परभणीत ‘मिनी सरस’ विक्री प्रदर्शन व खाद्य महोत्सवाचा दिमाखात शुभारंभ; महिला बचत गटांना मिळणार हक्काची बाजारपेठ परभणी, (प्रतिनिधी) — ग्रामीण भागातील महिला स्वयंसहायता समूहांच्या उत्पादनांना बाजारपेठ उपलब्ध करून देण्यासाठी उमेद अभियान, जिल्हा परिषद परभणी आणि वसंतराव नाईक मराठवाडा कृषी विद्यापीठ यांच्या संयुक्त विद्यमाने आयोजित ‘जिल्हास्तरीय मिनी सरस विक्री प्रदर्शन व खाद्य महोत्सव’ दिमाखात सुरू झाला. या महोत्सवाचे उद्घाटन वनामकृवि चे कुलगुरू डॉ. इंद्र मणी आणि जिल्हा परिषदेच्या मुख्य कार्यकारी अधिकारी नतिशा माथुर यांच्या हस्ते फीत कापून करण्यात आले. यावेळी प्रकल्प संचालक डॉ. स्मिता पाटील, अतिरिक्त मुख्य कार्यकारी अधिकारी रश्मी खांडेकर, डॉ. राकेश अहिरे, डॉ. भगवान असेवार तसेच जिल्हा अभियान व्यवस्थापक दीपक दहे आदी मान्यवर उपस्थित होते. प्रदर्शनात जिल्ह्यातील विविध तालुक्यांतील महिला बचत गटांनी स्टॉल्स लावले असून, खाद्य महोत्सव विशेष आकर्षण ठरत आहे. यामध्ये मांडे, पुरणपोळी, दही धपाटे, हुर्डा पार्टी, भरड धान्यांपासून तयार पदार्थ, पाणीपुरी-चाट तसेच अस्सल मराठवाडी शाकाहारी व मांसाहारी जेवणाचा आस्वाद घेता येणार आहे. तसेच सेंद्रिय हळद, विविध डाळी, मसाले, लोणचे, पापड, काजू, बेदाणा, केळी चिप्स यांसारखी घरगुती उत्पादने उपलब्ध आहेत. शोभेच्या वस्तू, कापडी पिशव्या, लाकडी कोळपाट, खपली गहू यांचेही स्टॉल्स लावण्यात आले आहेत. याशिवाय कृषी विद्यापीठ, कृषी विभाग आणि स्टेट बँक ऑफ इंडिया यांच्या माहितीपर स्टॉल्सचेही आयोजन करण्यात आले आहे. महोत्सवाच्या दरम्यान दररोज सायंकाळी विविध सांस्कृतिक कार्यक्रमांची मेजवानी प्रेक्षकांना अनुभवता येणार आहे. हा महोत्सव 12 ते 17 मार्च 2026 दरम्यान शेतकरी भवन मैदान, काळीकमान (वनामकृवि), परभणी येथे सकाळी 10 ते रात्री 10 वाजेपर्यंत सुरू राहणार आहे. परभणीकरांनी आपल्या कुटुंबासह या महोत्सवाला भेट देऊन ग्रामीण महिलांच्या परिश्रमातून तयार झालेल्या उत्पादनांची खरेदी करून त्यांना आर्थिक पाठबळ द्यावे, असे आवाहन जिल्हा परिषदेच्या मुख्य कार्यकारी अधिकारी नतिशा माथुर आणि प्रकल्प संचालक डॉ. स्मिता पाटील यांनी केले. दरम्यान, हा महोत्सव यशस्वी करण्यासाठी जिल्हा व्यवस्थापक धनंजय भिसे, विठ्ठल मुळे, गजानन सोनावणे तसेच जिल्हा व तालुका पातळीवरील उमेद अभियानाची टीम परिश्रम घेत आहे.

Kapil Ashokrao Shinde

मानवत, परभणी, महाराष्ट्र•

on 13 March

परभणीत ‘मिनी सरस’ विक्री प्रदर्शन व खाद्य महोत्सवाचा दिमाखात शुभारंभ; महिला बचत गटांना मिळणार हक्काची बाजारपेठ परभणी, (प्रतिनिधी) — ग्रामीण भागातील महिला स्वयंसहायता समूहांच्या उत्पादनांना बाजारपेठ उपलब्ध करून देण्यासाठी उमेद अभियान, जिल्हा परिषद परभणी आणि वसंतराव नाईक मराठवाडा कृषी विद्यापीठ यांच्या संयुक्त विद्यमाने आयोजित ‘जिल्हास्तरीय मिनी सरस विक्री प्रदर्शन व खाद्य महोत्सव’ दिमाखात सुरू झाला. या महोत्सवाचे उद्घाटन वनामकृवि चे कुलगुरू डॉ. इंद्र मणी आणि जिल्हा परिषदेच्या मुख्य कार्यकारी अधिकारी नतिशा माथुर यांच्या हस्ते फीत कापून करण्यात आले. यावेळी प्रकल्प संचालक डॉ. स्मिता पाटील, अतिरिक्त मुख्य कार्यकारी अधिकारी रश्मी खांडेकर, डॉ. राकेश अहिरे, डॉ. भगवान असेवार तसेच जिल्हा अभियान व्यवस्थापक दीपक दहे आदी मान्यवर उपस्थित होते. प्रदर्शनात जिल्ह्यातील विविध तालुक्यांतील महिला बचत गटांनी स्टॉल्स लावले असून, खाद्य महोत्सव विशेष आकर्षण ठरत आहे. यामध्ये मांडे, पुरणपोळी, दही धपाटे, हुर्डा पार्टी, भरड धान्यांपासून तयार पदार्थ, पाणीपुरी-चाट तसेच अस्सल मराठवाडी शाकाहारी व मांसाहारी जेवणाचा आस्वाद घेता येणार आहे. तसेच सेंद्रिय हळद, विविध डाळी, मसाले, लोणचे, पापड, काजू, बेदाणा, केळी चिप्स यांसारखी घरगुती उत्पादने उपलब्ध आहेत. शोभेच्या वस्तू, कापडी पिशव्या, लाकडी कोळपाट, खपली गहू यांचेही स्टॉल्स लावण्यात आले आहेत. याशिवाय कृषी विद्यापीठ, कृषी विभाग आणि स्टेट बँक ऑफ इंडिया यांच्या माहितीपर स्टॉल्सचेही आयोजन करण्यात आले आहे. महोत्सवाच्या दरम्यान दररोज सायंकाळी विविध सांस्कृतिक कार्यक्रमांची मेजवानी प्रेक्षकांना अनुभवता येणार आहे. हा महोत्सव 12 ते 17 मार्च 2026 दरम्यान शेतकरी भवन मैदान, काळीकमान (वनामकृवि), परभणी येथे सकाळी 10 ते रात्री 10 वाजेपर्यंत सुरू राहणार आहे. परभणीकरांनी आपल्या कुटुंबासह या महोत्सवाला भेट देऊन ग्रामीण महिलांच्या परिश्रमातून तयार झालेल्या उत्पादनांची खरेदी करून त्यांना आर्थिक पाठबळ द्यावे, असे आवाहन जिल्हा परिषदेच्या मुख्य कार्यकारी अधिकारी नतिशा माथुर आणि प्रकल्प संचालक डॉ. स्मिता पाटील यांनी केले. दरम्यान, हा महोत्सव यशस्वी करण्यासाठी जिल्हा व्यवस्थापक धनंजय भिसे, विठ्ठल मुळे, गजानन सोनावणे तसेच जिल्हा व तालुका पातळीवरील उमेद अभियानाची टीम परिश्रम घेत आहे.