचाऱ्यांसह दहा जणांविरुद्ध गुन्हा दाखल करण्यात आला आहे. मिळालेल्या माहितीनुसार, मालेगाव येथील राजेंद्र जाधव यांचा २३ फेब्रुवारी २०२४ रोजी लिव्हरच्या आजारामुळे मृत्यू झाला होता. मात्र त्यानंतर २०२५ मध्ये त्यांचा अपघातात मृत्यू झाल्याचा बनाव करण्यात आला. या बनावट कागदपत्रांच्या आधारे विमा कंपनीकडे ५० लाख रुपयांच्या विमा दाव्यासाठी अर्ज दाखल करण्यात आला होता. दरम्यान, एका कंपनीकडून दाव्याची पडताळणी करताना या प्रकरणातील संशयास्पद बाबी समोर आल्या. तपासादरम्यान वापरलेल्या फोटोवरील मृत्यूची तारीख आणि इतर कागदपत्रांमधील माहिती यात विसंगती आढळून आली. यामुळे संपूर्ण प्रकरण उघडकीस आले. तपासात या प्रकरणात काही डॉक्टर आणि पोलीस कर्मचाऱ्यांचा सहभाग असल्याचा संशय व्यक्त करण्यात आला असून या प्रकरणी एकूण दहा जणांविरोधात गुन्हा दाखल करण्यात आला आहे. याशिवाय या प्रकरणामागे चार ते पाच कोटी रुपयांच्या मोठ्या विमा घोटाळ्याचा संशयही व्यक्त केला जात आहे. या घटनेमुळे परिसरात खळबळ उडाली असून विमा दाव्यांमध्ये बनावट कागदपत्रांचा वापर करून मोठ्या प्रमाणावर फसवणूक होत असल्याचा मुद्दा पुन्हा एकदा चर्चेत आला आहे. दरम्यान, पोलिसांकडून या प्रकरणाचा पुढील तपास सुरू असून या घोटाळ्यात आणखी कोणाचा सहभाग आहे का, याचा शोध घेतला जात आहे.