105 कवींचे भव्य ‘सतेज काव्य संमेलन’ 11 एप्रिलला; पहिला सतेज कार्य गौरव पुरस्कार भूपाल शेटे यांना कोल्हापूर (प्रतिनिधी) : आमदार सतेज उर्फ बंटी डी. पाटील यांच्या वाढदिवसानिमित्त ‘सतेज काव्य मंच’च्या वतीने 105 कवींचे भव्य ‘सतेज काव्य संमेलन’ शनिवार, दि. 11 एप्रिल 2026 रोजी सकाळी 10.30 वाजता राजर्षी शाहू स्मारक भवन येथे आयोजित करण्यात आले आहे. या संमेलनाचे अध्यक्षस्थान कवी डॉ. वसंत भागवत भूषवणार आहेत. या वेळी ज्येष्ठ सामाजिक कार्यकर्ते व कोल्हापूर महानगरपालिकेचे माजी उपमहापौर भूपाल शेटे यांना पहिला ‘सतेज कार्य गौरव पुरस्कार’ प्रदान करण्यात येणार असल्याची माहिती ज्येष्ठ कामगार नेते व निमंत्रक सुरेश केसरकर यांनी पत्रकार परिषदेत दिली. महाराष्ट्रातील विविध भागांतून कवी सहभागी होणाऱ्या या संमेलनाचे उद्घाटन साहित्यिक व चित्रकार मिलिंद यादव यांच्या हस्ते होणार आहे. कार्यक्रमाला प्रकाशक व दिग्दर्शक अनिल म्हमाने तसेच सामाजिक कार्यकर्ते सचिन खराडे यांची प्रमुख उपस्थिती लाभणार आहे. आमदार सतेज पाटील यांच्या हस्ते पुरस्कार वितरण होणार असून रोख पाच हजार रुपये, पंचवीस हजार रुपयांची पुस्तके आणि सन्मानचिन्ह असे पुरस्काराचे स्वरूप आहे. भूपाल शेटे यांनी गेली 35 ते 40 वर्षे कुष्ठरोगी बांधवांची निस्वार्थ सेवा केली आहे. ते दरवर्षी स्वखर्चातून त्यांच्या मुलांना गणवेश व शैक्षणिक साहित्य वाटप करतात. वंचित आणि बहुजन घटकांसाठी त्यांनी केलेल्या कार्याची दखल घेत त्यांचा बाबा आमटे यांच्या हस्ते विशेष सत्कार करण्यात आला होता. या कार्यक्रमात डॉ. मिनल राजहंस आणि डॉ. वसंत भागवत संपादित ‘नव्या विचारांच्या नव्या कविता’ या कवितासंग्रहाचे प्रकाशनही होणार आहे. राज्यभरातील नामांकित कवी या संमेलनात सहभाग घेऊन आपल्या कविता सादर करणार आहेत. काव्य संमेलन व पुरस्कार वितरण समारंभास नागरिकांनी मोठ्या संख्येने उपस्थित राहावे, असे आवाहन अंतिमा कोल्हापूरकर यांनी केले आहे. पत्रकार परिषदेला अनिता काळे, भगवान माने, संभाजी थोरात, संजय सासने, दिनकर आडसूळ आदी उपस्थित होते.

E city news network

Local News Reporter करवीर, कोल्हापूर, महाराष्ट्र•

2 hrs ago

105 कवींचे भव्य ‘सतेज काव्य संमेलन’ 11 एप्रिलला; पहिला सतेज कार्य गौरव पुरस्कार भूपाल शेटे यांना कोल्हापूर (प्रतिनिधी) : आमदार सतेज उर्फ बंटी डी. पाटील यांच्या वाढदिवसानिमित्त ‘सतेज काव्य मंच’च्या वतीने 105 कवींचे भव्य ‘सतेज काव्य संमेलन’ शनिवार, दि. 11 एप्रिल 2026 रोजी सकाळी 10.30 वाजता राजर्षी शाहू स्मारक भवन येथे आयोजित करण्यात आले आहे. या संमेलनाचे अध्यक्षस्थान कवी डॉ. वसंत भागवत भूषवणार आहेत. या वेळी ज्येष्ठ सामाजिक कार्यकर्ते व कोल्हापूर महानगरपालिकेचे माजी उपमहापौर भूपाल शेटे यांना पहिला ‘सतेज कार्य गौरव पुरस्कार’ प्रदान करण्यात येणार असल्याची माहिती ज्येष्ठ कामगार नेते व निमंत्रक सुरेश केसरकर यांनी पत्रकार परिषदेत दिली. महाराष्ट्रातील विविध भागांतून कवी सहभागी होणाऱ्या या संमेलनाचे उद्घाटन साहित्यिक व चित्रकार मिलिंद यादव यांच्या हस्ते होणार आहे. कार्यक्रमाला प्रकाशक व दिग्दर्शक अनिल म्हमाने तसेच सामाजिक कार्यकर्ते सचिन खराडे यांची प्रमुख उपस्थिती लाभणार आहे. आमदार सतेज पाटील यांच्या हस्ते पुरस्कार वितरण होणार असून रोख पाच हजार रुपये, पंचवीस हजार रुपयांची पुस्तके आणि सन्मानचिन्ह असे पुरस्काराचे स्वरूप आहे. भूपाल शेटे यांनी गेली 35 ते 40 वर्षे कुष्ठरोगी बांधवांची निस्वार्थ सेवा केली आहे. ते दरवर्षी स्वखर्चातून त्यांच्या मुलांना गणवेश व शैक्षणिक साहित्य वाटप करतात. वंचित आणि बहुजन घटकांसाठी त्यांनी केलेल्या कार्याची दखल घेत त्यांचा बाबा आमटे यांच्या हस्ते विशेष सत्कार करण्यात आला होता. या कार्यक्रमात डॉ. मिनल राजहंस आणि डॉ. वसंत भागवत संपादित ‘नव्या विचारांच्या नव्या कविता’ या कवितासंग्रहाचे प्रकाशनही होणार आहे. राज्यभरातील नामांकित कवी या संमेलनात सहभाग घेऊन आपल्या कविता सादर करणार आहेत. काव्य संमेलन व पुरस्कार वितरण समारंभास नागरिकांनी मोठ्या संख्येने उपस्थित राहावे, असे आवाहन अंतिमा कोल्हापूरकर यांनी केले आहे. पत्रकार परिषदेला अनिता काळे, भगवान माने, संभाजी थोरात, संजय सासने, दिनकर आडसूळ आदी उपस्थित होते.