महाराष्ट्र-कर्नाटक सीमेवरील भीमा नदीच्या खोऱ्यात २९ मे २०२६ (शुक्रवार) रोजी एका जुन्या जमिनीच्या वादातून सहा जणांची निर्घृण हत्या करण्यात आल्याने संपूर्ण भीमा नदी परिसरात आणि सोलापूर-विजापूर सीमाभागात प्रचंड खळबळ उडाली आहे. हल्लेखोरांनी धारदार कोयत्यासह इतर शस्त्रांनी वार करत अनेकांचे गळे चिरले आणि गोळीबारही केला. ही धक्कादायक घटना कर्नाटकातील विजापूर (विजयपुरा) जिल्ह्यातील चडचण तालुक्यातील गोविंदपूर या गावात घडली. हे गाव महाराष्ट्र-कर्नाटक सीमेवर असून, सोलापूर आणि विजापूरला जोडणाऱ्या मार्गावर, भीमा नदीपासून केवळ २ किलोमीटर अंतरावर आहे. शुक्रवार, २९ मे रोजी दुपारी ३ ते ४ च्या सुमारास शेतात हा रक्तरंजित प्रकार घडला. मिळालेल्या माहितीनुसार, गावातील 'निराळे' आणि 'गोळगी' या दोन कुटुंबांमध्ये सुमारे २५ एकर शेतजमिनीवरून अनेक वर्षांपासून तीव्र वाद सुरू होता. निराळे कुटुंबाने ही जमीन खरेदी केली होती, ज्याला गोळगी कुटुंबाचा तीव्र विरोध होता. शुक्रवारी दुपारी निराळे कुटुंबातील सदस्य शेतात पेरणीपूर्व मशागतीची कामे करत असताना, गोळगी कुटुंबातील लोक हत्यारांसह तिथे पोहोचले. त्यांच्यात सुरुवातीला शाब्दिक वाद झाला आणि त्याचे रूपांतर भीषण हत्याकांडात झाले. या हल्ल्यात दुंडाप्पा निराळे (६५), शिवपुत्र निराळे (५८), चंदू निराळे (५५), राहुल निराळे (२५), समर्थ निराळे (२३) या निराळे कुटुंबातील पाच सदस्यांचा आणि शब्बीर नदाफ (४५ - मजूर) या एका मजुराचा जागीच मृत्यू झाला. अरविंद कटगे (७२) आणि संदीप माने (३३) हे दोघे गंभीर जखमी झाले असून, त्यांच्यावर जवळच्या रुग्णालयात उपचार सुरू आहेत. या घटनेनंतर गोविंदपूर आणि आसपासच्या भीमा नदीच्या पट्ट्यात भीती आणि तणावाचे वातावरण आहे. चडचण पोलीस ठाण्यात याप्रकरणी गुन्हा दाखल करण्यात आला असून, विजापूरचे पोलीस अधीक्षक (एसपी) लक्ष्मण निंबरगी यांच्या मार्गदर्शनाखाली पोलिसांनी आरोपींच्या अटकेसाठी पथके रवाना केली आहेत. या भागाला गुन्हेगारीचा जुना इतिहास असल्याने पोलिसांनी परिसरात चोख बंदोबस्त तैनात केला आहे.

Yogesh Gangarde

Advertising agency कर्जत, अहमदनगर, महाराष्ट्र•

11 hrs ago

महाराष्ट्र-कर्नाटक सीमेवरील भीमा नदीच्या खोऱ्यात २९ मे २०२६ (शुक्रवार) रोजी एका जुन्या जमिनीच्या वादातून सहा जणांची निर्घृण हत्या करण्यात आल्याने संपूर्ण भीमा नदी परिसरात आणि सोलापूर-विजापूर सीमाभागात प्रचंड खळबळ उडाली आहे. हल्लेखोरांनी धारदार कोयत्यासह इतर शस्त्रांनी वार करत अनेकांचे गळे चिरले आणि गोळीबारही केला. ही धक्कादायक घटना कर्नाटकातील विजापूर (विजयपुरा) जिल्ह्यातील चडचण तालुक्यातील गोविंदपूर या गावात घडली. हे गाव महाराष्ट्र-कर्नाटक सीमेवर असून, सोलापूर आणि विजापूरला जोडणाऱ्या मार्गावर, भीमा नदीपासून केवळ २ किलोमीटर अंतरावर आहे. शुक्रवार, २९ मे रोजी दुपारी ३ ते ४ च्या सुमारास शेतात हा रक्तरंजित प्रकार घडला. मिळालेल्या माहितीनुसार, गावातील 'निराळे' आणि 'गोळगी' या दोन कुटुंबांमध्ये सुमारे २५ एकर शेतजमिनीवरून अनेक वर्षांपासून तीव्र वाद सुरू होता. निराळे कुटुंबाने ही जमीन खरेदी केली होती, ज्याला गोळगी कुटुंबाचा तीव्र विरोध होता. शुक्रवारी दुपारी निराळे कुटुंबातील सदस्य शेतात पेरणीपूर्व मशागतीची कामे करत असताना, गोळगी कुटुंबातील लोक हत्यारांसह तिथे पोहोचले. त्यांच्यात सुरुवातीला शाब्दिक वाद झाला आणि त्याचे रूपांतर भीषण हत्याकांडात झाले. या हल्ल्यात दुंडाप्पा निराळे (६५), शिवपुत्र निराळे (५८), चंदू निराळे (५५), राहुल निराळे (२५), समर्थ निराळे (२३) या निराळे कुटुंबातील पाच सदस्यांचा आणि शब्बीर नदाफ (४५ - मजूर) या एका मजुराचा जागीच मृत्यू झाला. अरविंद कटगे (७२) आणि संदीप माने (३३) हे दोघे गंभीर जखमी झाले असून, त्यांच्यावर जवळच्या रुग्णालयात उपचार सुरू आहेत. या घटनेनंतर गोविंदपूर आणि आसपासच्या भीमा नदीच्या पट्ट्यात भीती आणि तणावाचे वातावरण आहे. चडचण पोलीस ठाण्यात याप्रकरणी गुन्हा दाखल करण्यात आला असून, विजापूरचे पोलीस अधीक्षक (एसपी) लक्ष्मण निंबरगी यांच्या मार्गदर्शनाखाली पोलिसांनी आरोपींच्या अटकेसाठी पथके रवाना केली आहेत. या भागाला गुन्हेगारीचा जुना इतिहास असल्याने पोलिसांनी परिसरात चोख बंदोबस्त तैनात केला आहे.