अकोला जिल्ह्यातील तेल्हारा तालुक्यातील हिंगणी बू. येथील रस्त्यावरील गतिरोधक अतिशय जीवघेणे ठरत आहेत. या गतिरोधकांमुळे येथे सातत्याने अपघात होत असून लोकांच्या जिवाचे मोठे नुकसान होत आहे. तब्बल सहा महिन्यांपूर्वी बेलखेड येथील एका महिलेचा येथे अपघात होऊन मृत्यू झाला होता, तर अवघ्या मागील १५ दिवसांत येथे ५ अपघात घडले आहेत. या घटनांमध्ये अनेकांचे हात-पाय मोडले असून नागरिकांच्या सुरक्षेचा प्रश्न ऐरणीवर आला आहे. या वारंवार होणाऱ्या अपघातांबाबत स्थानिक नागरिकांनी ग्रामपंचायत स्तरावर अनेकदा पाठपुरावा केला, परंतु प्रशासनाकडून कोणताही प्रतिसाद मिळालेला नाही. ग्रामपंचायत प्रशासनाच्या या निष्काळजीपणामुळे नागरिक अत्यंत संतप्त झाले असून, 'या अपघातांना जबाबदार कोण?' असा सवाल विचारत आहेत. आणखी किती लोकांचे जीव गेल्यावर प्रशासन कारवाई करणार, असा संतप्त प्रश्न विचारत नागरिकांनी आता थेट ग्रामपंचायतीवर सदोष मनुष्यवधाचा गुन्हा दाखल करण्याची मागणी केली आहे. या समस्येची तात्काळ दखल घेऊन योग्य कारवाई न केल्यास तीव्र आंदोलन उभे करण्याचा इशारा सर्व नागरिकांनी दिला आहे.

Ajay Lokhande

तेल्हारा, अकोला, महाराष्ट्र•

3 hrs ago

अकोला जिल्ह्यातील तेल्हारा तालुक्यातील हिंगणी बू. येथील रस्त्यावरील गतिरोधक अतिशय जीवघेणे ठरत आहेत. या गतिरोधकांमुळे येथे सातत्याने अपघात होत असून लोकांच्या जिवाचे मोठे नुकसान होत आहे. तब्बल सहा महिन्यांपूर्वी बेलखेड येथील एका महिलेचा येथे अपघात होऊन मृत्यू झाला होता, तर अवघ्या मागील १५ दिवसांत येथे ५ अपघात घडले आहेत. या घटनांमध्ये अनेकांचे हात-पाय मोडले असून नागरिकांच्या सुरक्षेचा प्रश्न ऐरणीवर आला आहे. या वारंवार होणाऱ्या अपघातांबाबत स्थानिक नागरिकांनी ग्रामपंचायत स्तरावर अनेकदा पाठपुरावा केला, परंतु प्रशासनाकडून कोणताही प्रतिसाद मिळालेला नाही. ग्रामपंचायत प्रशासनाच्या या निष्काळजीपणामुळे नागरिक अत्यंत संतप्त झाले असून, 'या अपघातांना जबाबदार कोण?' असा सवाल विचारत आहेत. आणखी किती लोकांचे जीव गेल्यावर प्रशासन कारवाई करणार, असा संतप्त प्रश्न विचारत नागरिकांनी आता थेट ग्रामपंचायतीवर सदोष मनुष्यवधाचा गुन्हा दाखल करण्याची मागणी केली आहे. या समस्येची तात्काळ दखल घेऊन योग्य कारवाई न केल्यास तीव्र आंदोलन उभे करण्याचा इशारा सर्व नागरिकांनी दिला आहे.