श्री क्षेत्र बेलेश्वर संस्थान येथे महाशिवरात्र सोहळ्याची शांतीब्रम्ह तुकाराम भारती महाराजांच्या ‘काल्याच्या किर्तनाने’ भक्तिमय सांगता... ----------- (प्रतिनिधी):- बीड तालुक्यातील बेलगाव येथील श्री क्षेत्र बेलेश्वर संस्थान येथे महाशिवरात्र महोत्सवानिमित्त दिनांक ९ फेब्रुवारी पासून सुरू असलेल्या अखंड हरिनाम सप्ताह व ग्रंथराज ज्ञानेश्वरी पारायण सोहळ्याची आज सोमवार दिनांक १६ फेब्रुवारी रोजी भक्तिमय वातावरणात सांगता झाली. गुरुवर्य महंत मठाधिपती महादेव भारती महाराज व मठाधिपती शांतीब्रम्ह तुकाराम भारती महाराज यांच्या मार्गदर्शनाखाली हा सप्ताह पार पडला. सांगता प्रसंगी शांतीब्रम्ह तुकाराम भारती महाराज यांच्या सुश्राव्य अमृततुल्य दहिहंडी कार्यक्रम अर्थात ‘काल्याच्या किर्तनाने’ उपस्थित भाविक मंत्रमुग्ध झाले. या वेळी मोरेश्वर संस्थान कोळवाडीचे मठाधिपती हरिहर भारती महाराज, बबन महाराज मंझरीकर, भक्तिदास महाराज शिंदे ( बेलखंडी पाटोदा), रणजित महाराज शिंदे (नेकनुर) उपस्थित होते. किर्तनादरम्यान त्यांनी संत तुकाराम महाराज यांच्या अभंगातील — “तुझिये संगति! जाली आमुची निश्चिंत!, नाही देखिले ते मळे! भोग सुखाचे सोहळे!!, घरी ताकांचे सरोवर! येथे नवनीताचे पुर!!, तुका म्हणे आतां! आम्ही न वजो दवडितां!!” या अभंगाच्या माध्यमातून गोपाळ आणि भगवंतातील गोड संवादाचे रसाळ वर्णन केले. “भगवंताची संगत लाभल्यावर मन निश्चिंत होते. कोणती ही चिंता, अपेक्षा किंवा अपूर्णता उरत नाही. भोग आणि सोहळा यात फरक आहे; परंतु भगवंताच्या संगतीत सुखाचा केवळ भोग नव्हे, तर आनंदसोहळाच प्राप्त होतो,” असे ते म्हणाले. तसेच भगवान श्रीकृष्ण यांच्या बाललीलांपासून ते अवतारसमाप्तीपर्यंतच्या जीवन प्रवासावर प्रबोधन करत “हे विश्वच माझे घर” या तत्वज्ञानाचा गोड संदेश दिला. परमात्म्याचे नामस्मरण, समभाव आणि विश्वबंधुत्व हीच खरी भक्ती असल्याचे त्यांनी प्रतिपादन केले. अखंड हरिनाम सप्ताह कालावधीत विविध विषयांवर नामांकित किर्तनकारांनी समाजप्रबोधन केले. बबन महाराज मंझरीकर (हवेली), रामहरी महाराज वायबसे (सावरगाव सोने), रामायणाचार्य एकनाथ महाराज गाडे (चकलंबा), रामकृष्ण महाराज रंधवे बापू (पाटोदा), प्रेमानंद शास्त्री महाराज (वृंदावन धाम), भागवताचार्य शंकर महाराज चिंचकर (बीड) तसेच कृष्णा महाराज शास्त्री (हैनाही महाराज संस्थान, गुंदेफळ, बुलढाणा) यांनी किर्तनसेवा दिली. पंचक्रोशीतील विविध गावांतील मृदुंगाचार्य, वारकरी व भजनी मंडळांच्या सहभागातून हरिजागर व प्रवचनांचे भरगच्च कार्यक्रम पार पडले. महाशिवरात्र उत्सव कमिटी बेलगाव, बेलगाव तरुण मंडळ व विश्वस्त मंडळ यांच्या वतीने नियोजनबद्ध आयोजन करण्यात आले होते. किर्तनानंतर भाविकांनी महाप्रसादाचा लाभ घेतला. या कार्यक्रमास पंचक्रोशीतील भाविक भक्त मोठ्या संख्येने उपस्थित होते.

शेख महेशर ताहेर(पञकार)

बीड, बीड, महाराष्ट्र•

1 day ago

श्री क्षेत्र बेलेश्वर संस्थान येथे महाशिवरात्र सोहळ्याची शांतीब्रम्ह तुकाराम भारती महाराजांच्या ‘काल्याच्या किर्तनाने’ भक्तिमय सांगता... ----------- (प्रतिनिधी):- बीड तालुक्यातील बेलगाव येथील श्री क्षेत्र बेलेश्वर संस्थान येथे महाशिवरात्र महोत्सवानिमित्त दिनांक ९ फेब्रुवारी पासून सुरू असलेल्या अखंड हरिनाम सप्ताह व ग्रंथराज ज्ञानेश्वरी पारायण सोहळ्याची आज सोमवार दिनांक १६ फेब्रुवारी रोजी भक्तिमय वातावरणात सांगता झाली. गुरुवर्य महंत मठाधिपती महादेव भारती महाराज व मठाधिपती शांतीब्रम्ह तुकाराम भारती महाराज यांच्या मार्गदर्शनाखाली हा सप्ताह पार पडला. सांगता प्रसंगी शांतीब्रम्ह तुकाराम भारती महाराज यांच्या सुश्राव्य अमृततुल्य दहिहंडी कार्यक्रम अर्थात ‘काल्याच्या किर्तनाने’ उपस्थित भाविक मंत्रमुग्ध झाले. या वेळी मोरेश्वर संस्थान कोळवाडीचे मठाधिपती हरिहर भारती महाराज, बबन महाराज मंझरीकर, भक्तिदास महाराज शिंदे ( बेलखंडी पाटोदा), रणजित महाराज शिंदे (नेकनुर) उपस्थित होते. किर्तनादरम्यान त्यांनी संत तुकाराम महाराज यांच्या अभंगातील — “तुझिये संगति! जाली आमुची निश्चिंत!, नाही देखिले ते मळे! भोग सुखाचे सोहळे!!, घरी ताकांचे सरोवर! येथे नवनीताचे पुर!!, तुका म्हणे आतां! आम्ही न वजो दवडितां!!” या अभंगाच्या माध्यमातून गोपाळ आणि भगवंतातील गोड संवादाचे रसाळ वर्णन केले. “भगवंताची संगत लाभल्यावर मन निश्चिंत होते. कोणती ही चिंता, अपेक्षा किंवा अपूर्णता उरत नाही. भोग आणि सोहळा यात फरक आहे; परंतु भगवंताच्या संगतीत सुखाचा केवळ भोग नव्हे, तर आनंदसोहळाच प्राप्त होतो,” असे ते म्हणाले. तसेच भगवान श्रीकृष्ण यांच्या बाललीलांपासून ते अवतारसमाप्तीपर्यंतच्या जीवन प्रवासावर प्रबोधन करत “हे विश्वच माझे घर” या तत्वज्ञानाचा गोड संदेश दिला. परमात्म्याचे नामस्मरण, समभाव आणि विश्वबंधुत्व हीच खरी भक्ती असल्याचे त्यांनी प्रतिपादन केले. अखंड हरिनाम सप्ताह कालावधीत विविध विषयांवर नामांकित किर्तनकारांनी समाजप्रबोधन केले. बबन महाराज मंझरीकर (हवेली), रामहरी महाराज वायबसे (सावरगाव सोने), रामायणाचार्य एकनाथ महाराज गाडे (चकलंबा), रामकृष्ण महाराज रंधवे बापू (पाटोदा), प्रेमानंद शास्त्री महाराज (वृंदावन धाम), भागवताचार्य शंकर महाराज चिंचकर (बीड) तसेच कृष्णा महाराज शास्त्री (हैनाही महाराज संस्थान, गुंदेफळ, बुलढाणा) यांनी किर्तनसेवा दिली. पंचक्रोशीतील विविध गावांतील मृदुंगाचार्य, वारकरी व भजनी मंडळांच्या सहभागातून हरिजागर व प्रवचनांचे भरगच्च कार्यक्रम पार पडले. महाशिवरात्र उत्सव कमिटी बेलगाव, बेलगाव तरुण मंडळ व विश्वस्त मंडळ यांच्या वतीने नियोजनबद्ध आयोजन करण्यात आले होते. किर्तनानंतर भाविकांनी महाप्रसादाचा लाभ घेतला. या कार्यक्रमास पंचक्रोशीतील भाविक भक्त मोठ्या संख्येने उपस्थित होते.