ଭିବି-ଜୀ-ରାମଜୀ ଯୋଜନା ବିଲ ପ୍ରତ୍ୟାହାର ଲାଗି କେନ୍ଦ୍ର ସରକାରଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରଞ୍ଜିଆ,୧୨/୩(ପାର୍ଥ ପ୍ରଶନ୍ନ ମିଶ୍ର): ଭିବି-ଜୀ-ରାମଜୀ ଯୋଜନା ବିଲ ପ୍ରତ୍ୟାହାର ଦାବିରେ ମନରେଗା ଓ ଅଣସ°ଗଠିତ ଶ୍ରମିକ ସଂଗଠନ ମୟୂରଭଞ୍ଜ, ଗାଁ ସାଥି ମେଟ ସଂଘ କ୍ରିୟାନୁଷ୍ଠାନ କମିଟି ମୟୂରଭଞ୍ଜ ପକ୍ଷରୁ କେନ୍ଦ୍ର ସରକାରଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଅବଗତି ମାଧ୍ୟମରେ ଅତିରିକ୍ତ ଉପଜିଲ୍ଲାପାଳ ପ୍ରକାଶ ଦାଶଙ୍କୁ ଏକ ଦାବିପତ୍ର କରଞ୍ଜିଆ ସ୍ଥିତ କାର୍ଯ୍ୟାଳୟ ଠାରେ ପ୍ରଦାନ କରାଯାଇଛି। ଗତ ଡ଼ିସେମ୍ବର ମାସରୁ ନୂତନ ଯୋଜନାରେ କାର୍ଯ୍ୟ କରିଥିବା ଶ୍ରମିକ ମାନେ ସେମାନଙ୍କ ଶ୍ରମର ପାଉଣା ପାଇ ନାହାଁନ୍ତି। ମୟୂରଭଞ୍ଜ ଜିଲ୍ଲାର ୨୬ ଗୋଟି ବ୍ଲକରେ ମନରେଗା ଜନଶୁଣାଣୀ ଶିବର ଠିକ୍ ଭାବରେ ହେଉନାହିଁ। ଉପଯୁକ୍ତ ଭାବେ ରୋଜଗାର ଦିବସ ପାଳନ ହେଉନାହିଁ, ସ୍ୱଚ୍ଛତା ଏବଂ ଉତ୍ତରଦାୟୀତ୍ୱ ରହୁନାହିଁ, ଭେଣ୍ଡର ଲାଇସେନ୍ସରେ କୋଟି କୋଟି ଟଙ୍କା ହରିଲୁଟ, ପ୍ରଧାନମନ୍ତ୍ରୀ ଆବାସ ଯୋଜନାରେ ୯୫ ଦିନର ମନରେଗା ମଜୁରୀ ଟଙ୍କା ଅନ୍ୟ ଲୋକଙ୍କ ଏକାଉଣ୍ଟରେ ଦିଆଯାଇ ହରିଲୁଟ,ବିନା ଯନ୍ତ୍ରୀଙ୍କ ଉପସ୍ଥିତିରେ ଜଙ୍ଗଲ ବିଭାଗ ପକ୍ଷରୁ ଗଛ ଲଗାଇ କୋଟି କୋଟି ଟଙ୍କା ହରିଲୁଟ, କୃଷି, ଉଦ୍ୟାନ କୃଷି, ମୃତ୍ତିକା ସଂରକ୍ଷଣ ଓ ଆଇଟିଡିଏ ବିଭାଗ ପକ୍ଷରୁ ମନରେଗା ଟଙ୍କା ଆତ୍ମସାତ ହେଉଛି। ତେଣୁ ଏହି ଅଞ୍ଚଳ ଲୋକେ ଦାଦନ ଖଟିବାକୁ ବାହାର ରାଜ୍ୟକୁ ଯିବାକୁ ବାଧ୍ୟ ହେଉଥିବା ଆଦି ସହିତ ୨୫ ଗୋଟି ଦାବି ସମ୍ବଳିତ ଏକ ଦାବିପତ୍ର ଏବଂ କେନ୍ଦ୍ର ସରକାର ଭିବି-ଜୀ-ରାମଜୀ ଯୋଜନା ବିଲ୍ ପ୍ରତ୍ୟାହାର କରି ସାର୍ବଜନୀନ ଅଧିକାର ଭିତ୍ତିକ ନିଯୁକ୍ତି ଗ୍ୟାରେଣ୍ଟି ଭାବରେ ମନରେଗା ଆଇନ ପୂର୍ବପରି ଲାଗୁ କରିବାକୁ ଦାବି କରାଯାଇଛି। ଏହି ଦାବିପତ୍ର ଶ୍ରମିକ ନେତା ଚନ୍ଦ୍ର କୁମାର ଶ୍ୟାମଳେନ୍ଦୁ ଦାସଙ୍କ ନେତୃତ୍ୱରେ ପ୍ରଦାନ କରାଯାଇଥିବାବେଳେ ବିଭୁତି ଭୁଷଣ ନାୟକ,ଶିବଜ୍ୟୋତି ମହାନ୍ତ, ଦିନବନ୍ଧୁ ସିଙ୍କୁ, ଫକିର ମୋହନ ନାୟକ, ଚିତ୍ତରଞ୍ଜନ ସେଠୀ,ମେଘରାଏ ମାରାଣ୍ଡି, ଯୋଗେନ୍ଦ୍ର ନାଥ ନାଏକ, ଗାୟତ୍ରୀ ନାଏକ, ଚାରୁଲତା ସୋରେନ୍,ଦ୍ରୌପଦୀ ନାୟକ,ଇନ୍ଦୁମତୀ ନାଏକ,ରେବତୀ ନାଏକ,କଳିଙ୍ଗା ଦେଇଙ୍କ ସମେତ ବହୁ ଶ୍ରମିକ ନେତା ଓ ମନରେଗା ଶ୍ରମିକ ଉପସ୍ଥିତ ରହିଥିଲେ।

Partha Prasanna Mishra

ସାମ୍ବାଦିକ Karanjia, Mayurbhanj•

on 12 March

ଭିବି-ଜୀ-ରାମଜୀ ଯୋଜନା ବିଲ ପ୍ରତ୍ୟାହାର ଲାଗି କେନ୍ଦ୍ର ସରକାରଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରଞ୍ଜିଆ,୧୨/୩(ପାର୍ଥ ପ୍ରଶନ୍ନ ମିଶ୍ର): ଭିବି-ଜୀ-ରାମଜୀ ଯୋଜନା ବିଲ ପ୍ରତ୍ୟାହାର ଦାବିରେ ମନରେଗା ଓ ଅଣସ°ଗଠିତ ଶ୍ରମିକ ସଂଗଠନ ମୟୂରଭଞ୍ଜ, ଗାଁ ସାଥି ମେଟ ସଂଘ କ୍ରିୟାନୁଷ୍ଠାନ କମିଟି ମୟୂରଭଞ୍ଜ ପକ୍ଷରୁ କେନ୍ଦ୍ର ସରକାରଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଅବଗତି ମାଧ୍ୟମରେ ଅତିରିକ୍ତ ଉପଜିଲ୍ଲାପାଳ ପ୍ରକାଶ ଦାଶଙ୍କୁ ଏକ ଦାବିପତ୍ର କରଞ୍ଜିଆ ସ୍ଥିତ କାର୍ଯ୍ୟାଳୟ ଠାରେ ପ୍ରଦାନ କରାଯାଇଛି। ଗତ ଡ଼ିସେମ୍ବର ମାସରୁ ନୂତନ ଯୋଜନାରେ କାର୍ଯ୍ୟ କରିଥିବା ଶ୍ରମିକ ମାନେ ସେମାନଙ୍କ ଶ୍ରମର ପାଉଣା ପାଇ ନାହାଁନ୍ତି। ମୟୂରଭଞ୍ଜ ଜିଲ୍ଲାର ୨୬ ଗୋଟି ବ୍ଲକରେ ମନରେଗା ଜନଶୁଣାଣୀ ଶିବର ଠିକ୍ ଭାବରେ ହେଉନାହିଁ। ଉପଯୁକ୍ତ ଭାବେ ରୋଜଗାର ଦିବସ ପାଳନ ହେଉନାହିଁ, ସ୍ୱଚ୍ଛତା ଏବଂ ଉତ୍ତରଦାୟୀତ୍ୱ ରହୁନାହିଁ, ଭେଣ୍ଡର ଲାଇସେନ୍ସରେ କୋଟି କୋଟି ଟଙ୍କା ହରିଲୁଟ, ପ୍ରଧାନମନ୍ତ୍ରୀ ଆବାସ ଯୋଜନାରେ ୯୫ ଦିନର ମନରେଗା ମଜୁରୀ ଟଙ୍କା ଅନ୍ୟ ଲୋକଙ୍କ ଏକାଉଣ୍ଟରେ ଦିଆଯାଇ ହରିଲୁଟ,ବିନା ଯନ୍ତ୍ରୀଙ୍କ ଉପସ୍ଥିତିରେ ଜଙ୍ଗଲ ବିଭାଗ ପକ୍ଷରୁ ଗଛ ଲଗାଇ କୋଟି କୋଟି ଟଙ୍କା ହରିଲୁଟ, କୃଷି, ଉଦ୍ୟାନ କୃଷି, ମୃତ୍ତିକା ସଂରକ୍ଷଣ ଓ ଆଇଟିଡିଏ ବିଭାଗ ପକ୍ଷରୁ ମନରେଗା ଟଙ୍କା ଆତ୍ମସାତ ହେଉଛି। ତେଣୁ ଏହି ଅଞ୍ଚଳ ଲୋକେ ଦାଦନ ଖଟିବାକୁ ବାହାର ରାଜ୍ୟକୁ ଯିବାକୁ ବାଧ୍ୟ ହେଉଥିବା ଆଦି ସହିତ ୨୫ ଗୋଟି ଦାବି ସମ୍ବଳିତ ଏକ ଦାବିପତ୍ର ଏବଂ କେନ୍ଦ୍ର ସରକାର ଭିବି-ଜୀ-ରାମଜୀ ଯୋଜନା ବିଲ୍ ପ୍ରତ୍ୟାହାର କରି ସାର୍ବଜନୀନ ଅଧିକାର ଭିତ୍ତିକ ନିଯୁକ୍ତି ଗ୍ୟାରେଣ୍ଟି ଭାବରେ ମନରେଗା ଆଇନ ପୂର୍ବପରି ଲାଗୁ କରିବାକୁ ଦାବି କରାଯାଇଛି। ଏହି ଦାବିପତ୍ର ଶ୍ରମିକ ନେତା ଚନ୍ଦ୍ର କୁମାର ଶ୍ୟାମଳେନ୍ଦୁ ଦାସଙ୍କ ନେତୃତ୍ୱରେ ପ୍ରଦାନ କରାଯାଇଥିବାବେଳେ ବିଭୁତି ଭୁଷଣ ନାୟକ,ଶିବଜ୍ୟୋତି ମହାନ୍ତ, ଦିନବନ୍ଧୁ ସିଙ୍କୁ, ଫକିର ମୋହନ ନାୟକ, ଚିତ୍ତରଞ୍ଜନ ସେଠୀ,ମେଘରାଏ ମାରାଣ୍ଡି, ଯୋଗେନ୍ଦ୍ର ନାଥ ନାଏକ, ଗାୟତ୍ରୀ ନାଏକ, ଚାରୁଲତା ସୋରେନ୍,ଦ୍ରୌପଦୀ ନାୟକ,ଇନ୍ଦୁମତୀ ନାଏକ,ରେବତୀ ନାଏକ,କଳିଙ୍ଗା ଦେଇଙ୍କ ସମେତ ବହୁ ଶ୍ରମିକ ନେତା ଓ ମନରେଗା ଶ୍ରମିକ ଉପସ୍ଥିତ ରହିଥିଲେ।