अमरावती ग्रामीणमधील कुऱ्हा पोलीस स्टेशन अंतर्गत पूर्ववैमनस्यातून दाखल केलेली तक्रार मागे न घेतल्याने एका १९ वर्षीय तरुणीवर पेट्रोल फेकून तिला जिवे मारण्याचा प्रयत्न केल्याची धक्कादायक घटना उघडकीस आली आहे. या प्रकरणी कुऱ्हा पोलिसांनी आरोपीविरुद्ध विनयभंग आणि जिवे मारण्याचा प्रयत्न केल्यासह विविध कलमांन्वये गुन्हा दाखल केला आहे. ही घटना ११ जुलै २०२६ रोजी दुपारी १२:१५ ते १२:२५ च्या दरम्यान घडली. पोलिसांनी दिलेल्या माहितीनुसार, प्रतीक विलास ताठे (वय २५, रा. महेंद्र कॉलनी, अमरावती) असे आरोपीचे नाव आहे. घटनेच्या वेळी पीडित तरुणी घरात कपडे धुवत असताना आरोपीने तिला घराबाहेर बोलावले आणि आधी दाखल केलेला गुन्हा (गु.र.नं. १३४/२०२६) मागे घेण्यास सांगितले. "तू माझ्याविरुद्ध दिलेली तक्रार मागे घे, मी तुझ्यासोबत लग्न करतो," असे आरोपी म्हणाला, मात्र तरुणीने लग्न करण्यास आणि केस मागे घेण्यास स्पष्ट नकार दिला. याचा राग येऊन आरोपी प्रतीकने तरुणीला जबरदस्तीने पकडले, ज्यामध्ये तिचे कपडे फाटले. यानंतर आरोपीने स्वतःजवळील पेट्रोलची बॉटल काढून ते पेट्रोल पीडित तरुणीच्या अंगावर फेकले आणि खिशातील माचिस काढली. या प्रकारामुळे घाबरलेल्या तरुणीने आरडाओरडा करण्यास सुरुवात केली असता तिचे शेजारी आणि चुलत भाऊ धावून आले. लोकांना येताना पाहून आरोपी घटनास्थळावरून पळून गेला. याप्रकरणी पीडित तरुणीच्या जबानीवरून कुऱ्हा पोलिसांनी आरोपीविरुद्ध विविध कलमांन्वये गुन्हा दाखल केला असून पोलीस पुढील तपास करत आहेत.

Santosh Waghmare

T. V. News Reporter Dhamangaon Railway, Amravati•

2 hrs ago

अमरावती ग्रामीणमधील कुऱ्हा पोलीस स्टेशन अंतर्गत पूर्ववैमनस्यातून दाखल केलेली तक्रार मागे न घेतल्याने एका १९ वर्षीय तरुणीवर पेट्रोल फेकून तिला जिवे मारण्याचा प्रयत्न केल्याची धक्कादायक घटना उघडकीस आली आहे. या प्रकरणी कुऱ्हा पोलिसांनी आरोपीविरुद्ध विनयभंग आणि जिवे मारण्याचा प्रयत्न केल्यासह विविध कलमांन्वये गुन्हा दाखल केला आहे. ही घटना ११ जुलै २०२६ रोजी दुपारी १२:१५ ते १२:२५ च्या दरम्यान घडली. पोलिसांनी दिलेल्या माहितीनुसार, प्रतीक विलास ताठे (वय २५, रा. महेंद्र कॉलनी, अमरावती) असे आरोपीचे नाव आहे. घटनेच्या वेळी पीडित तरुणी घरात कपडे धुवत असताना आरोपीने तिला घराबाहेर बोलावले आणि आधी दाखल केलेला गुन्हा (गु.र.नं. १३४/२०२६) मागे घेण्यास सांगितले. "तू माझ्याविरुद्ध दिलेली तक्रार मागे घे, मी तुझ्यासोबत लग्न करतो," असे आरोपी म्हणाला, मात्र तरुणीने लग्न करण्यास आणि केस मागे घेण्यास स्पष्ट नकार दिला. याचा राग येऊन आरोपी प्रतीकने तरुणीला जबरदस्तीने पकडले, ज्यामध्ये तिचे कपडे फाटले. यानंतर आरोपीने स्वतःजवळील पेट्रोलची बॉटल काढून ते पेट्रोल पीडित तरुणीच्या अंगावर फेकले आणि खिशातील माचिस काढली. या प्रकारामुळे घाबरलेल्या तरुणीने आरडाओरडा करण्यास सुरुवात केली असता तिचे शेजारी आणि चुलत भाऊ धावून आले. लोकांना येताना पाहून आरोपी घटनास्थळावरून पळून गेला. याप्रकरणी पीडित तरुणीच्या जबानीवरून कुऱ्हा पोलिसांनी आरोपीविरुद्ध विविध कलमांन्वये गुन्हा दाखल केला असून पोलीस पुढील तपास करत आहेत.