प्रत्येक मतदान केंद्रावर बीएलए नेमण्याचे जिल्हाधिकारी संजयसिंह चव्हाण यांचे राजकीय पक्षांना आवाहन परभणी (प्रतिनिधी) : भारत निवडणूक आयोगाच्या मार्गदर्शनानुसार देशातील 9 राज्ये आणि 3 केंद्रशासित प्रदेशांमध्ये मतदार याद्यांचा विशेष सखोल पुनरिक्षण (SIR) कार्यक्रम राबविण्यात येत असून, महाराष्ट्रातही एप्रिल 2026 मध्ये हा कार्यक्रम सुरू होण्याची शक्यता आहे. याच्या पार्श्वभूमीवर जिल्ह्यातील पूर्वतयारीची माहिती देण्यासाठी तसेच प्रत्येक मतदान केंद्रावर राजकीय पक्षांचे मतदान केंद्रस्तरीय प्रतिनिधी (बीएलए) नेमण्याबाबत मार्गदर्शन करण्यासाठी जिल्हाधिकारी कार्यालयात आज सर्व राजकीय पक्षांच्या प्रतिनिधींसह बैठक आयोजित करण्यात आली. बैठकीत जिल्हाधिकारी व जिल्हा निवडणूक अधिकारी संजयसिंह चव्हाण यांनी विशेष सखोल पुनरिक्षण अंतर्गत मतदार मॅपिंग प्रक्रियेची सविस्तर माहिती दिली. यामध्ये 2002 च्या अंतिम मतदार यादीतील मतदारांचे 2025 च्या मतदार यादीशी मॅपिंग, तसेच 2002 च्या यादीत नाव नसलेल्या मतदारांचे त्यांच्या आई-वडील अथवा आजी-आजोबा (Progeny Mapping) यांच्याशी नोंदी करून मॅपिंग करण्याबाबत मार्गदर्शन करण्यात आले. तसेच मतदान केंद्रांचे सुसूत्रीकरण करण्यासंबंधी सूचना देखील दिल्या. बैठकीत उपस्थित प्रतिनिधींनी SIR संदर्भातील शंका विचारल्या, ज्यांचे निरसन करण्यात आले. जिल्ह्यातील 1,623 मतदान केंद्रांवर राजकीय पक्षांचे बीएलए नेमणे आवश्यक असल्याचे सांगून, जिल्हाधिकारी श्री. चव्हाण यांनी तात्काळ बीएलए नेमणुका करण्याचे आवाहन केले. तसेच बीएलए यांच्या कार्याचे महत्त्व उपस्थितांना स्पष्ट केले. या बैठकीस उपजिल्हा निवडणूक अधिकारी अरुणा संगेवार यांच्यासह गजानन चिभडे (शिवसेना), ओंकार दुधाटे (भारतीय जनता पार्टी), रामराजे महाडीक (मार्क्सवादी कम्युनिस्ट पक्ष), शेख हुसेन (आम आदमी पार्टी), ॲड. इम्तीयाज खान (AIMIM), जाफर खान (बहुजन समाज पार्टी), नरेश यरेळकर व लखन पवार (शिवसेना उद्धव बाळासाहेब ठाकरे) आदी राजकीय पक्षांचे प्रतिनिधी उपस्थित होते.

Kapil Ashokrao Shinde

मानवत, परभणी, महाराष्ट्र•

3 hrs ago

प्रत्येक मतदान केंद्रावर बीएलए नेमण्याचे जिल्हाधिकारी संजयसिंह चव्हाण यांचे राजकीय पक्षांना आवाहन परभणी (प्रतिनिधी) : भारत निवडणूक आयोगाच्या मार्गदर्शनानुसार देशातील 9 राज्ये आणि 3 केंद्रशासित प्रदेशांमध्ये मतदार याद्यांचा विशेष सखोल पुनरिक्षण (SIR) कार्यक्रम राबविण्यात येत असून, महाराष्ट्रातही एप्रिल 2026 मध्ये हा कार्यक्रम सुरू होण्याची शक्यता आहे. याच्या पार्श्वभूमीवर जिल्ह्यातील पूर्वतयारीची माहिती देण्यासाठी तसेच प्रत्येक मतदान केंद्रावर राजकीय पक्षांचे मतदान केंद्रस्तरीय प्रतिनिधी (बीएलए) नेमण्याबाबत मार्गदर्शन करण्यासाठी जिल्हाधिकारी कार्यालयात आज सर्व राजकीय पक्षांच्या प्रतिनिधींसह बैठक आयोजित करण्यात आली. बैठकीत जिल्हाधिकारी व जिल्हा निवडणूक अधिकारी संजयसिंह चव्हाण यांनी विशेष सखोल पुनरिक्षण अंतर्गत मतदार मॅपिंग प्रक्रियेची सविस्तर माहिती दिली. यामध्ये 2002 च्या अंतिम मतदार यादीतील मतदारांचे 2025 च्या मतदार यादीशी मॅपिंग, तसेच 2002 च्या यादीत नाव नसलेल्या

मतदारांचे त्यांच्या आई-वडील अथवा आजी-आजोबा (Progeny Mapping) यांच्याशी नोंदी करून मॅपिंग करण्याबाबत मार्गदर्शन करण्यात आले. तसेच मतदान केंद्रांचे सुसूत्रीकरण करण्यासंबंधी सूचना देखील दिल्या. बैठकीत उपस्थित प्रतिनिधींनी SIR संदर्भातील शंका विचारल्या, ज्यांचे निरसन करण्यात आले. जिल्ह्यातील 1,623 मतदान केंद्रांवर राजकीय पक्षांचे बीएलए नेमणे आवश्यक असल्याचे सांगून, जिल्हाधिकारी श्री. चव्हाण यांनी तात्काळ बीएलए नेमणुका करण्याचे आवाहन केले. तसेच बीएलए यांच्या कार्याचे महत्त्व उपस्थितांना स्पष्ट केले. या बैठकीस उपजिल्हा निवडणूक अधिकारी अरुणा संगेवार यांच्यासह गजानन चिभडे (शिवसेना), ओंकार दुधाटे (भारतीय जनता पार्टी), रामराजे महाडीक (मार्क्सवादी कम्युनिस्ट पक्ष), शेख हुसेन (आम आदमी पार्टी), ॲड. इम्तीयाज खान (AIMIM), जाफर खान (बहुजन समाज पार्टी), नरेश यरेळकर व लखन पवार (शिवसेना उद्धव बाळासाहेब ठाकरे) आदी राजकीय पक्षांचे प्रतिनिधी उपस्थित होते.